MuhurtaNow

Sri Madhvacharya Kruta Dwadasha Stotra - 8

Vishnu · Traditional devotional text

అథ అష్టమస్తోత్రం

వందితాశేషవంద్యోరువృందారకం చందనాచర్చితోదారపీనాంసకమ్ । ఇందిరాచంచలాపాంగనీరాజితం మందరోద్ధారివృత్తోద్భుజాభోగినమ్ । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 1॥

సృష్టిసంహారలీలావిలాసాతతం పుష్టషాడ్గుణ్యసద్విగ్రహోల్లాసినమ్ । దుష్టనిఃశేషసంహారకర్మోద్యతం హృష్టపుష్టాతిశిష్ట (అనుశిష్ట) ప్రజాసంశ్రయమ్ । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 2॥

ఉన్నతప్రార్థితాశేషసంసాధకం సన్నతాలౌకికానందదశ్రీపదమ్ । భిన్నకర్మాశయప్రాణిసంప్రేరకం తన్న కిం నేతి విద్వత్సు మీమాంసితమ్ । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 3॥

విప్రముఖ్యైః సదా వేదవాదోన్ముఖైః సుప్రతాపైః క్షితీశేశ్వరైశ్చార్చ్చితమ్ । అప్రతర్క్యోరుసంవిద్గుణం నిర్మలం సప్రకాశాజరానందరూపం పరమ్ । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 4॥

అత్యయో యస్య (యేన) కేనాపి న క్వాపి హి ప్రత్యయో యద్గుణేషూత్తమానాం పరః । సత్యసంకల్ప ఏకో వరేణ్యో వశీ మత్యనూనైః సదా వేదవాదోదితః । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 5॥

పశ్యతాం దుఃఖసంతాననిర్మూలనం దృశ్యతాం దృశ్యతామిత్యజేశార్చితమ్ । నశ్యతాం దూరగం సర్వదాప్యాఽత్మగం వశ్యతాం స్వేచ్ఛయా సజ్జనేష్వాగతమ్ । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 6॥

అగ్రజం యః ససర్జాజమగ్ర్యాకృతిం విగ్రహో యస్య సర్వే గుణా ఏవ హి । ఉగ్ర ఆద్యోఽపి యస్యాత్మజాగ్ర్యాత్మజః సద్గృహీతః సదా యః పరం దైవతమ్ । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 7॥

అచ్యుతో యో గుణైర్నిత్యమేవాఖిలైః ప్రచ్యుతోఽశేషదోషైః సదా పూర్తితః । ఉచ్యతే సర్వవేదోరువాదైరజః స్వర్చితో బ్రహ్మరుద్రేంద్రపూర్వైః సదా । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 8॥

ధార్యతే యేన విశ్వం సదాజాదికం వార్యతేఽశేషదుఃఖం నిజధ్యాయినామ్ । పార్యతే సర్వమన్యైర్నయత్పార్యతే కార్యతే చాఖిలం సర్వభూతైః సదా । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 9॥

సర్వపాపానియత్సంస్మృతేః సంక్షయం సర్వదా యాంతి భక్త్యా విశుద్ధాత్మనామ్ । శర్వగుర్వాదిగీర్వాణ సంస్థానదః కుర్వతే కర్మ యత్ప్రీతయే సజ్జనాః । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 10॥

అక్షయం కర్మ యస్మిన్ పరే స్వర్పితం ప్రక్షయం యాంతి దుఃఖాని యన్నామతః । అక్షరో యోఽజరః సర్వదైవామృతః కుక్షిగం యస్య విశ్వం సదాఽజాదికమ్ । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 11॥

నందితీర్థోరుసన్నామినో నందినః సందధానాః సదానందదేవే మతిమ్ । మందహాసారుణా పాంగదత్తోన్నతిం వందితాశేషదేవాదివృందం సదా । ప్రీణయామో వాసుదేవం దేవతామండలాఖండమండనం ప్రీణయామో వాసుదేవమ్ ॥ 12॥

ఇతి శ్రీమదానందతీర్థభగవత్పాదాచార్య విరచితం ద్వాదశస్తోత్రేషు అష్టమస్తోత్రం సంపూర్ణం

About Sri Madhvacharya Kruta Dwadasha Stotra - 8

This is the eighth of Sri Madhvacharya's twelve Dwadasha Stotras, a hymn in a lively, dancing metre to Lord Vishnu. It begins "Vanditashesha vandyoru vrindarakam": the one saluted by all the great gods who are themselves worthy of salutation, his broad, strong shoulders anointed with sandal, honoured by the restless side-glances of Indira (Lakshmi), the one who lifted the Mandara mountain; and continues in the same rhythm to praise his beauty and deeds.

Written by: Sri Madhvacharya, as its colophon states

When to chant: In Madhva worship and daily recitation, at Udupi, and on Madhva Navami.

Did you know?

  • Its colophon names Anandatirtha (Madhvacharya) as its author.
  • The Mandara mountain recalls the churning of the ocean, when Vishnu as Kurma held it up on his back.
  • The Dwadasha Stotras are sung daily in the worship of Krishna at Udupi.

Frequently asked questions

Who wrote this stotra?

Sri Madhvacharya, as its colophon states.

What does "Mandaroddhara" recall?

Vishnu lifting the Mandara mountain at the churning of the ocean.

Where are the Dwadasha Stotras sung daily?

In the worship of Krishna at Udupi.

Offered for worship and study, not as prediction. Non-commercial.