MuhurtaNow

Shiva Sahasra Nama Stotram

Shiva · Traditional devotional text

പൂർവപീഠികാ ॥

വാസുദേവ ഉവാച

തതഃ സ പ്രയതോ ഭൂത്വാ മമ താത യുധിഷ്ഠിര । പ്രാംജലിഃ പ്രാഹ വിപ്രര്ഷിര്നാമസംഗ്രഹമാദിതഃ ॥ 1

ഉപമന്യുരുവാച

ബ്രഹ്മപ്രോക്തൈരൃഷിപ്രോക്തൈർവേദവേദാംഗസംഭവൈഃ । സർവലോകേഷു വിഖ്യാതം സ്തുത്യം സ്തോഷ്യാമി നാമഭിഃ ॥ 2

മഹദ്ഭിർവിഹിതൈഃ സത്യൈഃ സിദ്ധൈഃ സർവാര്ഥസാധകൈഃ । ഋഷിണാ തംഡിനാ ഭക്ത്യാ കൃതൈർവേദകൃതാത്മനാ ॥ 3 ॥

യഥോക്തൈഃ സാധുഭിഃ ഖ്യാതൈര്മുനിഭിസ്തത്ത്വദര്ശിഭിഃ । പ്രവരം പ്രഥമം സ്വര്ഗ്യം സർവഭൂതഹിതം ശുഭമ് ॥ 4 ॥

ശ്രുതൈഃ സർവത്ര ജഗതി ബ്രഹ്മലോകാവതാരിതൈഃ । സത്യൈസ്തത്പരമം ബ്രഹ്മ ബ്രഹ്മപ്രോക്തം സനാതനമ് ॥ 5 ॥

വക്ഷ്യേ യദുകുലശ്രേഷ്ഠ ശൃണുഷ്വാവഹിതോ മമ । വരയൈനം ഭവം ദേവം ഭക്തസ്ത്വം പരമേശ്വരമ് ॥ 6 ॥

തേന തേ ശ്രാവയിഷ്യാമി യത്തദ്ബ്രഹ്മ സനാതനമ് । ന ശക്യം വിസ്തരാത്കൃത്സ്നം വക്തും സർവസ്യ കേനചിത് ॥ 7 ॥

യുക്തേനാപി വിഭൂതീനാമപി വര്ഷശതൈരപി । യസ്യാദിര്മധ്യമംതം ച സുരൈരപി ന ഗമ്യതേ ॥ 8 ॥

കസ്തസ്യ ശക്നുയാദ്വക്തും ഗുണാന് കാര്ത്സ്ന്യേന മാധവ । കിം തു ദേവസ്യ മഹതഃ സംക്ഷിപ്താര്ഥപദാക്ഷരമ് ॥ 9 ॥

ശക്തിതശ്ചരിതം വക്ഷ്യേ പ്രസാദാത്തസ്യ ധീമതഃ । അപ്രാപ്യ തു തതോഽനുജ്ഞാം ന ശക്യഃ സ്തോതുമീശ്വരഃ ॥ 10 ॥

യദാ തേനാഭ്യനുജ്ഞാതഃ സ്തുതോ വൈ സ തദാ മയാ । അനാദിനിധനസ്യാഹം ജഗദ്യോനേര്മഹാത്മനഃ ॥ 11 ॥

നാമ്നാം കിംചിത്സമുദ്ദേശം വക്ഷ്യാമ്യവ്യക്തയോനിനഃ । വരദസ്യ വരേണ്യസ്യ വിശ്വരൂപസ്യ ധീമതഃ ॥ 12 ॥

ശൃണു നാമ്നാം ച യം കൃഷ്ണ യദുക്തം പദ്മയോനിനാ । ദശനാമസഹസ്രാണി യാന്യാഹ പ്രപിതാമഹഃ ॥ 13 ॥

താനി നിര്മഥ്യ മനസാ ദധ്നോ ഘൃതമിവോദ്ധൃതമ് । ഗിരേഃ സാരം യഥാ ഹേമ പുഷ്പസാരം യഥാ മധു ॥ 14 ॥

ഘൃതാത്സാരം യഥാ മംഡസ്തഥൈതത്സാരമുദ്ധൃതമ് । സർവപാപാപഹമിദം ചതുർവേദസമന്വിതമ് ॥ 15 ॥

പ്രയത്നേനാധിഗംതവ്യം ധാര്യം ച പ്രയതാത്മനാ । മാംഗള്യം പൌഷ്ടികം ചൈവ രക്ഷോഘ്നം പാവനം മഹത് ॥ 16 ॥

ഇദം ഭക്തായ ദാതവ്യം ശ്രദ്ദധാനാസ്തികായ ച । നാശ്രദ്ദധാനരൂപായ നാസ്തികായാജിതാത്മനേ ॥ 17 ॥

യശ്ചാഭ്യസൂയതേ ദേവം കാരണാത്മാനമീശ്വരമ് । സ കൃഷ്ണ നരകം യാതി സഹ പൂർവൈഃ സഹാത്മജൈഃ ॥ 18 ॥

ഇദം ധ്യാനമിദം യോഗമിദം ധ്യേയമനുത്തമമ് । ഇദം ജപ്യമിദം ജ്ഞാനം രഹസ്യമിദമുത്തമമ് ॥ 19 ॥

യം ജ്ഞാത്വാ അംതകാലേപി ഗച്ഛേത പരമാം ഗതിമ് । പവിത്രം മംഗളം മേധ്യം കല്യാണമിദമുത്തമമ് ॥ 20 ॥

ഇദം ബ്രഹ്മാ പുരാ കൃത്വാ സർവലോകപിതാമഹഃ । സർവ സ്തവാനാം രാജത്വേ ദിവ്യാനാം സമകല്പയത് ॥ 21 ॥

തദാ പ്രഭൃതി ചൈവായമീശ്വരസ്യ മഹാത്മനഃ । സ്തവരാജ ഇതി ഖ്യാതോ ജഗത്യമരപൂജിതഃ ॥ 22 ॥

ബ്രഹ്മലോകാദയം സ്വര്ഗേ സ്തവരാജോഽവതാരിതഃ । യതസ്തംഡിഃ പുരാ പ്രാപ തേന തംഡികൃതോഽഭവത് ॥ 23 ॥

