MuhurtaNow

Shiva Panchayatana Shodasa Upachara Puja

Shiva · Traditional devotional text

poorvaanga poojaa shuchih apavitrah pavitro vaa sarvaavasthaa-ngato-'pi vaa । ya-ssmare-tpundareekaaksham sa baahyaabhyantara-shshuchih ॥ pundareekaaksha pundareekaaksha pundareekaakshaaya namah ॥

praarthanaa shuklaambaradharam vishnum shashivarna-nchaturbhujam । prasannavadana-ndhyaaye-thsarvavighnopashaantaye ॥ agajaanana padmaarka-ngajaananamaharnisham । anekada-nta-mbhaktaanaam ekadantamupaasmahe ॥

de̠veem vaacha̍majanayanta de̠vaastaam vi̠shvaroo̍paah pa̠shavo̍ vadanti । saa no̍ ma̠ndresha̠moorja̠-nduhaa̍naa dhe̠nurvaaga̠smaanupa̠ sushtu̠taitu̍ ॥

ya-shshivo naama roopaabhyaam yaa devee sarvamangalaa । tayo-ssamsmaranaannityam sarvadaa jaya mangalam ॥

tadeva lagnam sudina-ntadeva taaraabala-nchandrabala-ntadeva । vidyaabala-ndaivabala-ntadeva lakshmeepate te-'nghriyugam smaraami ॥

gururbrahmaa gururvishnuh gururdevo maheshvarah । guru-ssaakshaa-tparabrahma tasmai shreegurave namah ॥

laabhasteshaa-njayasteshaa-nkutasteshaa-mparaabhavah । eshaamindeevarashyaamo hridayastho janaardanah ॥

sarvamangala mangalye shive sarvaarthasaadhike । sharanye tryambake gauree naaraayani namo-'stu te ॥

shreelakshmeenaaraayanaabhyaa-nnamah । umaamaheshvaraabhyaa-nnamah । vaaneehiranyagarbhaabhyaa-nnamah । shacheepurandaraabhyaa-nnamah । arundhateevasishthaabhyaa-nnamah । shreeseetaaraamaabhyaa-nnamah । maataapitribhyo namah । sarvebhyo mahaajanebhyo namah ।

karpoora gaura-nkarunaavataaram samsaarasaara-mbhujagendra haaram । sadaa ramantam hridayaaravinde bhava-mbhavaanee sahita-nnamaami ॥

vaagarthaaviva sampriktau vaagartha pratipattaye । jagatah pitarau vande paarvatee parameshvarau ॥

vande mahesham surasiddhasevitam devaanganaa geeta sunritya tushtam । paryankagam shailasutaasametam kalpadrumaaranyagata-mprasannam ॥

aapaataala-nabhassthalaanta-bhuvana-brahmaanda-maavisphurat- jyoti-ssphaatika-linga-mauli-vilasat-poornendu-vaantaamritaih । astokaapluta-meka-meesha-manisham rudraanu-vaakaanjapan dhyaaye-deepsita-siddhaye dhruvapadam vipro-'bhishinche-chchivam ॥

brahmaanda vyaaptadehaa bhasita himaruchaa bhaasamaanaa bhujangaih kanthe kaalaah kapardaah kalita-shashikalaa-shchanda kodanda hastaah । tryakshaa rudraakshamaalaah prakatitavibhavaa-shshaambhavaa moortibhedaah rudraa-shshreerudrasookta-prakatitavibhavaa nah prayachchantu saukhyam ॥

deepaaraadhanam deepastva-mbrahmaroopo-'si jyotishaa-mprabhuravyayah । saubhaagya-ndehi putraamshcha sarvaankaamaamshcha dehi me ॥ bho deepa devi roopastva-nkarmasaakshee hyavighnakrit । yaavatpoojaa-nkarishyaami taavattvam susthiro bhava ॥ deepaaraadhana muhoorta-ssumuhoorto-'stu ॥ poojaarthe haridraa kunkuma vilepana-nkarishye ॥

aachamya o-nkeshavaaya svaahaa । o-nnaaraayanaaya svaahaa । o-mmaadhavaaya svaahaa । o-ngovindaaya namah । om vishnave namah । o-mmadhusoodanaaya namah । o-ntrivikramaaya namah । om vaamanaaya namah । om shreedharaaya namah । om hrisheekeshaaya namah । o-mpadmanaabhaaya namah । o-ndaamodaraaya namah । om sankarshanaaya namah । om vaasudevaaya namah । o-mpradyumnaaya namah । om aniruddhaaya namah । o-mpurushottamaaya namah । om adhokshajaaya namah । o-nnaarasimhaaya namah । om achyutaaya namah । o-njanaardanaaya namah । om upendraaya namah । om haraye namah । om shreekrishnaaya namah ।

bhootochchaatanam uttishthantu bhootapishaachaah ya ete bhoomi bhaarakaah । eteshaamavirodhena brahmakarma samaarabhe ॥ apasarpantu te bhootaa ye bhootaa bhoomisamsthitaah । ye bhootaa vighnakartaaraste gachchhantu shivaa-'jnayaa ॥

praanaayaamam o-mbhooh o-mbhuva̍h ogm suva̍h o-mmaha̍h o-njana̍h o-ntapa̍h ogm satyam । o-ntatsa̍vi̠turvare̎nya̠-mbhargo̍ de̠vasya̍ dheemahi । dhiyo̠ yo na̍h pracho̠dayaa̎t ॥ omaapo̠ jyotee̠ raso̠-'mrita̠-mbrahma̠ bhoorbhuva̠ssuva̠rom ॥

sankalpam mamopaatta samasta duritakshayadvaaraa shree parameshvara preetyartham, shubhe shobhane muhoorte aadyabrahmanah dviteeya paraardhe shvetavaraaha kalpe vaivasvata manvantare ashtaavimshati tame kaliyuge prathame paade jamboodveepe bhaaratavarshe bharatakhande meroh dakshine paarshve shakaabde asmin vartamaane vyavahaarike prabhavaadi shashthyaa-ssamvathsaraanaa-mmaddhye ......... naamasamvathsare ......-'yane .......... ritau ........ maase ............pakshe .......... shubhatithau. .............. vaasarayuktaayaam ............. nakshatrayuktaayaam, shubhayoga shubhakarana eva-nguna sakala visheshana vishishtaayaam asyaam ...........shubhatithau mamopaatta samasta duritakshayadvaaraa shree parameshvara preetyartham .......... nakshatre .......raashau jaatasya ..........sharmanah mama .......... nakshatre ...............raashau .............jaatayaah mama dharmapatnyaashcha aavayo-ssakutumbayoh ............... saputrakayo-ssabandhuvargayo-ssaashrita-janayoshcha kshema-sthairya-veerya-vijaya, aayuraarogya-aishvaryaanaam abhivriddhyartham, dharmaartha-kaama-moksha-chaturvidha phalapurushaartha siddhyartham, sarvaarishta shaantyartham, sarvaabheeshta siddhyartham, saparivaara somaaskanda parameshvara charanaaravindayoh achanchala-nishkapata-bhakti siddhyartham, yaavachchhakti parivaara sahita rudravidhaanena dhyaana-aavaahanaadi-shodashopachaara-poojaa purassara-mmahaanyaasajapa (laghunyaasajapa) rudraabhisheka-archchanaadi sahita saambashiva poojaa-nkarishye । tadanga-nkalasha-shankha-aatma-peetha-poojaa-ncha karishye । (dvi)

