Sri Rama Kavacham
Vishnu · Traditional devotional text
അഗസ്തിരുവാച
ആജാനുബാഹുമരവിംദദളായതാക്ഷ- -മാജന്മശുദ്ധരസഹാസമുഖപ്രസാദമ് । ശ്യാമം ഗൃഹീത ശരചാപമുദാരരൂപം രാമം സരാമമഭിരാമമനുസ്മരാമി ॥ 1
അസ്യ ശ്രീരാമകവചസ്യ അഗസ്ത്യ ഋഷിഃ അനുഷ്ടുപ് ഛംദഃ സീതാലക്ഷ്മണോപേതഃ ശ്രീരാമചംദ്രോ ദേവതാ ശ്രീരാമചംദ്രപ്രസാദസിദ്ധ്യര്ഥേ ജപേ വിനിയോഗഃ ।
അഥ ധ്യാനം നീലജീമൂതസംകാശം വിദ്യുദ്വര്ണാംബരാവൃതമ് । കോമലാംഗം വിശാലാക്ഷം യുവാനമതിസുംദരമ് ॥ 1 ॥
സീതാസൌമിത്രിസഹിതം ജടാമുകുടധാരിണമ് । സാസിതൂണധനുര്ബാണപാണിം ദാനവമര്ദനമ് ॥ 2 ॥
യദാ ചോരഭയേ രാജഭയേ ശത്രുഭയേ തഥാ । ധ്യാത്വാ രഘുപതിം ക്രുദ്ധം കാലാനലസമപ്രഭമ് ॥ 3 ॥
ചീരകൃഷ്ണാജിനധരം ഭസ്മോദ്ധൂളിതവിഗ്രഹമ് । ആകര്ണാകൃഷ്ടവിശിഖകോദംഡഭുജമംഡിതമ് ॥ 4 ॥
രണേ രിപൂന് രാവണാദീംസ്തീക്ഷ്ണമാര്ഗണവൃഷ്ടിഭിഃ । സംഹരംതം മഹാവീരമുഗ്രമൈംദ്രരഥസ്ഥിതമ് ॥ 5 ॥
ലക്ഷ്മണാദ്യൈര്മഹാവീരൈർവൃതം ഹനുമദാദിഭിഃ । സുഗ്രീവാദ്യൈര്മാഹാവീരൈഃ ശൈലവൃക്ഷകരോദ്യതൈഃ ॥ 6 ॥
വേഗാത്കരാലഹുംകാരൈര്ഭുഭുക്കാരമഹാരവൈഃ । നദദ്ഭിഃ പരിവാദദ്ഭിഃ സമരേ രാവണം പ്രതി ॥ 7 ॥
ശ്രീരാമ ശത്രുസംഘാന്മേ ഹന മര്ദയ ഖാദയ । ഭൂതപ്രേതപിശാചാദീന് ശ്രീരാമാശു വിനാശയ ॥ 8 ॥
ഏവം ധ്യാത്വാ ജപേദ്രാമകവചം സിദ്ധിദായകമ് । സുതീക്ഷ്ണ വജ്രകവചം ശൃണു വക്ഷ്യാമ്യനുത്തമമ് ॥ 9 ॥
അഥ കവചമ് ശ്രീരാമഃ പാതു മേ മൂര്ധ്നി പൂർവേ ച രഘുവംശജഃ । ദക്ഷിണേ മേ രഘുവരഃ പശ്ചിമേ പാതു പാവനഃ ॥ 10 ॥
ഉത്തരേ മേ രഘുപതിര്ഭാലം ദശരഥാത്മജഃ । ഭ്രുവോര്ദൂർവാദലശ്യാമസ്തയോര്മധ്യേ ജനാര്ദനഃ ॥ 11 ॥
ശ്രോത്രം മേ പാതു രാജേംദ്രോ ദൃശൌ രാജീവലോചനഃ । ഘ്രാണം മേ പാതു രാജര്ഷിര്ഗംഡൌ മേ ജാനകീപതിഃ ॥ 12 ॥
കര്ണമൂലേ ഖരധ്വംസീ ഭാലം മേ രഘുവല്ലഭഃ । ജിഹ്വാം മേ വാക്പതിഃ പാതു ദംതപംക്തീ രഘൂത്തമഃ ॥ 13 ॥
ഓഷ്ഠൌ ശ്രീരാമചംദ്രോ മേ മുഖം പാതു പരാത്പരഃ । കംഠം പാതു ജഗദ്വംദ്യഃ സ്കംധൌ മേ രാവണാംതകഃ ॥ 14 ॥
ധനുര്ബാണധരഃ പാതു ഭുജൌ മേ വാലിമര്ദനഃ । സർവാണ്യംഗുലിപർവാണി ഹസ്തൌ മേ രാക്ഷസാംതകഃ ॥ 15 ॥
വക്ഷോ മേ പാതു കാകുത്സ്ഥഃ പാതു മേ ഹൃദയം ഹരിഃ । സ്തനൌ സീതാപതിഃ പാതു പാര്ശ്വം മേ ജഗദീശ്വരഃ ॥ 16 ॥
മധ്യം മേ പാതു ലക്ഷ്മീശോ നാഭിം മേ രഘുനായകഃ । കൌസല്യേയഃ കടീ പാതു പൃഷ്ഠം ദുര്ഗതിനാശനഃ ॥ 17 ॥
ഗുഹ്യം പാതു ഹൃഷീകേശഃ സക്ഥിനീ സത്യവിക്രമഃ । ഊരൂ ശാര്ങ്ഗധരഃ പാതു ജാനുനീ ഹനുമത്പ്രിയഃ ॥ 18 ॥
ജംഘേ പാതു ജഗദ്വ്യാപീ പാദൌ മേ താടകാംതകഃ । സർവാംഗം പാതു മേ വിഷ്ണുഃ സർവസംധീനനാമയഃ ॥ 19 ॥
ജ്ഞാനേംദ്രിയാണി പ്രാണാദീന് പാതു മേ മധുസൂദനഃ । പാതു ശ്രീരാമഭദ്രോ മേ ശബ്ദാദീന്വിഷയാനപി ॥ 20 ॥
