MuhurtaNow

Sri Kashi Viswanatha Suprabhatam

Shiva · Traditional devotional text

ವಿಶ್ವೇಶಂ ಮಾಧವಂ ಢುಂಢಿಂ ದಂಡಪಾಣಿಂ ಚ ಭೈರವಮ್ । ವಂದೇ ಕಾಶೀಂ ಗುಹಾಂ ಗಂಗಾಂ ಭವಾನೀಂ ಮಣಿಕರ್ಣಿಕಾಮ್ ॥ 1 ॥

ಉತ್ತಿಷ್ಠ ಕಾಶಿ ಭಗವಾನ್ ಪ್ರಭುವಿಶ್ವನಾಥೋ ಗಂಗೋರ್ಮಿ-ಸಂಗತಿ-ಶುಭೈಃ ಪರಿಭೂಷಿತೋಽಬ್ಜೈಃ । ಶ್ರೀಢುಂಢಿ-ಭೈರವ-ಮುಖೈಃ ಸಹಿತಾಽಽನ್ನಪೂರ್ಣಾ ಮಾತಾ ಚ ವಾಂಛತಿ ಮುದಾ ತವ ಸುಪ್ರಭಾತಮ್ ॥ 2 ॥

ಬ್ರಹ್ಮಾ ಮುರಾರಿಸ್ತ್ರಿಪುರಾಂತಕಾರಿಃ ಭಾನುಃ ಶಶೀ ಭೂಮಿಸುತೋ ಬುಧಶ್ಚ । ಗುರುಶ್ಚ ಶುಕ್ರಃ ಶನಿ-ರಾಹು-ಕೇತವಃ ಕುರ್ವಂತು ಸರ್ವೇ ಭುವಿ ಸುಪ್ರಭಾತಮ್ ॥ 3 ॥

ವಾರಾಣಸೀ-ಸ್ಥಿತ-ಗಜಾನನ-ಢುಂಢಿರಾಜ ತಾಪತ್ರಯಾಪಹರಣೇ ಪ್ರಥಿತ-ಪ್ರಭಾವ । ಆನಂದ-ಕಂದಲಕುಲ-ಪ್ರಸವೈಕಭೂಮೇ ನಿತ್ಯಂ ಸಮಸ್ತ-ಜಗತಃ ಕುರು ಸುಪ್ರಭಾತಮ್ ॥ 4 ॥

ಬ್ರಹ್ಮದ್ರವೋಪಮಿತ-ಗಾಂಗ-ಪಯಃ-ಪ್ರವಾಹೈಃ ಪುಣ್ಯೈಃ ಸದೈವ ಪರಿಚುಂಬಿತ-ಪಾದಪದ್ಮೇ । ಮಧ್ಯೇ-ಽಖಿಲಾಮರಗಣೈಃ ಪರಿಸೇವ್ಯಮಾನೇ ಶ್ರೀಕಾಶಿಕೇ ಕುರು ಸದಾ ಭುವಿ ಸುಪ್ರಭಾತಮ್ ॥ 5 ॥

ಪ್ರತ್ನೈರಸಂಖ್ಯ-ಮಠ-ಮಂದಿರ-ತೀರ್ಥ-ಕುಂಡ- ಪ್ರಾಸಾದ-ಘಟ್ಟ-ನಿವಹೈಃ ವಿದುಷಾಂ ವರೈಶ್ಚ ಆವರ್ಜಯಸ್ಯಖಿಲ-ವಿಶ್ವ-ಮನಾಂಸಿ ನಿತ್ಯಂ ಶ್ರೀಕಾಶಿಕೇ ಕುರು ಸದಾ ಭುವಿ ಸುಪ್ರಭಾತಮ್ ॥ 6 ॥

ಕೇ ವಾ ನರಾ ನು ಸುಧಿಯಃ ಕುಧಿಯೋಽಧಿಯೋ ವಾ ವಾಂಛಂತಿ ನಾಂತಸಮಯೇ ಶರಣಂ ಭವತ್ಯಾಃ । ಹೇ ಕೋಟಿ-ಕೋಟಿ-ಜನ-ಮುಕ್ತಿ-ವಿಧಾನ-ದಕ್ಷೇ ಶ್ರೀಕಾಶಿಕೇ ಕುರು ಸದಾ ಭುವಿ ಸುಪ್ರಭಾತಮ್ ॥ 7 ॥

