Sri Swarna Akarshana Bhairava Stotram
Shiva · Traditional devotional text
ಓಂ ಅಸ್ಯ ಶ್ರೀ ಸ್ವರ್ಣಾಕರ್ಷಣ ಭೈರವ ಸ್ತೋತ್ರ ಮಹಾಮಂತ್ರಸ್ಯ ಬ್ರಹ್ಮ ಋಷಿಃ ಅನುಷ್ಟುಪ್ ಛಂದಃ ಶ್ರೀ ಸ್ವರ್ಣಾಕರ್ಷಣ ಭೈರವೋ ದೇವತಾ ಹ್ರೀಂ ಬೀಜಂ ಕ್ಲೀಂ ಶಕ್ತಿಃ ಸಃ ಕೀಲಕಂ ಮಮ ದಾರಿದ್ರ್ಯ ನಾಶಾರ್ಥೇ ಪಾಠೇ ವಿನಿಯೋಗಃ ॥
ಋಷ್ಯಾದಿ ನ್ಯಾಸಃ । ಬ್ರಹ್ಮರ್ಷಯೇ ನಮಃ ಶಿರಸಿ । ಅನುಷ್ಟುಪ್ ಛಂದಸೇ ನಮಃ ಮುಖೇ । ಸ್ವರ್ಣಾಕರ್ಷಣ ಭೈರವಾಯ ನಮಃ ಹೃದಿ । ಹ್ರೀಂ ಬೀಜಾಯ ನಮಃ ಗುಹ್ಯೇ । ಕ್ಲೀಂ ಶಕ್ತಯೇ ನಮಃ ಪಾದಯೋಃ । ಸಃ ಕೀಲಕಾಯ ನಮಃ ನಾಭೌ । ವಿನಿಯೊಗಾಯ ನಮಃ ಸರ್ವಾಂಗೇ । ಹ್ರಾಂ ಹ್ರೀಂ ಹ್ರೂಂ ಇತಿ ಕರ ಷಡಂಗನ್ಯಾಸಃ ॥
ಧ್ಯಾನಮ್ । ಪಾರಿಜಾತದ್ರುಮ ಕಾಂತಾರೇ ಸ್ಥಿತೇ ಮಾಣಿಕ್ಯಮಂಡಪೇ । ಸಿಂಹಾಸನಗತಂ ವಂದೇ ಭೈರವಂ ಸ್ವರ್ಣದಾಯಕಮ್ ॥
ಗಾಂಗೇಯ ಪಾತ್ರಂ ಡಮರೂಂ ತ್ರಿಶೂಲಂ ವರಂ ಕರಃ ಸಂದಧತಂ ತ್ರಿನೇತ್ರಮ್ । ದೇವ್ಯಾಯುತಂ ತಪ್ತ ಸುವರ್ಣವರ್ಣ ಸ್ವರ್ಣಾಕರ್ಷಣಭೈರವಮಾಶ್ರಯಾಮಿ ॥
ಮಂತ್ರಃ । ಓಂ ಐಂ ಹ್ರೀಂ ಶ್ರೀಂ ಐಂ ಶ್ರೀಂ ಆಪದುದ್ಧಾರಣಾಯ ಹ್ರಾಂ ಹ್ರೀಂ ಹ್ರೂಂ ಅಜಾಮಲವಧ್ಯಾಯ ಲೋಕೇಶ್ವರಾಯ ಸ್ವರ್ಣಾಕರ್ಷಣಭೈರವಾಯ ಮಮ ದಾರಿದ್ರ್ಯ ವಿದ್ವೇಷಣಾಯ ಮಹಾಭೈರವಾಯ ನಮಃ ಶ್ರೀಂ ಹ್ರೀಂ ಐಮ್ ।
ಸ್ತೋತ್ರಮ್ । ನಮಸ್ತೇಽಸ್ತು ಭೈರವಾಯ ಬ್ರಹ್ಮವಿಷ್ಣುಶಿವಾತ್ಮನೇ । ನಮಸ್ತ್ರೈಲೋಕ್ಯವಂದ್ಯಾಯ ವರದಾಯ ಪರಾತ್ಮನೇ ॥ 1 ॥
ರತ್ನಸಿಂಹಾಸನಸ್ಥಾಯ ದಿವ್ಯಾಭರಣಶೋಭಿನೇ । ದಿವ್ಯಮಾಲ್ಯವಿಭೂಷಾಯ ನಮಸ್ತೇ ದಿವ್ಯಮೂರ್ತಯೇ ॥ 2 ॥