സ്വര്ഗാച്ചൈവാത്ര ഭൂര്ലോകം തംഡിനാ ഹ്യവതാരിതഃ । സർവമംഗളമാംഗള്യം സർവപാപപ്രണാശനമ് ॥ 24 ॥

നിഗദിഷ്യേ മഹാബാഹോ സ്തവാനാമുത്തമം സ്തവമ് । ബ്രഹ്മണാമപി യദ്ബ്രഹ്മ പരാണാമപി യത്പരമ് ॥ 25 ॥

തേജസാമപി യത്തേജസ്തപസാമപി യത്തപഃ । ശാംതാനാമപി യഃ ശാംതോ ദ്യുതീനാമപി യാ ദ്യുതിഃ ॥ 26 ॥

ദാംതാനാമപി യോ ദാംതോ ധീമതാമപി യാ ച ധീഃ । ദേവാനാമപി യോ ദേവ ഋഷീണാമപി യസ്ത്വൃഷിഃ ॥ 27 ॥

യജ്ഞാനാമപി യോ യജ്ഞഃ ശിവാനാമപി യഃ ശിവഃ । രുദ്രാണാമപി യോ രുദ്രഃ പ്രഭാ പ്രഭവതാമപി ॥ 28 ॥

യോഗിനാമപി യോ യോഗീ കാരണാനാം ച കാരണമ് । യതോ ലോകാഃ സംഭവംതി ന ഭവംതി യതഃ പുനഃ ॥ 29 ॥

സർവഭൂതാത്മഭൂതസ്യ ഹരസ്യാമിതതേജസഃ । അഷ്ടോത്തരസഹസ്രം തു നാമ്നാം ശർവസ്യ മേ ശൃണു । യച്ഛ്രുത്വാ മനുജവ്യാഘ്ര സർവാന്കാമാനവാപ്സ്യസി ॥ 30 ॥

ധ്യാനമ് । ശാംതം പദ്മാസനസ്ഥം ശശിധരമുകുടം പംചവക്ത്രം ത്രിനേത്രം ശൂലം വജ്രം ച ഖഡ്ഗം പരശുമഭയദം ദക്ഷഭാഗേ വഹംതമ് । നാഗം പാശം ച ഘംടാം പ്രളയഹുതവഹം സാംകുശം വാമഭാഗേ നാനാലംകാരയുക്തം സ്ഫടികമണിനിഭം പാർവതീശം നമാമി ॥

സ്തോത്രമ് । ഓം സ്ഥിരഃ സ്ഥാണുഃ പ്രഭുര്ഭീമഃ പ്രവരോ വരദോ വരഃ । സർവാത്മാ സർവവിഖ്യാതഃ സർവഃ സർവകരോ ഭവഃ ॥ 1 ॥

ജടീ ചര്മീ ശിഖംഡീ ച സർവാംഗഃ സർവഭാവനഃ । ഹരശ്ച ഹരിണാക്ഷശ്ച സർവഭൂതഹരഃ പ്രഭുഃ ॥ 2 ॥

പ്രവൃത്തിശ്ച നിവൃത്തിശ്ച നിയതഃ ശാശ്വതോ ധ്രുവഃ । ശ്മശാനവാസീ ഭഗവാന് ഖചരോ ഗോചരോഽര്ദനഃ ॥ 3 ॥

അഭിവാദ്യോ മഹാകര്മാ തപസ്വീ ഭൂതഭാവനഃ । ഉന്മത്തവേഷപ്രച്ഛന്നഃ സർവലോകപ്രജാപതിഃ ॥ 4 ॥

മഹാരൂപോ മഹാകായോ വൃഷരൂപോ മഹായശാഃ । മഹാത്മാ സർവഭൂതാത്മാ വിശ്വരൂപോ മഹാഹനുഃ ॥ 5 ॥

ലോകപാലോഽംതര്ഹിതാത്മാ പ്രസാദോ ഹയഗര്ദഭിഃ । പവിത്രം ച മഹാംശ്ചൈവ നിയമോ നിയമാശ്രിതഃ ॥ 6 ॥

സർവകര്മാ സ്വയംഭൂത ആദിരാദികരോ നിധിഃ । സഹസ്രാക്ഷോ വിശാലാക്ഷഃ സോമോ നക്ഷത്രസാധകഃ ॥ 7 ॥

ചംദ്രഃ സൂര്യഃ ശനിഃ കേതുര്ഗ്രഹോ ഗ്രഹപതിർവരഃ । അത്രിരത്ര്യാ നമസ്കര്താ മൃഗബാണാര്പണോഽനഘഃ ॥ 8 ॥ [ആദ്യംതലയകര്താ ച]

മഹാതപാ ഘോരതപാ അദീനോ ദീനസാധകഃ । സംവത്സരകരോ മംത്രഃ പ്രമാണം പരമം തപഃ ॥ 9 ॥

യോഗീ യോജ്യോ മഹാബീജോ മഹാരേതാ മഹാബലഃ । സുവര്ണരേതാഃ സർവജ്ഞഃ സുബീജോ ബീജവാഹനഃ ॥ 10 ॥

ദശബാഹുസ്ത്വനിമിഷോ നീലകംഠ ഉമാപതിഃ । വിശ്വരൂപഃ സ്വയം ശ്രേഷ്ഠോ ബലവീരോ ബലോ ഗണഃ ॥ 11 ॥

ഗണകര്താ ഗണപതിര്ദിഗ്വാസാഃ കാമ ഏവ ച । മംത്രവിത്പരമോ മംത്രഃ സർവഭാവകരോ ഹരഃ ॥ 12 ॥

കമംഡലുധരോ ധന്വീ ബാണഹസ്തഃ കപാലവാന് । അശനീ ശതഘ്നീ ഖഡ്ഗീ പട്ടിശീ ചായുധീ മഹാന് ॥ 13 ॥

സ്രുവഹസ്തഃ സുരൂപശ്ച തേജസ്തേജസ്കരോ നിധിഃ । ഉഷ്ണീഷീ ച സുവക്ത്രശ്ച ഉദഗ്രോ വിനതസ്തഥാ ॥ 14 ॥

ദീര്ഘശ്ച ഹരികേശശ്ച സുതീര്ഥഃ കൃഷ്ണ ഏവ ച । സൃഗാലരൂപഃ സിദ്ധാര്ഥോ മുംഡഃ സർവശുഭംകരഃ ॥ 15 ॥

