MuhurtaNow

Sri Gurugita Chapter 1

Guru · Traditional devotional text

shreegurubhyo namah । harih om ।

dhyaanam hamsaabhyaam parivrittapatrakamalairdivyairjagatkaaranam vishvotkeernamanekadehanilayam svachchandamaanandakam । aadyantaikamakhandachidghanarasam poornam hyanantam shubham pratyakshaaksharavigraham gurupadam dhyaayedvibhum shaashvatam ॥

atha prathamo'dhyaayah ॥

achintyaavyaktaroopaaya nirgunaaya ganaatmane । samastajagadaadhaaramoortaye brahmane namah ॥ 1 ॥

rishaya oochuh । soota soota mahaapraajna nigamaagamapaaraga । gurusvaroopamasmaakam broohi sarvamalaapaham ॥ 2 ॥

yasya shravanamaatrena dehee duhkhaadvimuchyate । yena maargena munayah sarvajnatvam prapedire ॥ 3 ॥

yatpraapya na punaryaati narah samsaarabandhanam । tathaavidham param tattvam vaktavyamadhunaa tvayaa ॥ 4 ॥

guhyaadguhyatamam saaram gurugeetaa visheshatah । tvatprasaadaachcha shrotavyaa tatsarvam broohi soota nah ॥ 5 ॥

iti sampraarthitah sooto munisanghairmuhurmuhuh ॥

kutoohalena mahataa provaacha madhuram vachah ॥ 6 ॥

soota uvaacha

shrunudhvam munayah sarve shraddhayaa parayaa mudaa । vadaami bhavarogaghneem geetaam maatrisvaroopineem ॥ 7

puraa kailaasashikhare siddhagandharvasevite । tatra kalpalataapushpamandire'tyantasundare ॥ 8 ॥

vyaaghraajine samaaseenam shukaadimunivanditam । bodhayantam param tattvam madhye munigane kvachit ॥ 9 ॥

pranamravadanaa shashvannamaskurvantamaadaraat । drishtvaa vismayamaapanna paarvatee pariprichchhati ॥ 10 ॥

paarvatyuvaacha

om namo deva devesha paraatpara jagadguro । tvaam namaskurvate bhaktyaa suraasuranaraah sadaa ॥ 11

vidhivishnumahendraadyairvandyah khalu sadaa bhavaan । namaskaroshi kasmai tvam namaskaaraashrayah kila ॥ 12 ॥

drishtvaitatkarma vipulamaashcharya pratibhaati me । kimetanna vijaane'ham kripayaa vada me prabho ॥ 13 ॥

bhagavan sarvadharmajna vrataanaam vratanaayakam । broohi me kripayaa shambho gurumaahaatmyamuttamam ॥ 14 ॥

kena maargena bho svaamin dehee brahmamayo bhavet । tatkripaam kuru me svaamin namaami charanau tava ॥ 15 ॥

iti sampraarthitah shashvanmahaadevo maheshvarah । aanandabharitah svaante paarvateemidamabraveet ॥ 16 ॥

shree mahaadeva uvaacha

na vaktavyamidam devi rahasyaatirahasyakam । na kasyaapi puraa proktam tvadbhaktyartham vadaami tat ॥ 17

mama roopaa'si devi tvamatastatkathayaami te । lokopakaarakah prashno na kenaapi kritah puraa ॥ 18 ॥

yasya deve paraa bhaktiryathaa deve tathaa gurau । tasyaite kathitaa hyarthaah prakaashante mahaatmanah ॥ 19 ॥

yo guruh sa shivah prokto yah shivah sa guruh smritah । vikalpam yastu kurveeta sa naro gurutalpagah ॥ 20 ॥

durlabham trishu lokeshu tachchhrinushva vadaamyaham । gurubrahma vinaa naanyah satyam satyam varaanane ॥ 21 ॥

vedashaastrapuraanaani chetihaasaadikaani cha । mantrayantraadividyaanaam mohanochchaatanaadikam ॥ 22 ॥

