Shukla Yajurveda Sandhya Vandanam
Nitya Parayana · Traditional devotional text
(കാത്യായന സൂത്രാനുസാരമ്)
ശ്രീ ഗുരുഭ്യോ നമഃ । ഹരിഃ ഓമ് ॥
॥ ഗുരു പ്രാര്ഥന ॥ ഓം-വംഁദേഽഹം മംഗളാത്മാനം ഭാസ്വംതംവേഁദവിഗ്രഹമ് । യാജ്ഞവല്ക്യം മുനിശ്രേഷ്ഠം ജിഷ്ണും ഹരിഹര പ്രഭുമ് ॥ ജിതേംദ്രിയം ജിതക്രോധം സദാധ്യാനപരായണമ് । ആനംദനിലയം-വംഁദേ യോഗാനംദ മുനീശ്വരമ് ॥ ഏവം ദ്വാദശ നാമാനി ത്രിസംധ്യാ യഃ പഠേന്നരഃ । യോഗീശ്വര പ്രസാദേന വിദ്യാവാന് ധനവാന് ഭവേത് ॥ ഓം ശ്രീ യാജ്ഞവല്ക്യ ഗുരുഭ്യോ നമഃ । കണ്വകാത്യായനാദി മഹര്ഷിഭ്യോ നമഃ ॥
ഗുരുര്ബ്രഹ്മ ഗുരുർവിഷ്ണുഃ ഗുരുര്ദേവോ മഹേശ്വരഃ । ഗുരുസ്സാക്ഷാത് പരബ്രഹ്മ തസ്മൈ ശ്രീ ഗുരവേ നമഃ ॥ ഗുരവേ സർവലോകാനാം ഭിഷജേ ഭവരോഗിണാമ് । നിധയേ സർവവിദ്യാനാം ദക്ഷിണാമൂര്തയേ നമഃ ॥ ————–
॥ മാനസ സ്നാനമ് ॥ അപവിത്രഃ പവിത്രോ വാ സർവാവസ്ഥാം ഗതോഽപി വാ । യസ്സ്മരേത്പുംഡരീകാക്ഷം സ ബാഹ്യാഭ്യംതരശ്ശുചിഃ ॥ പുംഡരീകാക്ഷ പുംഡരീകാക്ഷ പുംഡരീകാക്ഷായ നമഃ ॥
ഗോവിംദേതി സദാസ്നാനം ഗോവിംദേതി സദാ ജപഃ । ഗോവിംദേതി സദാ ധ്യാനം സദാ ഗോവിംദ കീര്തനമ് ॥
॥ ആചമനമ് ॥ 1. ഓം കേശവായ സ്വാഹാ 2. ഓം നാരായണായ സ്വാഹാ 3. ഓം മാധവായ സ്വാഹാ 4. ഓം ഗോവിംദായ നമഃ 5. ഓം-വിഁഷ്ണവേ നമഃ 6. ഓം മധുസൂദനായ നമഃ 7. ഓം ത്രിവിക്രമായ നമഃ 8. ഓം-വാഁമനായ നമഃ 9. ഓം ശ്രീധരായ നമഃ 10. ഓം ഹൃഷീകേശായ നമഃ 11. ഓം പദ്മനാഭായ നമഃ 12. ഓം ദാമോദരായ നമഃ 13. ഓം സംകര്ഷണായ നമഃ 14. ഓം-വാഁസുദേവായ നമഃ 15. ഓം പ്രദ്യുമ്നായ നമഃ 16. ഓം അനിരുദ്ധായ നമഃ 17. ഓം പുരുഷോത്തമായ നമഃ 18. ഓം അഥോക്ഷജായ നമഃ 19. ഓം നാരസിംഹായ നമഃ 20. ഓം അച്യുതായ നമഃ 21. ഓം ജനാര്ദനായ നമഃ 22. ഓം ഉപേംദ്രായ നമഃ 23. ഓം ഹരയേ നമഃ 24. ഓം ശ്രീ കൃഷ്ണായ നമഃ
॥ ഭൂമി പ്രാര്ഥന ॥
പൃഥിവീത്യസ്യ, മേരുപൃഷ്ഠ ഋഷിഃ, കൂര്മോ ദേവതാ, സുതലം ഛംദഃ, ആസനേ വിനിയോഗഃ ।
ഓം പൃഥ്വീ ത്വയാ ധൃതാ ലോകാ ദേവി ത്വം-വിഁഷ്ണുനാ ധൃതാ । ത്വം ച ധാരയ മാം ദേവി പവിത്രം കുരു ചാസനമ് ।
॥ പ്രാണായാമമ് ॥
പ്രണവസ്യ പരബ്രഹ്മ ഋഷിഃ, പരമാത്മാ ദേവതാ, ദൈവീ ഗായത്രീ ഛംദഃ । സപ്താനാം-വ്യാഁഹൃതീനാം പ്രജാപതി ഋഷിഃ, അഗ്നി-വായു-സൂര്യ-ബൃഹസ്പതി-വരുണേംദ്ര-വിശ്വേദേവാ ദേവതാഃ, ഗായത്ര്യുഷ്ണിക് അനുഷ്ടുപ് ബൃഹതീ പംക്തിഃ, ത്രിഷ്ടുബ്ജഗത്യശ്ഛംദാംസി । തത്സവിതുരിത്യസ്യ വിശ്വാമിത്ര ഋഷിഃ, സവിതാ ദേവതാ, ഗായത്രീ ഛംദഃ । ശിരോമംത്രസ്യ പ്രജാപതി ഋഷിഃ, ബ്രഹ്മ-അഗ്നി-വായു-സൂര്യാ ദേവതാഃ, യജുശ്ഛംദഃ । പ്രാണായാമേ വിനിയോഗഃ ।
ഓം ഭൂഃ । ഓം ഭുവഃ॑ । ഓഗ്ം സുവഃ॑ । ഓം മഹഃ॑ । ഓം ജനഃ॑ । ഓം തപഃ॑ । ഓഗ്ം സത്യമ് । ഓം തത്സ॑വി॒തുർവരേ॑ണ്യം॒ ഭര്ഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ॑ത് ॥ ഓം ആപോ॒ ജ്യോതീ॒ രസോ॒മൃതം॒ ബ്രഹ്മ॒ ഭൂര്ഭുവ॒സ്സ്വ॒രോമ് ।