അജശ്ച ബഹുരൂപശ്ച ഗംധധാരീ കപര്ദ്യപി । ഊര്ധ്വരേതാ ഊര്ധ്വലിംഗ ഊര്ധ്വശായീ നഭഃസ്ഥലഃ ॥ 16 ॥

ത്രിജടീ ചീരവാസാശ്ച രുദ്രഃ സേനാപതിർവിഭുഃ । അഹശ്ചരോ നക്തംചരസ്തിഗ്മമന്യുഃ സുവര്ചസഃ ॥ 17 ॥

ഗജഹാ ദൈത്യഹാ കാലോ ലോകധാതാ ഗുണാകരഃ । സിംഹശാര്ദൂലരൂപശ്ച ആര്ദ്രചര്മാംബരാവൃതഃ ॥ 18 ॥

കാലയോഗീ മഹാനാദഃ സർവകാമശ്ചതുഷ്പഥഃ । നിശാചരഃ പ്രേതചാരീ ഭൂതചാരീ മഹേശ്വരഃ ॥ 19 ॥

ബഹുഭൂതോ ബഹുധരഃ സ്വര്ഭാനുരമിതോ ഗതിഃ । നൃത്യപ്രിയോ നിത്യനര്തോ നര്തകഃ സർവലാലസഃ ॥ 20 ॥

ഘോരോ മഹാതപാഃ പാശോ നിത്യോ ഗിരിരുഹോ നഭഃ । സഹസ്രഹസ്തോ വിജയോ വ്യവസായോ ഹ്യതംദ്രിതഃ ॥ 21 ॥

അധര്ഷണോ ധര്ഷണാത്മാ യജ്ഞഹാ കാമനാശകഃ । [മര്ഷ] ദക്ഷയാഗാപഹാരീ ച സുസഹോ മധ്യമസ്തഥാ ॥ 22 ॥

തേജോപഹാരീ ബലഹാ മുദിതോഽര്ഥോഽജിതോഽവരഃ । ഗംഭീരഘോഷോ ഗംഭീരോ ഗംഭീരബലവാഹനഃ ॥ 23 ॥

ന്യഗ്രോധരൂപോ ന്യഗ്രോധോ വൃക്ഷകര്ണസ്ഥിതിർവിഭുഃ । സുതീക്ഷ്ണദശനശ്ചൈവ മഹാകായോ മഹാനനഃ ॥ 24 ॥

വിഷ്വക്സേനോ ഹരിര്യജ്ഞഃ സംയുഗാപീഡവാഹനഃ । തീക്ഷ്ണതാപശ്ച ഹര്യശ്വഃ സഹായഃ കര്മകാലവിത് ॥ 25 ॥

വിഷ്ണുപ്രസാദിതോ യജ്ഞഃ സമുദ്രോ ബഡബാമുഖഃ । ഹുതാശനസഹായശ്ച പ്രശാംതാത്മാ ഹുതാശനഃ ॥ 26 ॥

ഉഗ്രതേജാ മഹാതേജാ ജന്യോ വിജയകാലവിത് । ജ്യോതിഷാമയനം സിദ്ധിഃ സർവവിഗ്രഹ ഏവ ച ॥ 27 ॥

ശിഖീ മുംഡീ ജടീ ജ്വാലീ മൂര്തിജോ മൂര്ധഗോ ബലീ । വേണവീ പണവീ താലീ ഖലീ കാലകടംകടഃ ॥ 28 ॥

നക്ഷത്രവിഗ്രഹമതിര്ഗുണബുദ്ധിര്ലയോഽഗമഃ । പ്രജാപതിർവിശ്വബാഹുർവിഭാഗഃ സർവഗോഽമുഖഃ ॥ 29 ॥

വിമോചനഃ സുസരണോ ഹിരണ്യകവചോദ്ഭവഃ । മേഢ്രജോ ബലചാരീ ച മഹീചാരീ സ്രുതസ്തഥാ ॥ 30 ॥ [മേഘജോ]

സർവതൂര്യനിനാദീ ച സർവാതോദ്യപരിഗ്രഹഃ । വ്യാലരൂപോ ഗുഹാവാസീ ഗുഹോ മാലീ തരംഗവിത് ॥ 31 ॥

ത്രിദശസ്ത്രികാലധൃക്കര്മസർവബംധവിമോചനഃ । ബംധനസ്ത്വസുരേംദ്രാണാം യുധിശത്രുവിനാശനഃ ॥ 32 ॥

സാംഖ്യപ്രസാദോ ദുർവാസാഃ സർവസാധുനിഷേവിതഃ । പ്രസ്കംദനോ വിഭാഗജ്ഞോ അതുല്യോ യജ്ഞഭാഗവിത് ॥ 33 ॥

സർവവാസഃ സർവചാരീ ദുർവാസാ വാസവോഽമരഃ । ഹൈമോ ഹേമകരോഽയജ്ഞഃ സർവധാരീ ധരോത്തമഃ ॥ 34 ॥ [യജ്ഞഃ]

ലോഹിതാക്ഷോ മഹാക്ഷശ്ച വിജയാക്ഷോ വിശാരദഃ । സംഗ്രഹോ നിഗ്രഹഃ കര്താ സര്പചീരനിവാസനഃ ॥ 35 ॥

മുഖ്യോഽമുഖ്യശ്ച ദേഹശ്ച കാഹലിഃ സർവകാമദഃ । സർവകാലപ്രസാദശ്ച സുബലോ ബലരൂപധൃത് ॥ 36 ॥

സർവകാമവരശ്ചൈവ സർവദഃ സർവതോമുഖഃ । ആകാശനിർവിരൂപശ്ച നിപാതീ ഹ്യവശഃ ഖഗഃ ॥ 37 ॥

രൌദ്രരൂപോഽംശുരാദിത്യോ ബഹുരശ്മിഃ സുവര്ചസീ । വസുവേഗോ മഹാവേഗോ മനോവേഗോ നിശാചരഃ ॥ 38 ॥

സർവവാസീ ശ്രിയാവാസീ ഉപദേശകരോഽകരഃ । മുനിരാത്മനിരാലോകഃ സംഭഗ്നശ്ച സഹസ്രദഃ ॥ 39 ॥

പക്ഷീ ച പക്ഷരൂപശ്ച അതിദീപ്തോ വിശാം പതിഃ । ഉന്മാദോ മദനഃ കാമോ ഹ്യശ്വത്ഥോഽര്ഥകരോ യശഃ ॥ 40 ॥

