MuhurtaNow

Vasudeva Stotram (Mahabharatam)

Vishnu · Traditional devotional text

(শ্রীমহাভারতে ভীষ্মপর্বণি পংচষষ্টিতমোঽধ্য়ায়ে শ্লো: 47)

বিশ্বাবসুর্বিশ্বমূর্তির্বিশ্বেশো বিষ্বক্সেনো বিশ্বকর্মা বশী চ । বিশ্বেশ্বরো বাসুদেবোঽসি তস্মা- -দ্য়োগাত্মানং দৈবতং ত্বামুপৈমি ॥ 47 ॥

জয় বিশ্ব মহাদেব জয় লোকহিতেরত । জয় যোগীশ্বর বিভো জয় যোগপরাবর ॥ 48 ॥

পদ্মগর্ভ বিশালাক্ষ জয় লোকেশ্বরেশ্বর । ভূতভব্যভবন্নাথ জয় সৌম্য়াত্মজাত্মজ ॥ 49 ॥

অসংখ্য়েযগুণাধার জয় সর্বপরাযণ । নারাযণ সুদুষ্পার জয় শার্ঙ্গধনুর্ধর ॥ 50 ॥

জয় সর্বগুণোপেত বিশ্বমূর্তে নিরাময় । বিশ্বেশ্বর মহাবাহো জয় লোকার্থতত্পর ॥ 51 ॥

মহোরগবরাহাদ্য় হরিকেশ বিভো জয় । হরিবাস দিশামীশ বিশ্বাবাসামিতাব্যয় ॥ 52 ॥

ব্যক্তাব্যক্তামিতস্থান নিযতেংদ্রিয় সত্ক্রিয় । অসংখ্য়েয়াত্মভাবজ্ঞ জয় গংভীরকামদ ॥ 53 ॥

অনংতবিদিত ব্রহ্মন্ নিত্যভূতবিভাবন । কৃতকার্য় কৃতপ্রজ্ঞ ধর্মজ্ঞ বিজয়াবহ ॥ 54 ॥

গুহ্য়াত্মন্ সর্বয়োগাত্মন্ স্ফুট সংভূত সংভব । ভূতাদ্য় লোকতত্ত্বেশ জয় ভূতবিভাবন ॥ 55 ॥

আত্ময়োনে মহাভাগ কল্পসংক্ষেপতত্পর । উদ্ভাবনমনোভাব জয় ব্রহ্মজনপ্রিয় ॥ 56 ॥

নিসর্গসর্গনিরত কামেশ পরমেশ্বর । অমৃতোদ্ভব সদ্ভাব মুক্তাত্মন্ বিজযপ্রদ ॥ 57 ॥

প্রজাপতিপতে দেব পদ্মনাভ মহাবল । আত্মভূত মহাভূত সত্বাত্মন্ জয় সর্বদা ॥ 58 ॥

পাদৌ তব ধরা দেবী দিশো বাহু দিবং শিরঃ । মূর্তিস্তেঽহং সুরাঃ কাযশ্চংদ্রাদিত্য়ৌ চ চক্ষুষী ॥ 59 ॥

বলং তপশ্চ সত্য়ং চ কর্ম ধর্মাত্মজং তব । তেজোঽগ্নিঃ পবনঃ শ্বাস আপস্তে স্বেদসংভবাঃ ॥ 60 ॥

অশ্বিনৌ শ্রবণৌ নিত্য়ং দেবী জিহ্বা সরস্বতী । বেদাঃ সংস্কারনিষ্ঠা হি ত্বয়ীদং জগদাশ্রিতম্ ॥ 61 ॥

ন সংখ্য়া ন পরীমাণং ন তেজো ন পরাক্রমম্ । ন বলং যোগয়োগীশ জানীমস্তে ন সংভবম্ ॥ 62 ॥

ত্বদ্ভক্তিনিরতা দেব নিযমৈস্ত্বাং সমাশ্রিতাঃ । অর্চয়ামঃ সদা বিষ্ণো পরমেশং মহেশ্বরম্ ॥ 63 ॥

