MuhurtaNow

Srimad Bhagawad Gita Chapter 8

Sri Krishna · Traditional devotional text

ഓം ശ്രീ പരമാത്മനേ നമഃ അഥ അഷ്ടമോഽധ്യായഃ । അക്ഷരപരബ്രഹ്മയോഗഃ

അര്ജുന ഉവാച

കിം തദ്ബ്രഹ്മ കിമധ്യാത്മം കിം കര്മ പുരുഷോത്തമ । അധിഭൂതം ച കിം പ്രോക്തമധിദൈവം കിമുച്യതേ ॥ 1

അധിയജ്ഞഃ കഥം കോഽത്ര ദേഹേഽസ്മിന്മധുസൂദന । പ്രയാണകാലേ ച കഥം ജ്ഞേയോഽസി നിയതാത്മഭിഃ ॥ 2 ॥

ശ്രീഭഗവാനുവാച

അക്ഷരം ബ്രഹ്മ പരമം സ്വഭാവോഽധ്യാത്മമുച്യതേ । ഭൂതഭാവോദ്ഭവകരോ വിസര്ഗഃ കര്മസംജ്ഞിതഃ ॥ 3

അധിഭൂതം ക്ഷരോ ഭാവഃ പുരുഷശ്ചാധിദൈവതമ് । അധിയജ്ഞോഽഹമേവാത്ര ദേഹേ ദേഹഭൃതാം വര ॥ 4 ॥

അംതകാലേ ച മാമേവ സ്മരന്മുക്ത്വാ കലേവരമ് । യഃ പ്രയാതി സ മദ്ഭാവം യാതി നാസ്ത്യത്ര സംശയഃ ॥ 5 ॥

യം യം വാപി സ്മരന്ഭാവം ത്യജത്യംതേ കലേവരമ് । തം തമേവൈതി കൌംതേയ സദാ തദ്ഭാവഭാവിതഃ ॥ 6 ॥

തസ്മാത്സർവേഷു കാലേഷു മാമനുസ്മര യുധ്യ ച । മയ്യര്പിതമനോബുദ്ധിര്മാമേവൈഷ്യസ്യസംശയമ് ॥ 7 ॥

അഭ്യാസയോഗയുക്തേന ചേതസാ നാന്യഗാമിനാ । പരമം പുരുഷം ദിവ്യം യാതി പാര്ഥാനുചിംതയന് ॥ 8 ॥

കവിം പുരാണമനുശാസിതാരമണോരണീയംസമനുസ്മരേദ്യഃ। സർവസ്യ ധാതാരമചിംത്യരൂപമാദിത്യവര്ണം തമസഃ പരസ്താത് ॥ 9 ॥

പ്രയാണകാലേ മനസാചലേന ഭക്ത്യാ യുക്തോ യോഗബലേന ചൈവ। ഭ്രുവോര്മധ്യേ പ്രാണമാവേശ്യ സമ്യക്സ തം പരം പുരുഷമുപൈതി ദിവ്യമ് ॥ 10 ॥

യദക്ഷരം വേദവിദോ വദംതി വിശംതി യദ്യതയോ വീതരാഗാഃ। യദിച്ഛംതോ ബ്രഹ്മചര്യം ചരംതി തത്തേ പദം സംഗ്രഹേണ പ്രവക്ഷ്യേ ॥ 11 ॥

സർവദ്വാരാണി സംയമ്യ മനോ ഹൃദി നിരുധ്യ ച । മൂര്ധ്ന്യാധായാത്മനഃ പ്രാണമാസ്ഥിതോ യോഗധാരണാമ് ॥ 12 ॥

ഓമിത്യേകാക്ഷരം ബ്രഹ്മ വ്യാഹരന്മാമനുസ്മരന് । യഃ പ്രയാതി ത്യജംദേഹം സ യാതി പരമാം ഗതിമ് ॥ 13 ॥

അനന്യചേതാഃ സതതം യോ മാം സ്മരതി നിത്യശഃ । തസ്യാഹം സുലഭഃ പാര്ഥ നിത്യയുക്തസ്യ യോഗിനഃ ॥ 14 ॥

മാമുപേത്യ പുനര്ജന്മ ദുഃഖാലയമശാശ്വതമ് । നാപ്നുവംതി മഹാത്മാനഃ സംസിദ്ധിം പരമാം ഗതാഃ ॥ 15 ॥

ആബ്രഹ്മഭുവനാല്ലോകാഃ പുനരാവര്തിനോഽര്ജുന । മാമുപേത്യ തു കൌംതേയ പുനര്ജന്മ ന വിദ്യതേ ॥ 16 ॥

സഹസ്രയുഗപര്യംതമഹര്യദ്ബ്രഹ്മണോ വിദുഃ । രാത്രിം യുഗസഹസ്രാംതാം തേഽഹോരാത്രവിദോ ജനാഃ ॥ 17 ॥