വാമദേവശ്ച വാമശ്ച പ്രാഗ്ദക്ഷിണശ്ച വാമനഃ । സിദ്ധയോഗീ മഹര്ഷിശ്ച സിദ്ധാര്ഥഃ സിദ്ധസാധകഃ ॥ 41 ॥

ഭിക്ഷുശ്ച ഭിക്ഷുരൂപശ്ച വിപണോ മൃദുരവ്യയഃ । മഹാസേനോ വിശാഖശ്ച ഷഷ്ടിഭാഗോ ഗവാം പതിഃ ॥ 42 ॥

വജ്രഹസ്തശ്ച വിഷ്കംഭീ ചമൂസ്തംഭന ഏവ ച । വൃത്താവൃത്തകരസ്താലോ മധുര്മധുകലോചനഃ ॥ 43 ॥

വാചസ്പത്യോ വാജസനോ നിത്യമാശ്രമപൂജിതഃ । [നിത്യമാശ്രിതപൂജിതഃ] ബ്രഹ്മചാരീ ലോകചാരീ സർവചാരീ വിചാരവിത് ॥ 44 ॥

ഈശാന ഈശ്വരഃ കാലോ നിശാചാരീ പിനാകഭൃത് । നിമിത്തസ്ഥോ നിമിത്തം ച നംദിര്നംദികരോ ഹരിഃ ॥ 45 ॥

നംദീശ്വരശ്ച നംദീ ച നംദനോ നംദിവര്ധനഃ । ഭഗഹാരീ നിഹംതാ ച കാലോ ബ്രഹ്മാ പിതാമഹഃ ॥ 46 ॥

ചതുര്മുഖോ മഹാലിംഗശ്ചാരുലിംഗസ്തഥൈവ ച । ലിംഗാധ്യക്ഷഃ സുരാധ്യക്ഷോ യോഗാധ്യക്ഷോ യുഗാവഹഃ ॥ 47 ॥

ബീജാധ്യക്ഷോ ബീജകര്താ അധ്യാത്മാനുഗതോ ബലഃ । ഇതിഹാസഃ സകല്പശ്ച ഗൌതമോഽഥ നിശാകരഃ ॥ 48 ॥

ദംഭോ ഹ്യദംഭോ വൈദംഭോ വശ്യോ വശകരഃ കലിഃ । ലോകകര്താ പശുപതിര്മഹാകര്താ ഹ്യനൌഷധഃ ॥ 49 ॥

അക്ഷരം പരമം ബ്രഹ്മ ബലവച്ഛക്ര ഏവ ച । നീതിര്ഹ്യനീതിഃ ശുദ്ധാത്മാ ശുദ്ധോ മാന്യോ ഗതാഗതഃ ॥ 50 ॥

ബഹുപ്രസാദഃ സുസ്വപ്നോ ദര്പണോഽഥ ത്വമിത്രജിത് । വേദകാരോ മംത്രകാരോ വിദ്വാന് സമരമര്ദനഃ ॥ 51 ॥

മഹാമേഘനിവാസീ ച മഹാഘോരോ വശീകരഃ । അഗ്നിജ്വാലോ മഹാജ്വാലോ അതിധൂമ്രോ ഹുതോ ഹവിഃ ॥ 52 ॥

വൃഷണഃ ശംകരോ നിത്യവര്ചസ്വീ ധൂമകേതനഃ । നീലസ്തഥാംഗലുബ്ധശ്ച ശോഭനോ നിരവഗ്രഹഃ ॥ 53 ॥

സ്വസ്തിദഃ സ്വസ്തിഭാവശ്ച ഭാഗീ ഭാഗകരോ ലഘുഃ । ഉത്സംഗശ്ച മഹാംഗശ്ച മഹാഗര്ഭപരായണഃ ॥ 54 ॥

കൃഷ്ണവര്ണഃ സുവര്ണശ്ച ഇംദ്രിയം സർവദേഹിനാമ് । മഹാപാദോ മഹാഹസ്തോ മഹാകായോ മഹായശാഃ ॥ 55 ॥

മഹാമൂര്ധാ മഹാമാത്രോ മഹാനേത്രോ നിശാലയഃ । മഹാംതകോ മഹാകര്ണോ മഹോഷ്ഠശ്ച മഹാഹനുഃ ॥ 56 ॥

മഹാനാസോ മഹാകംബുര്മഹാഗ്രീവഃ ശ്മശാനഭാക് । മഹാവക്ഷാ മഹോരസ്കോ ഹ്യംതരാത്മാ മൃഗാലയഃ ॥ 57 ॥

ലംബനോ ലംബിതോഷ്ഠശ്ച മഹാമായഃ പയോനിധിഃ । മഹാദംതോ മഹാദംഷ്ട്രോ മഹാജിഹ്വോ മഹാമുഖഃ ॥ 58 ॥

മഹാനഖോ മഹാരോമാ മഹാകേശോ മഹാജടഃ । പ്രസന്നശ്ച പ്രസാദശ്ച പ്രത്യയോ ഗിരിസാധനഃ ॥ 59 ॥

സ്നേഹനോഽസ്നേഹനശ്ചൈവ അജിതശ്ച മഹാമുനിഃ । വൃക്ഷാകാരോ വൃക്ഷകേതുരനലോ വായുവാഹനഃ ॥ 60 ॥

ഗംഡലീ മേരുധാമാ ച ദേവാധിപതിരേവ ച । അഥർവശീര്ഷഃ സാമാസ്യ ഋക്സഹസ്രാമിതേക്ഷണഃ ॥ 61 ॥

യജുഃ പാദഭുജോ ഗുഹ്യഃ പ്രകാശോ ജംഗമസ്തഥാ । അമോഘാര്ഥഃ പ്രസാദശ്ച അഭിഗമ്യഃ സുദര്ശനഃ ॥ 62 ॥

ഉപകാരഃ പ്രിയഃ സർവഃ കനകഃ കാംചനച്ഛവിഃ । നാഭിര്നംദികരോ ഭാവഃ പുഷ്കരസ്ഥപതിഃ സ്ഥിരഃ ॥ 63 ॥