(nirvighna poojaa parisamaaptyartham aadau shreemahaaganapati poojaa-nkarishye ।) shree mahaaganapati poojaa ॥

tadanga kalashaaraadhana-nkarishye ।

kalashaaraadhanam kalashe gandha pushpaakshatairabhyarchya । kalashe udaka-mpoorayitvaa । kalashasyopari hasta-nnidhaaya ।

kalashasya mukhe vishnuh kanthe rudra-ssamaashritah । moole tvasya sthito brahmaa madhye maatriganaa-ssmritaa ॥

kukshau tu saagaraa-ssarve saptadveepaa vasundharaa । rigvedo-'tha yajurvedo saamavedo hyatharvanah ॥ angaishcha sahitaa-ssarve kalashaambu samaashritaah ।

om aaka̠lashe̎shu dhaavati pa̠vitre̠ pari̍shichyate । u̠kthairya̠jneshu̍ vardhate ।

aapo̠ vaa i̠dagm sarva̠m vishvaa̍ bhoo̠taanyaapa̍h praa̠naa vaa aapa̍h pa̠shava̠ aapo-'nna̠maapo-'mri̍ta̠maapa̍h sa̠mraadaapo̍ vi̠raadaapa̍-ssva̠raadaapa̠shchhandaa̠g̠syaapo̠ jyotee̠g̠shyaapo̠ yajoo̠g̠shyaapa̍-ssa̠tyamaapa̠h sarvaa̍ de̠vataa̠ aapo̠ bhoorbhuva̠-ssuva̠raapa̠ om ॥

gange cha yamune chaiva godaavaree sarasvatee । narmade sindhu kaaveree jale-'smin sannidhi-nkuru ॥ kaaveree tungabhadraa cha krishnavenee cha gautamee । bhaageeratheeti vikhyaataah panchagangaah prakeertitaah ॥

aayaantu shree shivapoojaartha-mmama duritakshayakaarakaah । o-mbhoorbhuvassuvo bhoorbhuvassuvo bhoorbhuvassuvah ॥ om om o-nkalashodakena poojaa dravyaani samprokshya, devam samprokshya, aatmaana-ncha samprokshya ॥

panchakalasha sthaapanam pashchimam sa̠dyo jaa̠ta-mpra̍padyaa̠mi̠ sa̠dyo jaa̠taaya̠ vai namo̠ nama̍h । bha̠ve bha̍ve̠ naati̍bhave bhavasva̠ maam । bha̠vodbha̍vaaya̠ nama̍h ॥ o-mbhoorbhuva̠ssuva̠rom । asmi-npashchimakalashe sadyojaata-ndhyaayaami । aavaahayaami ।

uttaram vaa̠ma̠de̠vaaya̠ namo̎ jye̠shthaaya̠ nama̍-shshre̠shthaaya̠ namo̍ ru̠draaya̠ nama̠h kaalaa̍ya̠ nama̠h kala̍vikaranaaya namo̠ bala̍vikaranaaya̠ namo̠ balaa̍ya̠ namo̠ bala̍pramathanaaya̠ nama̠-ssarva̍bhootadamanaaya̠ namo̍ ma̠nonma̍naaya̠ nama̍h । o-mbhoorbhuva̠ssuva̠rom । asmin uttarakalashe vaamadeva-ndhyaayaami । aavaahayaami ।

dakshinam a̠ghore̎bhyo 'tha̠ghore̎bhyo̠ ghora̠ghora̍tarebhyah । sarve̎bhya-ssarva̠sharve̎bhyo̠ nama̍ste astu ru̠draroo̍pebhyah ॥ o-mbhoorbhuva̠ssuva̠rom । asmi-ndakshinakalashe aghora-ndhyaayaami । aavaahayaami ।

poorvam o-ntatpuru̍shaaya vi̠dmahe̍ mahaade̠vaaya̍ dheemahi । tanno̍ rudrah pracho̠dayaa̎t ॥ o-mbhoorbhuva̠ssuva̠rom । asmi-npoorvakalashe tatpurusha-ndhyaayaami । aavaahayaami ।

maddhyamam eeshaana-ssarva̍vidyaa̠naa̠-meeshvara-ssarva̍bhootaa̠naa̠-mbrahmaadhi̍pati̠ rbrahma̠no-'dhi̍pati̠ rbrahmaa̍ shi̠vo me̍ astu sadaashivom ॥ o-mbhoorbhuva̠ssuva̠rom । asmi-nmaddhyama kalashe eeshaana-ndhyaayaami । aavaahayaami ।

praanapratishthaa om asu̍neete̠ puna̍ra̠smaasu̠ chakshu̠h puna̍h praa̠nami̠ha no̎ dhehi̠ bhoga̎m । jyokpa̍shyema̠ soorya̍mu̠chchara̎nta̠ manu̍mate mri̠dayaa̎ na-ssva̠sti ॥ a̠mrita̠m vai praa̠naa a̠mrita̠maapa̍h praa̠naane̠va ya̍thaasthaa̠namupa̍hvayate ॥

svaamin sarvajagannaatha yaava-tpoojaavasaanakam । taava-ttva-mpreetibhaavena linge-'smin sannnidhi-nkuru ॥

o-ntrya̍mbakam yajaamahe suga̠ndhi-mpu̍shti̠ vardha̍nam । u̠rvaa̠ru̠kami̍va̠ bandha̍naanmri̠tyormu̍ksheeya̠ maa-'mritaa̎t ॥

aavaahito bhava । sthaapito bhava । sannihito bhava । sanniruddho bhava । avakunthito bhava । supreeto bhava । suprasanno bhava । varado bhava । svaagatam astu । praseeda praseeda ।

laghunyaasam / mahaanyaasam ॥

dhyaanam kailaase kamaneeya ratna khachite kalpadrumoole sthitam karpoora sphatikendu sundara tanu-nkaatyaayanee sevitam । gangottunga taranga ranjita jataa bhaara-nkripaasaagaram kanthaalankrita sheshabhooshanamaha-mmrityunjaya-mbhaavaye ॥ om shree umaamaheshvara svaamine namah dhyaayaami ।

aavaahanam (om sa̠dyojaa̠ta-mpra̍padyaa̠mi) onkaaraaya namastubhyam onkaarapriya shankara । aavaahana-ngrihaaneda-mpaarvateepriya vallabha ॥ om shree umaamaheshvara svaamine namah aavaahayaami ।

aasanam (om sa̠dyojaa̠taaya̠vai namo̠ nama̍h) namaste girijaanaatha kailaasagiri mandira । simhaasana-mmayaa dattam sveekurushva umaapate ॥ shree umaamaheshvara svaamine namah navaratna khachita hema simhaasanam samarpayaami ।

paadyam (o-mbhave bha̍ve̠na) mahaadeva jagannaatha bhaktaanaamabhayaprada । paadya-ngrihaana devesha mama saukhyam vivardhaya ॥ shree umaamaheshvara svaamine namah paadayoh paadyam samarpayaami ।

arghyam (om ati̍ bhave bhavasva̠maam) shivaapriya namastestu paavana-njalapooritam । arghya-ngrihaana bhagava-ngaangeya kalashasthitam ॥ shree umaamaheshvara svaamine namah hastayoh arghyam samarpayaami ।