shaivashaaktaagamaadeeni hyanye cha bahavo mataah । apabhramshaah samastaanaam jeevaanaam bhraantachetasaam ॥ 23 ॥

japastapo vratam teertham yajno daanam tathaiva cha । gurutattvamavijnaaya sarvam vyartham bhavetpriye ॥ 24 ॥

gurubuddhyaatmano naanyat satyam satyam varaanane । tallaabhaartham prayatnastu kartavyashcha maneeshibhih ॥ 25 ॥

goodhaavidyaa jaganmaayaa dehashchaajnaanasambhavah । vijnaanam yatprasaadena gurushabdena kathyate ॥ 26 ॥

yadanghrikamaladvandvam dvandvataapanivaarakam । taarakam bhavasindhoshcha tam gurum pranamaamyaham ॥ 27 ॥

dehee brahma bhavedyasmaat tvatkripaartham vadaami tat । sarvapaapavishuddhaatmaa shreeguroh paadasevanaat ॥ 28 ॥

sarvateerthaavagaahasya sampraapnoti phalam narah । guroh paadodakam peetvaa shesham shirasi dhaarayan ॥ 29 ॥

shoshanam paapapankasya deepanam jnaanatejasah । guroh paadodakam samyak samsaaraarnavataarakam ॥ 30 ॥

ajnaanamoolaharanam janmakarmanivaarakam । jnaanavairaagyasiddhyartham guroh paadodakam pibet ॥ 31 ॥

gurupaadodakam paanam guroruchchishtabhojanam । gurumoorteh sadaa dhyaanam gurornaama sadaa japah ॥ 32 ॥

svadeshikasyaiva cha naamakeertanam bhavedanantasya shivasya keertanam । svadeshikasyaiva cha naamachintanam bhavedanantasya shivasya chintanam ॥ 33 ॥

yatpaadaambujarenurvai ko'pi samsaaravaaridhau । setubandhaayate naatham deshikam tamupaasmahe ॥ 34 ॥

yadanugrahamaatrena shokamohau vinashyatah । tasmai shreedeshikendraaya namo'stu paramaatmane ॥ 35 ॥

yasmaadanugraham labdhvaa mahadajnaanamutsrijet । tasmai shreedeshikendraaya namashchaabheeshtasiddhaye ॥ 36 ॥

kaasheekshetram nivaasashcha jaahnavee charanodakam । gururvishveshvarah saakshaat taarakam brahmanishchayah ॥ 37 ॥

gurusevaa gayaa proktaa dehah syaadakshayo vatah । tatpaadam vishnupaadam syaat tatra dattamanastatam ॥ 38 ॥

gurumoortim smarennityam gurornaama sadaa japet । guroraajnaam prakurveeta guroranyam na bhaavayet ॥ 39 ॥

guruvaktre sthitam brahma praapyate tatprasaadatah । gurordhyaanam sadaa kuryaat kulastree svapatim yathaa ॥ 40 ॥

svaashramam cha svajaatim cha svakeertim pushtivardhanam । etatsarvam parityajya gurumeva samaashrayet ॥ 41 ॥

ananyaashchintayanto ye sulabham paramam sukham । tasmaatsarvaprayatnena guroraaraadhanam kuru ॥ 42 ॥

guruvaktre sthitaa vidyaa gurubhaktyaa cha labhyate । trailokye sphutavaktaaro devarshipitrimaanavaah ॥ 43 ॥

gukaarashchaandhakaaro hi rukaarasteja uchyate । ajnaanagraasakam brahma gurureva na samshayah ॥ 44 ॥

gukaarashchaandhakaarastu rukaarastannirodhakrit । andhakaaravinaashitvaadgururityabhidheeyate ॥

gukaaro bhavarogah syaat rukaarastannirodhakrit । bhavarogaharatvaachcha gururityabhidheeyate ॥ 45 ॥

gukaarashcha gunaateeto roopaateeto rukaarakah । gunaroopaviheenatvaat gururityabhidheeyate ॥ 46 ॥