ಯಾ ದೇವೈರಸುರೈರ್ಮುನೀಂದ್ರತನಯೈರ್ಗಂಧರ್ವ-ಯಕ್ಷೋರಗೈಃ ನಾಗೈರ್ಭೂತಲವಾಸಿಭಿರ್ದ್ವಿಜವರೈಸ್ಸಂಸೇವಿತಾ ಸಿದ್ಧಯೇ । ಯಾ ಗಂಗೋತ್ತರವಾಹಿನೀ-ಪರಿಸರೇ ತೀರ್ಥೈರಸಂಖ್ಯೈರ್ವೃತಾ ಸಾ ಕಾಶೀ ತ್ರಿಪುರಾರಿರಾಜ-ನಗರೀ ದೇಯಾತ್ ಸದಾ ಮಂಗಲಮ್ ॥ 8 ॥

ತೀರ್ಥಾನಾಂ ಪ್ರವರಾ ಮನೋರಥಕರೀ ಸಂಸಾರ-ಪಾರಾಪರಾ ನಂದಾ-ನಂದಿ-ಗಣೇಶ್ವರೈರುಪಹಿತಾ ದೇವೈರಶೇಷೈಃ-ಸ್ತುತಾ । ಯಾ ಶಂಭೋರ್ಮಣಿ-ಕುಂಡಲೈಕ-ಕಣಿಕಾ ವಿಷ್ಣೋಸ್ತಪೋ-ದೀರ್ಘಿಕಾ ಸೇಯಂ ಶ್ರೀಮಣಿಕರ್ಣಿಕಾ ಭಗವತೀ ದೇಯಾತ್ ಸದಾ ಮಂಗಲಮ್ ॥ 9 ॥

ಅಭಿನವ-ಬಿಸ-ವಲ್ಲೀ ಪಾದ-ಪದ್ಮಸ್ಯ ವಿಷ್ಣೋಃ ಮದನ-ಮಥನ-ಮೌಲೇರ್ಮಾಲತೀ ಪುಷ್ಪಮಾಲಾ । ಜಯತಿ ಜಯ-ಪತಾಕಾ ಕಾಪ್ಯಸೌ ಮೋಕ್ಷಲಕ್ಷ್ಮ್ಯಾಃ ಕ್ಷಪಿತ-ಕಲಿ-ಕಲಂಕಾ ಜಾಹ್ನವೀ ನಃ ಪುನಾತು ॥ 10 ॥

ಗಾಂಗಂ ವಾರಿ ಮನೋಹಾರಿ ಮುರಾರಿ-ಚರಣಚ್ಯುತಮ್ । ತ್ರಿಪುರಾರಿ-ಶಿರಶ್ಚಾರಿ ಪಾಪಹಾರಿ ಪುನಾತು ಮಾಮ್ ॥ 11 ॥

ವಿಘ್ನಾವಾಸ-ನಿವಾಸಕಾರಣ-ಮಹಾಗಂಡಸ್ಥಲಾಲಂಬಿತಃ ಸಿಂದೂರಾರುಣ-ಪುಂಜ-ಚಂದ್ರಕಿರಣ-ಪ್ರಚ್ಛಾದಿ-ನಾಗಚ್ಛವಿಃ । ಶ್ರೀವಿಘ್ನೇಶ್ವರ-ವಲ್ಲಭೋ ಗಿರಿಜಯಾ ಸಾನಂದಮಾನಂದಿತಃ (ಪಾಠಭೇದ ವಿಶ್ವೇಶ್ವರ) ಸ್ಮೇರಾಸ್ಯಸ್ತವ ಢುಂಢಿರಾಜ-ಮುದಿತೋ ದೇಯಾತ್ ಸದಾ ಮಂಗಲಮ್ ॥ 12 ॥