aachamanam (o-mbha̠vodbha̍vaaya̠ namah) vaamadeva suraadheesha vanditaanghri saroruha । grihaanaachamana-ndeva karunaa varunaalaya ॥ shree umaamaheshvara svaamine namah mukhe aachamaneeyam samarpayaami ।

madhuparkam yamaantakaaya ugraaya bheemaaya cha namo namah । madhuparka-mpradaasyaami grihaana tvamumaapate ॥ shree umaamaheshvara svaamine namah madhuparkam samarpayaami ।

panchamrita snaanam 1. aapyaayasyeti ksheeram (milk) – om aapyaa̍yasva̠ same̍tu te vi̠shvata̍ssoma̠ vrishni̍yam । bhavaa̠ vaaja̍sya sanga̠the ॥ shree bhavaaneeshankaraasvaamine namah, ksheerena snapayaami ।

aapo̠ hishthaa ma̍yo̠bhuva̠staa na̍ oo̠rje da̍dhaatana । ma̠heranaa̍ya̠ chaksha̍se । yo va̍-shshi̠vata̍mo rasa̠stasya̍ bhaajayate̠ ha na̍h । u̠sha̠teeri̍va maa̠ta̍rah । tasmaa̠ ara̍ngamaamavo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah । shree bhavaaneeshankaraasvaamine namah । ksheerasnaanaanantaram shuddhodaka snaanam samarpayaami ।

2. dadhikraavno iti dadhi (yogurt) – o-nda̠dhi̠kraavno̍ akaarisha-nji̠shnorashva̍sya vaa̠jina̍h । su̠rabhi no̠ mukhaa̍ kara̠tprana̠ aayoog̍mshi taarishat ॥ shree bhavaaneeshankaraasvaamine namah । dadhnaa snapayaami ।

aapo̠ hishthaa ma̍yo̠bhuva̠staa na̍ oo̠rje da̍dhaatana । ma̠heranaa̍ya̠ chaksha̍se । yo va̍-shshi̠vata̍mo rasa̠stasya̍ bhaajayate̠ ha na̍h । u̠sha̠teeri̍va maa̠ta̍rah । tasmaa̠ ara̍ngamaamavo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah । shree bhavaaneeshankaraasvaamine namah । dadhisnaanaanantaram shuddhodaka snaanam samarpayaami ।

3. shukramaseeti aajyam (ghee) – om shu̠krama̍si̠ jyoti̍rasi̠ tejo̍si de̠vova̍ssavi̠totpu̍naa̠tu achchi̍drena pa̠vitre̍na̠ vaso̠ssoorya̍sya ra̠shmibhi̍h । shree bhavaaneeshankaraasvaamine namah । aajyena snapayaami ।

aapo̠ hishthaa ma̍yo̠bhuva̠staa na̍ oo̠rje da̍dhaatana । ma̠heranaa̍ya̠ chaksha̍se । yo va̍-shshi̠vata̍mo rasa̠stasya̍ bhaajayate̠ ha na̍h । u̠sha̠teeri̍va maa̠ta̍rah । tasmaa̠ ara̍ngamaamavo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah । shree bhavaaneeshankaraasvaamine namah । aajya snaanaanantaram shuddhodaka snaanam samarpayaami ।

4. madhuvaataa ritaayate iti madhu (honey) – o-mmadhu̠vaataa̍ ritaaya̠te madhu̍ksharanti̠ sindha̍vah । maadhvee̎rna-ssa̠ntvausha̍dheeh । madhu̠nakta̍mu̠tosha̍si̠ madhu̍ma̠tpaarthi̍va̠g̠m raja̍h । madhu̠dyaura̍stu nah pi̠taa । madhu̍maanno̠ vana̠spati̠rmadhu̍maagm astu̠ soorya̍h । maadhvee̠rgaavo̍ bhavantu nah । shree bhavaaneeshankaraasvaamine namah । madhunaa snapayaami ।

aapo̠ hishthaa ma̍yo̠bhuva̠staa na̍ oo̠rje da̍dhaatana । ma̠heranaa̍ya̠ chaksha̍se । yo va̍-shshi̠vata̍mo rasa̠stasya̍ bhaajayate̠ ha na̍h । u̠sha̠teeri̍va maa̠ta̍rah । tasmaa̠ ara̍ngamaamavo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah । shree bhavaaneeshankaraasvaamine namah । madhusnaanaanantaram shuddhodaka snaanam samarpayaami ।

5. svaaduh pavasyeti sharkaraa (sugar) – om svaa̠duh pa̍vasva di̠vyaaya̠ janma̍ne । svaa̠durindraa̎ya su̠havee̎tu naamne̎ । svaa̠durmi̠traaya̠ varu̍naaya vaa̠yave̠ । briha̠spata̍ye̠ madhu̍maa̠m adaa̎bhyah । shree bhavaaneeshankaraasvaamine namah । sharkarayaa snapayaami ।

aapo̠ hishthaa ma̍yo̠bhuva̠staa na̍ oo̠rje da̍dhaatana । ma̠heranaa̍ya̠ chaksha̍se । yo va̍-shshi̠vata̍mo rasa̠stasya̍ bhaajayate̠ ha na̍h । u̠sha̠teeri̍va maa̠ta̍rah । tasmaa̠ ara̍ngamaamavo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah । shree bhavaaneeshankaraasvaamine namah । sharkara snaanaanantaram shuddhodaka snaanam samarpayaami ।

shankhodakam aapo̠ hishthaa ma̍yo̠bhuva̠staa na̍ oo̠rje da̍dhaatana । ma̠heranaa̍ya̠ chaksha̍se । yo va̍-shshi̠vata̍mo rasa̠stasya̍ bhaajayate̠ ha na̍h । u̠sha̠teeri̍va maa̠ta̍rah । tasmaa̠ ara̍ngamaamavo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah । shree bhavaaneeshankaraasvaamine namah । shankhodakena snapayaami ॥

phalodakam yaah pha̠linee̠ryaa a̍pha̠laa a̍pu̠shpaayaashcha̍ pu̠shpinee̎h । briha̠spati̍ prasootaa̠staano̍ muncha̠ntvagm ha̍sah ॥ shree bhavaaneeshankaraasvaamine namah । phalodakena snapayaami ।

gandhodakam ga̠ndha̠dvaa̠raa-ndu̍raadha̠rshaa̠-nni̠tyapu̍shtaa-nkaree̠shinee̎m । ee̠shvaree̍gm sarva̍bhootaa̠naa̠-ntaami̠hopa̍hvaye̠ shriyam ॥ shree bhavaaneeshankaraasvaamine namah । gandhodakena snapayaami ।

pushpodakam yo̍-'paa-mpushpa̠m veda̍ । pushpa̍vaa-npra̠jaavaa̎-npashu̠maa-nbha̍vati । cha̠ndramaa̠ vaa a̠paa-mpushpam̎ । pushpa̍vaa-npra̠jaavaa̎-npashu̠maa-nbha̍vati । shree bhavaaneeshankaraasvaamine namah । pushpodakena snapayaami ।

akshatodakam aaya̍ne te pa̠raaya̍ne̠ doorvaa̍ rohantu pu̠shpinee̎h । hra̠daashcha̍ pu̠ndaree̍kaani samu̠drasya̍ gri̠haa i̠me । shree bhavaaneeshankaraasvaamine namah । akshatodakena snapayaami ।