ঋষয়ো দেবগংধর্বা যক্ষরাক্ষসপন্নগাঃ । পিশাচা মানুষাশ্চৈব মৃগপক্ষিসরীসৃপাঃ ॥ 64 ॥

এবমাদি ময়া সৃষ্টং পৃথিব্য়াং ত্বত্প্রসাদজম্ । পদ্মনাভ বিশালাক্ষ কৃষ্ণ দুঃখপ্রণাশন ॥ 65 ॥

ত্বং গতিঃ সর্বভূতানাং ত্বং নেতা ত্বং জগদ্গুরুঃ । ত্বত্প্রসাদেন দেবেশ সুখিনো বিবুধাঃ সদা ॥ 66 ॥

পৃথিবী নির্ভয়া দেব ত্বত্প্রসাদাত্সদাঽভবত্ । তস্মাদ্ভব বিশালাক্ষ যদুবংশবিবর্ধনঃ ॥ 67 ॥

ধর্মসংস্থাপনার্থায় দৈত্য়ানাং চ বধায় চ । জগতো ধারণার্থায় বিজ্ঞাপ্য়ং কুরু মে প্রভো ॥ 68 ॥

যত্তত্পরমকং গুহ্য়ং ত্বত্প্রসাদাদিদং বিভো । বাসুদেব তদেতত্তে ময়োদ্গীতং যথাতথম্ ॥ 69 ॥

সৃষ্ট্বা সংকর্ষণং দেবং স্বযমাত্মানমাত্মনা । কৃষ্ণ ত্বমাত্মনো সাক্ষী প্রদ্য়ুম্নং চাত্মসংভবম্ ॥ 70 ॥

প্রদ্য়ুম্নাদনিরুদ্ধং ত্বং যং বিদুর্বিষ্ণুমব্যযম্ । অনিরুদ্ধোঽসৃজন্মাং বৈ ব্রহ্মাণং লোকধারিণম্ ॥ 71 ॥

বাসুদেবময়ঃ সোঽহং ত্বয়ৈবাস্মি বিনির্মিতঃ । [তস্মাদ্য়াচামি লোকেশ চতুরাত্মানমাত্মনা।] বিভজ্য় ভাগশোঽঽত্মানং ব্রজ মানুষতাং বিভো ॥ 72 ॥

তত্রাসুরবধং কৃত্বা সর্বলোকসুখায় বৈ । ধর্মং প্রাপ্য় যশঃ প্রাপ্য় যোগং প্রাপ্স্যসি তত্ত্বতঃ ॥ 73 ॥

ত্বাং হি ব্রহ্মর্ষয়ো লোকে দেবাশ্চামিতবিক্রম । তৈস্তৈর্হি নামভির্য়ুক্তা গায়ংতি পরমাত্মকম্ ॥ 74 ॥

স্থিতাশ্চ সর্বে ত্বয়ি ভূতসংঘাঃ কৃত্বাশ্রয়ং ত্বাং বরদং সুবাহো । অনাদিমধ্য়াংতমপারয়োগং লোকস্য় সেতুং প্রবদংতি বিপ্রাঃ ॥ 75 ॥

ইতি শ্রীমহাভারতে ভীষ্মপর্বণি পংচষষ্টিতমোঽধ্য়ায়ে বাসুদেব স্তোত্রম্ ।

About Vasudeva Stotram (Mahabharatam)

This Vasudeva Stotram is a hymn to Lord Krishna as Vasudeva from the Bhishma Parva of the Mahabharata. It praises him as the treasure of the universe, the form of the universe, its lord, Vishvaksena, the maker of all, the controller, the lord of all; "you are Vasudeva, therefore I take refuge in you, the Self of yoga". In the epic, Bhishma recounts this hymn to Duryodhana to show him who Krishna truly is.

Source: Mahabharata, Bhishma Parva, as the text notes

When to chant: In Vishnu and Krishna worship, on Ekadashi, and in Mahabharata study.

Did you know?

  • The text gives its place as the Bhishma Parva of the Mahabharata, chapter 65.
  • Bhishma tells it to Duryodhana before the war, urging him to make peace with Krishna and the Pandavas.

Frequently asked questions

Where is the Vasudeva Stotram found?

The Bhishma Parva of the Mahabharata, as the text notes.

Who recounts it?

Bhishma, to Duryodhana.

Whom does it praise?

Krishna as Vasudeva, the Self and lord of the universe.

Offered for worship and study, not as prediction. Non-commercial.