ദ്വാദശസ്ത്രാസനശ്ചാദ്യോ യജ്ഞോ യജ്ഞസമാഹിതഃ । നക്തം കലിശ്ച കാലശ്ച മകരഃ കാലപൂജിതഃ ॥ 64 ॥

സഗണോ ഗണകാരശ്ച ഭൂതവാഹനസാരഥിഃ । ഭസ്മശയോ ഭസ്മഗോപ്താ ഭസ്മഭൂതസ്തരുര്ഗണഃ ॥ 65 ॥

ലോകപാലസ്തഥാഽലോകോ മഹാത്മാ സർവപൂജിതഃ । ശുക്ലസ്ത്രിശുക്ലഃ സംപന്നഃ ശുചിര്ഭൂതനിഷേവിതഃ ॥ 66 ॥

ആശ്രമസ്ഥഃ ക്രിയാവസ്ഥോ വിശ്വകര്മമതിർവരഃ । വിശാലശാഖസ്താമ്രോഷ്ഠോ ഹ്യംബുജാലഃ സുനിശ്ചലഃ ॥ 67 ॥

കപിലഃ കപിശഃ ശുക്ല ആയുശ്ചൈവ പരോ¶ഃ । ഗംധർവോ ഹ്യദിതിസ്താര്ക്ഷ്യഃ സുവിജ്ഞേയഃ സുശാരദഃ ॥ 68 ॥

പരശ്വധായുധോ ദേവോ ഹ്യനുകാരീ സുബാംധവഃ । തുംബവീണോ മഹാക്രോധ ഊര്ധ്വരേതാ ജലേശയഃ ॥ 69 ॥

ഉഗ്രോ വംശകരോ വംശോ വംശനാദോ ഹ്യനിംദിതഃ । സർവാംഗരൂപോ മായാവീ സുഹൃദോ ഹ്യനിലോഽനലഃ ॥ 70 ॥

ബംധനോ ബംധകര്താ ച സുബംധനവിമോചനഃ । സ യജ്ഞാരിഃ സ കാമാരിര്മഹാദംഷ്ട്രോ മഹായുധഃ ॥ 71 ॥

ബഹുധാ നിംദിതഃ ശർവഃ ശംകരഃ ശംകരോഽധനഃ । അമരേശോ മഹാദേവോ വിശ്വദേവഃ സുരാരിഹാ ॥ 72 ॥

അഹിര്ബുധ്ന്യോഽനിലാഭശ്ച ചേകിതാനോ ഹവിസ്തഥാ । [ഹരി] അജൈകപാച്ച കാപാലീ ത്രിശംകുരജിതഃ ശിവഃ ॥ 73 ॥

ധന്വംതരിര്ധൂമകേതുഃ സ്കംദോ വൈശ്രവണസ്തഥാ । ധാതാ ശക്രശ്ച വിഷ്ണുശ്ച മിത്രസ്ത്വഷ്ടാ ധ്രുവോ ധരഃ ॥ 74 ॥

പ്രഭാവഃ സർവഗോ വായുരര്യമാ സവിതാ രവിഃ । ഉഷംഗുശ്ച വിധാതാ ച മാംധാതാ ഭൂതഭാവനഃ ॥ 75 ॥

വിഭുർവര്ണവിഭാവീ ച സർവകാമഗുണാവഹഃ । പദ്മനാഭോ മഹാഗര്ഭശ്ചംദ്രവക്ത്രോഽനിലോഽനലഃ ॥ 76 ॥

ബലവാംശ്ചോപശാംതശ്ച പുരാണഃ പുണ്യചംചുരീ । കുരുകര്താ കുരുവാസീ കുരുഭൂതോ ഗുണൌഷധഃ ॥ 77 ॥

സർവാശയോ ദര്ഭചാരീ സർവേഷാം പ്രാണിനാം പതിഃ । ദേവദേവഃ സുഖാസക്തഃ സദസത്സർവരത്നവിത് ॥ 78 ॥

കൈലാസഗിരിവാസീ ച ഹിമവദ്ഗിരിസംശ്രയഃ । കൂലഹാരീ കൂലകര്താ ബഹുവിദ്യോ ബഹുപ്രദഃ ॥ 79 ॥

വണിജോ വര്ധകീ വൃക്ഷോ വകുലശ്ചംദനശ്ഛദഃ । സാരഗ്രീവോ മഹാജത്രുരലോലശ്ച മഹൌഷധഃ ॥ 80 ॥

സിദ്ധാര്ഥകാരീ സിദ്ധാര്ഥശ്ഛംദോവ്യാകരണോത്തരഃ । സിംഹനാദഃ സിംഹദംഷ്ട്രഃ സിംഹഗഃ സിംഹവാഹനഃ ॥ 81 ॥

പ്രഭാവാത്മാ ജഗത്കാലസ്ഥാലോ ലോകഹിതസ്തരുഃ । സാരംഗോ നവചക്രാംഗഃ കേതുമാലീ സഭാവനഃ ॥ 82 ॥

ഭൂതാലയോ ഭൂതപതിരഹോരാത്രമനിംദിതഃ ॥ 83 ॥

വാഹിതാ സർവഭൂതാനാം നിലയശ്ച വിഭുര്ഭവഃ । അമോഘഃ സംയതോ ഹ്യശ്വോ ഭോജനഃ പ്രാണധാരണഃ ॥ 84 ॥

ധൃതിമാന് മതിമാന് ദക്ഷഃ സത്കൃതശ്ച യുഗാധിപഃ । ഗോപാലിര്ഗോപതിര്ഗ്രാമോ ഗോചര്മവസനോ ഹരിഃ ॥ 85 ॥

ഹിരണ്യബാഹുശ്ച തഥാ ഗുഹാപാലഃ പ്രവേശിനാമ് । പ്രകൃഷ്ടാരിര്മഹാഹര്ഷോ ജിതകാമോ ജിതേംദ്രിയഃ ॥ 86 ॥