suvarnodakam tathsu̠varna̠g̠m hira̍nyamabhavat । tathsu̠varna̍sya̠ hira̍nyasya̠ janma̍ । ya e̠vagm su̠varna̍sya̠ hira̍nyasya̠ janma̠ve̍da । su̠varna̍ aa̠tmanaa̍ bhavati । shree bhavaaneeshankaraasvaamine namah । suvarnodakena snapayaami ।

rudraakshodakam trya̍mbakam yajaamahe suga̠ndhi-mpu̍shti̠ vardha̍nam । u̠rvaa̠ru̠kami̍va̠ bandha̍naanmri̠tyormu̍ksheeya̠ maa-'mritaa̎t ॥ shree bhavaaneeshankaraasvaamine namah । rudraakshodakena snapayaami ।

bhasmodakam maa no̍ ma̠haanta̍mu̠ta maa no̍ arbha̠kam maa na̠ uksha̍ntamu̠ta maa na̍ ukshi̠tam । maa no̍-'vadheeh pi̠tara̠-mmota maa̠tara̍m pri̠yaa maa na̍sta̠nuvo̍ rudra reerishah । shree bhavaaneeshankaraasvaamine namah । bhasmodakena snapayaami ।

bilvodakam maa na̍sto̠ke tana̍ye̠ maa na̠ aayu̍shi̠ maa no̠ goshu̠ maa no̠ ashve̍shu reerishah । vee̠raanmaa no̍ rudra bhaami̠to-'va̍dheerha̠vishma̍nto̠ nama̍saa vidhema te । shree bhavaaneeshankaraasvaamine namah । bilvodakena snapayaami ।

doorvodakam kaandaa̎tkaandaatpra̠roha̍nti paru̍shah parusha̠h pari̍ । e̠vaano̍ doorve̠ prata̍nu sa̠hasre̍na sha̠tena̍ cha ॥ shree bhavaaneeshankaraasvaamine namah । doorvodakena snapayaami ।

atha malaapakarshana snaanam hira̍nyavarnaa̠shshucha̍yah paava̠kaa yaasu̍ jaa̠tah ka̠shyapo̠ yaasvindra̍h । a̠gnim yaa garbha̍-ndadhi̠re viroo̍paa̠staa na̠ aapa̠shshagg syo̠naa bha̍vantu ॥

yaasaa̠g̠m raajaa̠ varu̍no̠ yaati̠ madhye̍ satyaanri̠te a̍va̠pashya̠njanaa̍naam । ma̠dhu̠shchuta̠shshucha̍yo̠ yaah paa̍va̠kaastaa na̠ aapa̠shshagg syo̠naa bha̍vantu ॥

yaasaa̍-nde̠vaa di̠vi kri̠nvanti̍ bha̠ksham yaa a̠ntari̍kshe bahu̠dhaa bhava̍nti । yaah pri̍thi̠vee-mpaya̍so̠ndanti̍ shu̠kraastaa na̠ aapa̠shshagg syo̠naa bha̍vantu ॥

shi̠vena̍ maa̠ chakshu̍shaa pashyataapashshi̠vayaa̍ ta̠nuvopa̍ sprishata̠ tvacha̍-mme । sarvaag̍m a̠gneegm ra̍phsu̠shado̍ huve vo̠ mayi̠ varcho̠ bala̠mojo̠ nidha̍tta ॥

(a.ve., kaanda-3, sooktam-13) yada̠da-ssa̍mpraya̠tee-rahaa̠-vana̍dataa ha̠te । tasmaa̠daa na̠dyo̍ naama̍ stha̠ taa vo̠ naamaa̍ni sindhavah ॥ 1 yatpreshi̍taa̠ varu̍ne̠nataashsheebha̍gm sa̠mava̍lgata । tadaa̍pno̠dindro̍ vo ya̠teestasmaa̠daapo̠ anu̍sthana ॥ 2 aa̠pa̠kaa̠maggm syanda̍maanaa̠ avee̍varata vo̠ hi ka̍m । indro̍ va̠shshakti̍bhirdevee̠stasmaa̠dvaarnaama̍ vo hi̠tam ॥ 3 eko̍ vo de̠vo apya̍tishtha̠thsyanda̍maanaa yathaava̠sham । udaa̍nishurma̠heeriti̠ tasmaa̍duda̠kamu̍chyate ॥ 4 aapo̍ bha̠draa ghri̠tamidaapa̍ aanura̠gneeshomau̍ bibhra̠tyaapa̠ ittaah । tee̠vro raso̍ madhu̠prichaa̍m a̠ra̠nga̠ma aa maa̍ praa̠nena̍ sa̠ha varcha̍saagann ॥ 5 aaditpa̍shyaamyu̠ta vaa̍ shrino̠myaa maa̠ ghosho̍ gachchhati̠ vaanma̍ aasaam । manye̍ bhejaa̠no a̠mrita̍sya̠ tarhi̠ hira̍nyavarnaa̠ atri̍pam ya̠daa va̍h ॥ 6

aapo̠ hishthaa ma̍yo̠bhuva̠staa na̍ oo̠rje da̍dhaatana । ma̠heranaa̍ya̠ chaksha̍se । yo va̍-shshi̠vata̍mo rasa̠stasya̍ bhaajayate̠ ha na̍h । u̠sha̠teeri̍va maa̠ta̍rah । tasmaa̠ ara̍ngamaamavo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah । shree bhavaaneeshankaraasvaamine namah । shuddhodakena snapayaami ।

aapo̠ vaa i̠dagm sarva̠m vishvaa̍ bhoo̠taanyaapa̍h praa̠naa vaa aapa̍h pa̠shava̠ aapo-'nna̠maapo-'mri̍ta̠maapa̍-ssa̠mraadaapo̍ vi̠raadaapa̍h sva̠raadaapa̠shchhandaa̠g̠msyaapo̠ jyotee̠g̠mshyaapo̠ yajoo̠g̠mshyaapa̍ssa̠tyamaapa̠ssarvaa̍ de̠vataa̠ aapo̠ bhoorbhuva̠ssuva̠raapa̠ om ॥

a̠pah prana̍yati । shra̠ddhaavaa aapa̍h । shra̠ddhaame̠vaarabhya̍ pra̠neeya̠ pracha̍rati । a̠pah prana̍yati । ya̠jno vaa aapa̍h । ya̠jname̠vaarabhya̍ pra̠neeya̠ pracha̍rati a̠pah prana̍yati । va̠jro vaa aapa̍h । vajra̍me̠va bhraatri̍vyebhyah prahritya̍ pra̠neeya̠ pracha̍rati । a̠pah prana̍yati । aapo̠ vai ra̍ksho̠ghneeh । raksha̍saa̠mapa̍hatyai । a̠pah prana̍yati । aapo̠ vai de̠vaanaa̍-mpri̠yandhaama̍ । de̠vaanaa̍me̠va pri̠yandhaama̍ pra̠neeya̠ pracha̍rati । a̠pah prana̍yati । aapo̠ vai sarvaa̍ de̠vataa̍h । de̠vataa̍ e̠vaarabhya̍ pra̠neeya̠ pracha̍rati । (aapo̠ vai shaa̠ntaah । shaa̠ntaabhi̍re̠vaasya̍ shuchag̍m shamayati ॥) shree bhavaaneeshankaraasvaamine namah । malaapakarshanasnaanam samarpayaami ।