gukaarah prathamo varno maayaadigunabhaasakah । rukaaro'sti param brahma maayaabhraantivimochakam ॥ 47 ॥

evam gurupadam shreshtham devaanaamapi durlabham । haahaahoohooganaishchaiva gandharvaadyaishcha poojitam ॥ 48 ॥

dhruvam teshaam cha sarveshaam naasti tattvam guroh param । guroraaraadhanam kuryaat svajeevatvam nivedayet ॥ 49 ॥

aasanam shayanam vastram vaahanam bhooshanaadikam । saadhakena pradaatavyam gurusantoshakaaranam ॥ 50 ॥

karmanaa manasaa vaachaa sarvadaa''raadhayedgurum । deerghadandam namaskritya nirlajjo gurusannidhau ॥ 51 ॥

shareeramindriyam praanamarthasvajanabaandhavaan । aatmadaaraadikam sarvam sadgurubhyo nivedayet ॥ 52 ॥

gurureko jagatsarvam brahmavishnushivaatmakam । guroh parataram naasti tasmaatsampoojayedgurum ॥ 53 ॥

sarvashrutishiroratnaviraajitapadaambujam । vedaantaarthapravaktaaram tasmaat sampoojayedgurum ॥ 54 ॥

yasya smaranamaatrena jnaanamutpadyate svayam । sa eva sarvasampattih tasmaatsampoojayedgurum ॥ 55 ॥

[paathabhedah - krimikotibhiraavishtam durgandhamalamootrakam । shleshmaraktatvachaamaamsairnaddham chaitadvaraanane ॥ ] krimikotibhiraavishtam durgandhakuladooshitam । anityam duhkhanilayam deham viddhi varaanane ॥ 56 ॥

samsaaravrikshamaaroodhaah patanti narakaarnave । yastaanuddharate sarvaan tasmai shreegurave namah ॥ 57 ॥

gururbrahmaa gururvishnurgururdevo maheshvarah । gurussaakshaat parabrahma tasmai shreegurave namah ॥ 58 ॥

ajnaanatimiraandhasya jnaanaanjanashalaakayaa । chakshurunmeelitam yena tasmai shreegurave namah ॥ 59 ॥

akhandamandalaakaaram vyaaptam yena charaacharam । tatpadam darshitam yena tasmai shreegurave namah ॥ 60 ॥

sthaavaram jangamam vyaaptam yatkinchitsacharaacharam । tvam padam darshitam yena tasmai shreegurave namah ॥ 61 ॥

chinmayavyaapitam sarvam trailokyam sacharaacharam । asitvam darshitam yena tasmai shreegurave namah ॥ 62 ॥

nimishaannimishaardhaadvaa yadvaakyaadvai vimuchyate । svaatmaanam shivamaalokya tasmai shreegurave namah ॥ 63 ॥

chaitanyam shaashvatam shaantam vyomaateetam niranjanam । nadabindukalatitam tasmai shreegurave namah ॥ 64 ॥

nirgunam nirmalam shaantam jangamam sthirameva cha । vyaaptam yena jagatsarvam tasmai shreegurave namah ॥ 65 ॥

sa pitaa sa cha me maataa sa bandhuh sa cha devataa । samsaaramohanaashaaya tasmai shreegurave namah ॥ 66 ॥

yatsattvena jagatsattvam yatprakaashena bhaati tat । yadaanandena nandanti tasmai shreegurave namah ॥ 67 ॥

yasmin sthitamidam sarvam bhaati yadbhaanaroopatah । priyam putraadi yatpreetyaa tasmai shreegurave namah ॥ 68 ॥

yenedam darshitam tattvam chittachaityaadikam tathaa । jaagratsvapnasushuptyaadi tasmai shreegurave namah ॥ 69 ॥

yasya jnaanamidam vishvam na drishyam bhinnabhedatah । sadaikarooparoopaaya tasmai shreegurave namah ॥ 70 ॥