॥ സംകല്പമ് ॥ മമ ഉപാത്ത സമസ്ത ദുരിതക്ഷയ ദ്വാരാ ശ്രീപരമേശ്വരമുദ്ദിശ്യ ശ്രീപരമേശ്വര പ്രീത്യര്ഥം ശുഭേ ശോഭനേ മുഹൂര്തേ ശ്രീ മഹാവിഷ്ണോരാജ്ഞയാ പ്രവര്തമാനസ്യ അദ്യ ബ്രഹ്മണഃ ദ്വിതീയ പരാര്ഥേ ശ്വേതവരാഹ കല്പേ വൈവസ്വത മന്വംതരേ കലിയുഗേ പ്രഥമപാദേ ജംബൂദ്വീപേ ഭാരതവര്ഷേ ഭരതഖംഡേ മേരോര്ദക്ഷിണ ദിഗ്ഭാഗേ ശ്രീശൈലസ്യ …… പ്രദേശേ ……, …… നദ്യോഃ മധ്യ പ്രദേശേ മംഗള ഗൃഹേ അസ്മിന് വര്തമന വ്യാവഹരിക ചാംദ്രമാനേന സ്വസ്തി ശ്രീ …….. (1) നാമ സംവഁത്സരേ …… അയനേ(2) …… ഋതൌ (3) …… മാസേ(4) …… പക്ഷേ (5) …… തിഥൌ (6) …… വാസരേ (7) …… നക്ഷത്രേ (8) …… യോഗേ (9) …… കരണ (10) ഏവം ഗുണ വിശേഷണ വിശിഷ്ടായാം ശുഭതിഥൌ ശ്രീമാന് …… ഗോത്രഃ …… നാമധേയഃ (ശ്രീമതഃ …… ഗോത്രസ്യ …… നാമധേയസ്യ മമ ധര്മപത്നീ സമേതസ്യ) ശ്രീ പരമേശ്വര പ്രീത്യര്ഥം മമ ശ്രൌത സ്മാര്ത നിത്യ കര്മാനുഷ്ഠാന യോഗ്യതാ ഫലസിദ്ധ്യര്ഥം പ്രാതഃ/മാധ്യാഹ്നിക/സായം സംധ്യാം ഉപാസിഷ്യേ ॥
॥ മാര്ജനമു ॥ ഗംഗേ ച യമുനേ കൃഷ്ണേ ഗോദാവരീ സരസ്വതീ । നര്മദേ സിംധു കാവേരീ ജലേഽസ്മിന് സന്നിധിം കുരു ॥
ആപോഹിഷ്ഠേതി തിസൃണാം, സിംധുദ്വീപ ഋഷിഃ, ആപോ ദേവതാ, ഗായത്രീ ഛംദഃ, മാര്ജനേ വിനിയോഗഃ ।
ഓം ആപോ॒ ഹിഷ്ഠാ മ॑യോ॒ഭുവഃ॑ । (പാദമുല പൈ) ഓം താ ന॑ ഊ॒ര്ജേ ദ॑ധാതന । (ശിരസ്സു പൈ) ഓം മ॒ഹേരണാ॑യ॒ ചക്ഷ॑സേ । (ഹൃദയമു പൈ) ഓം-യോഁ വ॑ശ്ശി॒വത॑മോ॒ രസഃ॑ । (ശിരസ്സു പൈ) ഓം തസ്യ॑ ഭാജയതേ॒ ഹ നഃ॑ । (ഹൃദയമു പൈ) ഓം ഉ॒ശ॒തീരി॑വ മാ॒ത॑രഃ । (പാദമുല പൈ) ഓം തസ്മാ॒ അരം॑ഗമാമവഃ । (ഹൃദയമു പൈ) ഓം-യഁസ്യ॒ ക്ഷയാ॑യ॒ ജിന്വ॑ഥ । (പാദമുല പൈ) ഓം ആപോ॑ ജ॒നയ॑ഥാ ച നഃ । (ശിരസ്സു പൈ)
॥ മംത്രാചമനമ് ॥
(പ്രാതഃ കാലേ) സൂര്യശ്ചേതി മംത്രസ്യ, ഉപനിഷദ്യാജ്ഞവല്ക്യ ഋഷിഃ, സൂര്യോ ദേവതാ, അനുഷ്ടുപ് ഛംദഃ, ഉദക പ്രാശനേ വിനിയോഗഃ ।
ഓം സൂര്യശ്ച മാ മന്യുശ്ച മന്യുപതയശ്ച മന്യു॑കൃതേ॒ഭ്യഃ । പാപേഭ്യോ॑ രക്ഷം॒താമ് । യദ്രാത്ര്യാ പാപ॑മകാ॒ര്ഷമ് । മനസാ വാചാ॑ ഹസ്താ॒ഭ്യാമ് । പദ്ഭ്യാമുദരേ॑ണ ശി॒ശ്നാ । രാത്രി॒സ്തദ॑വലും॒പതു । യത്കിംച॑ ദുരി॒തം മയി॑ । ഇ॒ദമ॒ഹം മാമമൃത॑യോ॒നൌ । സൂര്യേ ജ്യോതിഷി ജുഹോ॑മി സ്വാ॒ഹാ ।
(മധ്യാഹ്ന കാലേ) ആപഃ പുനംത്വിതി മംത്രസ്യ, നാരായണ ഋഷിഃ, ആപോ ദേവതാ, ഗായത്രീ ഛംദഃ, ഉദക പ്രാശനേ വിനിയോഗഃ ।
ആപഃ॑ പുനംതു പൃഥി॒വീം പൃഥി॒വീ പൂ॒താ പു॑നാതു॒ മാമ് । പു॒നംതു॒ ബ്രഹ്മ॑ണ॒സ്പതി॒ര്ബ്രഹ്മ॑പൂ॒താ പു॑നാതു മാമ് ॥ യദുച്ഛി॑ഷ്ടമഭോ᳚ജ്യം॒ ച യദ്വാ॑ ദു॒ശ്ചരി॑തം॒ മമ॑ । സർവം॑ പുനംതു॒ മാമാപോ॑ഽസ॒താം ച॑ പ്രതി॒ഗ്രഹ॒ഗ്മ് സ്വാഹാ᳚ ॥
(സായം കാലേ) അഗ്നിശ്ചേതി മംത്രസ്യ, യാജ്ഞവല്ക്യ ഉപനിഷദൃഷിഃ, അഗ്നിര്ദേവതാ, അനുഷ്ടുപ് ഛംദഃ, ഉദക പ്രാശനേ വിനിയോഗഃ ।
അഗ്നിശ്ച മാ മന്യുശ്ച മന്യുപതയശ്ച മന്യു॑കൃതേ॒ഭ്യഃ । പാപേഭ്യോ॑ രക്ഷം॒താമ് । യദഹ്നാ പാപ॑മകാ॒ര്ഷമ് । മനസാ വാചാ॑ ഹസ്താ॒ഭ്യാമ് । പദ്ഭ്യാമുദരേ॑ണ ശി॒ശ്നാ । അഹ॒സ്തദ॑വലും॒പതു । യത്കിംച॑ ദുരി॒തം മയി॑ । ഇ॒ദമ॒ഹം മാമമൃത॑യോ॒നൌ । സത്യേ ജ്യോതിഷി ജുഹോ॑മി സ്വാ॒ഹാ ।
॥ പുനര്മാര്ജനമ് ॥
ആചമ്യ (ചേ.) ॥
ഓം ഭൂര്ഭുവ॒സ്സ്വഃ॑ । തത്സ॑വി॒തുർവരേ॑ണ്യം॒ ഭര്ഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ॑ത് ॥
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വ॑ശ്ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ ।
॥ അഘമര്ഷണമ് ॥ ദ്രുപദാ ദിവേത്യസ്യ മംത്രസ്യ, കോകില രാജപുത്ര ഋഷിഃ, ആപോ ദേവതാ, അനുഷ്ടുപ് ഛംദഃ, അഘമര്ഷണേ വിനിയോഗഃ ।
