MuhurtaNow

Rahu Ashtottara Sata Nama Stotram

Navagraha · Traditional devotional text

ಶೃಣು ನಾಮಾನಿ ರಾಹೋಶ್ಚ ಸೈಂಹಿಕೇಯೋ ವಿಧುಂತುದಃ । ಸುರಶತ್ರುಸ್ತಮಶ್ಚೈವ ಫಣೀ ಗಾರ್ಗ್ಯಾಯಣಸ್ತಥಾ ॥ 1 ॥

ಸುರಾಗುರ್ನೀಲಜೀಮೂತಸಂಕಾಶಶ್ಚ ಚತುರ್ಭುಜಃ । ಖಡ್ಗಖೇಟಕಧಾರೀ ಚ ವರದಾಯಕಹಸ್ತಕಃ ॥ 2 ॥

ಶೂಲಾಯುಧೋ ಮೇಘವರ್ಣಃ ಕೃಷ್ಣಧ್ವಜಪತಾಕವಾನ್ । ದಕ್ಷಿಣಾಶಾಮುಖರತಃ ತೀಕ್ಷ್ಣದಂಷ್ಟ್ರಧರಾಯ ಚ ॥ 3 ॥

ಶೂರ್ಪಾಕಾರಾಸನಸ್ಥಶ್ಚ ಗೋಮೇದಾಭರಣಪ್ರಿಯಃ । ಮಾಷಪ್ರಿಯಃ ಕಶ್ಯಪರ್ಷಿನಂದನೋ ಭುಜಗೇಶ್ವರಃ ॥ 4 ॥

ಉಲ್ಕಾಪಾತಜನಿಃ ಶೂಲೀ ನಿಧಿಪಃ ಕೃಷ್ಣಸರ್ಪರಾಟ್ । ವಿಷಜ್ವಲಾವೃತಾಸ್ಯೋಽರ್ಧಶರೀರೋ ಜಾದ್ಯಸಂಪ್ರದಃ ॥ 5 ॥

ರವೀಂದುಭೀಕರಶ್ಛಾಯಾಸ್ವರೂಪೀ ಕಠಿನಾಂಗಕಃ । ದ್ವಿಷಚ್ಚಕ್ರಚ್ಛೇದಕೋಽಥ ಕರಾಳಾಸ್ಯೋ ಭಯಂಕರಃ ॥ 6 ॥

ಕ್ರೂರಕರ್ಮಾ ತಮೋರೂಪಃ ಶ್ಯಾಮಾತ್ಮಾ ನೀಲಲೋಹಿತಃ । ಕಿರೀಟೀ ನೀಲವಸನಃ ಶನಿಸಾಮಂತವರ್ತ್ಮಗಃ ॥ 7 ॥

ಚಾಂಡಾಲವರ್ಣೋಽಥಾಶ್ವ್ಯರ್ಕ್ಷಭವೋ ಮೇಷಭವಸ್ತಥಾ । ಶನಿವತ್ಫಲದಃ ಶೂರೋಽಪಸವ್ಯಗತಿರೇವ ಚ ॥ 8 ॥

ಉಪರಾಗಕರಃ ಸೂರ್ಯಹಿಮಾಂಶುಚ್ಛವಿಹಾರಕಃ । ನೀಲಪುಷ್ಪವಿಹಾರಶ್ಚ ಗ್ರಹಶ್ರೇಷ್ಠೋಽಷ್ಟಮಗ್ರಹಃ ॥ 9 ॥

ಕಬಂಧಮಾತ್ರದೇಹಶ್ಚ ಯಾತುಧಾನಕುಲೋದ್ಭವಃ । ಗೋವಿಂದವರಪಾತ್ರಂ ಚ ದೇವಜಾತಿಪ್ರವಿಷ್ಟಕಃ ॥ 10 ॥

ಕ್ರೂರೋ ಘೋರಃ ಶನೇರ್ಮಿತ್ರಂ ಶುಕ್ರಮಿತ್ರಮಗೋಚರಃ । ಮಾನೇಗಂಗಾಸ್ನಾನದಾತಾ ಸ್ವಗೃಹೇಪ್ರಬಲಾಢ್ಯಕಃ ॥ 11 ॥

ಸದ್ಗೃಹೇಽನ್ಯಬಲಧೃಚ್ಚತುರ್ಥೇ ಮಾತೃನಾಶಕಃ । ಚಂದ್ರಯುಕ್ತೇ ತು ಚಂಡಾಲಜನ್ಮಸೂಚಕ ಏವ ತು ॥ 12 ॥

ಜನ್ಮಸಿಂಹೇ ರಾಜ್ಯದಾತಾ ಮಹಾಕಾಯಸ್ತಥೈವ ಚ । ಜನ್ಮಕರ್ತಾ ವಿಧುರಿಪು ಮತ್ತಕೋ ಜ್ಞಾನದಶ್ಚ ಸಃ ॥ 13 ॥

