Sankshepa Ramayanam
Sri Rama · Traditional devotional text
shreemadvaalmeekeeya raamaayane baalakaandam । atha prathamassargah ।
tapassvaadhyaayaniratam tapasvee vaagvidaam varam । naaradam paripaprachchha vaalmeekirmunipungavam ॥ 1 ॥
ko'nvasminsaampratam loke gunavaan kashcha veeryavaan । dharmajnashcha kritajnashcha satyavaakyo dridhavratah ॥ 2 ॥
chaaritrena cha ko yuktah sarvabhooteshu ko hitah । vidvaan kah kah samarthashcha kashchaikapriyadarshanah ॥ 3 ॥
aatmavaan ko jitakrodho dyutimaan ko'nasooyakah । kasya bibhyati devaashcha jaataroshasya samyuge ॥ 4 ॥
etadichchaamyaham shrotum param kautoohalam hi me । maharshe tvam samartho'si jnaatumevamvidham naram ॥ 5 ॥
shrutvaa chaitattrilokajno vaalmeekernaarado vachah । shrooyataamiti chaamantrya prahrishto vaakyamabraveet ॥ 6 ॥
bahavo durlabhaashchaiva ye tvayaa keertitaa gunaah । mune vakshyaamyaham buddhvaa tairyuktah shrooyataam narah ॥ 7 ॥
ikshvaakuvamshaprabhavo raamo naama janaih shrutah । niyataatmaa mahaaveeryo dyutimaan dhritimaan vashee ॥ 8 ॥
buddhimaan neetimaan vaagmee shreemaan shatrunibarhanah । vipulaamso mahaabaahuh kambugreevo mahaahanuh ॥ 9 ॥
mahorasko maheshvaaso goodhajatrurarindamah । aajaanubaahuh sushiraah sulalaatah suvikramah ॥ 10 ॥
samah samavibhaktaangah snigdhavarnah prataapavaan । peenavakshaa vishaalaaksho lakshmeevaan shubhalakshanah ॥ 11 ॥
dharmajnah satyasandhashcha prajaanaam cha hite ratah । yashasvee jnaanasampannah shuchirvashyah samaadhimaan ॥ 12 ॥
prajaapatisamah shreemaan dhaataa ripunishoodanah । rakshitaa jeevalokasya dharmasya parirakshitaa ॥ 13 ॥
rakshitaa svasya dharmasya svajanasya cha rakshitaa । vedavedaangatattvajno dhanurvede cha nishthitah ॥ 14 ॥
sarvashaastraarthatattvajno smritimaanpratibhaanavaan । sarvalokapriyah saadhuradeenaatmaa vichakshanah ॥ 15 ॥
sarvadaabhigatah sadbhih samudra iva sindhubhih । aaryah sarvasamashchaiva sadaikapriyadarshanah ॥ 16 ॥
sa cha sarvagunopetah kausalyaanandavardhanah । samudra iva gaambheerye dhairyena himavaaniva ॥ 17 ॥
vishnunaa sadrisho veerye somavatpriyadarshanah । kaalaagnisadrishah krodhe kshamayaa prithiveesamah ॥ 18 ॥
dhanadena samastyaage satye dharma ivaaparah । tamevam gunasampannam raamam satyaparaakramam ॥ 19 ॥
jyeshtham shreshthagunairyuktam priyam dasharathah sutam । prakriteenaam hitairyuktam prakriti priya kaamyayaa ॥ 20 ॥
yauvaraajyena samyoktumaichchatpreetyaa maheepatih । tasyaabhishekasambhaaraan drishtvaa bhaaryaa'tha kaikayee ॥ 21 ॥
poorvam dattavaraa devee varamenamayaachata । vivaasanam cha raamasya bharatasyaabhishechanam ॥ 22 ॥
sa satyavachanaadraajaa dharmapaashena samyatah । vivaasayaamaasa sutam raamam dasharathah priyam ॥ 23 ॥
sa jagaama vanam veerah pratijnaamanupaalayan । piturvachananirdeshaatkaikeyyaah priyakaaranaat ॥ 24 ॥
tam vrajantam priyo bhraataa lakshmano'nujagaama ha । snehaadvinayasampannah sumitraanandavardhanah ॥ 25 ॥
bhraataram dayito bhraatuh saubhraatramanudarshayan । raamasya dayitaa bhaaryaa nityam praanasamaahitaa ॥ 26 ॥
janakasya kule jaataa devamaayeva nirmitaa । sarvalakshanasampannaa naareenaamuttamaa vadhooh ॥ 27 ॥
