MuhurtaNow

Sri Radha Kripa Kataksha Stotram

Vishnu · Traditional devotional text

మునీంద్ర–వృంద–వందితే త్రిలోక–శోక–హారిణి ప్రసన్న-వక్త్ర-పణ్కజే నికుంజ-భూ-విలాసిని వ్రజేంద్ర–భాను–నందిని వ్రజేంద్ర–సూను–సంగతే కదా కరిష్యసీహ మాం కృపాకటాక్ష–భాజనమ్ ॥1॥

అశోక–వృక్ష–వల్లరీ వితాన–మండప–స్థితే ప్రవాలబాల–పల్లవ ప్రభారుణాంఘ్రి–కోమలే । వరాభయస్ఫురత్కరే ప్రభూతసంపదాలయే కదా కరిష్యసీహ మాం కృపాకటాక్ష–భాజనమ్ ॥2॥

అనంగ-రణ్గ మంగల-ప్రసంగ-భంగుర-భ్రువాం సవిభ్రమం ససంభ్రమం దృగంత–బాణపాతనైః । నిరంతరం వశీకృతప్రతీతనందనందనే కదా కరిష్యసీహ మాం కృపాకటాక్ష–భాజనమ్ ॥3॥

తడిత్–సువర్ణ–చంపక –ప్రదీప్త–గౌర–విగ్రహే ముఖ–ప్రభా–పరాస్త–కోటి–శారదేందుమండలే । విచిత్ర-చిత్ర సంచరచ్చకోర-శావ-లోచనే కదా కరిష్యసీహ మాం కృపాకటాక్ష–భాజనమ్ ॥4॥

మదోన్మదాతి–యౌవనే ప్రమోద–మాన–మండితే ప్రియానురాగ–రంజితే కలా–విలాస – పండితే । అనన్యధన్య–కుంజరాజ్య–కామకేలి–కోవిదే కదా కరిష్యసీహ మాం కృపాకటాక్ష–భాజనమ్ ॥5॥

అశేష–హావభావ–ధీరహీరహార–భూషితే ప్రభూతశాతకుంభ–కుంభకుంభి–కుంభసుస్తని । ప్రశస్తమంద–హాస్యచూర్ణ పూర్ణసౌఖ్య –సాగరే కదా కరిష్యసీహ మాం కృపాకటాక్ష–భాజనమ్ ॥6॥

మృణాల-వాల-వల్లరీ తరంగ-రంగ-దోర్లతే లతాగ్ర–లాస్య–లోల–నీల–లోచనావలోకనే । లలల్లులన్మిలన్మనోజ్ఞ–ముగ్ధ–మోహినాశ్రితే కదా కరిష్యసీహ మాం కృపాకటాక్ష–భాజనమ్ ॥7॥

సువర్ణమలికాంచిత –త్రిరేఖ–కంబు–కంఠగే త్రిసూత్ర–మంగలీ-గుణ–త్రిరత్న-దీప్తి–దీధితే । సలోల–నీలకుంతల–ప్రసూన–గుచ్ఛ–గుంఫితే కదా కరిష్యసీహ మాం కృపాకటాక్ష–భాజనమ్ ॥8॥

నితంబ–బింబ–లంబమాన–పుష్పమేఖలాగుణే ప్రశస్తరత్న-కింకిణీ-కలాప-మధ్య మంజులే । కరీంద్ర–శుండదండికా–వరోహసౌభగోరుకే కదా కరిష్యసీహ మాం కృపాకటాక్ష–భాజనమ్ ॥9॥

అనేక–మంత్రనాద–మంజు నూపురారవ–స్ఖలత్ సమాజ–రాజహంస–వంశ–నిక్వణాతి–గౌరవే । విలోలహేమ–వల్లరీ–విడంబిచారు–చంక్రమే కదా కరిష్యసీహ మాం కృపాకటాక్ష–భాజనమ్ ॥10॥