ಕಂಠೇ ಯಸ್ಯ ಲಸತ್ಕರಾಲ-ಗರಲಂ ಗಂಗಾಜಲಂ ಮಸ್ತಕೇ ವಾಮಾಂಗೇ ಗಿರಿರಾಜರಾಜ-ತನಯಾ ಜಾಯಾ ಭವಾನೀ ಸತೀ । ನಂದಿ-ಸ್ಕಂದ-ಗಣಾಧಿರಾಜ-ಸಹಿತಃ ಶ್ರೀವಿಶ್ವನಾಥಪ್ರಭುಃ ಕಾಶೀ-ಮಂದಿರ-ಸಂಸ್ಥಿತೋಽಖಿಲಗುರುಃ ದೇಯಾತ್ ಸದಾ ಮಂಗಲಮ್ ॥ 13 ॥

ಶ್ರೀವಿಶ್ವನಾಥ ಕರುಣಾಮೃತ-ಪೂರ್ಣ-ಸಿಂಧೋ ಶೀತಾಂಶು-ಖಂಡ-ಸಮಲಂಕೃತ-ಭವ್ಯಚೂಡ । ಉತ್ತಿಷ್ಠ ವಿಶ್ವಜನ-ಮಂಗಲ-ಸಾಧನಾಯ ನಿತ್ಯಂ ಸರ್ವಜಗತಃ ಕುರು ಸುಪ್ರಭಾತಮ್ ॥ 14 ॥

ಶ್ರೀವಿಶ್ವನಾಥ ವೃಷಭ-ಧ್ವಜ ವಿಶ್ವವಂದ್ಯ ಸೃಷ್ಟಿ-ಸ್ಥಿತಿ-ಪ್ರಲಯ-ಕಾರಕ ದೇವದೇವ । ವಾಚಾಮಗೋಚರ ಮಹರ್ಷಿ-ನುತಾಂಘ್ರಿ-ಪದ್ಮ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 15 ॥

ಶ್ರೀವಿಶ್ವನಾಥ ಭವಭಂಜನ ದಿವ್ಯಭಾವ ಗಂಗಾಧರ ಪ್ರಮಥ-ವಂದಿತ ಸುಂದರಾಂಗ । ನಾಗೇಂದ್ರ-ಹಾರ ನತ-ಭಕ್ತ-ಭಯಾಪಹಾರ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 16 ॥

ಶ್ರೀವಿಶ್ವನಾಥ ತವ ಪಾದಯುಗಂ ನಮಾಮಿ ನಿತ್ಯಂ ತವೈವ ಶಿವ ನಾಮ ಹೃದಾ ಸ್ಮರಾಮಿ । ವಾಚಂ ತವೈವ ಯಶಸಾಽನಘ ಭೂಷಯಾಮಿ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 17 ॥

ಕಾಶೀ-ನಿವಾಸ-ಮುನಿ-ಸೇವಿತ-ಪಾದ-ಪದ್ಮ ಗಂಗಾ-ಜಲೌಘ-ಪರಿಷಿಕ್ತ-ಜಟಾಕಲಾಪ । ಅಸ್ಯಾಖಿಲಸ್ಯ ಜಗತಃ ಸಚರಾಚರಸ್ಯ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 18 ॥

ಗಂಗಾಧರಾದ್ರಿತನಯಾ-ಪ್ರಿಯ ಶಾಂತಮೂರ್ತೇ ವೇದಾಂತ-ವೇದ್ಯ ಸಕಲೇಶ್ವರ ವಿಶ್ವಮೂರ್ತೇ । ಕೂಟಸ್ಥ ನಿತ್ಯ ನಿಖಿಲಾಗಮ-ಗೀತ-ಕೀರ್ತೇ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 19 ॥

ವಿಶ್ವಂ ಸಮಸ್ತಮಿದಮದ್ಯ ಘನಾಂಧಕಾರೇ ಮೋಹಾತ್ಮಕೇ ನಿಪತಿತಂ ಜಡತಾಮುಪೇತಮ್ । ಭಾಸಾ ವಿಭಾಸ್ಯ ಪರಯಾ ತದಮೋಘ-ಶಕ್ತೇ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 20 ॥

ಸೂನುಃ ಸಮಸ್ತ-ಜನ-ವಿಘ್ನ-ವಿನಾಶ-ದಕ್ಷೋ ಭಾರ್ಯಾಽನ್ನದಾನ-ನಿರತಾ-ಽವಿರತಂ ಜನೇಭ್ಯಃ । ಖ್ಯಾತಃ ಸ್ವಯಂ ಚ ಶಿವಕೃತ್ ಸಕಲಾರ್ಥಿ-ಭಾಜಾಂ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 21 ॥