ഗാംധാരശ്ച സുവാസശ്ച തപഃസക്തോ രതിര്നരഃ । മഹാഗീതോ മഹാനൃത്യോ ഹ്യപ്സരോഗണസേവിതഃ ॥ 87 ॥

മഹാകേതുര്മഹാധാതുര്നൈകസാനുചരശ്ചലഃ । ആവേദനീയ ആദേശഃ സർവഗംധസുഖാവഹഃ ॥ 88 ॥

തോരണസ്താരണോ വാതഃ പരിധീ പതിഖേചരഃ । സംയോഗോ വര്ധനോ വൃദ്ധോ അതിവൃദ്ധോ ഗുണാധികഃ ॥ 89 ॥

നിത്യ ആത്മസഹായശ്ച ദേവാസുരപതിഃ പതിഃ । യുക്തശ്ച യുക്തബാഹുശ്ച ദേവോ ദിവിസുപർവണഃ ॥ 90 ॥

ആഷാഢശ്ച സുഷാഢശ്ച ധ്രുവോഽഥ ഹരിണോ ഹരഃ । വപുരാവര്തമാനേഭ്യോ വസുശ്രേഷ്ഠോ മഹാപഥഃ ॥ 91 ॥

ശിരോഹാരീ വിമര്ശശ്ച സർവലക്ഷണലക്ഷിതഃ । അക്ഷശ്ച രഥയോഗീ ച സർവയോഗീ മഹാബലഃ ॥ 92 ॥

സമാമ്നായോഽസമാമ്നായസ്തീര്ഥദേവോ മഹാരഥഃ । നിര്ജീവോ ജീവനോ മംത്രഃ ശുഭാക്ഷോ ബഹുകര്കശഃ ॥ 93 ॥

രത്നപ്രഭൂതോ രക്താംഗോ മഹാര്ണവനിപാനവിത് । [രത്നാംഗോ] മൂലം വിശാലോ ഹ്യമൃതോ വ്യക്താവ്യക്തസ്തപോനിധിഃ ॥ 94 ॥

ആരോഹണോഽധിരോഹശ്ച ശീലധാരീ മഹായശാഃ । സേനാകല്പോ മഹാകല്പോ യോഗോ യുഗകരോ ഹരിഃ ॥ 95 ॥ [യോഗകരോ]

യുഗരൂപോ മഹാരൂപോ മഹാനാഗഹനോ വധഃ । ന്യായനിർവപണഃ പാദഃ പംഡിതോ ഹ്യചലോപമഃ ॥ 96 ॥

ബഹുമാലോ മഹാമാലഃ ശശീ ഹരസുലോചനഃ । വിസ്താരോ ലവണഃ കൂപസ്ത്രിയുഗഃ സഫലോദയഃ ॥ 97 ॥

ത്രിലോചനോ വിഷണ്ണാംഗോ മണിവിദ്ധോ ജടാധരഃ । ബിംദുർവിസര്ഗഃ സുമുഖഃ ശരഃ സർവായുധഃ സഹഃ ॥ 98 ॥

നിവേദനഃ സുഖാജാതഃ സുഗംധാരോ മഹാധനുഃ । ഗംധപാലീ ച ഭഗവാനുത്ഥാനഃ സർവകര്മണാമ് ॥ 99 ॥

മംഥാനോ ബഹുലോ വായുഃ സകലഃ സർവലോചനഃ । തലസ്താലഃ കരസ്ഥാലീ ഊര്ധ്വസംഹനനോ മഹാന് ॥ 100 ॥

ഛത്രം സുച്ഛത്രോ വിഖ്യാതോ ലോകഃ സർവാശ്രയഃ ക്രമഃ । മുംഡോ വിരൂപോ വികൃതോ ദംഡീ കുംഡീ വികുർവണഃ ॥ 101 ॥

ഹര്യക്ഷഃ കകുഭോ വജ്രീ ശതജിഹ്വഃ സഹസ്രപാത് । സഹസ്രമൂര്ധാ ദേവേംദ്രഃ സർവദേവമയോ ഗുരുഃ ॥ 102 ॥

സഹസ്രബാഹുഃ സർവാംഗഃ ശരണ്യഃ സർവലോകകൃത് । പവിത്രം ത്രികകുന്മംത്രഃ കനിഷ്ഠഃ കൃഷ്ണപിംഗളഃ ॥ 103 ॥

ബ്രഹ്മദംഡവിനിര്മാതാ ശതഘ്നീപാശശക്തിമാന് । പദ്മഗര്ഭോ മഹാഗര്ഭോ ബ്രഹ്മഗര്ഭോ ജലോദ്ഭവഃ ॥ 104 ॥

ഗഭസ്തിര്ബ്രഹ്മകൃദ്ബ്രഹ്മീ ബ്രഹ്മവിദ്ബ്രാഹ്മണോ ഗതിഃ । അനംതരൂപോ നൈകാത്മാ തിഗ്മതേജാഃ സ്വയംഭുവഃ ॥ 105 ॥

ഊര്ധ്വഗാത്മാ പശുപതിർവാതരംഹാ മനോജവഃ । ചംദനീ പദ്മനാലാഗ്രഃ സുരഭ്യുത്തരണോ നരഃ ॥ 106 ॥

കര്ണികാരമഹാസ്രഗ്വീ നീലമൌളിഃ പിനാകധൃത് । ഉമാപതിരുമാകാംതോ ജാഹ്നവീധൃദുമാധവഃ ॥ 107 ॥

വരോ വരാഹോ വരദോ വരേണ്യഃ സുമഹാസ്വനഃ । മഹാപ്രസാദോ ദമനഃ ശത്രുഹാ ശ്വേതപിംഗളഃ ॥ 108 ॥

പീതാത്മാ പരമാത്മാ ച പ്രയതാത്മാ പ്രധാനധൃത് । [പ്രീതാത്മാ] സർവപാര്ശ്വമുഖസ്ത്ര്യക്ഷോ ധര്മസാധാരണോ വരഃ ॥ 109 ॥

ചരാചരാത്മാ സൂക്ഷ്മാത്മാ അമൃതോ ഗോവൃഷേശ്വരഃ । സാധ്യര്ഷിർവസുരാദിത്യോ വിവസ്വാന്സവിതാമൃതഃ ॥ 110 ॥

വ്യാസഃ സര്ഗഃ സുസംക്ഷേപോ വിസ്തരഃ പര്യയോ നരഃ । ഋതുഃ സംവത്സരോ മാസഃ പക്ഷഃ സംഖ്യാസമാപനഃ ॥ 111 ॥

