MuhurtaNow

Sri Surya Upanishad

Upanishads · Traditional devotional text

ഓം ഭ॒ദ്രം കര്ണേ॑ഭിഃ ശൃണു॒യാമ॑ ദേവാഃ । ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ । സ്ഥി॒രൈരംഗൈ᳚സ്തുഷ്ടു॒വാഗ്മ് സ॑സ്ത॒നൂഭിഃ॑ । വ്യശേ॑മ ദേ॒വഹി॑തം॒-യഁദായുഃ॑ । സ്വ॒സ്തി ന॒ ഇംദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑ര്ദധാതു । ഓം ശാംതിഃ॒ ശാംതിഃ॒ ശാംതിഃ॑ ॥

ഓം അഥ സൂര്യാഥർവാംഗിരസം-വ്യാഁ᳚ഖ്യാസ്യാ॒മഃ । ബ്രഹ്മാ ഋ॒ഷിഃ । ഗായ॑ത്രീ ഛം॒ദഃ । ആദി॑ത്യോ ദേ॒വതാ । ഹംസഃ॑ സോ॒ഽഹമഗ്നിനാരായണ യു॑ക്തം ബീ॒ജമ് । ഹൃല്ലേ॑ഖാ ശ॒ക്തിഃ । വിയദാദിസര്ഗസംയുഁ ॑ക്തം കീ॒ലകമ് । ചതുർവിധപുരുഷാര്ഥ സിദ്ധ്യര്ഥേ വി॑നിയോ॒ഗഃ ।

ഷട്‍സ്വരാരൂഢേ॑ന ബീജേ॒ന ഷഡം॑ഗം ര॒ക്താംബു॑ജസംസ്ഥി॒തം സപ്താശ്വ॑രഥി॒നം ഹിര॑ണ്യവ॒ര്ണം ച॑തുര്ഭു॒ജം പദ്മദ്വയാഽഭയവര॑ദഹ॒സ്തം കാലചക്ര॑പ്രണേതാ॒രം ശ്രീസൂര്യനാരായ॒ണം-യഁ ഏ॑വം-വേഁ॒ദ സ വൈ ബ്രാ᳚ഹ്മ॒ണഃ ।

ഓം ഭൂര്ഭുവഃ॒ സുവഃ॑ । തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ᳚ത് । സൂര്യ॑ ആ॒ത്മാ ജഗ॑തസ്ത॒സ്ഥുഷ॑ശ്ച । സൂര്യാ॒ദ്വൈ ഖല്വി॒മാനി॒ ഭൂതാ॑നി॒ ജായം॑തേ । സൂര്യാ᳚ദ്യ॒ജ്ഞഃ പര്ജന്യോ᳚ഽന്നമാ॒ത്മാ ।

നമ॑സ്തേ ആദിത്യ । ത്വമേ॒വ പ്ര॒ത്യക്ഷം॒ കര്മ॑ കര്താസി । ത്വമേ॒വ പ്ര॒ത്യക്ഷം॒ ബ്രഹ്മാ॑ഽസി । ത്വമേ॒വ പ്ര॒ത്യക്ഷം॒-വിഁഷ്ണു॑രസി । ത്വമേ॒വ പ്ര॒ത്യക്ഷം॒ രുദ്രോ॑ഽസി । ത്വമേ॒വ പ്ര॒ത്യക്ഷ॒മൃഗ॑സി । ത്വമേ॒വ പ്ര॒ത്യക്ഷം॒-യഁജു॑രസി । ത്വമേ॒വ പ്ര॒ത്യക്ഷം॒ സാമാ॑സി । ത്വമേ॒വ പ്ര॒ത്യക്ഷ॒മഥ॑ർവാസി । ത്വമേ॒വ സർവം॑ ഛംദോ॒ഽസി । ആ॒ദി॒ത്യാദ്വാ॑യുര്ജാ॒യതേ । ആ॒ദി॒ത്യാദ്ഭൂ॑മിര്ജാ॒യതേ । ആ॒ദി॒ത്യാദാപോ॑ ജായം॒തേ । ആ॒ദി॒ത്യാജ്ജ്യോതി॑ര്ജായ॒തേ । ആ॒ദി॒ത്യാദ്വ്യോമ ദിശോ॑ ജായം॒തേ ।