seetaa'pyanugataa raamam shashinam rohinee yathaa । paurairanugato dooram pitraa dasharathena cha ॥ 28 ॥
shringiberapure sootam gangaakoole vyasarjayat । guhamaasaadya dharmaatmaa nishaadaadhipatim priyam ॥ 29 ॥
guhena sahito raamah lakshmanena cha seetayaa । te vanena vanam gatvaa nadeesteertvaa bahoodakaah ॥ 30 ॥
chitrakootamanupraapya bharadvaajasya shaasanaat । ramyamaavasatham kritvaa ramamaanaa vane trayah ॥ 31 ॥
devagandharvasankaashaastatra te nyavasansukham । chitrakootam gate raame putrashokaaturastathaa ॥ 32 ॥
raajaa dasharathah svargam jagaama vilapansutam । mrite tu tasminbharato vasishthapramukhairdvijaih ॥ 33 ॥
niyujyamaano raajyaaya naichchadraajyam mahaabalah । sa jagaama vanam veero raamapaadaprasaadakah ॥ 34 ॥
gatvaa tu sa mahaatmaanam raamam satyaparaakramam । ayaachadbhraataram raamam aaryabhaavapuraskritah ॥ 35 ॥
tvameva raajaa dharmajna iti raamam vacho'braveet । raamo'pi paramodaarah sumukhassumahaayashaah ॥ 36 ॥
na chaichchatpituraadeshaadraajyam raamo mahaabalah । paaduke chaasya raajyaaya nyaasam dattvaa punah punah ॥ 37 ॥
nivartayaamaasa tato bharatam bharataagrajah । sa kaamamanavaapyaiva raamapaadaavupasprishan ॥ 38 ॥
nandigraame'karodraajyam raamaagamanakaankshayaa । gate tu bharate shreemaan satyasandho jitendriyah ॥ 39 ॥
raamastu punaraalakshya naagarasya janasya cha । tatraagamanamekaagro dandakaanpravivesha ha ॥ 40 ॥
pravishya tu mahaaranyam raamo raajeevalochanah । viraadham raakshasam hatvaa sharabhangam dadarsha ha ॥ 41 ॥
suteekshnam chaapyagastyam cha agastyabhraataram tathaa । agastyavachanaachchaiva jagraahaindram sharaasanam ॥ 42 ॥
khadgam cha paramapreetastoonee chaakshayasaayakau । vasatastasya raamasya vane vanacharaih saha ॥ 43 ॥
rishayo'bhyaagamansarve vadhaayaasurarakshasaam । sa teshaam pratishushraava raakshasaanaam tathaa vane ॥ 44 ॥
pratijnaatashcha raamena vadhah samyati rakshasaam । risheenaamagnikalpaanaam dandakaaranyavaasinaam ॥ 45 ॥
tena tatraiva vasataa janasthaananivaasinee । viroopitaa shoorpanakhaa raakshasee kaamaroopinee ॥ 46 ॥
tatah shoorpanakhaavaakyaadudyuktaansarvaraakshasaan । kharam trishirasam chaiva dooshanam chaiva raakshasam ॥ 47 ॥
nijaghaana rane raamasteshaam chaiva padaanugaan । vane tasminnivasataa janasthaananivaasinaam ॥ 48 ॥
rakshasaam nihataanyaasansahasraani chaturdasha । tato jnaativadham shrutvaa raavanah krodhamoorchitah ॥ 49 ॥
sahaayam varayaamaasa maareecham naama raakshasam । vaaryamaanah subahusho maareechena sa raavanah ॥ 50 ॥
na virodho balavataa kshamo raavana tena te । anaadritya tu tadvaakyam raavanah kaalachoditah ॥ 51 ॥
jagaama sahamaareechah tasyaashramapadam tadaa । tena maayaavinaa dooramapavaahya nripaatmajau ॥ 52 ॥
jahaara bhaaryaam raamasya gridhram hatvaa jataayusham । gridhram cha nihatam drishtvaa hritaam shrutvaa cha maithileem ॥ 53 ॥
raaghavah shokasantapto vilalaapaakulendriyah । tatastenaiva shokena gridhram dagdhvaa jataayusham ॥ 54 ॥
maargamaano vane seetaam raakshasam sandadarsha ha । kabandham naama roopena vikritam ghoradarshanam ॥ 55 ॥
tam nihatya mahaabaahuh dadaaha svargatashcha sah । sa chaasya kathayaamaasa shabareem dharmachaarineem ॥ 56 ॥