shreerudraprashnah – namakam ॥ shreerudraprashnah – chamakam ॥ purusha sooktam ॥ shree sooktam ॥

om shree umaamaheshvara svaamine nama-shshuddhodaka snaanam samarpayaami । snaanaanantaram aachamaneeyam samarpayaami ।

vastram – (o-njye̠shthaaya̠ namah) namo naagavibhooshaaya naaradaadi stutaaya cha । vastrayugma-mpradaasyaami paarthiveshvara sveekuru ॥ om shree umaamaheshvara svaamine namah vastrayugmam samarpayaami । (vastraartham akshataan samarpayaami)

yajnopaveetam – (om shre̠shthaaya̠ namah) yajnesha yajnavidhvamsa sarvadeva namaskrita । yajnasootra-mpradaasyaami shobhana-nchottareeyakam ॥ om shree umaamaheshvara svaamine namah yajnopaveetam samarpayaami । (upaveetaartham akshataan samarpayaami)

aabharanam – (om ru̠draaya̠ namah) naagaabharana vishvesha chandraardhakritamastaka । paarthiveshvara maddatta-ngrihaanaabharanam vibho ॥ om shree umaamaheshvara svaamine namah aabharanam samarpayaami ।

gandham – (o-nkaalaa̍ya̠ nama̍h) shree gandha-nte prayachchhaami grihaana parameshvara । kastoori kunkumopetam shivaashlishta bhujadvaya ॥ om shree umaamaheshvara svaamine nama-shshreegandhaadi parimala dravyam samarpayaami ।

akshataan – (o-nkala̍vikaranaaya̠ namah) akshataa-ndhavalaa-ndivyaan shaali tundula mishritaan । akshatosi svabhaavena sveekurushva maheshvara ॥ om shree umaamaheshvara svaamine namah dhavalaakshataan samarpayaami ।

pushpam – (o-mbala̍ vikaranaaya̠ namah) sugandheeni supushpaani jaajeebilvaarka champakaih । nirmita-mpushpamaalancha neelakantha grihaana bho ॥ om shree umaamaheshvara svaamine namah pushpa bilvadalaani samarpayaami ।

athaanga poojaa o-mmaheshvaraaya namah – paadau poojayaami । om eeshvaraaya namah – janghau poojayaami । o-nkaamaroopaaya namah – jaanunee poojayaami । om haraaya namah – ooroo poojayaami । o-ntripuraantakaaya namah – guhya-mpoojayaami । o-mbhavaaya namah – kati-mpoojayaami । om vyaaghracharmaambaradharaaya namah – naabhi-mpoojayaami । o-nkukshistha brahaandaaya namah – udara-mpoojayaami । o-ngauree manah priyaaya namah – hridaya-mpoojayaami । o-mpinaakine namah – hastau poojayaami । o-nnaagaavritabhujadandaaya namah – bhujau poojayaami । om shreekanthaaya namah – kantha-mpoojayaami । om viroopaakshaaya namah – mukha-mpoojayaami । o-ntrinetraaya namah – netraani poojayaami । om rudraaya namah – lalaata-mpoojayaami । om sharvaaya namah – shirah poojayaami । o-nchandramaulaye namah – mauli-mpoojayaami । om ardhanaareeshvaraaya namah – tanu-mpoojayaami । om shree umaamaheshvaraaya namah – sarvaanyangaani poojayaami ।

ashtottarashatanaama poojaa om shivaaya namah o-mmaheshvaraaya namah om shambhave namah o-mpinaakine namah om shashishekharaaya namah om vaamadevaaya namah om viroopaakshaaya namah o-nkapardine namah o-nneelalohitaaya namah om shankaraaya namah (10)

om shoolapaanaye namah o-nkhatvaangine namah om vishnuvallabhaaya namah om shipivishtaaya namah om ambikaanaathaaya namah om shreekanthaaya namah o-mbhaktavatsalaaya namah o-mbhavaaya namah om sharvaaya namah o-ntrilokeshaaya namah (20)

om shitikanthaaya namah om shivaapriyaaya namah om ugraaya namah o-nkapaaline namah o-nkaamaaraye namah om andhakaasura soodanaaya namah o-ngangaadharaaya namah om lalaataakshaaya namah o-nkaalakaalaaya namah o-nkripaanidhaye namah (30)

o-mbheemaaya namah o-mparashuhastaaya namah o-mmrigapaanaye namah o-njataadharaaya namah o-nkailaasavaasine namah o-nkavachine namah o-nkathoraaya namah o-ntripuraantakaaya namah om vrishaankaaya namah om vrishabhaaroodhaaya namah (40)

o-mbhasmoddhoolita vigrahaaya namah om saamapriyaaya namah om svaramayaaya namah o-ntrayeemoortaye namah om aneeshvaraaya namah om sarvajnaaya namah o-mparamaatmane namah om somasooryaagni lochanaaya namah om havishe namah om yajnamayaaya namah (50)

om somaaya namah o-mpanchavaktraaya namah om sadaashivaaya namah om vishveshvaraaya namah om veerabhadraaya namah o-ngananaathaaya namah o-mprajaapataye namah om hiranyaretase namah o-ndurdharshaaya namah o-ngireeshaaya namah (60)

o-ngirishaaya namah om anaghaaya namah o-mbhujanga bhooshanaaya namah o-mbhargaaya namah o-ngiridhanvane namah o-ngiripriyaaya namah o-nkrittivaasase namah o-mpuraaraataye namah o-mbhagavate namah o-mpramathaadhipaaya namah (70)

o-mmrityunjayaaya namah om sookshmatanave namah o-njagadvyaapine namah o-njagadgurave namah om vyomakeshaaya namah o-mmahaasena janakaaya namah o-nchaaruvikramaaya namah om rudraaya namah o-mbhootapataye namah om sthaanave namah (80)

om ahirbudhnyaaya namah o-ndigambaraaya namah om ashtamoortaye namah om anekaatmane namah om saattvikaaya namah om shuddhavigrahaaya namah om shaashvataaya namah o-nkhandaparashave namah om ajaaya namah o-mpaashavimochakaaya namah (90)

o-mmridaaya namah o-mpashupataye namah o-ndevaaya namah o-mmahaadevaaya namah om avyayaaya namah om haraye namah o-mpooshadantabhide namah om avyagraaya namah o-ndakshaadhvaraharaaya namah om haraaya namah (100)

o-mbhaganetrabhide namah om avyaktaaya namah om sahasraakshaaya namah om sahasrapaade namah om apavargapradaaya namah om anantaaya namah o-ntaarakaaya namah o-mparameshvaraaya namah (108)

o-nnidha̍napataye̠ namah । o-nnidha̍napataantikaaya̠ namah । om oordhvaaya̠ namah । om oordhvalingaaya̠ namah । om hiranyaaya̠ namah । om hiranyalingaaya̠ namah । om suvarnaaya̠ namah । om suvarnalingaaya̠ namah । o-ndivyaaya̠ namah । o-ndivyalingaaya̠ namah । o-mbhavaaya̠ namah । o-mbhavalingaaya̠ namah । om sharvaaya̠ namah । om sharvalingaaya̠ namah । om shivaaya̠ namah । om shivalingaaya̠ namah । o-njvalaaya̠ namah । o-njvalalingaaya̠ namah । om aatmaaya̠ namah । om aatmalingaaya̠ namah । o-mparamaaya̠ namah । o-mparamalingaaya̠ namah ।