ನಮಸ್ತೇಽನೇಕಹಸ್ತಾಯ ಹ್ಯನೇಕಶಿರಸೇ ನಮಃ । ನಮಸ್ತೇಽನೇಕನೇತ್ರಾಯ ಹ್ಯನೇಕವಿಭವೇ ನಮಃ ॥ 3 ॥
ನಮಸ್ತೇಽನೇಕಕಂಠಾಯ ಹ್ಯನೇಕಾಂಶಾಯ ತೇ ನಮಃ । ನಮೋಸ್ತ್ವನೇಕೈಶ್ವರ್ಯಾಯ ಹ್ಯನೇಕದಿವ್ಯತೇಜಸೇ ॥ 4 ॥
ಅನೇಕಾಯುಧಯುಕ್ತಾಯ ಹ್ಯನೇಕಸುರಸೇವಿನೇ । ಅನೇಕಗುಣಯುಕ್ತಾಯ ಮಹಾದೇವಾಯ ತೇ ನಮಃ ॥ 5 ॥
ನಮೋ ದಾರಿದ್ರ್ಯಕಾಲಾಯ ಮಹಾಸಂಪತ್ಪ್ರದಾಯಿನೇ । ಶ್ರೀಭೈರವೀಪ್ರಯುಕ್ತಾಯ ತ್ರಿಲೋಕೇಶಾಯ ತೇ ನಮಃ ॥ 6 ॥
ದಿಗಂಬರ ನಮಸ್ತುಭ್ಯಂ ದಿಗೀಶಾಯ ನಮೋ ನಮಃ । ನಮೋಽಸ್ತು ದೈತ್ಯಕಾಲಾಯ ಪಾಪಕಾಲಾಯ ತೇ ನಮಃ ॥ 7 ॥
ಸರ್ವಜ್ಞಾಯ ನಮಸ್ತುಭ್ಯಂ ನಮಸ್ತೇ ದಿವ್ಯಚಕ್ಷುಷೇ । ಅಜಿತಾಯ ನಮಸ್ತುಭ್ಯಂ ಜಿತಾಮಿತ್ರಾಯ ತೇ ನಮಃ ॥ 8 ॥
ನಮಸ್ತೇ ರುದ್ರಪುತ್ರಾಯ ಗಣನಾಥಾಯ ತೇ ನಮಃ । ನಮಸ್ತೇ ವೀರವೀರಾಯ ಮಹಾವೀರಾಯ ತೇ ನಮಃ ॥ 9 ॥
ನಮೋಽಸ್ತ್ವನಂತವೀರ್ಯಾಯ ಮಹಾಘೋರಾಯ ತೇ ನಮಃ । ನಮಸ್ತೇ ಘೋರಘೋರಾಯ ವಿಶ್ವಘೋರಾಯ ತೇ ನಮಃ ॥ 10 ॥
ನಮಃ ಉಗ್ರಾಯ ಶಾಂತಾಯ ಭಕ್ತೇಭ್ಯಃ ಶಾಂತಿದಾಯಿನೇ । ಗುರವೇ ಸರ್ವಲೋಕಾನಾಂ ನಮಃ ಪ್ರಣವ ರೂಪಿಣೇ ॥ 11 ॥
ನಮಸ್ತೇ ವಾಗ್ಭವಾಖ್ಯಾಯ ದೀರ್ಘಕಾಮಾಯ ತೇ ನಮಃ । ನಮಸ್ತೇ ಕಾಮರಾಜಾಯ ಯೋಷಿತ್ಕಾಮಾಯ ತೇ ನಮಃ ॥ 12 ॥
ದೀರ್ಘಮಾಯಾಸ್ವರೂಪಾಯ ಮಹಾಮಾಯಾಪತೇ ನಮಃ । ಸೃಷ್ಟಿಮಾಯಾಸ್ವರೂಪಾಯ ವಿಸರ್ಗಾಯ ಸಮ್ಯಾಯಿನೇ ॥ 13 ॥
ರುದ್ರಲೋಕೇಶಪೂಜ್ಯಾಯ ಹ್ಯಾಪದುದ್ಧಾರಣಾಯ ಚ । ನಮೋಽಜಾಮಲಬದ್ಧಾಯ ಸುವರ್ಣಾಕರ್ಷಣಾಯ ತೇ ॥ 14 ॥
ನಮೋ ನಮೋ ಭೈರವಾಯ ಮಹಾದಾರಿದ್ರ್ಯನಾಶಿನೇ । ಉನ್ಮೂಲನಕರ್ಮಠಾಯ ಹ್ಯಲಕ್ಷ್ಮ್ಯಾ ಸರ್ವದಾ ನಮಃ ॥ 15 ॥
ನಮೋ ಲೋಕತ್ರಯೇಶಾಯ ಸ್ವಾನಂದನಿಹಿತಾಯ ತೇ । ನಮಃ ಶ್ರೀಬೀಜರೂಪಾಯ ಸರ್ವಕಾಮಪ್ರದಾಯಿನೇ ॥ 16 ॥