shramaneem dharmanipunaamabhigachcheti raaghavam । so'bhyagachchanmahaatejaah shabareem shatrusoodanah ॥ 57 ॥
shabaryaa poojitah samyagraamo dasharathaatmajah । pampaateere hanumataa sangato vaanarena ha ॥ 58 ॥
hanumadvachanaachchaiva sugreevena samaagatah । sugreevaaya cha tatsarvam shamsadraamo mahaabalah ॥ 59 ॥
aaditastadyathaavrittam seetayaashcha visheshatah । sugreevashchaapi tatsarvam shrutvaa raamasya vaanarah ॥ 60 ॥
chakaara sakhyam raamena preetashchaivaagnisaakshikam । tato vaanararaajena vairaanukathanam prati ॥ 61 ॥
raamaayaaveditam sarvam pranayaadduhkhitena cha । pratijnaatam cha raamena tadaa vaalivadham prati ॥ 62 ॥
vaalinashcha balam tatra kathayaamaasa vaanarah । sugreevah shankitashchaaseennityam veeryena raaghave ॥ 63 ॥
raaghavah pratyayaartham tu dundubheh kaayamuttamam । darshayaamaasa sugreevo mahaaparvata sannibham ॥ 64 ॥
utsmayitvaa mahaabaahuh prekshya chaasthi mahaabalah । paadaangushthena chikshepa sampoornam dashayojanam ॥ 65 ॥
bibheda cha punah saalaansaptaikena maheshunaa । girim rasaatalam chaiva janayan pratyayam tadaa ॥ 66 ॥
tatah preetamanaastena vishvastah sa mahaakapih । kishkindhaam raamasahito jagaama cha guhaam tadaa ॥ 67 ॥
tato'garjaddharivarah sugreevo hemapingalah । tena naadena mahataa nirjagaama hareeshvarah ॥ 68 ॥
anumaanya tadaa taaraam sugreevena samaagatah । nijaghaana cha tatrainam sharenaikena raaghavah ॥ 69 ॥
tatah sugreevavachanaaddhatvaa vaalinamaahave । sugreevameva tadraajye raaghavah pratyapaadayat ॥ 70 ॥
sa cha sarvaansamaaneeya vaanaraanvaanararshabhah । dishah prasthaapayaamaasa didrikshurjanakaatmajaam ॥ 71 ॥
tato gridhrasya vachanaatsampaaterhanumaanbalee । shatayojanavisteernam pupluve lavanaarnavam ॥ 72 ॥
tatra lankaam samaasaadya pureem raavanapaalitaam । dadarsha seetaam dhyaayanteem ashokavanikaam gataam ॥ 73 ॥
nivedayitvaa'bhijnaanam pravrittim cha nivedya cha । samaashvaasya cha vaideheem mardayaamaasa toranam ॥ 74 ॥
pancha senaagragaanhatvaa sapta mantrisutaanapi । shooramaksham cha nishpishya grahanam samupaagamat ॥ 75 ॥
astrenonmuktamaatmaanam jnaatvaa paitaamahaadvaraat । marshayanraakshasaanveero yantrinastaanyadrichchayaa ॥ 76 ॥
tato dagdhvaa pureem lankaam rite seetaam cha maithileem । raamaaya priyamaakhyaatum punaraayaanmahaakapih ॥ 77 ॥
so'bhigamya mahaatmaanam kritvaa raamam pradakshinam । nyavedayadameyaatmaa drishtaa seeteti tattvatah ॥ 78 ॥
tatah sugreevasahito gatvaa teeram mahodadheh । samudram kshobhayaamaasa sharairaadityasannibhaih ॥ 79 ॥
darshayaamaasa chaatmaanam samudrah saritaam patih । samudravachanaachchaiva nalam setumakaarayat ॥ 80 ॥
tena gatvaa pureem lankaam hatvaa raavanamaahave । raamah seetaamanupraapya paraam vreedaamupaagamat ॥ 81 ॥
taamuvaacha
tato raamah parusham janasamsadi । amrishyamaanaa saa seetaa vivesha jvalanam satee ॥ 82
tato'gnivachanaatseetaam jnaatvaa vigatakalmashaam । babhau raamah samprahrishtah poojitah sarvadaivataih ॥ 83 ॥
karmanaa tena mahataa trailokyam sacharaacharam । sadevarshiganam tushtam raaghavasya mahaatmanah ॥ 84 ॥
abhishichya cha lankaayaam raakshasendram vibheeshanam । kritakrityastadaa raamo vijvarah pramumoda ha ॥ 85 ॥