ആ॒ദി॒ത്യാദ്ദേ॑വാ ജായം॒തേ । ആ॒ദി॒ത്യാദ്വേ॑ദാ ജായം॒തേ । ആ॒ദി॒ത്യോ വാ ഏ॒ഷ ഏ॒തന്മം॒ഡലം॒ തപ॑തി । അ॒സാവാ॑ദി॒ത്യോ ബ്ര॒ഹ്മാ । ആ॒ദി॒ത്യോഽംതഃകരണ മനോബുദ്ധി ചിത്താ॑ഹംകാ॒രാഃ । ആ॒ദി॒ത്യോ വൈ വ്യാനഃ സമാനോദാനോഽപാ॑നഃ പ്രാ॒ണഃ । ആ॒ദി॒ത്യോ വൈ ശ്രോത്ര ത്വക് ചക്ഷൂരസ॑നഘ്രാ॒ണാഃ । ആ॒ദി॒ത്യോ വൈ വാക്പാണിപാദപാ॑യൂപ॒സ്ഥാഃ । ആ॒ദി॒ത്യോ വൈ ശബ്ദസ്പര്ശരൂപര॑സഗം॒ധാഃ । ആ॒ദി॒ത്യോ വൈ വചനാദാനാഗമന വിസ॑ര്ഗാനം॒ദാഃ । ആനംദമയോ വിജ്ഞാനമയോ വിജ്ഞാനഘന॑ ആദി॒ത്യഃ । നമോ മിത്രായ ഭാനവേ മൃത്യോ᳚ര്മാ പാ॒ഹി । ഭ്രാജിഷ്ണവേ വിശ്വഹേത॑വേ ന॒മഃ ।

സൂര്യാദ്ഭവംതി॑ ഭൂതാ॒നി സൂര്യേണ പാലി॑താനി॒ തു । സൂര്യേ ലയം പ്രാ᳚പ്നുവം॒തി യഃ സൂര്യഃ സോഽഹ॑മേവ॒ ച । ചക്ഷു॑ര്നോ ദേ॒വഃ സ॑വി॒താ ചക്ഷു॑ര്ന ഉ॒ത പ॒ർവതഃ॑ । ചക്ഷു॑ര്ധാ॒താ ദ॑ധാതു നഃ ।

ആ॒ദി॒ത്യായ॑ വി॒ദ്മഹേ॑ സഹസ്രകിര॒ണായ॑ ധീമഹി । തന്നഃ॑ സൂര്യഃ പ്രചോ॒ദയാ᳚ത് ।

സ॒വി॒താ പ॒ശ്ചാത്താ᳚ത് സവി॒താ പു॒രസ്താ᳚ത് സവി॒തോത്ത॒രാത്താ᳚ത് സവി॒താഽധ॒രാത്താ᳚ത് സവി॒താ നഃ॑ സുവതു സ॒ർവതാ᳚തിഗ്മ് സവി॒താ നോ᳚ രാസതാം ദീര്ഘ॒മായുഃ॑ ।

ഓമിത്യേകാക്ഷ॑രം ബ്ര॒ഹ്മ । ഘൃണി॒രിതി॒ ദ്വേ അ॒ക്ഷരേ᳚ । സൂര്യ॒ ഇത്യക്ഷ॑രദ്വ॒യമ് । ആ॒ദി॒ത്യ ഇതി॒ ത്രീണ്യക്ഷ॑രാണി । ഏതസ്യൈവ സൂര്യസ്യാഷ്ടാക്ഷ॑രോ മ॒നുഃ ।