ഓം ദ്രു॒പ॒ദാ ദി॑വ മുംചതു । ദ്രു॒പ॒ദാ ദി॒വേന്മു॑മുചാ॒നഃ । സ്വി॒ന്നഃ സ്നാ॒ത്വീ മലാ॑ദിവ । പൂ॒തം പ॒വിത്രേ॑ണേ॒വാജ്യ᳚മ് । ആപഃ॑ ശുംധംതു॒ മൈന॑സഃ । (തൈ.ബ്രാ.2.6.6.4)
ശത്രുക്ഷയാര്ഥ മാര്ജനമ് ॥ സുമിത്രാന ഇത്യസ്യ മംത്രസ്യ, പ്രജാപതി ഋഷിഃ, ആപോ ദേവതാ, അനുഷ്ടുപ് ഛംദഃ, ശത്രുക്ഷയാര്ഥേ വിനിയോഗഃ ।
ഓം സു॒മി॒ത്രാ ന॒ ആപ॒ ഓഷ॑ധയഃ സംതു । ദു॒ര്മി॒ത്രാസ്തസ്മൈ॑ ഭുയാസുഃ । യോ᳚ഽസ്മാംദ്വേഷ്ടി॑ । യം ച॑ വ॒യം ദ്വി॒ഷ്മഃ । (തൈ.ബ്രാ.2.6.6.3)
പാപക്ഷയാര്ഥ മാര്ജനമ് ॥ ഇദമാപ ഇത്യസ്യ മംത്രസ്യ, ഉചക്ഥ്യ ഋഷിഃ, ആപോ ദേവതാ, അനുഷ്ടുപ് ഛംദഃ, ദുരിതക്ഷയാര്ഥ മാര്ജനേ വിനിയോഗഃ ।
ഓം ഇ॒ദമാ॑പഃ॒ പ്രവ॑ഹത॒ യത്കിം ച॑ ദുരി॒തം മയി॑ । യദ്വാ॒ഹമ॑ഭിദു॒ദ്രോഹ॒ യദ്വാ॑ ശേ॒പ ഉ॒താനൃ॑തമ് ॥
॥ അര്ഘ്യപ്രദാനമു ॥
ആചമ്യ (ചേ.) ॥ പ്രാണാനായമ്യ (ചേ.) ॥
പൂർവോക്ത ഏവം ഗുണ വിശേഷണ വിശിഷ്ടായാം ശുഭതിഥൌ (കാലാതിക്രമണദോഷ നിവൃത്യര്ഥം പ്രായശ്ചിത്താര്ഘ്യ പൂർവക) പ്രാതഃ/മാധ്യാഹ്നിക/സായം സംധ്യാംഗ അര്ഘ്യപ്രദാനം കരിഷ്യേ ॥
ഭൂര്ഭുവസ്സ്വരിതി മഹാവ്യാഹൃതീനാം, പരമേഷ്ഠീ പ്രജാപതി ഋഷിഃ, അഗ്നി-വായു-സൂര്യാ ദേവതാഃ, ഗായത്ര്യുഷ്ണിക് അനുഷ്ടുപ്ഛംദാംസി । തത്സവിതുരിത്യസ്യ, വിശ്വാമിത്ര ഋഷിഃ, സവിതാ ദേവതാ, ഗായത്രീ ഛംദഃ, അര്ഘ്യപ്രദാനേ വിനിയോഗഃ ।
ഓം ഭൂര്ഭുവ॒സ്സ്വഃ॑ । ഓം തത്സ॑വിതു॒ർവരേ॑ണ്യ॒മ് । ഭര്ഗോ॑ ദേ॒വസ്യ॑ ധീ॒മഹി । ധിയോ॒ യോ നഃ॑ പ്രചോ॒ദയാ॑ത് ॥
ശ്രീ പദ്മിനീ ഉഷാ സൌജ്ഞാ ഛായാ സമേത ശ്രീ സൂര്യനാരായണ പരബ്രഹ്മണേ നമഃ । ഇദമര്ഘ്യം സമര്പയാമി ।
(പ്രാതഃ കാലേ) ഉഷസ്ത ഇത്യസ്യ മംത്രസ്യ, ഗൌതമ ഋഷിഃ, ഉഷോ ദേവതാ, ഉഷ്ണിക്ഛംദഃ, പ്രായശ്ചിത്താര്ഘ്യ പ്രദാനേ വിനിയോഗഃ ।
ഓം ഉഷ॒സ്തച്ചി॒ത്രമാഭ॑രാ॒സ്മഭ്യം॑-വാഁജനീവതി യേനതോ॒കം ച॒ തന॑യം ച॒ ധാമ॑ഹേ ॥ ശ്രീ പദ്മിനീ ഉഷാ സൌജ്ഞാ ഛായാ സമേത ശ്രീ സൂര്യനാരായണ പരബ്രഹ്മണേ നമഃ । ഇദമര്ഘ്യം സമര്പയാമി ।
ഓം ഭൂഃ । ഓം ഭുവഃ॑ । ഓഗ്ം സുവഃ॑ । ഓം തത്സ॑വിതു॒ർവരേ॑ണ്യ॒മ് । ഭ॒ര്ഗോ॑ ദേ॒വസ്യ॑ ധീ॒മഹി । ധിയോ॒ യോനഃ॑ പ്രചോ॒ദയാ॑ത് ॥ [3]
(മധ്യാഹ്ന കാലേ) ആകൃഷ്ണേനേത്യസ്യ മംത്രസ്യ, ഹിരണ്യ സ്തൂപ ഋഷിഃ, സൂര്യോ ദേവതാ, ത്രിഷ്ടുപ്ഛംദഃ, പ്രായശ്ചിത്താര്ഘ്യ പ്രദാനേ വിനിയോഗഃ ॥
ഓം ആകൃ॒ഷ്ണേന॒ രജ॑സാ॒ വര്ത॑മാനോ നിവേ॒ശയ॑ന്ന॒മൃതം॒ മര്ത്യം॑ച । ഹി॒ര॒ണ്യയേ॑ന സവി॒താ രഥേ॒നാഽഽദേ॒വോ യാ॑തി॒ഭുവ॑നാനി॒ പശ്യന്॑ ॥ ശ്രീ പദ്മിനീ ഉഷാ സൌജ്ഞാ ഛായാ സമേത ശ്രീ സൂര്യനാരായണ പരബ്രഹ്മണേ നമഃ । ഇദമര്ഘ്യം സമര്പയാമി ।
ഓം ഭൂഃ । ഓം ഭുവഃ॑ । ഓഗ്ം സുവഃ॑ । ഓം തത്സ॑വിതു॒ർവരേ॑ണ്യ॒മ് । ഭ॒ര്ഗോ॑ ദേ॒വസ്യ॑ ധീ॒മഹി । ധിയോ॒ യോനഃ॑ പ്രചോ॒ദയാ॑ത് ॥ [1]
(സായം കാലേ) ആരാത്രീത്യസ്യ മംത്രസ്യ, കശിപാ ഭരദ്വാജ ദുഹിതാ ഋഷിഃ, രാത്രിര്ദേവതാ, പഥ്ഭ്യാ ബൃഹതീ ഛംദഃ, പ്രായശ്ചിതാര്ഘ്യ പ്രദാനേ വിനിയോഗഃ ।
ഓം ആരാ॑ത്രി॒ പാര്ഥി॑വ॒ഗ്മ്॒ രജഃ॑ പി॒തുര॑ പ്രായി॒ ധാമ॑ഭിഃ । ദി॒വഃ സദാ॑ഗ്ഗ്സി ബൃഹ॒തീ വിതി॑ഷ്ഠസ॒ ആത്വേ॒ഷം-വഁ ॑ര്തതേ॒ ത॑മഃ ॥ ശ്രീ പദ്മിനീ ഉഷാ സൌജ്ഞാ ഛായാ സമേത ശ്രീ സൂര്യനാരായണ പരബ്രഹ്മണേ നമഃ । ഇദമര്ഘ്യം സമര്പയാമി ।