ദ്വിപദാദീനി ഭൂതാനി മത്സംബംധീനി യാനി ച । ജാമദഗ്ന്യമഹാദര്പദലനഃ പാതു താനി മേ ॥ 21 ॥
സൌമിത്രിപൂർവജഃ പാതു വാഗാദീനീംദ്രിയാണി ച । രോമാംകുരാണ്യശേഷാണി പാതു സുഗ്രീവരാജ്യദഃ ॥ 22 ॥
വാങ്മനോബുദ്ധ്യഹംകാരൈര്ജ്ഞാനാജ്ഞാനകൃതാനി ച । ജന്മാംതരകൃതാനീഹ പാപാനി വിവിധാനി ച ॥ 23 ॥
താനി സർവാണി ദഗ്ധ്വാശു ഹരകോദംഡഖംഡനഃ । പാതു മാം സർവതോ രാമഃ ശാര്ങ്ഗബാണധരഃ സദാ ॥ 24 ॥
ഇതി ശ്രീരാമചംദ്രസ്യ കവചം വജ്രസമ്മിതമ് । ഗുഹ്യാദ്ഗുഹ്യതമം ദിവ്യം സുതീക്ഷ്ണ മുനിസത്തമ ॥ 25 ॥
യഃ പഠേച്ഛൃണുയാദ്വാപി ശ്രാവയേദ്വാ സമാഹിതഃ । സ യാതി പരമം സ്ഥാനം രാമചംദ്രപ്രസാദതഃ ॥ 26 ॥
മഹാപാതകയുക്തോ വാ ഗോഘ്നോ വാ ഭ്രൂണഹാ തഥാ । ശ്രീരാമചംദ്രകവചപഠനാച്ഛുദ്ധിമാപ്നുയാത് ॥ 27 ॥
ബ്രഹ്മഹത്യാദിഭിഃ പാപൈര്മുച്യതേ നാത്ര സംശയഃ । ഭോ സുതീക്ഷ്ണ യഥാ പൃഷ്ടം ത്വയാ മമ പുരാഃ ശുഭമ് । തഥാ ശ്രീരാമകവചം മയാ തേ വിനിവേദിതമ് ॥ 28 ॥
ഇതി ശ്രീമദാനംദരാമായണേ മനോഹരകാംഡേ സുതീക്ഷ്ണാഗസ്ത്യസംവാദേ ശ്രീരാമകവചമ് ॥
About Sri Rama Kavacham
This Sri Rama Kavacham is a protective hymn to Lord Rama from the Manohara Kanda of the Ananda Ramayana, told by Agastya to Sutikshna, as its colophon states. Its viniyoga names Agastya as the seer, anushtup as the metre, and Sri Ramachandra with Sita and Lakshmana as the deity. Its meditation pictures Rama with arms reaching to his knees, eyes long as lotus petals, a face pure and smiling since birth, dark-hued, holding bow and arrow, generous in form, with Sita beside him; and the kavacha asks Rama in his many names to guard every part of the body.
Source: Ananda Ramayana, Manohara Kanda, as its colophon states
When to chant: On Sri Rama Navami, on Thursdays, and as a daily protective prayer.
Did you know?
- The Ananda Ramayana is a later Sanskrit retelling of the Ramayana, rich in hymns and rituals.
- The sage Agastya, who gave Rama the Aditya Hridayam, is also the seer of this kavacha.
Frequently asked questions
Where is this kavacha from?
The Ananda Ramayana, Manohara Kanda, as its colophon states.
Who is its seer?
The sage Agastya.
When is it recited?
On Rama Navami and as a daily protective prayer.
Offered for worship and study, not as prediction. Non-commercial.
More devotional texts