ಯೇ ನೋ ನಮಂತಿ ನ ಜಪಂತಿ ನ ಚಾಮನಂತಿ ನೋ ವಾ ಲಪಂತಿ ವಿಲಪಂತಿ ನಿವೇದಯಂತಿ । ತೇಷಾಮಬೋಧ-ಶಿಶು-ತುಲ್ಯ-ಧಿಯಾಂ ನರಾಣಾಂ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 22 ॥

ಶ್ರೀಕಂಠ ಕಂಠ-ಧೃತ-ಪನ್ನಗ ನೀಲಕಂಠ ಸೋತ್ಕಂಠ-ಭಕ್ತ-ನಿವಹೋಪಹಿತೋಪ-ಕಂಠ । ಭಸ್ಮಾಂಗರಾಗ-ಪರಿಶೋಭಿತ-ಸರ್ವದೇಹ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 23 ॥

ಶ್ರೀಪಾರ್ವತೀ-ಹೃದಯ-ವಲ್ಲಭ ಪಂಚ-ವಕ್ತ್ರ ಶ್ರೀನೀಲ-ಕಂಠ ನೃ-ಕಪಾಲ-ಕಲಾಪ-ಮಾಲ । ಶ್ರೀವಿಶ್ವನಾಥ ಮೃದು-ಪಂಕಜ-ಮಂಜು-ಪಾದ ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 24 ॥

ದುಗ್ಧ-ಪ್ರವಾಹ-ಕಮನೀಯ-ತರಂಗ-ಭಂಗೇ ಪುಣ್ಯ-ಪ್ರವಾಹ-ಪರಿಪಾವಿತ-ಭಕ್ತ-ಸಂಗೇ । ನಿತ್ಯಂ ತಪಸ್ವಿ-ಜನ-ಸೇವಿತ-ಪಾದ-ಪದ್ಮೇ ಗಂಗೇ ಶರಣ್ಯ-ಶಿವದೇ ಕುರು ಸುಪ್ರಭಾತಮ್ ॥ 25 ॥

ಸಾನಂದಮಾನಂದ-ವನೇ ವಸಂತಂ ಆನಂದ-ಕಂದಂ ಹತ-ಪಾಪ-ವೃಂದಮ್ । ವಾರಾಣಸೀ-ನಾಥಮನಾಥ-ನಾಥಂ ಶ್ರೀವಿಶ್ವನಾಥಂ ಶರಣಂ ಪ್ರಪದ್ಯೇ ॥ 26 ॥

ಇತಿ ಶ್ರೀಕಾಶೀವಿಶ್ವನಾಥಸುಪ್ರಭಾತಂ ಸಂಪೂರ್ಣಮ್ ।

About Sri Kashi Viswanatha Suprabhatam

The Kashi Vishwanatha Suprabhatam is a dawn hymn to awaken Lord Vishwanatha of Kashi. It opens by saluting the guardians of the holy city: Vishvesha, Madhava, Dhundhi Ganesha, Dandapani, Bhairava, Kashi herself, Guha, Ganga, Bhavani and the Manikarnika ghat. Then it calls: "Arise, Lord Vishwanatha of Kashi", adorned with lotuses touched by the waves of the Ganga, as Dhundhi, Bhairava and the other gods wait at your door.

When to chant: At dawn, especially on Mondays and in Kartika, and at Kashi Vishwanatha temple.

Did you know?

  • Dhundhiraja Ganesha and Kala Bhairava are worshipped as guardians of Kashi, and pilgrims visit them along with Vishwanatha.
  • Manikarnika is one of the most sacred ghats of Kashi on the Ganga.

Frequently asked questions

What is a suprabhatam?

A dawn hymn sung to awaken the deity.

Who is awakened in this hymn?

Lord Vishwanatha of Kashi (Varanasi).

Which guardians of Kashi are named?

Dhundhi Ganesha, Dandapani, Bhairava and others.

Offered for worship and study, not as prediction. Non-commercial.