Upadesha Saram (Ramana Maharshi)
Samskritam Songs · Traditional devotional text
কর্তুরাজ্ঞয়া প্রাপ্যতে ফলম্ । কর্ম কিং পরং কর্ম তজ্জডম্ ॥ 1 ॥
কৃতিমহোদধৌ পতনকারণম্ । ফলমশাশ্বতং গতিনিরোধকম্ ॥ 2 ॥
ঈশ্বরার্পিতং নেচ্ছয়া কৃতম্ । চিত্তশোধকং মুক্তিসাধকম্ ॥ 3 ॥
কাযবাঙ্মনঃ কার্যমুত্তমম্ । পূজনং জপশ্চিংতনং ক্রমাত্ ॥ 4 ॥
জগত ঈশধী যুক্তসেবনম্ । অষ্টমূর্তিভৃদ্দেবপূজনম্ ॥ 5 ॥
উত্তমস্তবাদুচ্চমংদতঃ । চিত্তজং জপধ্য়ানমুত্তমম্ ॥ 6 ॥
আজ্যধারয়া স্রোতসা সমম্ । সরলচিংতনং বিরলতঃ পরম্ ॥ 7 ॥
ভেদভাবনাত্ সোঽহমিত্যসৌ । ভাবনাঽভিদা পাবনী মতা ॥ 8 ॥
ভাবশূন্যসদ্ভাবসুস্থিতিঃ । ভাবনাবলাদ্ভক্তিরুত্তমা ॥ 9 ॥
হৃত্স্থলে মনঃ স্বস্থতা ক্রিয়া । ভক্তিয়োগবোধাশ্চ নিশ্চিতম্ ॥ 10 ॥
বায়ুরোধনাল্লীযতে মনঃ । জালপক্ষিবদ্রোধসাধনম্ ॥ 11 ॥
চিত্তবাযবশ্চিত্ক্রিয়ায়ুতাঃ । শাখয়োর্দ্বয়ী শক্তিমূলকা ॥ 12 ॥
লযবিনাশনে উভযরোধনে । লযগতং পুনর্ভবতি নো মৃতম্ ॥ 13 ॥
প্রাণবংধনাল্লীনমানসম্ । একচিংতনান্নাশমেত্যদঃ ॥ 14 ॥
নষ্টমানসোত্কৃষ্টয়োগিনঃ । কৃত্যমস্তি কিং স্বস্থিতিং যতঃ ॥ 15 ॥
দৃশ্যবারিতং চিত্তমাত্মনঃ । চিত্ত্বদর্শনং তত্ত্বদর্শনম্ ॥ 16 ॥
মানসং তু কিং মার্গণে কৃতে । নৈব মানসং মার্গ আর্জবাত্ ॥ 17 ॥
বৃত্তযস্ত্বহং বৃত্তিমাশ্রিতাঃ । বৃত্তয়ো মনো বিদ্ধ্যহং মনঃ ॥ 18 ॥
অহময়ং কুতো ভবতি চিন্বতঃ । অয়ি পতত্যহং নিজবিচারণম্ ॥ 19 ॥
অহমি নাশভাজ্যহমহংতয়া । স্ফুরতি হৃত্স্বয়ং পরমপূর্ণসত্ ॥ 20 ॥
ইদমহং পদাঽভিখ্যমন্বহম্ । অহমিলীনকেঽপ্যলযসত্তয়া ॥ 21 ॥
বিগ্রহেংদ্রিযপ্রাণধীতমঃ । নাহমেকসত্তজ্জডং হ্যসত্ ॥ 22 ॥
সত্ত্বভাসিকা চিত্ক্ববেতরা । সত্তয়া হি চিচ্চিত্তয়া হ্যহম্ ॥ 23 ॥
ঈশজীবয়োর্বেষধীভিদা । সত্স্বভাবতো বস্তু কেবলম্ ॥ 24 ॥
বেষহানতঃ স্বাত্মদর্শনম্ । ঈশদর্শনং স্বাত্মরূপতঃ ॥ 25 ॥
আত্মসংস্থিতিঃ স্বাত্মদর্শনম্ । আত্মনির্দ্বয়াদাত্মনিষ্ঠতা ॥ 26 ॥
জ্ঞানবর্জিতাঽজ্ঞানহীনচিত্ । জ্ঞানমস্তি কিং জ্ঞাতুমংতরম্ ॥ 27 ॥
কিং স্বরূপমিত্য়াত্মদর্শনে । অব্যয়াঽভবাঽঽপূর্ণচিত্সুখম্ ॥ 28 ॥
বংধমুক্ত্যতীতং পরং সুখম্ । বিংদতীহ জীবস্তু দৈবিকঃ ॥ 29 ॥
অহমপেতকং নিজবিভানকম্ । মহদিদংতপো রমনবাগিযম্ ॥ 30 ॥
About Upadesha Saram (Ramana Maharshi)
Upadesha Saram, "the essence of instruction", is Sri Ramana Maharshi's thirty-verse summary of the spiritual path. It moves from action done as an offering, through worship, japa and meditation, to self-enquiry, asking "Who am I?" until the ego falls away and only the Self, pure being and bliss, remains.
Written by: Sri Ramana Maharshi (1879 to 1950)
When to chant: For study and reflection, at any time; it is recited daily at Sri Ramanasramam.
Did you know?
- Ramana wrote it first in Tamil (Upadesa Undiyar) in 1927, when the poet-devotee Muruganar asked him to write the teaching Shiva gave the sages of the Daruka forest; he then rendered it himself in Sanskrit.
- The first verses say that action gives its fruit by God's ordinance but cannot by itself give liberation.
- The last verse signs it as "the word of Ramana", his only signature in the work.
Frequently asked questions
What does Upadesha Saram mean?
"The essence of instruction": the core of spiritual teaching in thirty verses.
Who wrote it?
Sri Ramana Maharshi of Tiruvannamalai, first in Tamil and then in Sanskrit.
What is its main teaching?
That enquiring into the source of the "I" leads beyond the ego to the Self.
Offered for worship and study, not as prediction. Non-commercial.
More devotional texts