श्रीमद्भगवद्गीता पारायण - सप्तदशोऽध्यायः
Sri Krishna · पारंपरिक भक्ति पाठ
ওং শ্রী পরমাত্মনে নমঃ অথ সপ্তদশোঽধ্য়ায়ঃ শ্রদ্ধাত্রযবিভাগয়োগঃ
অর্জুন উবাচ
যে শাস্ত্রবিধিমুত্সৃজ্য় যজংতে শ্রদ্ধয়ান্বিতাঃ । তেষাং নিষ্ঠা তু কা কৃষ্ণ সত্ত্বমাহো রজস্তমঃ ॥1
শ্রী ভগবানুবাচ
ত্রিবিধা ভবতি শ্রদ্ধা দেহিনাং সা স্বভাবজা । সাত্ত্বিকী রাজসী চৈব তামসী চেতি তাং শৃণু ॥2
সত্ত্বানুরূপা সর্বস্য় শ্রদ্ধা ভবতি ভারত । শ্রদ্ধাময়োঽয়ং পুরুষঃ যো যচ্ছ্রদ্ধঃ স এব সঃ ॥3॥
যজংতে সাত্ত্বিকা দেবান্ যক্ষরক্ষাংসি রাজসাঃ । প্রেতান্ভূতগণাংশ্চান্য়ে যজংতে তামসা জনাঃ ॥4॥
অশাস্ত্রবিহিতং ঘোরং তপ্য়ংতে যে তপো জনাঃ । দংভাহংকারসংয়ুক্তাঃ কামরাগবলান্বিতাঃ ॥5॥
কর্শয়ংতঃ শরীরস্থং ভূতগ্রামমচেতসঃ । মাং চৈবাংতঃ শরীরস্থং তান্বিদ্ধ্য়াসুরনিশ্চয়ান্ ॥6॥
আহারস্ত্বপি সর্বস্য় ত্রিবিধো ভবতি প্রিয়ঃ । যজ্ঞস্তপস্তথা দানং তেষাং ভেদমিমং শৃণু ॥7॥
আয়ুঃসত্ত্ববলারোগ্য়-সুখপ্রীতিবিবর্ধনাঃ । রস্য়াঃ স্নিগ্ধাঃ স্থিরা হৃদ্য়াঃ আহারাঃ সাত্ত্বিকপ্রিয়াঃ ॥8॥
কট্বম্ললবণাত্য়ুষ্ণ-তীক্ষ্ণরূক্ষবিদাহিনঃ । আহারা রাজসস্য়েষ্টাঃ দুঃখশোকামযপ্রদাঃ ॥9॥
যাতয়ামং গতরসং পূতি পর্য়ুষিতং চ যত্ । উচ্ছিষ্টমপি চামেধ্য়ং ভোজনং তামসপ্রিযম্ ॥10॥
অফলাকাংক্ষিভির্যজ্ঞঃ বিধিদৃষ্টো য ইজ্যতে । যষ্টব্যমেবেতি মনঃ সমাধায় স সাত্ত্বিকঃ ॥11॥
অভিসংধায় তু ফলং দংভার্থমপি চৈব যত্ । ইজ্যতে ভরতশ্রেষ্ঠ তং যজ্ঞং বিদ্ধি রাজসম্ ॥12॥
বিধিহীনমসৃষ্টান্নং মংত্রহীনমদক্ষিণম্ । শ্রদ্ধাবিরহিতং যজ্ঞং তামসং পরিচক্ষতে ॥13॥
দেবদ্বিজগুরুপ্রাজ্ঞ-পূজনং শৌচমার্জবম্ । ব্রহ্মচর্যমহিংসা চ শারীরং তপ উচ্যতে ॥14॥
অনুদ্বেগকরং বাক্য়ং সত্য়ং প্রিযহিতং চ যত্ । স্বাধ্য়ায়াভ্যসনং চৈব বাঙ্ময়ং তপ উচ্যতে ॥15॥
মনঃ প্রসাদঃ সৌম্যত্বং মৌনমাত্মবিনিগ্রহঃ । ভাবসংশুদ্ধিরিত্য়েতত্ তপো মানসমুচ্যতে ॥16॥
শ্রদ্ধয়া পরয়া তপ্তং তপস্তত্ত্রিবিধং নরৈঃ । অফলাকাংক্ষিভির্য়ুক্তৈঃ সাত্ত্বিকং পরিচক্ষতে ॥17॥
সত্কারমানপূজার্থং তপো দংভেন চৈব যত্ । ক্রিযতে তদিহ প্রোক্তং রাজসং চলমধ্রুবম্ ॥18॥
মূঢগ্রাহেণাত্মনো যত্ পীডয়া ক্রিযতে তপঃ । পরস্য়োত্সাদনার্থং বা তত্তামসমুদাহৃতম্ ॥19॥
দাতব্যমিতি যদ্দানং দীযতেঽনুপকারিণে । দেশে কালে চ পাত্রে চ তদ্দানং সাত্ত্বিকং স্মৃতম্ ॥20॥