అనంత–కోటి–విష్ణులోక–నమ్ర–పద్మజార్చితే హిమాద్రిజా–పులోమజా–విరించజా-వరప్రదే । అపార–సిద్ధి–ఋద్ధి–దిగ్ధ–సత్పదాంగులీ-నఖే కదా కరిష్యసీహ మాం కృపాకటాక్ష–భాజనమ్ ॥11॥

మఖేశ్వరి క్రియేశ్వరి స్వధేశ్వరి సురేశ్వరి త్రివేద–భారతీశ్వరి ప్రమాణ–శాసనేశ్వరి । రమేశ్వరి క్షమేశ్వరి ప్రమోద–కాననేశ్వరి వ్రజేశ్వరి వ్రజాధిపే శ్రీరాధికే నమోస్తుతే ॥12॥

ఇతీ మమద్భుతం-స్తవం నిశమ్య భానునందినీ కరోతు సంతతం జనం కృపాకటాక్ష-భాజనమ్ । భవేత్తదైవ సంచిత త్రిరూప–కర్మ నాశనం లభేత్తదా వ్రజేంద్ర–సూను–మండల–ప్రవేశనమ్ ॥13॥

రాకాయాం చ సితాష్టమ్యాం దశమ్యాం చ విశుద్ధధీః । ఏకాదశ్యాం త్రయోదశ్యాం యః పఠేత్సాధకః సుధీః ॥14॥

యం యం కామయతే కామం తం తమాప్నోతి సాధకః । రాధాకృపాకటాక్షేణ భక్తిఃస్యాత్ ప్రేమలక్షణా ॥15॥

ఊరుదఘ్నే నాభిదఘ్నే హృద్దఘ్నే కంఠదఘ్నకే । రాధాకుండజలే స్థితా యః పఠేత్ సాధకః శతమ్ ॥16॥

తస్య సర్వార్థ సిద్ధిః స్యాద్ వాక్సామర్థ్యం తథా లభేత్ । ఐశ్వర్యం చ లభేత్ సాక్షాద్దృశా పశ్యతి రాధికామ్ ॥17॥

తేన స తత్క్షణాదేవ తుష్టా దత్తే మహావరమ్ । యేన పశ్యతి నేత్రాభ్యాం తత్ ప్రియం శ్యామసుందరమ్ ॥18॥

నిత్యలీలా–ప్రవేశం చ దదాతి శ్రీ-వ్రజాధిపః । అతః పరతరం ప్రార్థ్యం వైష్ణవస్య న విద్యతే ॥19॥

॥ ఇతి శ్రీమదూర్ధ్వామ్నాయే శ్రీరాధికాయాః కృపాకటాక్షస్తోత్రం సంపూర్ణమ్ ॥

About Sri Radha Kripa Kataksha Stotram

The Sri Radha Kripa Kataksha Stotram is a prayer for one "sidelong glance of grace" (kripa kataksha) from Sri Radha. Each verse describes her beauty and her love for Krishna in the groves of Vraja, and asks "kada karishyasiha mam kripa kataksha bhajanam", when will you make me worthy of your glance of grace?

Source: The Urdhvamnaya Tantra, according to its closing line

When to chant: On Radhashtami, Janmashtami and Fridays, and daily in Radha Krishna worship.

Did you know?

  • It is one of the most loved hymns in Vrindavan and Barsana, sung daily in temples and homes there.
  • Radha is called "Vrishabhanu-nandini", the daughter of King Vrishabhanu of Barsana.
  • The closing verses say that Krishna, the lord of Vraja, grants entry into his eternal play to one who recites it, and that a Vaishnava can ask for nothing higher.

Frequently asked questions

What does Kripa Kataksha mean?

"A sidelong glance of grace". The hymn asks Radha for one such glance.

Where does the Radha Kripa Kataksha Stotram come from?

Its closing line names the Urdhvamnaya Tantra as its source.

When is it recited?

On Radhashtami, Janmashtami, Fridays, and daily by devotees of Radha Krishna.

Offered for worship and study, not as prediction. Non-commercial.