o-mbha̠vaaya̍ de̠vaaya̠ namah – o-mbha̠vasya̍ de̠vasya̠ patnyai̠ nama̍h । om sha̠rvaaya̍ de̠vaaya̠ namah – om sha̠rvasya̍ de̠vasya̠ patnyai̠ nama̍h । om eeshaa̍naaya de̠vaaya̠ namah – om eeshaa̍nasya de̠vasya̠ patnyai̠ nama̍h । o-mpashu̠pata̍ye de̠vaaya̠ namah – o-mpashu̠pate̎rde̠vasya patnyai̠ nama̍h । om ru̠draaya̍ de̠vaaya̠ namah – om ru̠drasya̍ de̠vasya̠ patnyai̠ nama̍h । om u̠graaya̍ de̠vaaya̠ namah – om u̠grasya̍ de̠vasya̠ patnyai̠ nama̍h । o-mbhee̠maaya̍ de̠vaaya̠ namah – o-mbhee̠masya̍ de̠vasya̠ patnyai̠ nama̍h । o-mmaha̍te de̠vaaya̠ namah – o-mmaha̍to de̠vasya̠ patnyai̠ nama̍h ।

om shree umaamaheshvara svaamine namah naanaa vidha parimala patra pushpaakshataan samarpayaami ।

dhoopam – (o-mbalaa̍ya̠ namah) dhoora̍si̠ dhoorva̠ dhoorva̍nta̠-ndhoorva̠tam yo̎-'smaa-ndhoorva̍ti̠ ta-ndhoo̎rva̠yam va̠yam dhoorvaa̍ma̠stva-nde̠vaanaa̍masi̠ sasni̍tama̠-mpapri̍tama̠-njushta̍tama̠m vahni̍tamam deva̠hoota̍ma̠-mahru̍tamasi havi̠rdhaana̠-ndrigm ha̍sva̠ maahvaa̎ rmi̠trasya̍ tvaa̠ chakshu̍shaa̠ prekshe̠ maa bhermaa samvi̍ktaa̠ maa tvaa̍ higmsisham । aavaahitaabhya-ssarvaabhyo devataabhyo namah । dhoopamaaghraapayaami ।

deepam – (o-mbala̍ pramathanaaya̠ namah) uddee̎pyasva jaatavedo-'pa̠ghna-nniri̍ti̠-mmama̍ । pa̠shuggshcha̠ mahya̠maava̍ha̠ jeeva̍na-ncha̠ disho̍ disha । maano̍ higmsee-jjaatavedo̠ gaamashva̠-mpuru̍sha̠-njaga̍t । abi̍bhra̠dagna̠ aaga̍hi shri̠yaa maa̠ pari̍paataya । aavaahitaabhya-ssarvaabhyo devataabhyo namah । dhoopamaaghraapayaami । dhoopa deepaanantaram shuddhaachamaneeyam samarpayaami ।

naivedyam – (om sarva̍ bhoota damanaaya̠ namah) o-mbhoorbhuva̠ssuva̠h । tatsa̍vi̠turvare̎nya̠-mbhargo̍ de̠vasya̍ dheemahi । dhi̠yo yo na̍h pracho̠dayaa̎t । deva savitah prasuvah । satya-ntvartena parishinchaami । (saayankaale – rita-ntvaa satyena parishinchaami)

amritam astu । amritopastaranamasi । o-mpraanaaya svaahaah । om apaanaaya svaahaah । om vyaanaaya svaahaah । om udaanaaya svaahaah । om samaanaaya svaahaah । o-mbrahmane svaahaah । madhu̠vaataa̍ ritaaya̠te madhu̍ksharanti̠ sindha̍vah । maaddhvee̎rna-ssa̠ntvosha̍dheeh । madhu̠nakta̍ mu̠toshasi̠ madhu̍ma̠-tpaarthi̍va̠gm̠ raja̍h । madhu̠dyaura̍stu nah pi̠taa । madhu̍maanno̠ vana̠spati̠ rmadhu̍maagm astu̠ soorya̍h । maadhvee̠rgaavo̍ bhavantu nah ॥ madhu madhu madhu ॥ aavaahitaabhya-ssarvaabhyo devataabhyo namah । (divyaannam, ghritagulapaayasam, naalikerakhandadvayam, kadaleephalam ...) om shree umaamaheshvara svaamine namah । mahaanaivedya-nnivedayaami ।

madhye madhye paaneeyam samarpayaami । a̠mri̠taa̠pi̠dhaa̠nama̍si । uttaraaposhanam samarpayaami । hastau prakshaalayaami । paadau prakshaalayaami । shuddhaachamaneeyam samarpayaami ।

taamboolam – (o-mma̠nonma̍naaya̠ namah) poogeephalasamaayukta-nnaagavalleedalairyutam । karpoorachoorna samyukta-ntaamboola-mpratigrihyataam । aavaahitaabhya-ssarvaabhyo devataabhyo namah । taamboola-nnivedayaami । taamboola charvanaanantaram shuddha aachamaneeyam samarpayaami ।

neeraajanam somo̠ vaa e̠tasya̍ raa̠jyamaada̍tte । yo raajaa̠sa-nraa̠jyo vaa̠ some̍na̠ yaja̍te । de̠va̠ su̠vaame̠taani̍ ha̠vigmshi̍ bhavanti । e̠taava̍nto̠ vai de̠vaanaagm̍ sa̠vaah । ta e̠vaasmai̍ sa̠vaa-npra̍yachchhanti । ta e̍na-mpu̠na-ssuva̍nte raa̠jyaaya̍ । de̠va̠soo raajaa̍ bhavati ।

raa̠jaa̠dhi̠raa̠jaaya̍ prasahya saa̠hine̎ । namo̍ va̠yam vai̎shrava̠naaya̍ kurmahe । sa me̠ kaamaa̠n kaama̠kaamaa̍ya̠ mahya̎m । kaa̠me̠shva̠ro vai̎shrava̠no da̍daatu । ku̠be̠raaya̍ vaishrava̠naaya̍ । ma̠haa̠raa̠jaaya̠ nama̍h ।

a̠ghore̎bhyo 'tha̠ghore̎bhyo̠ ghora̠ghora̍tarebhyah । sarve̎bhya-ssarva̠sharve̎bhyo̠ nama̍ste astu ru̠draroo̍pebhyah ॥

tatpuru̍shaaya vi̠dmahe̍ mahaade̠vaaya̍ dheemahi । tanno̍ rudrah pracho̠dayaa̎t ॥

eeshaana-ssarva̍vidyaa̠naa̠-meeshvara-ssarva̍bhootaa̠naa̠-mbrahmaadhi̍pati̠ rbrahma̠no-'dhi̍pati̠ rbrahmaa̍ shi̠vo me̍ astu sadaashivom ॥

neeraajanamida-ndeva karpooraamoda samyutam । grihaana paramaananda heramba varadaayaka ॥

aavaahitaabhya-ssarvaabhyo devataabhyo namah । karpoora neeraajana-ndarshayaami । neeraajanaanantaram shuddha aachamaneeyam samarpayaami ।

