Sri Govindashtakam (Govinda Ashtakam)
Vishnu · Traditional devotional text
സത്യം ജ്ഞാനമനംതം നിത്യമനാകാശം പരമാകാശം ഗോഷ്ഠപ്രാംഗണരിംഖണലോലമനായാസം പരമായാസമ് । മായാകല്പിതനാനാകാരമനാകാരം ഭുവനാകാരം ക്ഷ്മാമാനാഥമനാഥം പ്രണമത ഗോവിംദം പരമാനംദമ് ॥ 1 ॥
മൃത്സ്നാമത്സീഹേതി യശോദാതാഡനശൈശവസംത്രാസം വ്യാദിതവക്ത്രാലോകിതലോകാലോകചതുര്ദശലോകാലിമ് । ലോകത്രയപുരമൂലസ്തംഭം ലോകാലോകമനാലോകം ലോകേശം പരമേശം പ്രണമത ഗോവിംദം പരമാനംദമ് ॥ 2 ॥
ത്രൈവിഷ്ടപരിപുവീരഘ്നം ക്ഷിതിഭാരഘ്നം ഭവരോഗഘ്നം കൈവല്യം നവനീതാഹാരമനാഹാരം ഭുവനാഹാരമ് । വൈമല്യസ്ഫുടചേതോവൃത്തിവിശേഷാഭാസമനാഭാസം ശൈവം കേവലശാംതം പ്രണമത ഗോവിംദം പരമാനംദമ് ॥ 3 ॥
ഗോപാലം പ്രഭുലീലാവിഗ്രഹഗോപാലം കുലഗോപാലം ഗോപീഖേലനഗോവര്ധനധൃതിലീലാലാലിതഗോപാലമ് । ഗോഭിര്നിഗദിതഗോവിംദസ്ഫുടനാമാനം ബഹുനാമാനം ഗോധീഗോചരദൂരം പ്രണമത ഗോവിംദം പരമാനംദമ് ॥ 4 ॥
ഗോപീമംഡലഗോഷ്ഠീഭേദം ഭേദാവസ്ഥമഭേദാഭം ശശ്വദ്ഗോഖുരനിര്ധൂതോദ്ഗതധൂളീധൂസരസൌഭാഗ്യമ് । ശ്രദ്ധാഭക്തിഗൃഹീതാനംദമചിംത്യം ചിംതിതസദ്ഭാവം ചിംതാമണിമഹിമാനം പ്രണമത ഗോവിംദം പരമാനംദമ് ॥ 5 ॥
സ്നാനവ്യാകുലയോഷിദ്വസ്ത്രമുപാദായാഗമുപാരൂഢം വ്യാദിത്സംതീരഥ ദിഗ്വസ്ത്രാ ദാതുമുപാകര്ഷംതം താഃ । നിര്ധൂതദ്വയശോകവിമോഹം ബുദ്ധം ബുദ്ധേരംതഃസ്ഥം സത്താമാത്രശരീരം പ്രണമത ഗോവിംദം പരമാനംദമ് ॥ 6 ॥
കാംതം കാരണകാരണമാദിമനാദിം കാലഘനാഭാസം കാളിംദീഗതകാളിയശിരസി സുനൃത്യംതം മുഹുരത്യംതമ് । കാലം കാലകലാതീതം കലിതാശേഷം കലിദോഷഘ്നം കാലത്രയഗതിഹേതും പ്രണമത ഗോവിംദം പരമാനംദമ് ॥ 7 ॥
ബൃംദാവനഭുവി ബൃംദാരകഗണബൃംദാരാധിതവംദ്യായാം കുംദാഭാമലമംദസ്മേരസുധാനംദം സുമഹാനംദമ് । വംദ്യാശേഷമഹാമുനിമാനസവംദ്യാനംദപദദ്വംദ്വം നംദ്യാശേഷഗുണാബ്ധിം പ്രണമത ഗോവിംദം പരമാനംദമ് ॥ 8 ॥
ഗോവിംദാഷ്ടകമേതദധീതേ ഗോവിംദാര്പിതചേതാ യോ ഗോവിംദാച്യുത മാധവ വിഷ്ണോ ഗോകുലനായക കൃഷ്ണേതി । ഗോവിംദാംഘ്രിസരോജധ്യാനസുധാജലധൌതസമസ്താഘോ ഗോവിംദം പരമാനംദാമൃതമംതഃസ്ഥം സ തമഭ്യേതി ॥ 9 ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിംദഭഗവത്പൂജ്യപാദശിഷ്യസ്യ ശ്രീമച്ഛംകരഭഗവതഃ കൃതൌ ശ്രീ ഗോവിംദാഷ്ടകമ് ।
About Sri Govindashtakam (Govinda Ashtakam)
The Govindashtakam is Adi Shankaracharya's hymn of eight verses to Krishna as Govinda, each ending "Paramanandam pranamata Govindam": bow to Govinda, the supreme bliss. It joins the highest truth with the sweetest childhood scenes: Govinda is truth, knowledge and infinity, beyond space, yet he crawls about the courtyards of Gokula; when Yashoda scolds him for eating mud and he opens his mouth, she sees the fourteen worlds inside.
Written by: Adi Shankaracharya, as its colophon states
When to chant: On Krishna Janmashtami and Ekadashi, and in daily Krishna worship.
Did you know?
- Its colophon names Shankara, disciple of Govinda Bhagavatpada, as its author; the name Govinda also recalls his guru.
- Its first line, "Satyam jnanam anantam", echoes the Taittiriya Upanishad's definition of Brahman.
Frequently asked questions
What is the refrain?
"Paramanandam pranamata Govindam": bow to Govinda, the supreme bliss.
Which childhood scene does it describe?
Yashoda seeing the worlds in Krishna's mouth when he ate mud.
Who wrote it?
Adi Shankaracharya, as its colophon states.
Offered for worship and study, not as prediction. Non-commercial.
More devotional texts