ഓം ഭൂഃ । ഓം ഭുവഃ॑ । ഓഗ്ം സുവഃ॑ । ഓം തത്സ॑വിതു॒ർവരേ॑ണ്യ॒മ് । ഭ॒ര്ഗോ॑ ദേ॒വസ്യ॑ ധീ॒മഹി । ധിയോ॒ യോനഃ॑ പ്രചോ॒ദയാ॑ത് ॥ [3]
॥ ഭൂപ്രദക്ഷിണ ॥
അസാവാദിത ഇത്യസ്യ മംത്രസ്യ, ബ്രഹ്മാ ഋഷിഃ, ആദിത്യോ ദേവതാ, അനുഷ്ടുപ് ഛംദഃ, ഭൂ പ്രദക്ഷിണേ വിനിയോഗ ।
അ॒സാവാ॑ദി॒ത്യോ ബ്ര॒ഹ്മ ॥
॥ സംധ്യാ തര്പണമ് ॥
(പ്രാതഃ കാലേ) ഗായത്ര്യാ, വ്യാസ ഋഷിഃ, ബ്രഹ്മാ ദേവതാ, ഗായത്രീ ഛംദഃ, പ്രാതഃ സംധ്യാ തര്പണേ വിനിയോഗഃ ।
ഓം ഭൂഃ പുരുഷസ്തൃപ്യതാമ് ഓം ഋഗ്വേദസ്തൃപ്യതാമ് ഓം മംഡലസ്തൃപ്യതാമ് ഓം ഹിരണ്യഗര്ഭരൂപീ തൃപ്യതാമ് ഓം ആത്മാ തൃപ്യതാമ് ഓം ഗായത്രീ തൃപ്യതാമ് ഓം-വേഁദമാതാ തൃപ്യതാമ് ഓം സാംകൃതീ തൃപ്യതാമ് ഓം സംധ്യാ തൃപ്യതാമ് ഓം കുമാരീ തൃപ്യതാമ് ഓം ബ്രാഹ്മീ തൃപ്യതാമ് ഓം ഉഷസ്തൃപ്യതാമ് ഓം നിര്മൃജീ തൃപ്യതാമ് ഓം സർവാര്ഥസിദ്ധികരീ തൃപ്യതാമ് ഓം സർവമംത്രാധിപതിസ്തൃപ്യതാമ് ഓം ഭൂര്ഭവസ്സ്വഃ പുരുഷസ്തൃപ്യതാമ്
(മധ്യാഹ്ന കാലേ) സാവിത്ര്യാഃ, കശ്യപ ഋഷിഃ, രുദ്രോ ദേവതാ, ത്രിഷ്ടുപ് ഛംദഃ, മാധ്യാഹ്നിക സംധ്യാ തര്പണേ വിനിയോഗഃ ।
ഓം ഭുവഃ പുരുഷസ്തൃപ്യതാമ് ഓം-യഁജുർവേദസ്തൃപ്യതാമ് ഓം മംഡലസ്തൃപ്യതാമ് ഓം രുദ്രരൂപീ തൃപ്യതാമ് ഓം അനംതരാത്മാ തൃപ്യതാമ് ഓം സാവിത്രീ തൃപ്യതാമ് ഓം-വേഁദമാതാ തൃപ്യതാമ് ഓം സാംകൃതീ തൃപ്യതാമ് ഓം സംധ്യാ തൃപ്യതാമ് ഓം-യുഁവതീ തൃപ്യതാമ് ഓം രൌദ്രീ തൃപ്യതാമ് ഓം ഉഷസ്തൃപ്യതാമ് ഓം നിര്മൃജീ തൃപ്യതാമ് ഓം സർവര്ഥസിദ്ധികരീ തൃപ്യതാമ് ഓം സർവമംത്രാധിപതിസ്തൃപ്യതാമ് ഓം ഭൂര്ഭുവസ്സ്വഃ പുരുഷസ്തൃപ്യതാമ്
(സായംത്ര കാലേ) സരസ്വത്യാ, വശിഷ്ഠ ഋഷിഃ, വിഷ്ണുര്ദേവതാ ജഗതീ ഛംദഃ, സായം സംധ്യാ തര്പണേ വിനിയോഗഃ ।
ഓഗ്ഗ് സ്വഃ പുരുഷസ്തൃപ്യതാമ് ഓം സാമവേദസ്തൃപ്യതാമ് ഓം മംഡലസ്തൃപ്യതാമ് ഓം-വിഁഷ്ണുരൂപീ തൃപ്യതാമ് ഓം പരമാത്മാ തൃപ്യതാമ് ഓം സരസ്വതീ തൃപ്യതാമ് ഓം-വേഁദമാതാ തൃപ്യതാമ് ഓം സാംകൃതീ തൃപ്യതാമ് ഓം സംധ്യാ തൃപ്യതാമ് ഓം-വൃഁദ്ധാ തൃപ്യതാമ് ഓം-വൈഁഷ്ണവീ തൃപ്യതാമ് ഓം ഉഷസ്തൃപ്യതാമ് ഓം നിര്മൃജീ തൃപ്യതാമ് ഓം സർവാര്ഥസിദ്ധികരീ തൃപ്യതാമ് ഓം സർവമംത്രാധിപതിസ്തൃപ്യതാമ് ഓം ഭൂര്ഭുവസ്സ്വഃ പുരുഷ സ്തൃപ്യതാമ്
॥ സൂര്യോപസ്ഥാനമു ॥
ഉദുത്യ മിത്യസ്യാഃ, പ്രസ്കണ്വൃഷിഃ, സവിതാ ദേവതാ, ഗായത്രീ ഛംദഃ । ചിത്രം ദേവാനാമിത്യസ്യാഃ, കുത്സ ഋഷിഃ, സൂര്യോ ദേവതാ, ത്രിഷ്ടുപ്ഛംദഃ, സൂര്യോപസ്ഥാനേ വിനിയോഗഃ ॥
ഓം ഉദു॒ത്യം ജാ॒തവേ॑ദസം ദേ॒വം-വഁ ॑ഹംതി കേ॒തവഃ॑। ദൃ॒ശേ വിശ്വാ॑യ॒ സൂര്യ॑മ് ॥ ഓം ചി॒ത്രം ദേ॒വാനാ॒മുദ॑ഗാ॒ദനീ॑കം॒ ചക്ഷു॑ര്മി॒ത്രസ്യ॒ വരു॑ണസ്യാ॒ഗ്നേഃ । ആപ്രാ॒ദ്യാവാ॑ പൃഥി॒വീ അം॒തരി॑ക്ഷ॒ഗ്॒ സൂര്യ॑ ആ॒ത്മാ ജഗ॑ദസ്ത॒സ്ഥുഷ॑ശ്ച ॥
(പ്രാതഃ കാലേ) ഓം മിത്രസ്യേത്യാദി ചതുര്ണാം, വിശ്വാമിത്ര ഋഷിഃ, ലിംഗോക്താ ദേവതാഃ, ഗായത്രീ ബൃഹത്യനുഷ്ടുപ് ധൃതയശ്ഛംദാംസി, സൂര്യോപസ്ഥാനേ വിനിയോഗഃ ।
