Sri Ganapathi Stavam
Ganesha · Traditional devotional text
ಬ್ರಹ್ಮವಿಷ್ಣುಮಹೇಶಾ ಊಚುಃ । ಅಜಂ ನಿರ್ವಿಕಲ್ಪಂ ನಿರಾಕಾರಮೇಕಂ ನಿರಾನಂದಮದ್ವೈತಮಾನಂದಪೂರ್ಣಮ್ । ಪರಂ ನಿರ್ಗುಣಂ ನಿರ್ವಿಶೇಷಂ ನಿರೀಹಂ ಪರಬ್ರಹ್ಮರೂಪಂ ಗಣೇಶಂ ಭಜೇಮ ॥ 1 ॥
ಗುಣಾತೀತಮಾದ್ಯಂ ಚಿದಾನಂದರೂಪಂ ಚಿದಾಭಾಸಕಂ ಸರ್ವಗಂ ಜ್ಞಾನಗಮ್ಯಮ್ । ಮುನಿಧ್ಯೇಯಮಾಕಾಶರೂಪಂ ಪರೇಶಂ ಪರಬ್ರಹ್ಮರೂಪಂ ಗಣೇಶಂ ಭಜೇಮ ॥ 2 ॥
ಜಗತ್ಕಾರಣಂ ಕಾರಣಜ್ಞಾನರೂಪಂ ಸುರಾದಿಂ ಸುಖಾದಿಂ ಯುಗಾದಿಂ ಗಣೇಶಮ್ । ಜಗದ್ವ್ಯಾಪಿನಂ ವಿಶ್ವವಂದ್ಯಂ ಸುರೇಶಂ ಪರಬ್ರಹ್ಮರೂಪಂ ಗಣೇಶಂ ಭಜೇಮ ॥ 3 ॥
ರಜೋಯೋಗತೋ ಬ್ರಹ್ಮರೂಪಂ ಶ್ರುತಿಜ್ಞಂ ಸದಾ ಕಾರ್ಯಸಕ್ತಂ ಹೃದಾಚಿಂತ್ಯರೂಪಮ್ । ಜಗತ್ಕಾರಕಂ ಸರ್ವವಿದ್ಯಾನಿಧಾನಂ ಪರಬ್ರಹ್ಮರೂಪಂ ಗಣೇಶಂ ನತಾಸ್ಮಃ ॥ 4 ॥
ಸದಾ ಸತ್ತ್ವಯೋಗಂ ಮುದಾ ಕ್ರೀಡಮಾನಂ ಸುರಾರೀನ್ಹರಂತಂ ಜಗತ್ಪಾಲಯಂತಮ್ । ಅನೇಕಾವತಾರಂ ನಿಜಜ್ಞಾನಹಾರಂ ಸದಾ ವಿಷ್ಣುರೂಪಂ ಗಣೇಶಂ ನಮಾಮಃ ॥ 5 ॥
ತಮೋಯೋಗಿನಂ ರುದ್ರರೂಪಂ ತ್ರಿನೇತ್ರಂ ಜಗದ್ಧಾರಕಂ ತಾರಕಂ ಜ್ಞಾನಹೇತುಮ್ । ಅನೇಕಾಗಮೈಃ ಸ್ವಂ ಜನಂ ಬೋಧಯಂತಂ ಸದಾ ಶರ್ವರೂಪಂ ಗಣೇಶಂ ನಮಾಮಃ ॥ 6 ॥
ತಮಸ್ತೋಮಹಾರಂ ಜನಾಜ್ಞಾನಹಾರಂ ತ್ರಯೀವೇದಸಾರಂ ಪರಬ್ರಹ್ಮಪಾರಮ್ । ಮುನಿಜ್ಞಾನಕಾರಂ ವಿದೂರೇವಿಕಾರಂ ಸದಾ ಬ್ರಹ್ಮರೂಪಂ ಗಣೇಶಂ ನಮಾಮಃ ॥ 7 ॥
ನಿಜೈರೋಷಧೀಸ್ತರ್ಪಯಂತಂ ಕರೋದ್ಯೈಃ ಸರೌಘಾನ್ಕಲಾಭಿಃ ಸುಧಾಸ್ರಾವಿಣೀಭಿಃ । ದಿನೇಶಾಂಶು ಸಂತಾಪಹಾರಂ ದ್ವಿಜೇಶಂ ಶಶಾಂಕಸ್ವರೂಪಂ ಗಣೇಶಂ ನಮಾಮಃ ॥ 8 ॥
ಪ್ರಕಾಶಸ್ವರೂಪಂ ನಭೋವಾಯುರೂಪಂ ವಿಕಾರಾದಿಹೇತುಂ ಕಲಾಕಾಲಭೂತಮ್ । ಅನೇಕಕ್ರಿಯಾನೇಕಶಕ್ತಿಸ್ವರೂಪಂ ಸದಾ ಶಕ್ತಿರೂಪಂ ಗಣೇಶಂ ನಮಾಮಃ ॥ 9 ॥
ಪ್ರಧಾನಸ್ವರೂಪಂ ಮಹತ್ತತ್ತ್ವರೂಪಂ ಧರಾವಾರಿರೂಪಂ ದಿಗೀಶಾದಿರೂಪಮ್ । ಅಸತ್ಸತ್ಸ್ವರೂಪಂ ಜಗದ್ಧೇತುಭೂತಂ ಸದಾ ವಿಶ್ವರೂಪಂ ಗಣೇಶಂ ನತಾಸ್ಮಃ ॥ 10 ॥
ತ್ವದೀಯೇ ಮನಃ ಸ್ಥಾಪಯೇದಂಘ್ರಿಯುಗ್ಮೇ ಜನೋ ವಿಘ್ನಸಂಘಾನ್ನ ಪೀಡಾಂ ಲಭೇತ । ಲಸತ್ಸೂರ್ಯಬಿಂಬೇ ವಿಶಾಲೇ ಸ್ಥಿತೋಽಯಂ ಜನೋಧ್ವಾಂತ ಪೀಡಾಂ ಕಥಂ ವಾ ಲಭೇತ ॥ 11 ॥