যত্তু প্রত্য়ুপকারার্থং ফলমুদ্দিশ্য় বা পুনঃ । দীযতে চ পরিক্লিষ্টং তদ্দানং রাজসং স্মৃতম্ ॥21॥
অদেশকালে যদ্দানম্ অপাত্রেভ্যশ্চ দীযতে । অসত্কৃতমবজ্ঞাতং তত্তামসমুদাহৃতম্ ॥22॥
ওং তত্সদিতি নির্দেশঃ ব্রহ্মণস্ত্রিবিধঃ স্মৃতঃ । ব্রাহ্মণাস্তেন বেদাশ্চ যজ্ঞাশ্চ বিহিতাঃ পুরা ॥23॥
তস্মাদোমিত্য়ুদাহৃত্য় যজ্ঞদানতপঃক্রিয়াঃ । প্রবর্তংতে বিধানোক্তাঃ সততং ব্রহ্মবাদিনাম্ ॥24॥
তদিত্যনভিসংধায় ফলং যজ্ঞতপঃক্রিয়াঃ । দানক্রিয়াশ্চ বিবিধাঃ ক্রিয়ংতে মোক্ষকাংক্ষিভিঃ ॥25॥
সদ্ভাবে সাধুভাবে চ সদিত্য়েতত্প্রয়ুজ্যতে । প্রশস্তে কর্মণি তথা সচ্ছব্দঃ পার্থ যুজ্যতে ॥26॥
যজ্ঞে তপসি দানে চ স্থিতিঃ সদিতি চোচ্যতে । কর্ম চৈব তদর্থীয়ং সদিত্য়েবাভিধীযতে ॥27॥
অশ্রদ্ধয়া হুতং দত্তং তপস্তপ্তং কৃতং চ যত্ । অসদিত্য়ুচ্যতে পার্থ ন চ তত্প্রেত্য় নো ইহ ॥28॥
॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে শ্রদ্ধাত্রযবিভাগয়োগো নাম সপ্তদশোঽধ্য়ায়ঃ ॥
श्रीमद्भगवद्गीता पारायण - सप्तदशोऽध्यायः के बारे में
Chapter 17 of the Bhagavad Gita, Shraddhatraya Vibhaga Yoga, the yoga of the three kinds of faith, set out for parayana. Arjuna asks about those who worship with faith but outside the scriptures. Krishna explains that faith takes the colour of a person's nature, sattvic, rajasic or tamasic, and shows the same three kinds in food, sacrifice, austerity and giving. The chapter ends with the sacred words "Om Tat Sat".
स्रोत: Bhagavad Gita, chapter 17
कब पढ़ें: In daily Gita parayana, reading one chapter at a time, and in Gita jayanti recitations.
क्या आप जानते हैं?
- Its verses on sattvic, rajasic and tamasic food (17.8 to 10) are often quoted.
- The Bhagavad Gita is in the Bhishma Parva of the Mahabharata; it has 18 chapters and about 700 verses.
अक्सर पूछे जाने वाले प्रश्न
What are the three kinds of faith?
Sattvic, rajasic and tamasic, following a person's nature.
What does "Om Tat Sat" signify?
The threefold name of Brahman, said at the start of sacred acts.
What is the chapter called?
Shraddhatraya Vibhaga Yoga.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