ಜನ್ಮಕನ್ಯಾರಾಜ್ಯದಾತಾ ಜನ್ಮಹಾನಿದ ಏವ ಚ । ನವಮೇ ಪಿತೃಹಂತಾ ಚ ಪಂಚಮೇ ಶೋಕದಾಯಕಃ ॥ 14 ॥

ದ್ಯೂನೇ ಕಳತ್ರಹಂತಾ ಚ ಸಪ್ತಮೇ ಕಲಹಪ್ರದಃ । ಷಷ್ಠೇ ತು ವಿತ್ತದಾತಾ ಚ ಚತುರ್ಥೇ ವೈರದಾಯಕಃ ॥ 15 ॥

ನವಮೇ ಪಾಪದಾತಾ ಚ ದಶಮೇ ಶೋಕದಾಯಕಃ । ಆದೌ ಯಶಃ ಪ್ರದಾತಾ ಚ ಅಂತೇ ವೈರಪ್ರದಾಯಕಃ ॥ 16 ॥

ಕಾಲಾತ್ಮಾ ಗೋಚರಾಚಾರೋ ಧನೇ ಚಾಸ್ಯ ಕಕುತ್ಪ್ರದಃ । ಪಂಚಮೇ ಧಿಷಣಾಶೃಂಗದಃ ಸ್ವರ್ಭಾನುರ್ಬಲೀ ತಥಾ ॥ 17 ॥

ಮಹಾಸೌಖ್ಯಪ್ರದಾಯೀ ಚ ಚಂದ್ರವೈರೀ ಚ ಶಾಶ್ವತಃ । ಸುರಶತ್ರುಃ ಪಾಪಗ್ರಹಃ ಶಾಂಭವಃ ಪೂಜ್ಯಕಸ್ತಥಾ ॥ 18 ॥

ಪಾಟೀರಪೂರಣಶ್ಚಾಥ ಪೈಠೀನಸಕುಲೋದ್ಭವಃ । ದೀರ್ಘಕೃಷ್ಣೋಽತನುರ್ವಿಷ್ಣುನೇತ್ರಾರಿರ್ದೇವದಾನವೌ ॥ 19 ॥

ಭಕ್ತರಕ್ಷೋ ರಾಹುಮೂರ್ತಿಃ ಸರ್ವಾಭೀಷ್ಟಫಲಪ್ರದಃ । ಏತದ್ರಾಹುಗ್ರಹಸ್ಯೋಕ್ತಂ ನಾಮ್ನಾಮಷ್ಟೋತ್ತರಂ ಶತಮ್ ॥ 20 ॥

ಶ್ರದ್ಧಯಾ ಯೋ ಜಪೇನ್ನಿತ್ಯಂ ಮುಚ್ಯತೇ ಸರ್ವಸಂಕಟಾತ್ । ಸರ್ವಸಂಪತ್ಕರಸ್ತಸ್ಯ ರಾಹುರಿಷ್ಟಪ್ರದಾಯಕಃ ॥ 21 ॥

ಇತಿ ಶ್ರೀ ರಾಹು ಅಷ್ಟೋತ್ತರಶತನಾಮ ಸ್ತೋತ್ರಮ್ ।

About Rahu Ashtottara Sata Nama Stotram

The Rahu Ashtottara Shatanama Stotram gives 108 names of Rahu, the north node of the Moon, in verse. It begins with names such as Saimhikeya (son of Simhika), Vidhuntuda (the one who torments the moon), Surashatru (enemy of the gods), Tamas (darkness) and Phani (the serpent), and describes him as dark as a rain cloud, four-armed, holding sword and shield and granting boons.

When to chant: On Saturdays, during Rahu dasha or transits, and in Navagraha worship.

Did you know?

  • Rahu is a shadow planet (chhaya graha): with Ketu he marks the points where eclipses happen.
  • In the Puranic story Rahu drank the nectar of immortality in disguise and was beheaded by Vishnu's discus; his head became Rahu and his body Ketu.

Frequently asked questions

Who is Rahu?

The north node of the Moon, a shadow planet in Vedic astrology.

What does "Saimhikeya" mean?

"Son of Simhika", a name of Rahu.

When is it recited?

During Rahu periods, on Saturdays, and in Navagraha worship.

Offered for worship and study, not as prediction. Non-commercial.