MuhurtaNow

Sri Radha Krishna Ashtakam

Vishnu · Traditional devotional text

ಯಃ ಶ್ರೀಗೋವರ್ಧನಾದ್ರಿಂ ಸಕಲಸುರಪತೀಂಸ್ತತ್ರಗೋಗೋಪಬೃಂದಂ ಸ್ವೀಯಂ ಸಂರಕ್ಷಿತುಂ ಚೇತ್ಯಮರಸುಖಕರಂ ಮೋಹಯನ್ ಸಂದಧಾರ । ತನ್ಮಾನಂ ಖಂಡಯಿತ್ವಾ ವಿಜಿತರಿಪುಕುಲೋ ನೀಲಧಾರಾಧರಾಭಃ ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ ॥ 1 ॥

ಯಂ ದೃಷ್ಟ್ವಾ ಕಂಸಭೂಪಃ ಸ್ವಕೃತಕೃತಿಮಹೋ ಸಂಸ್ಮರನ್ಮಂತ್ರಿವರ್ಯಾನ್ ಕಿಂ ವಾ ಪೂರ್ವಂ ಮಯೇದಂ ಕೃತಮಿತಿ ವಚನಂ ದುಃಖಿತಃ ಪ್ರತ್ಯುವಾಚ । ಆಜ್ಞಪ್ತೋ ನಾರದೇನ ಸ್ಮಿತಯುತವದನಃ ಪೂರಯನ್ಸರ್ವಕಾಮಾನ್ ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ ॥ 2 ॥

ಯೇನ ಪ್ರೋದ್ಯತ್ಪ್ರತಾಪಾ ನೃಪತಿಕುಲಭವಾಃ ಪಾಂಡವಾಃ ಕೌರವಾಬ್ಧಿಂ ತೀರ್ತ್ವಾ ಪಾರಂ ತದೀಯಂ ಜಗದಖಿಲನೃಣಾಂ ದುಸ್ತರಂಚೇತಿ ಜಗ್ಮುಃ । ತತ್ಪತ್ನೀಚೀರವೃದ್ಧಿಪ್ರವಿದಿತಮಹಿಮಾ ಭೂತಲೇ ಭೂಪತೀಶಃ ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ ॥ 3 ॥

ಯಸ್ಮೈ ಚೋದ್ಧೃತ್ಯ ಪಾತ್ರಾದ್ದಧಿಯುತನವನೀತಂ ಕರೈರ್ಗೋಪಿಕಾಭಿ- ರ್ದತ್ತಂ ತದ್ಭಾವಪೂರ್ತೌ ವಿನಿಹಿತಹೃದಯಸ್ಸತ್ಯಮೇವಂ ತಿರೋಧಾತ್ । ಮುಕ್ತಾಗುಂಜಾವಳೀಭಿಃ ಪ್ರಚುರತಮರುಚಿಃ ಕುಂಡಲಾಕ್ರಾಂತಗಂಡಃ ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ ॥ 4 ॥

ಯಸ್ಮಾದ್ವಿಶ್ವಾಭಿರಾಮಾದಿಹ ಜನನವಿಧೌ ಸರ್ವನಂದಾದಿಗೋಪಾಃ ಸಂಸಾರಾರ್ತೇರ್ವಿಮುಕ್ತಾಃ ಸಕಲಸುಖಕರಾಃ ಸಂಪದಃ ಪ್ರಾಪುರೇವ । ಇತ್ಥಂ ಪೂರ್ಣೇಂದುವಕ್ತ್ರಃ ಕಲಕಮಲದೃಶಃ ಸ್ವೀಯಜನ್ಮ ಸ್ತುವಂತಃ ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ ॥ 5 ॥

ಯಸ್ಯ ಶ್ರೀನಂದಸೂನೋಃ ವ್ರಜಯುವತಿಜನಾಶ್ಚಾಗತಾ ಭರ್ತೃಪುತ್ರಾಂ- ಸ್ತ್ಯಕ್ತ್ವಾ ಶ್ರುತ್ವಾ ಸಮೀಪೇ ವಿಚಕಿತನಯನಾಃ ಸಪ್ರಮೋದಾಃ ಸ್ವಗೇಹೇ । ರಂತುಂ ರಾಸಾದಿಲೀಲಾ ಮನಸಿಜದಲಿತಾ ವೇಣುನಾದಂ ಚ ರಮ್ಯಂ ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ ॥ 6 ॥

ಯಸ್ಮಿನ್ ದೃಷ್ಟೇ ಸಮಸ್ತೇ ಜಗತಿ ಯುವತಯಃ ಪ್ರಾಣನಾಥವ್ರತಾಯಾ- ಸ್ತಾ ಅಪ್ಯೇವಂ ಹಿ ನೂನಂ ಕಿಮಪಿ ಚ ಹೃದಯೇ ಕಾಮಭಾವಂ ದಧತ್ಯಃ । ತತ್ಸ್ನೇಹಾಬ್ಧಿಂ ವಪುಶ್ಚೇದವಿದಿತಧರಣೌ ಸೂರ್ಯಬಿಂಬಸ್ವರೂಪಾಃ ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ ॥ 7 ॥

ಯಃ ಸ್ವೀಯೇ ಗೋಕುಲೇಽಸ್ಮಿನ್ವಿದಿತನಿಜಕುಲೋದ್ಭೂತಬಾಲೈಃ ಸಮೇತೋ ಮಾತರ್ಯೇವಂ ಚಕಾರ ಪ್ರಸೃತತಮಗುಣಾನ್ಬಾಲಲೀಲಾವಿಲಾಸಾನ್ । ಹತ್ವಾ ವತ್ಸಪ್ರಲಂಬದ್ವಿವಿದಬಕಖರಾನ್ಗೋಪಬೃಂದಂ ಜುಗೋಪ ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ ॥ 8 ॥

ಕೃಷ್ಣಾರಾಧಾಷ್ಟಕಂ ಪ್ರಾತರುತ್ಥಾಯ ಪ್ರಪಠೇನ್ನರಃ । ಯ ಏವಂ ಸರ್ವದಾ ನೂನಂ ಸ ಪ್ರಾಪ್ನೋತಿ ಪರಾಂ ಗತಿಮ್ ॥ 9 ॥

ಇತಿ ಶ್ರೀರಘುನಾಥಚಾರ್ಯ ವಿರಚಿತಂ ಶ್ರೀರಾಧಾಕೃಷ್ಣಾಷ್ಟಕಮ್ ।

About Sri Radha Krishna Ashtakam

The Sri Radha Krishna Ashtakam is an eight-verse hymn to Radha and Krishna together. Its first verse recalls Krishna lifting Govardhana hill to shelter the cowherds and their cattle from Indra's storm, and the hymn goes on to praise the divine couple of Vrindavan.

Written by: Sri Raghunathacharya, as named in its closing line

When to chant: In the morning, on Janmashtami, Radhashtami, Govardhan Puja and Fridays.

Did you know?

  • The closing verse says that one who recites this ashtakam on rising in the morning attains the highest goal.
  • Govardhan Puja (Annakut), the day after Diwali, celebrates the same lifting of Govardhana that opens this hymn.

Frequently asked questions

Who wrote the Radha Krishna Ashtakam?

Its closing line names Sri Raghunathacharya.

What story does it begin with?

Krishna lifting Govardhana hill to protect Vraja from Indra's rains.

When is it recited?

In the morning, and on Janmashtami, Radhashtami and Govardhan Puja.

Offered for worship and study, not as prediction. Non-commercial.