Surya Suktam
Surya Bhagavan · Traditional devotional text
(ఋగ్వేద - 10.037)
నమో॑ మి॒త్రస్య॒ వరు॑ణస్య॒ చక్ష॑సే మ॒హో దే॒వాయ॒ తదృ॒తం స॑పర్యత । దూ॒రే॒దృశే॑ దే॒వజా॑తాయ కే॒తవే॑ ది॒వస్పు॒త్రాయ॒ సూ॒ర్యా॑య శంసత ॥ 1
సా మా॑ స॒త్యోక్తిః॒ పరి॑ పాతు వి॒శ్వతో॒ ద్యావా॑ చ॒ యత్ర॑ త॒తన॒న్నహా॑ని చ । విశ్వ॑మ॒న్యన్ని వి॑శతే॒ యదేజ॑తి వి॒శ్వాహాపో॑ వి॒శ్వాహోదే॑తి॒ సూర్యః॑ ॥ 2
న తే॒ అదే॑వః ప్ర॒దివో॒ ని వా॑సతే॒ యదే॑త॒శేభిః॑ పత॒రై ర॑థ॒ర్యసి॑ । ప్రా॒చీన॑మ॒న్యదను॑ వర్తతే॒ రజ॒ ఉద॒న్యేన॒ జ్యాతి॑షా యాసి సూర్య ॥ 3
యేన॑ సూర్య॒ జ్యోతి॑షా॒ బాధ॑సే॒ తమో॒ జగ॑చ్చ॒ విశ్వ॑ముది॒యర్షి॑ భా॒నునా॑ । తేనా॒స్మద్విశ్వా॒మని॑రా॒మనా॑హుతి॒మపామీ॑వా॒మప॑ దు॒ష్ష్వప్న్యం॑ సువ ॥ 4
విశ్వ॑స్య॒ హి ప్రేషి॑తో॒ రక్ష॑సి వ్ర॒తమహే॑ళయన్ను॒చ్చర॑సి స్వ॒ధా అను॑ । యద॒ద్య త్వా॑ సూర్యోప॒బ్రవా॑మహై॒ తం నో॑ దే॒వా అను॑ మంసీరత॒ క్రతు॑మ్ ॥ 5
తం నో॒ ద్యావా॑పృథి॒వీ తన్న॒ ఆప॒ ఇంద్రః॑ శృణ్వంతు మ॒రుతో॒ హవం॒-వఀచః॑ । మా శూనే॑ భూమ॒ సూర్య॑స్య సం॒దృశి॑ భ॒ద్రం జీవం॑తో జర॒ణామ॑శీమహి ॥ 6
వి॒శ్వాహా॑ త్వా సు॒మన॑సః సు॒చక్ష॑సః ప్ర॒జావం॑తో అనమీ॒వా అనా॑గసః । ఉ॒ద్యంతం॑ త్వా మిత్రమహో ది॒వేది॑వే॒ జ్యోగ్జీ॒వాః ప్రతి॑ పశ్యేమ సూర్య ॥ 7
మహి॒ జ్యోతి॒ర్బిభ్ర॑తం త్వా విచక్షణ॒ భాస్వం॑తం॒ చక్షు॑షేచక్షుషే॒ మయః॑ । ఆ॒రోహం॑తం బృహ॒తః పాజ॑స॒స్పరి॑ వ॒యం జీ॒వాః ప్రతి॑ పశ్యేమ సూర్య ॥ 8
యస్య॑ తే॒ విశ్వా॒ భువ॑నాని కే॒తునా॒ ప్ర చేర॑తే॒ ని చ॑ వి॒శంతే॑ అ॒క్తుభిః॑ । అ॒నా॒గా॒స్త్వేన॑ హరికేశ సూ॒ర్యాహ్నా॑హ్నా నో॒ వస్య॑సావస్య॒సోది॑హి ॥ 9
శం నో॑ భవ॒ చక్ష॑సా॒ శం నో॒ అహ్నా॒ శం భా॒నునా॒ శం హి॒మా శం ఘృణేన॑ । యథా॒ శమధ్వం॒ఛమస॑ద్దురో॒ణే తత్సూ॑ర్య॒ ద్రవి॑ణం ధేహి చి॒త్రమ్ ॥ 10
అ॒స్మాకం॑ దేవా ఉ॒భయా॑య॒ జన్మ॑నే॒ శర్మ॑ యచ్ఛత ద్వి॒పదే॒ చతు॑ష్పదే । అ॒దత్పిబ॑దూ॒ర్జయ॑మాన॒మాశి॑తం॒ తద॒స్మే శం-యోఀర॑ర॒పో ద॑ధాతన ॥ 11
యద్వో॑ దేవాశ్చకృ॒మ జి॒హ్వయా॑ గు॒రు మన॑సో వా॒ ప్రయు॑తీ దేవ॒హేళ॑నమ్ । అరా॑వా॒ యో నో॑ అ॒భి దు॑చ్ఛునా॒యతే॒ తస్మిం॒తదేనో॑ వసవో॒ ని ధే॑తన ॥ 12
ఓం శాంతిః॒ శాంతిః॒ శాంతిః॑ ।
About Surya Suktam
The Surya Suktam is the Rig Vedic hymn to the Sun (Rig Veda 10.37), beginning "Namo Mitrasya Varunasya chakshase": salutations to the eye of Mitra and Varuna. It honours the Sun as the far-seeing banner of the gods, born of the gods, who sets all creatures to their work, and prays for health, sight and a long life spent seeing the sun rise.
Source: Rig Veda 10.37, as the text notes
When to chant: At sunrise, especially on Sundays, on Ratha Saptami, and in Surya worship.
Did you know?
- The text gives its source as Rig Veda 10.37.
- In the Rig Veda the Sun is called "the eye of Mitra and Varuna", the gods of friendship and cosmic order.
Frequently asked questions
Where is the Surya Suktam found?
In the tenth mandala of the Rig Veda, hymn 37.
What does it ask for?
Health, clear sight and a long life of seeing the sun rise.
When is it chanted?
At sunrise, on Sundays and on Ratha Saptami.
Offered for worship and study, not as prediction. Non-commercial.
More devotional texts