mantrapushpam

aatmarakshaa brahmaa̎tma̠n vada̍srijata । tada̍kaamayata । samaa̠tmanaa̍ padye̠yeti̍ । aatma̠nnaa-tma̠nnityaa-ma̍ntrayata । tasmai̍ dasha̠magm hoo̠tah pratya̍shrinot । sa dasha̍hooto-'bhavat । dasha̍hooto ha̠vai naamai̠shah । tam vaa e̠ta-ndasha̍hoota̠gm̠ santa̎m । dasha̍ho̠tetyaa cha̍kshate pa̠rokshe̍na । pa̠roksha̍priyaa iva̠ hi de̠vaah ॥ 1

aatma̠nnaa-tma̠nnityaa-ma̍ntrayata । tasmai̍ sapta̠magm hoo̠tah pratya̍shrinot । sa sa̠ptahoo̍to-'bhavat । sa̠ptahoo̍to ha̠vai naamai̠shah । tam vaa e̠tagm sa̠ptahoo̍ta̠gm̠ santa̎m । sa̠ptaho̠tetyaa cha̍kshate pa̠rokshe̍na । pa̠roksha̍priyaa iva̠ hi de̠vaah ॥ 2

aatma̠nnaa-tma̠nnityaa-ma̍ntrayata । tasmai̍ sha̠shthagm hoo̠tah pratya̍shrinot । sa shaddhoo̍to-'bhavat । shaddhoo̍to ha̠vai naamai̠shah । tam vaa e̠tagm shaddhoo̍ta̠gm̠ santa̎m । shaddho̠tetyaa cha̍kshate pa̠rokshe̍na । pa̠roksha̍priyaa iva̠ hi de̠vaah ॥ 3

aatma̠nnaa-tma̠nnityaa-ma̍ntrayata । tasmai̍ pancha̠magm hoo̠tah pratya̍shrinot । sa pancha̍hooto-'bhavat । pancha̍hooto ha̠vai naamai̠shah । tam vaa e̠ta-mpancha̍hoota̠gm̠ santa̎m । pancha̍ho̠tetyaa cha̍kshate pa̠rokshe̍na । pa̠roksha̍priyaa iva̠ hi de̠vaah ॥ 4

aatma̠nnaa-tma̠nnityaa-ma̍ntrayata । tasmai̍ chatu̠rthagm hoo̠tah pratya̍shrinot । sa chatu̍rhooto-'bhavat । chatu̍rhooto ha̠vai naamai̠shah । tam vaa e̠ta-nchatu̍rhoota̠gm̠ santa̎m । chatu̍rho̠tetyaa cha̍kshate pa̠rokshe̍na । pa̠roksha̍priyaa iva̠ hi de̠vaah ॥ 5

tama̍braveet । tvam vai me̠ nedi̍shthagm hoo̠tah pratya̍shrausheeh । tvayai̍ naanaakhyaa̠taara̠ iti̍ । tasmaa̠nnuhai̍naa̠g̠-shcha̍tu rhotaara̠ ityaacha̍kshate । tasmaa̎chchhushroo̠shuh pu̠traanaa̠gm̠ hridya̍tamah । nedi̍shtho̠ hridya̍tamah । nedi̍shtho̠ brahma̍no bhavati । ya e̠vam veda̍ ॥ 6 (aatmane̠ nama̍h)

o-ntatpuru̍shaaya vi̠dmahe̍ mahaade̠vaaya̍ dheemahi । tanno̍ rudrah pracho̠dayaa̎t ॥ o-nkaa̠tyaa̠ya̠naaya̍ vi̠dmahe̍ kanyaku̠maari̍ dheemahi । tanno̍ durgih pracho̠dayaa̎t ॥

yo̍-'paa-mpushpa̠m veda̍ । pushpa̍vaa-npra̠jaavaa̎-npashu̠maa-nbha̍vati । cha̠ndramaa̠ vaa a̠paa-mpushpa̎m । pushpa̍vaa-npra̠jaavaa̎-npashu̠maa-nbha̍vati ।

o̎-ntadbra̠hma । o̎-ntadvaa̠yuh । o̎-ntadaa̠tmaa । o̎-ntathsa̠tyam । o̎-ntathsarva̎m । o̎-ntatpuro̠rnamah ।

antashcharati̍ bhoote̠shu̠ guhaayaam vi̍shvamoo̠rtishu । tvam yajnastvam vashatkaara stvamindrastvagm rudrastvam vishnustva-mbrahmatva̍-mprajaa̠patih । tva-nta̍daapa̠ aapo̠ jyotee̠raso̠-'mrita̠-mbrahma̠ bhoorbhuva̠ssuva̠rom ।

chaturveda paaraayanam om shree bhavaaneeshankara svaamine namah ॥ rigvedapriyah ॥ rigvedamavadhaaraya ॥ ha̠ri̠h om ॥ a̠gnimee̎le pu̠rohi̍tam ya̠jnasya̍ de̠vamri̠tvija̎m । hotaa̎ram ratna̠ dhaata̍mam । hari̍h om ॥

om shree bhavaaneeshankara svaamine namah ॥ yajurvedapriyah ॥ yajurvedamavadhaaraya ॥ ha̠ri̠h om ॥ i̠she tvo̠rje tvaa̍ vaa̠yava̍-ssthopaa̠yava̍-sstha de̠vo va̍-ssavi̠taa praarpa̍yatu̠ shreshtha̍tamaaya̠ karma̍na̠ aa pyaa̍yaddhvamaghniyaa devabhaa̠ga-moorja̍svatee̠h paya̍svateeh pra̠jaava̍tee-ranamee̠vaa a̍ya̠kshmaa maa va̍-sste̠na ee̍shata̠ maa-'ghashagm̍so ru̠drasya̍ he̠tih pari̍ vo vrinaktu dhru̠vaa a̠smi-ngopa̍tau syaata ba̠hvee-ryaja̍maanasya pa̠shoo-npaa̍hi ॥ hari̍h om ॥

om shree bhavaaneeshankara svaamine namah ॥ saamavedapriyah ॥ saamavedamavadhaaraya ॥ ha̠ri̠h om ॥ agna̠ aayaa̎hi vee̠taye̎ grinaa̠no ha̠vya daa̎taye । nihotaa̎ sathsi ba̠rhishi̍ । hari̍h om ॥

om shree bhavaaneeshankara svaamine namah ॥ atharvavedapriyah ॥ atharvavedamavadhaaraya ॥ ha̠ri̠h om ॥ shanno̍ de̠veera̠bhishta̍ya̠ aapo̍ bhavantu pee̠taye̎ । shamyora̠bhisra̍vantu nah ॥ hari̍h om ॥

om shree bhavaaneeshankara svaamine namah ॥ upanishadpriyah ॥ upanishadavadhaaraya ॥ ha̠ri̠h om ॥ a̠hamanna-ma̠hamanna-ma̠hamannam । a̠hamannaa̠do(3)-'̠hamannaa̠do(3)-'̠hamannaa̠dah । a̠hagg shloka̠krida̠hagg shloka̠krida̠hagg shloka̠krit । a̠hamasmi prathamajaa ritaa(3) sya̠ । poorva-ndevebhyo amritasya naa(3) bhaa̠yi̠ । yo maa dadaati sa ideva maa(3) vaa̠h । a̠hamanna̠-manna̍-ma̠danta̠maa(3) dmi̠ । aha̠m vishva̠-mbhuva̍na̠-mabhya̍bha̠vaam । suva̠rna jyotee̎h । ya e̠vam veda̍ । ityu̍pa̠nisha̍t ॥