ഓം മി॒ത്രസ്യ॑ ചര്ഷണീ॒ ദൃതോവോ॑ ദേ॒വസ്യ॑സാന॒സി ദ്യു॒മ്നം ചി॒ത്ര സ്ര॑വസ്തമമ് ॥ ഓം ദേ॒വസ്ത്വാ॑ സവി॒തോദ്വ॑പതു സുപാ॒ണിസ്സ്വ॑ജ്ഗു॒രിസ്സു॑ ബാ॒ഹുരു॒തശക്ത്യാ॑ । അവ്യ॑ഥമാനാ പൃഥി॒വ്യാ മാശാ॒ദിശ॒ ആപൃ॑ണ ॥ ഓം ഉ॒ത്ഥായ॑ ബൃഹ॒തീ ഭ॒വോ ദു॑ത്തിഷ്ഠധ്രു॒വാത്വമ് । മിത്രൈ॒താംത॑ ഉ॒ഖാം പരി॑ദദാ॒മ്യഭി॑ത്യാ ഏ॒ഷാ മാഭേ॑ദി ॥ ഓം-വഁസ॑വ॒സ്ത്വാ ഛൃം॑ദംതു ഗായ॒ത്രേണ॒ ഛംദ॑സാജ്ഗിര॒സ്വ ദ്രു॒ദ്രാസ്ത്വാ ഛൃം॑ദംതു॒ ത്രൈഷ്ടു॑ഭേന॒ ഛംദ॑സാജ്ഗിര॒സ്വത് । ആ॒ദി॒ത്യാസ്ത്വാ ഛൃം॑ദംതു॒ ജാഗ॑തേന॒ ഛംദ॑സാജ്ഗിര॒സ്വ ദ്വിശ്വേ॑ത്വാ ദേ॒വാവൈ॑ശ്വാന॒രാ ആഛൃം॑ദം॒ത്വാനു॑ഷ്ടുഭേന॒ ഛംദ॑സാജ്ഗിര॒സ്വത് ॥
(മധ്യാഹ്ന കാലേ) ഉദ്വയമുദിത്യമിതിദ്വയോ, പ്രസ്കണ്വ ഋഷിഃ, സവിതാ ദേവതാ, പ്രഥമസ്യാനുഷ്ടുപ്ഛംദഃ, ദ്വിതീയസ്യ ഗായത്രീ ഛംദഃ, ചിത്രം ദേവാനാമിത്യസ്യ, കുത്സ ഋഷിഃ, സവിതാ ദേവതാ, ത്രിഷ്ടുപ്ഛംദഃ, തച്ചക്ഷുരിത്യസ്യ, ദധ്യംഗാഥർവണ ഋഷിഃ, സൂര്യോ ദേവതാ, പംക്തിശ്ഛംദഃ, സൂര്യോപസ്ഥാനേ വിനിയോഗഃ ॥
ഓം ഉദ്വ॒യം തമ॑സ॒സ്പരി॒സ്വഃ॒ പശ്യം॑ത॒ ഉത്ത॑രമ് । ദേ॒വം ദേ॑വ॒ത്രാ സൂര്യ॒ മഗ॑ന്മ॒ ജ്യോതി॑രുത്ത॒മമ് ॥ ഓം ഉദു॒ത്യം ജാ॒തവേ॑ദസം ദേ॒വം-വഁ ॑ഹംതി കേ॒തവഃ॑ । ദൃ॒ശേ വിശ്വാ॑യ॒ സൂര്യ॑മ് ॥ ഓം ചി॒ത്രം ദേ॒വാനാ॒മുദ॑ഗാ॒ദനീ॑കം॒ ചക്ഷു॑ര്മി॒ത്രസ്യ॒ വരു॑ണസ്യാ॒ഗ്നേഃ । ആപ്രാ॒ദ്യാവാ॑ പൃഥി॒വീ അം॒തരി॑ക്ഷ॒ഗ്॒ സൂര്യ॑ ആ॒ത്മാ ജ॑ഗദസ്ത॒സ്ഥുഷ॑ശ്ച ॥ ഓം തച്ചക്ഷു॑ര്ദേ॒വഹി॑തം പു॒രസ്താ॑ച്ഛു॒ക്ര മു॒ച്ചര॑ത് । പശ്യേ॒മ ശ॒രദ॑ശ്ശ॒തം ജീവേ॑മ ശ॒രദ॑ശ്ശ॒തഗ് ശൃണു॑യാമ ശ॒രദ॑ശ്ശ॒തമ് ॥
(സായം കാലേ) ഇമം മേ വരുണ തത്വായാമീത്യനയോശ്ശുനശ്ശേഫ ഋഷിഃ, വരുണോ ദേവതാ, ഗായത്രീ ത്രിഷ്ടുഭൌ ഛംദസി, സൂര്യോപസ്ധാനേ വിനിയോഗഃ ॥
ഓം ഇ॒മം മേ॑ വരുണ ശ്രുധീ॒ഹവ॑മ॒ദ്യാ ച॑ മൃളയ । ത്വാമ॑വ॒സ്യുരാച॑കേ ॥ ഓം തത്വാ॑യാമി॒ ബ്രഹ്മ॑ണാ॒ വംദ॑മാന॒സ്തദാശാ॑സ്തേ॒ യജ॑മാനോ ഹ॒വിര്ഭിഃ॑ । അഹേ॑ളമാനോ വരുണേ॒ ഹബോ॒ധ്യുരു॑ശഗ്മ് സ॒ മാ ന॒ ആയുഃ॒ പ്രമോ॑ഷീഃ ॥
॥ ഗായത്രീ ॥
ആചമ്യ (ചേ.) ॥ പ്രാണാനായമ്യ (ചേ.) ॥
ഉഗ്രഭൂതപിശാചാസ്തേ ഇത്യേതേ ഭൂമി ഭാരകാഃ । ഭൂതാനാമവിരോധേന ബ്രഹ്മ കര്മ സമാരഭേ ॥
പൂർവോക്ത ഏവം ഗുണ വിശേഷണ വിശിഷ്ടായാം ശുഭതിഥൌ യഥാ ശക്തി പ്രാതഃ/മധ്യാഹ്നിക/സായം സംധ്യാംഗ ഗായത്രീ മംത്ര ജപം കരിഷ്യേ ॥
ഗായത്ര്യാവാഹനമ് ।
ഓം ഓജോ॑ഽസി॒ സഹോ॑ഽസി॒ ബലമ॑സി॒ ഭ്രാജോ॑ഽസി ദേ॒വാനാം॒ ധാമ॒നാമാ॑സി വിശ്വ॑മസി വി॒ശ്വായുഃ॒ സർവ॑മസി സ॒ർവായുരഭിഭൂരോമ് । ഗായത്രീമാവാ॑ഹയാ॒മി॒ । സാവിത്രീമാവാ॑ഹയാ॒മി॒ । സരസ്വതീമാവാ॑ഹയാ॒മി॒ । ഛംദര്ഷീനാവാ॑ഹയാ॒മി॒ । ശ്രിയമാവാ॑ഹയാ॒മി॒ ॥
ഗാ॒യത്ര്യാ ഗായത്രീ ഛംദോ വിശ്വാമിത്ര ഋഷിഃ സവിതാ ദേവതാ അഗ്നിര്മുഖം ബ്രഹ്മാശിരഃ വിഷ്ണുര്ഹൃദയഗ്മ് രുദ്രശ്ശിഖാ പൃഥിവീ യോനിഃ പ്രാണാപാനവ്യാനോദാന സമാനാസ്സപ്രാണാഃ ശ്വേതവര്ണാ സാംഖ്യായന സഗോത്രാ ഗായത്രീ ചതുർവിഗ്ംശത്യക്ഷരാ ത്രിപദാ॑ ഷട്കു॒ക്ഷിഃ॒ പംചശീര്ഷോപനയനേ വി॑നിയോ॒ഗഃ॒ ॥
ആയാത്വിത്യനുവാകസ്യ, വാമദേവ ഋഷിഃ, ഗായത്രീ ദേവതാ, അനുഷ്ടുപ് ഛംദഃ, ഗായത്ര്യാവാഹനേ വിനിയോഗഃ ॥ ഓം ആയാ॑തു॒ വര॑ദാ ദേ॒വീ॒ അ॒ക്ഷരം॑ ബ്രഹ്മ॒ സംമി॑തമ് । ഗാ॒യ॒ത്രീം॑ ഛംദ॑സാം മാ॒തേ॒ദം ബ്ര॑ഹ്മ ജു॒ഷസ്വ॑ നഃ ।
തേജോഽസീത്യസ്യ മംത്രസ്യ, പ്രജാപതി ഋഷിഃ, സൌവര്ണം നിഷ്കം ദേവതാ, അനുഷ്ടുപ് ഛംദഃ, ഗായത്ര്യാവാഹനേ വിനിയോഗഃ ॥ ഓം തേജോ॑ഽസി ശു॒ക്രമ॒മൃത॑മായു॒ഷ്പാ ആയു॑ര്മേപാഹി । ദേ॒വസ്യ॑ത്വാ സവി॒തുഃ പ്ര॑സ॒വേ॒ഽശ്വിനോ॑ര്ബാ॒ഹുഭ്യാം॑ പൂ॒ഷ്ണോ ഹസ്താ॑ഭ്യാ॒മാദ॑ധേ ॥