കളാ കാഷ്ഠാ ലവാ മാത്രാ മുഹൂര്താഹഃ ക്ഷപാഃ ക്ഷണാഃ । വിശ്വക്ഷേത്രം പ്രജാബീജം ലിംഗമാദ്യസ്തു നിര്ഗമഃ ॥ 112 ॥

സദസദ്വ്യക്തമവ്യക്തം പിതാ മാതാ പിതാമഹഃ । സ്വര്ഗദ്വാരം പ്രജാദ്വാരം മോക്ഷദ്വാരം ത്രിവിഷ്ടപമ് ॥ 113 ॥

നിർവാണം ഹ്ലാദനശ്ചൈവ ബ്രഹ്മലോകഃ പരാ ഗതിഃ । ദേവാസുരവിനിര്മാതാ ദേവാസുരപരായണഃ ॥ 114 ॥

ദേവാസുരഗുരുര്ദേവോ ദേവാസുരനമസ്കൃതഃ । ദേവാസുരമഹാമാത്രോ ദേവാസുരഗണാശ്രയഃ ॥ 115 ॥

ദേവാസുരഗണാധ്യക്ഷോ ദേവാസുരഗണാഗ്രണീഃ । ദേവാതിദേവോ ദേവര്ഷിര്ദേവാസുരവരപ്രദഃ ॥ 116 ॥ [ദേവാദി]

ദേവാസുരേശ്വരോ വിശ്വോ ദേവാസുരമഹേശ്വരഃ । സർവദേവമയോഽചിംത്യോ ദേവതാത്മാഽഽത്മസംഭവഃ ॥ 117 ॥

ഉദ്ഭിത്ത്രിവിക്രമോ വൈദ്യോ വിരജോ നീരജോഽമരഃ । ഈഡ്യോ ഹസ്തീശ്വരോ വ്യാഘ്രോ ദേവസിംഹോ നരര്ഷഭഃ ॥ 118 ॥

വിബുധോഽഗ്രവരഃ സൂക്ഷ്മഃ സർവദേവസ്തപോമയഃ । സുയുക്തഃ ശോഭനോ വജ്രീ പ്രാസാനാം പ്രഭവോഽവ്യയഃ ॥ 119 ॥

ഗുഹഃ കാംതോ നിജഃ സര്ഗഃ പവിത്രം സർവപാവനഃ । ശൃംഗീ ശൃംഗപ്രിയോ ബഭ്രൂ രാജരാജോ നിരാമയഃ ॥ 120 ॥

അഭിരാമഃ സുരഗണോ വിരാമഃ സർവസാധനഃ । ലലാടാക്ഷോ വിശ്വദേവോ ഹരിണോ ബ്രഹ്മവര്ചസഃ ॥ 121 ॥

സ്ഥാവരാണാം പതിശ്ചൈവ നിയമേംദ്രിയവര്ധനഃ । സിദ്ധാര്ഥഃ സിദ്ധഭൂതാര്ഥോഽചിംത്യഃ സത്യവ്രതഃ ശുചിഃ ॥ 122 ॥

വ്രതാധിപഃ പരം ബ്രഹ്മ ഭക്താനാം പരമാ ഗതിഃ । [ഭക്താനുഗ്രഹകാരകഃ] വിമുക്തോ മുക്തതേജാശ്ച ശ്രീമാന് ശ്രീവര്ധനോ ജഗത് ॥ 123 ॥

ഉത്തരപീഠികാ (ഫലശൃതി) യഥാ പ്രധാനം ഭഗവാനിതി ഭക്ത്യാ സ്തുതോ മയാ । യം ന ബ്രഹ്മാദയോ ദേവാ വിദുസ്തത്ത്വേന നര്ഷയഃ ॥ 1 ॥

സ്തോതവ്യമര്ച്യം വംദ്യം ച കഃ സ്തോഷ്യതി ജഗത്പതിമ് । ഭക്ത്യാ ത്വേവം പുരസ്കൃത്യ മയാ യജ്ഞപതിർവിഭുഃ ॥ 2 ॥

തതോഽഭ്യനുജ്ഞാം സംപ്രാപ്യ സ്തുതോ മതിമതാം വരഃ । ശിവമേഭിഃ സ്തുവന് ദേവം നാമഭിഃ പുഷ്ടിവര്ധനൈഃ ॥ 3 ॥

നിത്യയുക്തഃ ശുചിര്ഭക്തഃ പ്രാപ്നോത്യാത്മാനമാത്മനാ । ഏതദ്ധി പരമം ബ്രഹ്മ പരം ബ്രഹ്മാധിഗച്ഛതി ॥ 4 ॥

ഋഷയശ്ചൈവ ദേവാശ്ച സ്തുവംത്യേതേന തത്പരമ് । സ്തൂയമാനോ മഹാദേവസ്തുഷ്യതേ നിയതാത്മഭിഃ ॥ 5 ॥

ഭക്താനുകംപീ ഭഗവാനാത്മസംസ്ഥാകരോ വിഭുഃ । തഥൈവ ച മനുഷ്യേഷു യേ മനുഷ്യാഃ പ്രധാനതഃ ॥ 6 ॥

ആസ്തികാഃ ശ്രദ്ദധാനാശ്ച ബഹുഭിര്ജന്മഭിഃ സ്തവൈഃ । ഭക്ത്യാ ഹ്യനന്യമീശാനം പരം ദേവം സനാതനമ് ॥ 7 ॥

കര്മണാ മനസാ വാചാ ഭാവേനാമിതതേജസഃ । ശയാനാ ജാഗ്രമാണാശ്ച വ്രജന്നുപവിശംസ്തഥാ ॥ 8 ॥

ഉന്മിഷന്നിമിഷംശ്ചൈവ ചിംതയംതഃ പുനഃ പുനഃ । ശൃണ്വംതഃ ശ്രാവയംതശ്ച കഥയംതശ്ച തേ ഭവമ് ॥ 9 ॥

സ്തുവംതഃ സ്തൂയമാനാശ്ച തുഷ്യംതി ച രമംതി ച । ജന്മകോടിസഹസ്രേഷു നാനാസംസാരയോനിഷു ॥ 10 ॥