യഃ സദാഹരഹ॑ര്ജപ॒തി സ വൈ ബ്രാഹ്മ॑ണോ ഭ॒വതി സ വൈ ബ്രാഹ്മ॑ണോ ഭ॒വതി । സൂര്യാഭിമു॑ഖോ ജ॒പ്ത്വാ മഹാവ്യാധി ഭയാ᳚ത് പ്രമു॒ച്യതേ । അല॑ക്ഷ്മീര്ന॒ശ്യതി । അഭക്ഷ്യ ഭക്ഷണാത് പൂ॑തോ ഭ॒വതി । അഗമ്യാഗമനാത് പൂ॑തോ ഭ॒വതി । പതിത സംഭാഷണാത് പൂ॑തോ ഭ॒വതി । അസത് സംഭാഷണാത് പൂ॑തോ ഭ॒വതി । അസത് സംഭാഷണാത്പൂ॑തോ ഭ॒വതി ।

മധ്യാഹ്നേ സൂര്യാഭി॑മുഖഃ പ॒ഠേത് । സദ്യോത്പന്നപംചമഹാപാതകാ᳚ത് പ്രമു॒ച്യതേ । സൈഷാ സാവി॑ത്രീം-വിഁ॒ദ്യാം ന കിംചിദപി ന കസ്മൈചി॑ത് പ്രശം॒സയേത് । യ ഏ॒താം മഹാഭാഗഃ പ്രാ॑തഃ പ॒ഠതി സ ഭാഗ്യ॑വാന് ജാ॒യതേ പ॑ശൂന്വിം॒ദതി । വേദാ᳚ര്ഥം-ലഁ॒ഭതേ । ത്രികാലമേ॑തജ്ജ॒പ്ത്വാ ക്രതുശതഫലമ॑വാപ്നോ॒തി । ഹസ്താദി॑ത്യേ ജ॒പതി സ മഹാമൃ॑ത്യും ത॒രതി സ മഹാമൃ॑ത്യും ത॒രതി യ ഏ॑വം-വേഁ॒ദ । ഇത്യു॑പ॒നിഷ॑ത് ।

ഓം ഭ॒ദ്രം കര്ണേ॑ഭിഃ ശൃണു॒യാമ॑ ദേവാഃ । ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ । സ്ഥി॒രൈരംഗൈ᳚സ്തുഷ്ടു॒വാഗ്മ് സ॑സ്ത॒നൂഭിഃ॑ । വ്യശേ॑മ ദേ॒വഹി॑തം॒-യഁദായുഃ॑ । സ്വ॒സ്തി ന॒ ഇംദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑ര്ദധാതു । ഓം ശാംതിഃ॒ ശാംതിഃ॒ ശാംതിഃ॑ ॥

About Sri Surya Upanishad

The Surya Upanishad is a short Upanishad of the Atharva Veda that praises the Sun as the Self of all. Its viniyoga names Brahma as its seer, Gayatri as its metre and Aditya as its deity. It teaches that from Surya all beings are born, by him they are sustained and in him they dissolve; Surya is Brahma, Vishnu and Rudra, the Vedas and the gods, and "I am he". It gives the eight-syllable Surya mantra and closes with the peace chant "Bhadram karnebhih".

Source: Atharva Veda

When to chant: At sunrise, especially on Sundays, and on Ratha Saptami and Makara Sankranti.

Did you know?

  • It is also called the Suryatharvashirsha, the "head" of the Atharva Veda devoted to the Sun.
  • It equates the Sun with the inner Self, in the spirit of the Gayatri mantra.

Frequently asked questions

What does the Surya Upanishad teach?

That the Sun is the Self of all, from whom all beings arise and into whom they dissolve.

Which Veda does it belong to?

The Atharva Veda.

When is it recited?

At sunrise, on Sundays and on Ratha Saptami.

Offered for worship and study, not as prediction. Non-commercial.