പ്രാര്ഥന ॥
ഗായത്ര്യസ്യേകപദീ ദ്വിപദീ ത്രിപദീ ചതുഷ്പദ്യ പദസി ന ഹി പദ്യസേ । നമസ്തേ തുരീയായ ദര്ശതായ പദായ പരോരജസേസാവദോ മാ പ്രാപത് ।
(പ്രാതഃ കാലേ) പ്രാതഃ സംധ്യാ, ഗായത്രീ നാമാ, രക്തവര്ണാ, ഹംസവാഹനാ, ബ്രഹ്മഹൃദയാ, ബാല രൂപാ, ആവഹനീയാഗ്നിരൂപസ്ഥാനാ, ഭൂരായതനാ, ജാഗ്രദ്വദ്ധൃതിഃ, പ്രാതസ്സവനേ ഋഗ്വേദേ വിനിയോഗഃ ।
(മധ്യാഹ്ന കാലേ) മാധ്യാഹ്നിക സംധ്യാ, സാവിത്രീ നാമാ, ശ്വേതവര്ണാ, വൃഷഭ വാഹനാ, രുദ്രഹൃദയാ, യവ്വന രൂപാ, ഗാര്ഹപത്യാഗ്നിരൂപസ്ഥാനാ, അംതരിക്ഷായതനാ, സ്വപ്നവദ്ധൃതിഃ, മാധ്യാഹ്നിക സവനേ യജുർവേദേ വിനിയോഗഃ ।
(സായം കാലേ) സായം സംധ്യാ, സരസ്വതീ നാമാ, കൃഷ്ണവര്ണാ, ഗരുഡ വാഹനാ, വിഷ്ണു ഹൃദയാ, വൃദ്ധരൂപാ, ദക്ഷിണാഗ്നിരൂപസ്ഥാനാ, ദ്യൌരായതനാ, സുഷുപ്തിവദ്ധൃതിഃ, സായംസവനേ സാമവേദേ വിനിയോഗഃ ।
(ത്രികാലേ) ആഗച്ഛ വരദേ ദേവി ജപേ മേ സന്നിധൌ ഭവ । ഗായംതം ത്രായസേ യസ്മാദ്ഗായത്രീ ത്വമുദാഹൃതാ ॥
ന്യാസമ് ॥ ഓം ഭൂരിതി പാദയോഃ । ഓം ഭുവരിതി ജംഘയോഃ । ഓഗ്ഗ്ം സ്വരിതി ജാന്വോഃ । ഓം മഹ ഇതി ജഠരേ । ഓം ജന ഇതി കംഠേ । ഓം തപ ഇതി മുഖേ । ഓഗ്ഗ്ം സത്യമിതി ശിരസി ।
ഓം ഭൂഃ അംഗുഷ്ഠാഭ്യാം നമഃ । ഓം ഭുവഃ തര്ജനീഭ്യാം നമഃ । ഓഗ്ം സ്വഃ മധ്യമാഭ്യാം നമഃ । ഓം തത്സവിതുർവരേണ്യം അനാമികാഭ്യാം നമഃ । ഓം ഭര്ഗോ ദേവസ്യ ധീമഹി കനിഷ്ഠികാഭ്യാം നമഃ । ഓം ധിയോ യോ നഃ പ്രചോദയാത് കരതല കരപൃഷ്ഠാഭ്യാം നമഃ ।
ഓം ഭൂഃ ഹൃദയായ നമഃ । ഓം ഭുവഃ ശിരസേ സ്വാഹാ । ഓഗ്മ് സ്വഃ ശിഖായൈ വഷട് । ഓം തത്സവിതുർവരേണ്യം കവചായ ഹുമ് । ഓം ഭര്ഗോ ദേവസ്യ ധീമഹി നേത്രത്രയായ വൌഷട് । ഓം ധിയോ യോ നഃ പ്രചോദയാത് അസ്ത്രായ ഫട് । ഓം ഭൂര്ഭവസ്സ്വരോമിതി ദിഗ്ബംധഃ ।
ഗായത്രീ ധ്യാനമ് ॥ മുക്താവിദ്രുമഹേമനീലധവള-ച്ഛായൈര്മുഖൈസ്ത്രീക്ഷണൈഃ । യുക്താമിംദുനിബദ്ധരത്നമകുടാം തത്ത്വാര്ഥ വര്ണാത്മികാമ് ॥ ഗായത്രീം-വഁരദാഽഭയാഽംകുശ കശാശ്ശുഭ്രം കപാലം ഗദാമ് । ശംഖം ചക്രമഥാഽരവിംദയുഗളം ഹസ്തൈർവഹംതീം ഭജേ ॥
ലമിത്യാദി പംചപൂജാ ॥ ലം പൃഥിവീതത്ത്വാത്മികായൈ ഗായത്രീ ദേവതായൈ നമഃ । ഗംധം പരികല്പയാമി ॥ ഹം ആകാശതത്ത്വാത്മികായൈ ഗായത്രീ ദേവതായൈ നമഃ । പുഷ്പം പരികല്പയാമി ॥ യം-വാഁയുതത്ത്വാത്മികായൈ ഗായത്രീ ദേവതായൈ നമഃ । ധൂപം പരികല്പയാമി ॥ രം-വഁഹ്നിതത്ത്വാത്മികായൈ ഗായത്രീ ദേവതായൈ നമഃ । ദീപം പരികല്പയാമി ॥ വം അമൃതതത്ത്വാത്മികായൈ ഗായത്രീ ദേവതായൈ നമഃ । നൈവേദ്യം പരികല്പയാമി ॥ സം സർവതത്ത്വാത്മികായൈ ഗായത്രീ ദേവതായൈനമഃ । സർവോപചാരാന് പരികല്പയാമി॥
പ്രണവസ്യ പരബ്രഹ്മ ഋഷിഃ, പരമാത്മാ ദേവതാ, ദൈവീ ഗായത്രീ ഛംദഃ । ഭൂര്ഭുവസ്സ്വരിതി മഹാവ്യാഹൃതീനാം പരമേഷ്ഠീ പ്രജാപതി ഋഷിഃ, അഗ്നി-വായു-സൂര്യാ ദേവതാഃ, ഗായത്ര്യുഷ്ണിഗനുഷ്ടുപ് ഛംദാംസി । ഗായത്ര്യാ വിശ്വാമിത്ര ഋഷിഃ, സവിതാ ദേവതാ, ഗായത്രീ ഛംദഃ ।
ഗായത്രീ മുദ്രലു ॥
സുമുഖം സംപുടം ചൈവ വിതതം-വിഁസ്തൃതം തഥാ । ദ്വിമുഖം ത്രിമുഖം ചൈവ ചതുഃ പംചമുഖം തഥാ ॥ ഷണ്മുഖോഽധോമുഖം ചൈവ വ്യാപികാംജലികം തഥാ । ശകടം-യഁമപാശം ച ഗ്രഥിതം സമ്മുഖോന്മുഖമ് ॥ പ്രലംബം മുഷ്ടികം ചൈവ മത്സ്യഃ കൂര്മോ വരാഹകമ് । സിംഹാക്രാംതം മഹാക്രാംതം മുദ്ഗരം പല്ലവം തഥാ ॥