ನಮೋ ಮಹಾಭೈರವಾಯ ಶ್ರೀರೂಪಾಯ ನಮೋ ನಮಃ । ಧನಾಧ್ಯಕ್ಷ ನಮಸ್ತುಭ್ಯಂ ಶರಣ್ಯಾಯ ನಮೋ ನಮಃ ॥ 17 ॥
ನಮಃ ಪ್ರಸನ್ನರೂಪಾಯ ಹ್ಯಾದಿದೇವಾಯ ತೇ ನಮಃ । ನಮಸ್ತೇ ಮಂತ್ರರೂಪಾಯ ನಮಸ್ತೇ ರತ್ನರೂಪಿಣೇ ॥ 18 ॥
ನಮಸ್ತೇ ಸ್ವರ್ಣರೂಪಾಯ ಸುವರ್ಣಾಯ ನಮೋ ನಮಃ । ನಮಃ ಸುವರ್ಣವರ್ಣಾಯ ಮಹಾಪುಣ್ಯಾಯ ತೇ ನಮಃ ॥ 19 ॥
ನಮಃ ಶುದ್ಧಾಯ ಬುದ್ಧಾಯ ನಮಃ ಸಂಸಾರತಾರಿಣೇ । ನಮೋ ದೇವಾಯ ಗುಹ್ಯಾಯ ಪ್ರಬಲಾಯ ನಮೋ ನಮಃ ॥ 20 ॥
ನಮಸ್ತೇ ಬಲರೂಪಾಯ ಪರೇಷಾಂ ಬಲನಾಶಿನೇ । ನಮಸ್ತೇ ಸ್ವರ್ಗಸಂಸ್ಥಾಯ ನಮೋ ಭೂರ್ಲೋಕವಾಸಿನೇ ॥ 21 ॥
ನಮಃ ಪಾತಾಳವಾಸಾಯ ನಿರಾಧಾರಾಯ ತೇ ನಮಃ । ನಮೋ ನಮಃ ಸ್ವತಂತ್ರಾಯ ಹ್ಯನಂತಾಯ ನಮೋ ನಮಃ ॥ 22 ॥
ದ್ವಿಭುಜಾಯ ನಮಸ್ತುಭ್ಯಂ ಭುಜತ್ರಯಸುಶೋಭಿನೇ । ನಮೋಽಣಿಮಾದಿಸಿದ್ಧಾಯ ಸ್ವರ್ಣಹಸ್ತಾಯ ತೇ ನಮಃ ॥ 23 ॥
ಪೂರ್ಣಚಂದ್ರಪ್ರತೀಕಾಶವದನಾಂಭೋಜಶೋಭಿನೇ । ನಮಸ್ತೇ ಸ್ವರ್ಣರೂಪಾಯ ಸ್ವರ್ಣಾಲಂಕಾರಶೋಭಿನೇ ॥ 24 ॥
ನಮಃ ಸ್ವರ್ಣಾಕರ್ಷಣಾಯ ಸ್ವರ್ಣಾಭಾಯ ಚ ತೇ ನಮಃ । ನಮಸ್ತೇ ಸ್ವರ್ಣಕಂಠಾಯ ಸ್ವರ್ಣಾಲಂಕಾರಧಾರಿಣೇ ॥ 25 ॥
ಸ್ವರ್ಣಸಿಂಹಾಸನಸ್ಥಾಯ ಸ್ವರ್ಣಪಾದಾಯ ತೇ ನಮಃ । ನಮಃ ಸ್ವರ್ಣಾಭಪಾರಾಯ ಸ್ವರ್ಣಕಾಂಚೀಸುಶೋಭಿನೇ ॥ 26 ॥
ನಮಸ್ತೇ ಸ್ವರ್ಣಜಂಘಾಯ ಭಕ್ತಕಾಮದುಘಾತ್ಮನೇ । ನಮಸ್ತೇ ಸ್ವರ್ಣಭಕ್ತಾನಾಂ ಕಲ್ಪವೃಕ್ಷಸ್ವರೂಪಿಣೇ ॥ 27 ॥
ಚಿಂತಾಮಣಿಸ್ವರೂಪಾಯ ನಮೋ ಬ್ರಹ್ಮಾದಿಸೇವಿನೇ । ಕಲ್ಪದ್ರುಮಾಧಃಸಂಸ್ಥಾಯ ಬಹುಸ್ವರ್ಣಪ್ರದಾಯಿನೇ ॥ 28 ॥
ನಮೋ ಹೇಮಾದಿಕರ್ಷಾಯ ಭೈರವಾಯ ನಮೋ ನಮಃ । ಸ್ತವೇನಾನೇನ ಸಂತುಷ್ಟೋ ಭವ ಲೋಕೇಶಭೈರವ ॥ 29 ॥