yasya jnaatam matam tasya matam yasya na veda sah । ananyabhaavabhaavaaya tasmai shreegurave namah ॥ 71 ॥

yasmai kaaranaroopaaya kaaryaroopena bhaati yat । kaaryakaaranaroopaaya tasmai shreegurave namah ॥ 72 ॥

naanaaroopamidam vishvam na kenaapyasti bhinnataa । kaaryakaaranaroopaaya tasmai shreegurave namah ॥ 73 ॥

jnaanashaktisamaaroodhatattvamaalaavibhooshine । bhuktimuktipradaatre cha tasmai shreegurave namah ॥ 74 ॥

anekajanmasampraaptakarmabandhavidaahine । jnaanaanalaprabhaavena tasmai shreegurave namah ॥ 75 ॥

shoshanam bhavasindhoshcha deepanam ksharasampadaam । guroh paadodakam yasya tasmai shreegurave namah ॥ 76 ॥

na guroradhikam tattvam na guroradhikam tapah । na guroradhikam jnaanam tasmai shreegurave namah ॥ 77 ॥

mannaathah shreejagannaatho madguruh shreejagadguruh । mamaa''tmaa sarvabhootaatmaa tasmai shreegurave namah ॥ 78 ॥

gururaadiranaadishcha guruh paramadaivatam । gurumantrasamo naasti tasmai shreegurave namah ॥ 79 ॥

eka eva paro bandhurvishame samupasthite । guruh sakaladharmaatmaa tasmai shreegurave namah ॥ 80 ॥

gurumadhye sthitam vishvam vishvamadhye sthito guruh । gururvishvam na chaanyo'sti tasmai shreegurave namah ॥ 81 ॥

bhavaaranyapravishtasya dinmohabhraantachetasah । yena sandarshitah panthaah tasmai shreegurave namah ॥ 82 ॥

taapatrayaagnitaptaanaamashaantapraaninaam mude । gurureva paraa gangaa tasmai shreegurave namah ॥ 83 ॥

[paathabhedah - ajnaanenaahinaa grastaah praaninastaan chikitsakah । vidyaasvaroopo bhagavaamstasmai shreegurave namah ॥ ] ajnaanasarpadashtaanaam praaninaam kashchikitsakah । samyagjnaanamahaamantravedinam sadguru vinaa ॥ 84 ॥

hetave jagataameva samsaaraarnavasetave । prabhave sarvavidyaanaam shambhave gurave namah ॥ 85 ॥

dhyaanamoolam gurormoortih poojaamoolam guroh padam । mantramoolam gurorvaakyam muktimoolam guroh kripaa ॥ 86 ॥

saptasaagaraparyantateerthasnaanaphalam tu yat । guroh paadodabindoshcha sahasraamshe na tatphalam ॥ 87 ॥

shive rushte gurustraataa gurau rushte na kashchana । labdhvaa kulagurum samyaggurumeva samaashrayet ॥ 88 ॥

madhulubdho yathaa bhringah pushpaatpushpaantaram vrajet । jnaanalubdhastathaa shishyo gurorgurvantaram vrajet ॥ 89 ॥

vande gurupadadvandvam vaanmanaateetagocharam । shvetaraktaprabhaabhinnam shivashaktyaatmakam param ॥ 90 ॥

gukaaram cha gunaateetam rookaaram roopavarjitam । gunaateetamaroopam cha yo dadyaatsa guruh smritah ॥ 91 ॥

atrinetrah shivah saakshaat dvibaahushcha harih smritah । yo'chaturvadano brahmaa shreeguruh kathitah priye ॥ 92 ॥

ayam mayaanjalirbaddho dayaasaagarasiddhaye । yadanugrahato jantushchitrasamsaaramuktibhaak ॥ 93 ॥

shreeguroh paramam roopam vivekachakshuragratah । mandabhaagyaa na pashyanti andhaah sooryodayam yathaa ॥ 94 ॥