ഗായത്രീ മംത്രമ് ॥ ഓം ഭൂര്ഭുവ॒സ്സ്വഃ॑ । തത്സ॑വി॒തുർവരേ॑ണ്യം॒ ഭര്ഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ॑ത് ॥
॥ മംത്ര ജപാവസാനമ് ॥
പൂർവോക്ത ഏവം ഗുണ വിശേഷണ വിശിഷ്ടായാം ശുഭ തിഥൌ ഗായത്രീ ജപോപസംഹാരം കരിഷ്യേ ।
അസ്യ ശ്രീ ഗായത്രീ മഹാമംത്രസ്യ, വിശ്വാമിത്ര ഋഷിഃ, സവിതാ ദേവതാ, ഗായത്രീ ഛംദഃ, മമ ജപോപസംഹാരേ വിനിയോഗഃ ।
ഓം ഭൂരിതി പാദയോഃ । ഓം ഭുവരിതി ജംഘയോഃ । ഓഗ്ഗ്ം സ്വരിതി ജാന്വോഃ । ഓം മഹ ഇതി ജഠരേ । ഓം ജന ഇതി കംഠേ । ഓം തപ ഇതി മുഖേ । ഓഗ്ഗ്ം സത്യമിതി ശിരസി ।
ഓം ഭൂഃ അംഗുഷ്ഠാഭ്യാം നമഃ । ഓം ഭുവഃ തര്ജനീഭ്യാം നമഃ । ഓഗ്ം സ്വഃ മധ്യമാഭ്യാം നമഃ । ഓം തത്സവിതുർവരേണ്യം അനാമികാഭ്യാം നമഃ । ഓം ഭര്ഗോ ദേവസ്യ ധീമഹി കനിഷ്ഠികാഭ്യാം നമഃ । ഓം ധിയോ യോ നഃ പ്രചോദയാത് കരതല കരപൃഷ്ഠാഭ്യാം നമഃ ।
ഓം ഭൂഃ ഹൃദയായ നമഃ । ഓം ഭുവഃ ശിരസേ സ്വാഹാ । ഓഗ്മ് സ്വഃ ശിഖായൈ വഷട് । ഓം തത്സവിതുർവരേണ്യം കവചായ ഹുമ് । ഓം ഭര്ഗോ ദേവസ്യ ധീമഹി നേത്രത്രയായ വൌഷട് । ഓം ധിയോ യോ നഃ പ്രചോദയാത് അസ്ത്രായ ഫട് । ഭൂര്ഭുവസ്സ്വരോമിതി ദിഗ്വിമോകഃ ।
ഉത്തര മുദ്രലു ॥ സുരഭിഃ ജ്ഞാന ചക്രേ ച യോനിഃ കൂര്മോഽഥ പംകജമ് । ലിംഗം നിര്യാണ മുദ്രാ ചേത്യഷ്ടമുദ്രാഃ പ്രകീര്തിതാഃ ।
॥ ഗായത്രീ തര്പണമ് ॥ പൂർവോക്ത ഏവം ഗുണ വിശേഷണ വിശിഷ്ഠായാം ശുഭ തിഥൌ സവിതൃപ്രീതി യോഗായ ഗായത്രീ തര്പണമഹം കരിഷ്യേ ।
ഋഷിർവ്യാസഃ സമുദ്ദിഷ്ടോ ബ്രഹ്മാദൈവ തമുച്യതേ । ഛംദോ ഗായത്രകം ചൈവ വിനിയോഗസ്തു തര്പണേ ॥
ഓം ഭൂഃ പുരുഷ ഋഗ്വേദസ്തൃപ്യതാമ് ഓം ഭുവഃ പുരുഷ യജുർവേദസ്തൃപ്യതാമ് ഓഗ്ഗ്ം സ്വഃ പുരുഷ സാമവേദസ്തൃപ്യതാമ് ഓം മഹഃ പുരുഷ അഥർവണവേദസ്തൃപ്യതാമ് ഓം ജനഃ പുരുഷ ഇതിഹാസപുരാണസ്തൃപ്യതാമ് ഓം തപഃ പുരുഷ സർവാഗമസ്തൃപ്യതാമ് ഓം സത്യം പുരുഷ സത്യലോകസ്തൃപ്യതാമ് ഓം ഭൂര്ഭുവഃ സ്വഃ പുരുഷ മംഡലാംതര്ഗതസ്തൃപ്യതാമ് ഓം ഭൂരേകപദാ ഗായത്രീ തൃപ്യതാമ് ഓം ഭുവഃ ദ്വിപദാ ഗായത്രീ തൃപ്യതാമ് ഓഗ്ം സ്വഃ ത്രിപദാ ഗായത്രീ തൃപ്യതാമ് ഓം ഭൂര്ഭുവസ്സ്വഃ ചതുഷ്പദാ ഗായത്രീ തൃപ്യതാമ് ഓം ഉഷസ്തൃപ്യതാമ് ഓം ഗായത്രീ തൃപ്യതാമ് ഓം സാവിത്രീ തൃപ്യതാമ് ഓം സരസ്വതീ തൃപ്യതാമ് ഓം-വേഁദമാതാ തൃപ്യതാമ് ഓം പൃഥിവീ തൃപ്യതാമ് ഓം ജയാ തൃപ്യതാമ് ഓം കൌശികീ തൃപ്യതാമ് ഓം സാംകൃതി തൃപ്യതാമ് ഓം സർവാപരാജിതാ തൃപ്യതാമ് ഓം സഹസ്രമൂര്തിസ്തൃപ്യതാമ് ഓം ആനംദമൂര്തിസ്തൃപ്യതാമ് ।
॥ ദിങ്നമസ്കാരഃ ॥
ഓം പ്രാച്യൈ ദിശേ നമഃ । ഇംദ്രായ നമഃ । ഓം ആഗ്നേയൈ ദിശേ നമഃ । അഗ്നയേ നമഃ । ഓം ദക്ഷിണായൈ ദിശേ നമഃ । യമായ നമഃ । ഓം നൈര്ഋത്യൈ ദിശേ നമഃ । നിര്ഋതയേ നമഃ । ഓം പ്രതീച്യൈ ദിശേ നമഃ । വരുണായ നമഃ । ഓം-വാഁയുവ്യൈ ദിശേ നമഃ । വായവേ നമഃ । ഓം ഉദീച്യൈ ദിശേ നമഃ । കുബേരായ നമഃ । ഓം ഈശാന്യൈ ദിശേ നമഃ । ഈശ്വരായ നമഃ । ഓം ഊര്ധ്വായൈ ദിശേ നമഃ । ബ്രഹ്മണേ നമഃ । ഓം അധരായൈ ദിശേ നമഃ । അനംതായ നമഃ ।
ഓം സംധ്യായൈ നമഃ ഓം ഗായത്ര്യൈ നമഃ ഓം സാവിത്ര്യൈ നമഃ ഓം സരസ്വത്യൈ നമഃ ഓം സർവേഭ്യോ ദേവതാഭ്യോ നമഃ ഓം ദേവേഭ്യോ നമഃ । ഓം ഋഷിഭ്യോ നമഃ ഓം മുനിഭ്യോ നമഃ ഓം ഗുരുഭ്യോ നമഃ ഓം പിതൃഭ്യോ നമഃ ഓം മാതൃഭ്യോ നമഃ ഓം നമോ നമഃ ഇതി ।