aavaahitaabhya-ssarvaabhyo devataabhyo namah । paadaaravindayoh divya suvarna mantra pushpaanjalim samarpayaami ।

pradakshinam eeshaana-ssarva̍vidyaa̠naa̠meeshvara-ssarva̍bhootaa̠naa̠m brahmaadhi̍pati̠rbrahma̠no-'dhi̍pati̠rbrahmaa̍ shi̠vo me̍ astu sadaashi̠vom ॥

pade pade sarvatamo nikrintanam pade pade sarva shubhapradaayakam । pradakshina-mbhaktiyutena chetasaa karomi mrityunjaya raksha raksha maam ॥ om shree umaamaheshvara svaamine namah aatmapradakshina namaskaaraan samarpayaami ।

praarthanaa namo hiranyabaahave hiranyavarnaaya hiranyaroopaaya hiranyapataye-'mbikaapataya umaapataye pashupataye̍ namo̠ namah ॥

atha tarpanam bhava-ndeva-ntarpayaami – bhavasya devasya patnee-ntarpayaami । sharva-ndeva-ntarpayaami – sharvasya devasya patnee-ntarpayaami । eeshaana-ndeva-ntarpayaami – eeshaanasya devasya patnee-ntarpayaami । pashupati-ndeva-ntarpayaami – pashupaterdevasya patnee-ntarpayaami । rudra-ndeva-ntarpayaami – rudrasya devasya patnee-ntarpayaami । ugra-ndeva-ntarpayaami – ugrasya devasya patnee-ntarpayaami । bheema-ndeva-ntarpayaami – bheemasya devasya patnee-ntarpayaami । mahaanta-ndeva-ntarpayaami – mahato devasya patnee-ntarpayaami ।

iti tarpayitvaa aghoraadibhistribhirmantraih ghora tanoorupatishthate ।

om a̠ghore̎bhyo-'tha̠ ghore̎bhyo̠ ghora̠ghora̍tarebhyah । sarve̎bhya-ssarva̠sharve̎bhyo̠ nama̍ste astu ru̠draroo̍pebhyah ॥ o-ntatpuru̍shaaya vi̠dmahe̍ mahaade̠vaaya̍ dheemahi । tanno̍ rudrah pracho̠dayaa̎t ॥ eeshaanassa̍rvavidyaa̠naa̠meeshvarassarva̍bhootaa̠naa̠-mbrahmaa-'dhi̍pati̠rbrahma̠no-'dhi̍pati̠rbrahmaa̍ shi̠vo me̍ astu sadaashi̠vom ॥

iti dhyaatvaa rudragaayatreem yathaa shakti japet ।

o-ntatpuru̍shaaya vi̠dmahe̍ mahaade̠vaaya̍ dheemahi । tanno̍ rudrah pracho̠dayaa̎t ॥

iti japitvaa athainamaashishamaashaaste ।

(tai.braa.3-5-10-4) aashaa̎ste̠-'yam yaja̍maano̠-'sau । aayu̠raashaa̎ste । su̠pra̠jaa̠stvamaashaa̎ste । sa̠jaa̠ta̠va̠na̠syaamaashaa̎ste । utta̍raa-ndevaya̠jyaamaashaa̎ste । bhooyo̍ havi̠shkara̍na̠maashaa̎ste । di̠vya-ndhaamaashaa̎ste । vishva̍-mpri̠yamaashaa̎ste । yada̠nena̍ ha̠vishaa-''shaa̎ste । tada̍syaa̠tta̠dri̍dhyaat । tada̍smai de̠vaa raa̍santaam । tada̠gnirde̠vo de̠vebhyo̠ vana̍te । va̠yama̠gnermaanu̍shaah । i̠shta-ncha̍ vee̠ta-ncha̍ । u̠bhe cha̍ no̠ dyaavaa̍prithi̠vee agmha̍sa-sspaataam । i̠ha gati̍rvaa̠masye̠da-ncha̍ । namo̍ de̠vebhya̍h ॥

upachaarapoojaah punah poojaa-nkarishye । chhatramaachchhaadayaami । chaamarairveejayaami । nritya-ndarshayaami । geetam shraavayaami । aandolikaanaarohayaami । ashvaanaarohayaami । gajaanaarohayaami । samasta raajopachaara devopachaara bhaktyupachaara shaktyupachaara mantropachaara poojaassamarpayaami ॥

lingaashtakam ॥ bilvaashtakam ॥

kshamaapraarthana karacharanakritam vaakkaayaja-nkarmajam vaa shravananayanajam vaa maanasam vaa-'paraadham । vihitamavihitam vaa sarvametatkshmasva shiva shiva karunaabdhe shreemahaadeva shambho ॥ 18॥

yasya smrityaa cha naamoktyaa tapah poojaa kriyaadishu । nyoonam sampoornataam yaati sadyovande maheshvaram ॥ mantraheena-nkriyaaheena-mbhaktiheena-mmaheshvara । yatpoojita-mmayaa deva paripoorna-ntadastu te ॥

anayaa sadyojaata vidhinaa dhyaanaavaahanaadi shodashopachaara poojayaa bhagavaan sarvaatmaka-shshree umaamaheshvarasvaamee supreeta-ssuprasanno varado bhavatu । etatphalam shree parameshvaraarpanamastu ॥ uttaratashchandeeshvaraaya namah nirmaalyam visrijya ॥

teertham akaalamrityuharanam sarvavyaadhi nivaaranam । samastapaapakshayakaram shivapaadodaka-mpaavanam shubham ॥ iti trivaara-mpeetvaa shiva nirmaalya roopa bilvadalam vaa dakshine karne dhaarayet ।

om shaanti-shshaanti-shshaantih ॥

About Shiva Panchayatana Shodasa Upachara Puja

This is the full procedure of the Shiva Panchayatana Puja with the sixteen services (shodasha upachara). In panchayatana worship five deities are honoured together, Shiva in the centre with Vishnu, Surya, Ganesha and Devi around him. The text begins with the preliminary rites: the purifying verse "Apavitrah pavitro va", the prayer "Shuklambaradharam" to remove obstacles, achamana, pranayama and sankalpa; then each deity is invoked and offered the sixteen services, from avahana (invocation), asana (seat), padya and arghya (water) to bath, cloth, sandal, flowers, incense, lamp, food and aarati, ending with the peace chant.

When to chant: In daily home worship, on Mondays and Maha Shivaratri, and in family pujas.

Did you know?

  • Panchayatana worship of five deities is traditionally linked with Adi Shankaracharya, who encouraged the worship of all five as forms of one Brahman.
  • In Shiva panchayatana the Shiva lingam is placed in the centre, with the other four deities at the four corners.

Frequently asked questions

Which five deities are worshipped?

Shiva, Vishnu, Surya, Ganesha and Devi.

What are the shodasha upacharas?

Sixteen services, from invocation to aarati.

Who is at the centre in Shiva panchayatana?

Lord Shiva.

Offered for worship and study, not as prediction. Non-commercial.