ജംതോർവിഗതപാപസ്യ ഭവേ ഭക്തിഃ പ്രജായതേ । ഉത്പന്നാ ച ഭവേ ഭക്തിരനന്യാ സർവഭാവതഃ ॥ 11 ॥

ഭാവിനഃ കാരണേ ചാസ്യ സർവയുക്തസ്യ സർവഥാ । ഏതദ്ദേവേഷു ദുഷ്പ്രാപം മനുഷ്യേഷു ന ലഭ്യതേ ॥ 12 ॥

നിർവിഘ്നാ നിശ്ചലാ രുദ്രേ ഭക്തിരവ്യഭിചാരിണീ । തസ്യൈവ ച പ്രസാദേന ഭക്തിരുത്പദ്യതേ നൃണാമ് ॥ 13 ॥

യേന യാംതി പരാം സിദ്ധിം തദ്ഭാവഗതചേതസഃ । യേ സർവഭാവാനുഗതാഃ പ്രപദ്യംതേ മഹേശ്വരമ് ॥ 14 ॥

പ്രപന്നവത്സലോ ദേവഃ സംസാരാത്താന്സമുദ്ധരേത് । ഏവമന്യേ വികുർവംതി ദേവാഃ സംസാരമോചനമ് ॥ 15 ॥

മനുഷ്യാണാമൃതേ ദേവം നാന്യാ ശക്തിസ്തപോബലമ് । ഇതി തേനേംദ്രകല്പേന ഭഗവാന് സദസത്പതിഃ ॥ 16 ॥

കൃത്തിവാസാഃ സ്തുതഃ കൃഷ്ണ തംഡിനാ ശുഭബുദ്ധിനാ । സ്തവമേതം ഭഗവതോ ബ്രഹ്മാ സ്വയമധാരയത് ॥ 17 ॥

ഗീയതേ ച സ ബുദ്ധ്യേത ബ്രഹ്മാ ശംകരസന്നിധൌ । ഇദം പുണ്യം പവിത്രം ച സർവദാ പാപനാശനമ് ॥ 18 ॥

യോഗദം മോക്ഷദം ചൈവ സ്വര്ഗദം തോഷദം തഥാ । ഏവമേതത്പഠംതേ യ ഏകഭക്ത്യാ തു ശംകരമ് ॥ 19 ॥

യാ ഗതിഃ സാംഖ്യയോഗാനാം വ്രജംത്യേതാം ഗതിം തദാ । സ്തവമേതം പ്രയത്നേന സദാ രുദ്രസ്യ സന്നിധൌ ॥ 20 ॥

അബ്ദമേകം ചരേദ്ഭക്തഃ പ്രാപ്നുയാദീപ്സിതം ഫലമ് । ഏതദ്രഹസ്യം പരമം ബ്രഹ്മണോ ഹൃദി സംസ്ഥിതമ് ॥ 21 ॥

ബ്രഹ്മാ പ്രോവാച ശക്രായ ശക്രഃ പ്രോവാച മൃത്യവേ । മൃത്യുഃ പ്രോവാച രുദ്രേഭ്യോ രുദ്രേഭ്യസ്തംഡിമാഗമത് ॥ 22 ॥

മഹതാ തപസാ പ്രാപ്തസ്തംഡിനാ ബ്രഹ്മസദ്മനി । തംഡിഃ പ്രോവാച ശുക്രായ ഗൌതമായ ച ഭാര്ഗവഃ ॥ 23 ॥

വൈവസ്വതായ മനവേ ഗൌതമഃ പ്രാഹ മാധവ । നാരായണായ സാധ്യായ സമാധിഷ്ഠായ ധീമതേ ॥ 24 ॥

യമായ പ്രാഹ ഭഗവാന് സാധ്യോ നാരായണോഽച്യുതഃ । നാചികേതായ ഭഗവാനാഹ വൈവസ്വതോ യമഃ ॥ 25 ॥

മാര്കംഡേയായ വാര്ഷ്ണേയ നാചികേതോഽഭ്യഭാഷത । മാര്കംഡേയാന്മയാ പ്രാപ്തോ നിയമേന ജനാര്ദന ॥ 26 ॥

തവാപ്യഹമമിത്രഘ്ന സ്തവം ദദ്യാം ഹ്യവിശ്രുതമ് । സ്വര്ഗ്യമാരോഗ്യമായുഷ്യം ധന്യം വേദേന സമ്മിതമ് ॥ 27 ॥

നാസ്യ വിഘ്നം വികുർവംതി ദാനവാ യക്ഷരാക്ഷസാഃ । പിശാചാ യാതുധാനാ വാ ഗുഹ്യകാ ഭുജഗാ അപി ॥ 28 ॥

യഃ പഠേത ശുചിഃ പാര്ഥ ബ്രഹ്മചാരീ ജിതേംദ്രിയഃ । [ഭൂത്വാ] അഭഗ്നയോഗോ വര്ഷം തു സോഽശ്വമേധഫലം ലഭേത് ॥ 29 ॥

ഇതി ശ്രീമഹാഭാരതേ അനുശാസനപർവണി മഹാദേവസഹസ്രനാമ സ്തോത്രം നാമ സപ്തദശോഽധ്യായഃ ॥

About Shiva Sahasra Nama Stotram

This Shiva Sahasranama Stotram is the thousand names of Lord Shiva from the Anushasana Parva of the Mahabharata. In it, Lord Krishna tells Yudhishthira how the sage Upamanyu, a great devotee of Shiva, taught him these thousand names, which had come down from Brahma through a line of sages. The names, beginning with Sthira, Sthanu, Prabhu and Bhima, praise Shiva as the unmoving, the lord, the fearsome and the auspicious, the source and end of all.

Source: Mahabharata, Anushasana Parva, as its colophon states

When to chant: On Mondays, Pradosham and Maha Shivaratri, in Shiva archana, and in Mahabharata study.

Did you know?

  • Its colophon places it in the seventeenth chapter of the Anushasana Parva of the Mahabharata.
  • In the epic, Krishna himself performs penance and receives Shiva's blessings after learning these names from Upamanyu.
  • It is one of several Shiva Sahasranamas; others appear in the Linga and Shiva Puranas.

Recited on these festivals

Frequently asked questions

Where is this Shiva Sahasranama found?

The Anushasana Parva of the Mahabharata, chapter 17.

Who taught it to Krishna?

The sage Upamanyu, a great devotee of Shiva.

When is it recited?

On Mondays, Pradosham and Shivaratri.

Offered for worship and study, not as prediction. Non-commercial.