ಪಶ್ಯ ಮಾಂ ಕರುಣಾವಿಷ್ಟ ಶರಣಾಗತವತ್ಸಲ । ಶ್ರೀಭೈರವ ಧನಾಧ್ಯಕ್ಷ ಶರಣಂ ತ್ವಾಂ ಭಜಾಮ್ಯಹಮ್ । ಪ್ರಸೀದ ಸಕಲಾನ್ ಕಾಮಾನ್ ಪ್ರಯಚ್ಛ ಮಮ ಸರ್ವದಾ ॥ 30 ॥
ಫಲಶ್ರುತಿಃ ಶ್ರೀಮಹಾಭೈರವಸ್ಯೇದಂ ಸ್ತೋತ್ರಸೂಕ್ತಂ ಸುದುರ್ಲಭಮ್ । ಮಂತ್ರಾತ್ಮಕಂ ಮಹಾಪುಣ್ಯಂ ಸರ್ವೈಶ್ವರ್ಯಪ್ರದಾಯಕಮ್ ॥ 31 ॥
ಯಃ ಪಠೇನ್ನಿತ್ಯಮೇಕಾಗ್ರಂ ಪಾತಕೈಃ ಸ ವಿಮುಚ್ಯತೇ । ಲಭತೇ ಚಾಮಲಾಲಕ್ಷ್ಮೀಮಷ್ಟೈಶ್ವರ್ಯಮವಾಪ್ನುಯಾತ್ ॥ 32 ॥
ಚಿಂತಾಮಣಿಮವಾಪ್ನೋತಿ ಧೇನು ಕಲ್ಪತರುಂ ಧೃವಮ್ । ಸ್ವರ್ಣರಾಶಿಮವಾಪ್ನೋತಿ ಸಿದ್ಧಿಮೇವ ಸ ಮಾನವಃ ॥ 33 ॥
ಸಂಧ್ಯಾಯಾಂ ಯಃ ಪಠೇತ್ ಸ್ತೋತ್ರಂ ದಶಾವೃತ್ಯಾ ನರೋತ್ತಮೈಃ । ಸ್ವಪ್ನೇ ಶ್ರೀಭೈರವಸ್ತಸ್ಯ ಸಾಕ್ಷಾದ್ಭೂತ್ವಾ ಜಗದ್ಗುರುಃ ॥ 34 ॥
ಸ್ವರ್ಣರಾಶಿ ದದಾತ್ಯೇವ ತತ್ಕ್ಷಣಾನ್ನಾಸ್ತಿ ಸಂಶಯಃ । ಸರ್ವದಾ ಯಃ ಪಠೇತ್ ಸ್ತೋತ್ರಂ ಭೈರವಸ್ಯ ಮಹಾತ್ಮನಃ ॥ 35 ॥
ಲೋಕತ್ರಯಂ ವಶೀಕುರ್ಯಾದಚಲಾಂ ಶ್ರಿಯಮವಾಪ್ನುಯಾತ್ । ನ ಭಯಂ ಲಭತೇ ಕ್ವಾಪಿ ವಿಘ್ನಭೂತಾದಿಸಂಭವ ॥ 36 ॥
ಮ್ರಿಯಂತೇ ಶತ್ರವೋಽವಶ್ಯಮಲಕ್ಷ್ಮೀನಾಶಮಾಪ್ನುಯಾತ್ । ಅಕ್ಷಯಂ ಲಭತೇ ಸೌಖ್ಯಂ ಸರ್ವದಾ ಮಾನವೋತ್ತಮಃ ॥ 37 ॥
ಅಷ್ಟಪಂಚಾಶತಾಣಢ್ಯೋ ಮಂತ್ರರಾಜಃ ಪ್ರಕೀರ್ತಿತಃ । ದಾರಿದ್ರ್ಯದುಃಖಶಮನಂ ಸ್ವರ್ಣಾಕರ್ಷಣಕಾರಕಃ ॥ 38 ॥
ಯ ಯೇನ ಸಂಜಪೇತ್ ಧೀಮಾನ್ ಸ್ತೋತ್ರಂ ವಾ ಪ್ರಪಠೇತ್ ಸದಾ । ಮಹಾಭೈರವಸಾಯುಜ್ಯಂ ಸ್ವಾಂತಕಾಲೇ ಭವೇದ್ಧ್ರುವಮ್ ॥ 39 ॥
ಇತಿ ರುದ್ರಯಾಮಲ ತಂತ್ರೇ ಸ್ವರ್ಣಾಕರ್ಷಣ ಭೈರವ ಸ್ತೋತ್ರಮ್ ॥
About Sri Swarna Akarshana Bhairava Stotram
The Swarna Akarshana Bhairava Stotram is a hymn to Swarna Akarshana Bhairava, the gracious form of Bhairava worshipped for prosperity. It opens with the viniyoga and nyasa, naming Brahma as its seer and Swarna Akarshana Bhairava as its deity, and then praises him with a meditation and many salutations as the lord who protects his devotees and removes their want.
Source: Rudra Yamala Tantra, as its colophon states
When to chant: On Ashtami, especially Krishna Paksha Ashtami, on Sundays, and in Bhairava worship.
Did you know?
- Its colophon places it in the Rudra Yamala Tantra.
- This Bhairava is shown in a peaceful form, holding a golden pot, rather than in the fierce form of Kala Bhairava.
Frequently asked questions
Who is Swarna Akarshana Bhairava?
A gentle, gracious form of Bhairava associated with prosperity.
Where is the stotram from?
The Rudra Yamala Tantra, as its colophon states.
When is it recited?
On Ashtami and Sundays, in Bhairava worship.
Offered for worship and study, not as prediction. Non-commercial.
More devotional texts