kulaanaam kulakoteenaam taarakastatra tatkshanaat । atastam sadgurum jnaatvaa trikaalamabhivaadayet ॥ 95 ॥

shreenaathacharanadvandvam yasyaam dishi viraajate । tasyaam dishi namaskuryaat bhaktyaa pratidinam priye ॥ 96 ॥

saashtaangapranipaatena stuvannityam gurum bhajet । bhajanaat sthairyamaapnoti svasvaroopamayo bhavet ॥ 97 ॥

dorbhyaam padbhyaam cha jaanubhyaamurasaa shirasaa drishaa । manasaa vachasaa cheti pranaamo'shtaanga uchyate ॥ 98 ॥

tasyai dishe satatamanjaliresha nityam prakshipyataam mukharitairmadhuraih prasoonaih । jaagarti yatra bhagavaan guruchakravartee vishvasthitipralayanaatakanityasaakshee ॥ 99 ॥

abhyastaih kimu deerghakaalavimalairvyaadhipradairdushkaraih praanaayaamashatairanekakaranairduhkhaatmakairdurjayaih । yasminnabhyudite vinashyati balee vaayuh svayam tatkshanaat praaptum tatsahajasvabhaavamanisham seveta chaikam gurum ॥ 100 ॥

jnaanam vinaa muktipadam labhyate gurubhaktitah । gurossamaanato naanyat saadhanam gurumaarginaam ॥ 101 ॥

yasmaatparataram naasti neti neteeti vai shrutih । manasaa vachasaa chaiva satyamaaraadhayedgurum ॥ 102 ॥

guroh kripaaprasaadena brahmavishnumaheshvaraah । saamarthyamabhajan sarve srishtisthityantakarmani ॥ 103 ॥

devakinnaragandharvaah pitriyakshaastu tumburah । munayo'pi na jaananti gurushushrooshane vidhim ॥ 104 ॥

taarkikaashchaandasaashchaiva daivajnaah karmathaah priye । laukikaaste na jaananti gurutattvam niraakulam ॥ 105 ॥

mahaahankaaragarvena tatovidyaabalena cha । bhramanti chaasmin samsaare ghateeyantram yathaa punah ॥ 106 ॥

yajnino'pi na muktaah syuh na muktaa yoginastathaa । taapasaa api no muktaa gurutattvaatparaanmukhaah ॥ 107 ॥

na muktaastu cha gandharvaah pitriyakshaastu chaaranaah । rishayah siddhadevaadyaa gurusevaaparaanmukhaah ॥ 108 ॥

iti shreeskandapuraane uttarakhande umaamaheshvara samvaade shree gurugeetaayaam prathamo'dhyaayah ॥

About Sri Gurugita Chapter 1

The first chapter of the Guru Gita is a dialogue in which Goddess Parvati asks Lord Shiva how a soul may attain Brahman, and Shiva teaches her the greatness of the guru. It contains the most famous verses in praise of the guru, including "Gurur Brahma Gurur Vishnur Gurur devo Maheshvarah, guruh sakshat Param Brahma, tasmai shri gurave namah", and "Akhanda mandalakaram", and explains the syllables "gu" (darkness) and "ru" (its remover).

Source: Skanda Purana, Uttara Khanda, as its colophon states

When to chant: On Guru Purnima, on Thursdays, and in daily worship of the guru.

Did you know?

  • Its colophon places it in the Uttara Khanda of the Skanda Purana, in a dialogue between Uma and Maheshvara.
  • It explains "guru" as one who removes the darkness ("gu") of ignorance ("ru" being the remover).
  • Many ashrams recite it every morning, and it is central to Guru Purnima celebrations.

Frequently asked questions

Who teaches the Guru Gita?

Lord Shiva, to Goddess Parvati.

What is the most famous verse?

"Gurur Brahma Gurur Vishnur Gurur devo Maheshvarah".

What does "guru" mean, according to the text?

The one who removes ("ru") the darkness ("gu") of ignorance.

Offered for worship and study, not as prediction. Non-commercial.