അവ്യക്താദ്വ്യക്തയഃ സർവാഃ പ്രഭവംത്യഹരാഗമേ । രാത്ര്യാഗമേ പ്രലീയംതേ തത്രൈവാവ്യക്തസംജ്ഞകേ ॥ 18 ॥

ഭൂതഗ്രാമഃ സ ഏവായം ഭൂത്വാ ഭൂത്വാ പ്രലീയതേ । രാത്ര്യാഗമേഽവശഃ പാര്ഥ പ്രഭവത്യഹരാഗമേ ॥ 19 ॥

പരസ്തസ്മാത്തു ഭാവോഽന്യോഽവ്യക്തോഽവ്യക്താത്സനാതനഃ । യഃ സ സർവേഷു ഭൂതേഷു നശ്യത്സു ന വിനശ്യതി ॥ 20 ॥

അവ്യക്തോഽക്ഷര ഇത്യുക്തസ്തമാഹുഃ പരമാം ഗതിമ് । യം പ്രാപ്യ ന നിവര്തംതേ തദ്ധാമ പരമം മമ ॥ 21 ॥

പുരുഷഃ സ പരഃ പാര്ഥ ഭക്ത്യാ ലഭ്യസ്ത്വനന്യയാ । യസ്യാംതഃസ്ഥാനി ഭൂതാനി യേന സർവമിദം തതമ് ॥ 22 ॥

യത്ര കാലേ ത്വനാവൃത്തിമാവൃത്തിം ചൈവ യോഗിനഃ । പ്രയാതാ യാംതി തം കാലം വക്ഷ്യാമി ഭരതര്ഷഭ ॥ 23 ॥

അഗ്നിര്ജോതിരഹഃ ശുക്ലഃ ഷണ്മാസാ ഉത്തരായണമ് । തത്ര പ്രയാതാ ഗച്ഛംതി ബ്രഹ്മ ബ്രഹ്മവിദോ ജനാഃ ॥ 24 ॥

ധൂമോ രാത്രിസ്തഥാ കൃഷ്ണഃ ഷണ്മാസാ ദക്ഷിണായനമ് । തത്ര ചാംദ്രമസം ജ്യോതിര്യോഗീ പ്രാപ്യ നിവര്തതേ ॥ 25 ॥

ശുക്ലകൃഷ്ണേ ഗതീ ഹ്യേതേ ജഗതഃ ശാശ്വതേ മതേ । ഏകയാ യാത്യനാവൃത്തിമന്യയാവര്തതേ പുനഃ ॥ 26 ॥

നൈതേ സൃതീ പാര്ഥ ജാനന്യോഗീ മുഹ്യതി കശ്ചന । തസ്മാത്സർവേഷു കാലേഷു യോഗയുക്തോ ഭവാര്ജുന ॥ 27 ॥

വേദേഷു യജ്ഞേഷു തപഃസു ചൈവ ദാനേഷു യത്പുണ്യഫലം പ്രദിഷ്ടമ്। അത്യേതി തത്സർവമിദം വിദിത്വായോഗീ പരം സ്ഥാനമുപൈതി ചാദ്യമ് ॥ 28 ॥

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ ശ്രീകൃഷ്ണാര്ജുനസംവാദേ അക്ഷരബ്രഹ്മയോഗോ നാമാഷ്ടമോഽധ്യായഃ ॥8 ॥

About Srimad Bhagawad Gita Chapter 8

The eighth chapter of the Bhagavad Gita, Akshara Brahma Yoga, answers Arjuna's seven questions about Brahman, the Self, karma, the elements, the gods, sacrifice and the time of death. Krishna explains that Brahman is the imperishable, that one's own nature is the Self, and that whatever one remembers at the moment of death, to that one goes; so one should remember him at all times while doing one's duty. He describes the yogi leaving the body chanting Om, the vast cycles of Brahma's day and night, and the two paths by which souls depart, the path of light that does not return and the path of smoke that does.

Source: Mahabharata, Bhishma Parva (Bhagavad Gita, chapter 8)

When to chant: In daily Gita reading, on Gita Jayanti and Ekadashi, and in prayers for the departed.

Did you know?

  • Verse 7, "Tasmat sarveshu kaleshu mam anusmara yudhya cha", asks Arjuna to remember Krishna and fight, joining devotion with duty.
  • The two paths of departure, shukla (bright) and krishna (dark), are described in verses 23 to 26.

Frequently asked questions

What is Brahman, according to Krishna?

The imperishable (akshara).

What does verse 7 ask?

"Remember me at all times, and fight."

What are the two paths of departure?

The bright path that does not return, and the dark path that does.

Offered for worship and study, not as prediction. Non-commercial.