॥ ഉദ്വാസനമ് ॥
ഉത്തമേത്യനുവാകസ്യ, വാമദേവ ഋഷിഃ, ഗായത്രീ ദേവതാ, അനുഷ്ടുപ് ഛംദഃ, ഉദ്വാസനേ വിനിയോഗഃ ॥ ഓം ഉ॒ത്തമേ॑ ശിഖ॑രേ ദേവീ ഭൂ॒മ്യാം പ॑ർവത॒മൂര്ധ॑നി । ബ്രാഹ്മണേ॑ഭ്യോഽഭ്യ॑നുജ്ഞാ॒താ॒ ഗ॒ച്ഛ ദേ॑വി യ॒ഥാ സു॑ഖമ് ॥
॥ജപ നിവേദനമ് ॥
ദേവാ ഗാതു വിദ ഇത്യസ്യ മംത്രസ്യ, മനസസ്പത ഋഷിഃ, വാതോ ദേവതാ, വിരാട് ഛംദഃ, ജപനിവേദനേ വിനിയോഗഃ॥ ഓം ദേവാ॑ഗാതു വിദോഗാ॒തു മി॒ത്വാഗാ॒തു മി॑ത । മന॑സസ്പത ഇ॒മം ദേ॑വ യ॒ജ്ഞഗ്ഗ് സ്വാഹാ॒ വാതേ॑ഥാഃ ॥
(പ്രാതഃ കാലേ) പ്രാതസ്സംധ്യാംഗ ഭൂതേന ഗായത്ര്യാസ്തു ജപേന ച । സാഽഷ്ടേന ശത സംഖ്യേന ബ്രഹ്മ മേ പ്രിയതാം രവിഃ ॥
(മധ്യാഹ്ന കാലേ) മധ്യാഹ്ന സംധ്യാംഗത്വേന ഗായത്ര്യാ ജപിതേന ച । യഥാ സംഖ്യേന ജപേന രുദ്രോ മേ പ്രിയതാം രവിഃ ॥
(സായം കാലേ) സായം സംധ്യാംഗ ഭൂതേന ഗായത്ര്യാസ്തു ജപേന ച । സാഽഷ്ടേന ശത സംഖ്യേന ബ്രഹ്മ മേ പ്രിയതാം രവിഃ ॥
॥ പ്രവര ॥
പ്രവരലു ചൂ. ॥
ചതുസ്സാഗര പര്യംതം ഗോബ്രാഹ്മണേഭ്യഃ ശുഭം ഭവതു । ………. പ്രവരാന്വിത ………… ഗോത്രഃ ശുക്ല യജുർവേദാംതര്ഗത കാണ്വ ശാഖാധ്യായീ കാത്യായന സൂത്രഃ ………. ശര്മാഽഹം ഭോ അഭിവാദയേ ॥
സമര്പണമ് । ആസത്യലോകാത്പാതാലാ-ദാലോകാലോകപർവതാത് । യേ സംതി ബ്രാഹ്മണാദേവാസ്തേഭ്യോ നിത്യം നമോ നമഃ ॥
വിഷ്ണുപത്നീസമുദ്ഭൂതേ ശംഖവര്ണേ മഹീതലേ । അനേകരത്നസംപന്നേ ഭൂമിദേവി നമോഽസ്തു തേ ॥ സമുദ്രവസനേ ദേവി പർവതസ്തനമംഡലേ । വിഷ്ണുപത്നീ നമസ്തുഭ്യം പാദസ്പര്ശം ക്ഷമസ്വ മേ ॥
About Shukla Yajurveda Sandhya Vandanam
This is the Sandhya Vandanam of the Shukla Yajur Veda, following the Katyayana Sutra, the daily rite of worship at dawn, noon and dusk for followers of the White Yajur Veda. It includes purification, achamana, pranayama, marjana with water mantras, aghamarshana, the arghya offering to the Sun, Gayatri japa and upasthana, and closes with the prayer to Mother Earth, "Samudravasane devi", asking forgiveness for touching her with the feet.
When to chant: Daily at dawn, noon and dusk, by those of the Shukla Yajur Veda who have received the sacred thread.
Did you know?
- The Shukla Yajur Veda is followed widely in North India, Maharashtra and parts of Karnataka, and its sandhya follows the Katyayana Sutra.
- The closing prayer, "Samudravasane devi parvatastanamandale", is also said by many on waking, before stepping on the ground.
Frequently asked questions
Which Veda does this Sandhya Vandanam follow?
The Shukla (White) Yajur Veda, by the Katyayana Sutra.
What is at its heart?
The arghya to the Sun and Gayatri japa.
How does it end?
With the prayer to Mother Earth, "Samudravasane devi".
Offered for worship and study, not as prediction. Non-commercial.