ವಯಂ ಭ್ರಾಮಿತಾಃ ಸರ್ವಥಾಽಜ್ಞಾನಯೋಗಾ- -ದಲಬ್ಧಾ ತವಾಂಘ್ರಿಂ ಬಹೂನ್ವರ್ಷಪೂಗಾನ್ । ಇದಾನೀಮವಾಪ್ತಾಸ್ತವೈವ ಪ್ರಸಾದಾ- -ತ್ಪ್ರಪನ್ನಾನ್ಸದಾ ಪಾಹಿ ವಿಶ್ವಂಭರಾದ್ಯ ॥ 12 ॥
ಗಣೇಶ ಉವಾಚ
ಇದಂ ಯಃ ಪಠೇತ್ಪ್ರಾತರುತ್ಥಾಯ ಧೀಮಾನ್ ತ್ರಿಸಂಧ್ಯಂ ಸದಾ ಭಕ್ತಿಯುಕ್ತೋ ವಿಶುದ್ಧಃ । ಸಪುತ್ರಾನ್ ಶ್ರಿಯಂ ಸರ್ವಕಾಮಾನ್ ಲಭೇತ ಪರಬ್ರಹ್ಮರೂಪೋ ಭವೇದಂತಕಾಲೇ ॥ 13
ಇತಿ ಗಣೇಶಪುರಾಣೇ ಉಪಾಸನಾಖಂಡೇ ತ್ರಯೋದಶೋಽಧ್ಯಾಯೇ ಶ್ರೀಗಣಪತಿಸ್ತವಃ ।
About Sri Ganapathi Stavam
The Ganapati Stava is a hymn in which Brahma, Vishnu and Shiva together praise Ganesha as the supreme Brahman. They hail him as unborn, free of all division, formless and one, beyond the gunas and the first of all, of the nature of consciousness and bliss, all-pervading, known only through knowledge, meditated on by sages and pure as space, the supreme lord.
Source: Ganesha Purana, Upasana Khanda, as its colophon states
When to chant: On Ganesh Chaturthi and Sankashti, and in Ganapatya worship.
Did you know?
- Its colophon places it in the Upasana Khanda of the Ganesha Purana, chapter 13.
- In the Ganapatya tradition Ganesha is worshipped as the supreme Brahman itself, praised even by the Trimurti.
Frequently asked questions
Who sing this hymn?
Brahma, Vishnu and Shiva together.
How do they describe Ganesha?
As the formless, supreme Brahman, consciousness and bliss.
Where is it from?
The Ganesha Purana, as its colophon states.
Offered for worship and study, not as prediction. Non-commercial.
More devotional texts