devataabhyo varam praapya samutthaapya cha vaanaraan । ayodhyaam prasthito raamah pushpakena suhridvritah ॥ 86 ॥
bharadvaajaashramam gatvaa raamah satyaparaakramah । bharatasyaantikam raamo hanoomantam vyasarjayat ॥ 87 ॥
punaraakhyaayikaam jalpansugreevasahitashcha sah । pushpakam tatsamaaruhya nandigraamam yayau tadaa ॥ 88 ॥
nandigraame jataam hitvaa bhraatribhih sahito'naghah । raamah seetaamanupraapya raajyam punaravaaptavaan ॥ 89 ॥
prahrishtamudito lokastushtah pushtah sudhaarmikah । niraamayo hyarogashcha durbhiksha bhayavarjitah ॥ 90 ॥
na putramaranam kinchiddrakshyanti purushaah kvachit । naaryashchaavidhavaa nityam bhavishyanti pativrataah ॥ 91 ॥
na chaagnijam bhayam kinchinnaapsu majjanti jantavah । na vaatajam bhayam kinchinnaapi jvarakritam tathaa ॥ 92 ॥
na chaapi kshudbhayam tatra na taskarabhayam tathaa । nagaraani cha raashtraani dhanadhaanyayutaani cha ॥ 93 ॥
nityam pramuditaah sarve yathaa kritayuge tathaa । ashvamedhashatairishtvaa tathaa bahusuvarnakaih ॥ 94 ॥
gavaam kotyayutam datvaa brahmalokam prayaasyati । asankhyeyam dhanam datvaa braahmanebhyo mahaayashaah ॥ 95 ॥
raajavamshaan shatagunaan sthaapayishyati raaghavah । chaaturvarnyam cha loke'smin sve sve dharme niyokshyati ॥ 96 ॥
dashavarshasahasraani dashavarshashataani cha । raamo raajyamupaasitvaa brahmalokam gamishyati ॥ 97 ॥
idam pavitram paapaghnam punyam vedaishcha sammitam । yah pathedraamacharitam sarvapaapaih pramuchyate ॥ 98 ॥
etadaakhyaanamaayushyam pathanraamaayanam narah । saputrapautrah saganah pretya svarge maheeyate ॥ 99 ॥
pathan dvijo vaagrishabhatvameeyaat syaat kshatriyo bhoomipatitvameeyaat । vanigjanah panyaphalatvameeyaat janashcha shoodro'pi mahattvameeyaat ॥ 100 ॥
ityaarshe shreemadraamaayane vaalmeekeeye aadikaavye baalakaande naaradavaakyam naama prathamah sargah ॥
About Sankshepa Ramayanam
The Sankshepa Ramayanam, "the Ramayana in brief", is the first chapter (sarga) of the Bala Kanda of Valmiki's Ramayana. The sage Valmiki asks Narada whether there is anyone in the world who is virtuous, mighty, righteous, grateful, truthful and firm in his vows; Narada answers that there is such a man, Rama of the Ikshvaku line, and then tells the whole story of the Ramayana in about a hundred verses, from Rama's virtues and exile to the slaying of Ravana and his rule in Ayodhya.
Source: Valmiki Ramayana, Bala Kanda, sarga 1
When to chant: As a short form of Ramayana parayana, on Sri Rama Navami, and at the start of a full Ramayana reading.
Did you know?
- It is called "Narada vakya", the words of Narada, in its colophon.
- Its first verse, "Tapah svadhyaya niratam", opens the Ramayana, the "first poem" (adi kavya) of Sanskrit.
- Reading this chapter is traditionally said to give the merit of reading the whole Ramayana.
Frequently asked questions
What is the Sankshepa Ramayanam?
The whole Ramayana told briefly by Narada, in the first sarga of Valmiki's epic.
What question does Valmiki ask?
Whether there is a person in the world with every virtue.
Whom does Narada name?
Rama of the Ikshvaku line.
Offered for worship and study, not as prediction. Non-commercial.
More devotional texts