Sree Bhu Varaha Stotram
Vishnu · Traditional devotional text
ఋషయ ఊచు ।
జితం జితం తేఽజిత యజ్ఞభావనా త్రయీం తనూం స్వాం పరిధున్వతే నమః । యద్రోమగర్తేషు నిలిల్యురధ్వరాః తస్మై నమః కారణసూకరాయ తే ॥ 1 ॥
రూపం తవైతన్నను దుష్కృతాత్మనాం దుర్దర్శనం దేవ యదధ్వరాత్మకమ్ । ఛందాంసి యస్య త్వచి బర్హిరోమ- స్స్వాజ్యం దృశి త్వంఘ్రిషు చాతుర్హోత్రమ్ ॥ 2 ॥
స్రుక్తుండ ఆసీత్స్రువ ఈశ నాసయో- రిడోదరే చమసాః కర్ణరంధ్రే । ప్రాశిత్రమాస్యే గ్రసనే గ్రహాస్తు తే యచ్చర్వణంతే భగవన్నగ్నిహోత్రమ్ ॥ 3 ॥
దీక్షానుజన్మోపసదః శిరోధరం త్వం ప్రాయణీయో దయనీయ దంష్ట్రః । జిహ్వా ప్రవర్గ్యస్తవ శీర్షకం క్రతోః సభ్యావసథ్యం చితయోఽసవో హి తే ॥ 4 ॥
సోమస్తు రేతః సవనాన్యవస్థితిః సంస్థావిభేదాస్తవ దేవ ధాతవః । సత్రాణి సర్వాణి శరీరసంధి- స్త్వం సర్వయజ్ఞక్రతురిష్టిబంధనః ॥ 5 ॥
నమో నమస్తేఽఖిలయంత్రదేవతా ద్రవ్యాయ సర్వక్రతవే క్రియాత్మనే । వైరాగ్య భక్త్యాత్మజయాఽనుభావిత జ్ఞానాయ విద్యాగురవే నమొ నమః ॥ 6 ॥
దంష్ట్రాగ్రకోట్యా భగవంస్త్వయా ధృతా విరాజతే భూధర భూస్సభూధరా । యథా వనాన్నిస్సరతో దతా ధృతా మతంగజేంద్రస్య స పత్రపద్మినీ ॥ 7 ॥
త్రయీమయం రూపమిదం చ సౌకరం భూమండలే నాథ తదా ధృతేన తే । చకాస్తి శృంగోఢఘనేన భూయసా కులాచలేంద్రస్య యథైవ విభ్రమః ॥ 8 ॥
సంస్థాపయైనాం జగతాం సతస్థుషాం లోకాయ పత్నీమసి మాతరం పితా । విధేమ చాస్యై నమసా సహ త్వయా యస్యాం స్వతేజోఽగ్నిమివారణావధాః ॥ 9 ॥
కః శ్రద్ధధీతాన్యతమస్తవ ప్రభో రసాం గతాయా భువ ఉద్విబర్హణమ్ । న విస్మయోఽసౌ త్వయి విశ్వవిస్మయే యో మాయయేదం ససృజేఽతి విస్మయమ్ ॥ 10 ॥
విధున్వతా వేదమయం నిజం వపు- ర్జనస్తపః సత్యనివాసినో వయమ్ । సటాశిఖోద్ధూత శివాంబుబిందుభి- ర్విమృజ్యమానా భృశమీశ పావితాః ॥ 11 ॥
స వై బత భ్రష్టమతిస్తవైష తే యః కర్మణాం పారమపారకర్మణః । యద్యోగమాయా గుణ యోగ మోహితం విశ్వం సమస్తం భగవన్ విధేహి శమ్ ॥ 12 ॥
ఇతి శ్రీమద్భాగవతే మహాపురాణే తృతీయస్కంధే శ్రీ వరాహ ప్రాదుర్భావోనామ త్రయోదశోధ్యాయః ।
About Sree Bhu Varaha Stotram
The Bhu Varaha Stotram is the hymn the sages sang to Lord Varaha, the boar avatar, as he rose from the ocean bearing the Earth on his tusk. "Victory, victory to you, the unconquered, the embodiment of the sacrifice": they see the whole Vedic sacrifice in his body, the rituals hidden in the pores of his skin, and praise him for rescuing the Earth.
Source: Bhagavata Purana, Book 3, Chapter 13
When to chant: On Varaha Jayanti, at bhoomi puja before building, and in Vishnu worship.
Did you know?
- It is from chapter 13 of the third book of the Bhagavata Purana.
- The sages see Varaha as "Yajna Varaha", the sacrifice itself in the form of a boar.
Frequently asked questions
Who is Bhu Varaha?
Vishnu as the boar who lifted the Earth (Bhu) from the ocean.
Where is the hymn found?
Bhagavata Purana, Book 3, Chapter 13.
When is it recited?
On Varaha Jayanti and at bhoomi puja.
Offered for worship and study, not as prediction. Non-commercial.
More devotional texts