Narayaniyam Dashaka 93
Vishnu · Traditional devotional text
బంధుస్నేహం విజహ్యాం తవ హి కరుణయా త్వయ్యుపావేశితాత్మా సర్వం త్యక్త్వా చరేయం సకలమపి జగద్వీక్ష్య మాయావిలాసమ్ । నానాత్వాద్భ్రాంతిజన్యాత్ సతి ఖలు గుణదోషావబోధే విధిర్వా వ్యాసేధో వా కథం తౌ త్వయి నిహితమతేర్వీతవైషమ్యబుద్ధేః ॥1॥
క్షుత్తృష్ణాలోపమాత్రే సతతకృతధియో జంతవః సంత్యనంతా- స్తేభ్యో విజ్ఞానవత్త్వాత్ పురుష ఇహ వరస్తజ్జనిర్దుర్లభైవ । తత్రాప్యాత్మాత్మనః స్యాత్సుహృదపి చ రిపుర్యస్త్వయి న్యస్తచేతా- స్తాపోచ్ఛిత్తేరుపాయం స్మరతి స హి సుహృత్ స్వాత్మవైరీ తతోఽన్యః ॥2॥
త్వత్కారుణ్యే ప్రవృత్తే క ఇవ నహి గురుర్లోకవృత్తేఽపి భూమన్ సర్వాక్రాంతాపి భూమిర్నహి చలతి తతస్సత్క్షమాం శిక్షయేయమ్ । గృహ్ణీయామీశ తత్తద్విషయపరిచయేఽప్యప్రసక్తిం సమీరాత్ వ్యాప్తత్వంచాత్మనో మే గగనగురువశాద్భాతు నిర్లేపతా చ ॥3
స్వచ్ఛః స్యాం పావనోఽహం మధుర ఉదకవద్వహ్నివన్మా స్మ గృహ్ణాం సర్వాన్నీనోఽపి దోషం తరుషు తమివ మాం సర్వభూతేష్వవేయామ్ । పుష్టిర్నష్టిః కలానాం శశిన ఇవ తనోర్నాత్మనోఽస్తీతి విద్యాం తోయాదివ్యస్తమార్తాండవదపి చ తనుష్వేకతాం త్వత్ప్రసాదాత్ ॥4॥
స్నేహాద్వ్యాధాత్తపుత్రప్రణయమృతకపోతాయితో మా స్మ భూవం ప్రాప్తం ప్రాశ్నన్ సహేయ క్షుధమపి శయువత్ సింధువత్స్యామగాధః । మా పప్తం యోషిదాదౌ శిఖిని శలభవత్ భృంగవత్సారభాగీ భూయాసం కింతు తద్వద్ధనచయనవశాన్మాహమీశ ప్రణేశమ్ ॥5॥
మా బద్ధ్యాసం తరుణ్యా గజ ఇవ వశయా నార్జయేయం ధనౌఘం హర్తాన్యస్తం హి మాధ్వీహర ఇవ మృగవన్మా ముహం గ్రామ్యగీతైః । నాత్యాసజ్జేయ భోజ్యే ఝష ఇవ బలిశే పింగలావన్నిరాశః సుప్యాం భర్తవ్యయోగాత్ కురర ఇవ విభో సామిషోఽన్యైర్న హన్యై ॥6॥
వర్తేయ త్యక్తమానః సుఖమతిశిశువన్నిస్సహాయశ్చరేయం కన్యాయా ఏకశేషో వలయ ఇవ విభో వర్జితాన్యోన్యఘోషః । త్వచ్చిత్తో నావబుధ్యై పరమిషుకృదివ క్ష్మాభృదాయానఘోషం గేహేష్వన్యప్రణీతేష్వహిరివ నివసాన్యుందురోర్మందిరేషు ॥7॥
త్వయ్యేవ త్వత్కృతం త్వం క్షపయసి జగదిత్యూర్ణనాభాత్ ప్రతీయాం త్వచ్చింతా త్వత్స్వరూపం కురుత ఇతి దృఢం శిక్షయే పేశకారాత్ । విడ్భస్మాత్మా చ దేహో భవతి గురువరో యో వివేకం విరక్తిం ధత్తే సంచింత్యమానో మమ తు బహురుజాపీడితోఽయం విశేషాత్ ॥8॥
హీ హీ మే దేహమోహం త్యజ పవనపురాధీశ యత్ప్రేమహేతో- ర్గేహే విత్తే కలత్రాదిషు చ వివశితాస్త్వత్పదం విస్మరంతి । సోఽయం వహ్నేశ్శునో వా పరమిహ పరతః సాంప్రతంచాక్షికర్ణ- త్వగ్జిహ్వాద్యా వికర్షంత్యవశమత ఇతః కోఽపి న త్వత్పదాబ్జే ॥9॥
దుర్వారో దేహమోహో యది పునరధునా తర్హి నిశ్శేషరోగాన్ హృత్వా భక్తిం ద్రఢిష్ఠాం కురు తవ పదపంకేరుహే పంకజాక్ష । నూనం నానాభవాంతే సమధిగతమముం ముక్తిదం విప్రదేహం క్షుద్రే హా హంత మా మా క్షిప విషయరసే పాహి మాం మారుతేశ ॥10॥
About Narayaniyam Dashaka 93
The ninety-third dashaka of the Narayaneeyam draws on the avadhuta's teaching in the Bhagavatam, book 11. Bhattathiri prays: by your grace, let me give up attachment to family, fix my mind on you, and wander seeing the whole world as the play of maya. He recalls the twenty-four teachers the avadhuta learned from in nature, such as the earth's patience, the air's freedom from attachment, the sky's all-pervading purity, and says that human birth, with its power of understanding, is rare and precious among the endless creatures that seek only food and drink. He ends praying, if attachment to the body still remains, for the Lord to remove his ailments and make his devotion firm.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- The avadhuta's twenty-four gurus, from the earth to the wasp, are told to King Yadu in the Bhagavatam, book 11, chapters 7 to 9.
- The dashaka teaches that every part of nature can be a teacher to a watchful mind.
Frequently asked questions
How many teachers did the avadhuta learn from?
Twenty-four, taken from nature.
Why is human birth precious, in this dashaka?
Because of its power of understanding.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts