MuhurtaNow

गंगा अष्टकं 2

Ganga · पारंपरिक भक्ति पाठ

भगवति भवलीलामौलिमाले तवांभः कणमणुपरिमाणं प्राणिनो ये स्पृशंति । अमरनगरनारीचामरग्राहिणीनां विगतकलिकलंकातंकमंके लुठंति ॥ 1 ॥

ब्रह्मांडं खंडयंती हरशिरसि जटावल्लिमुल्लासयंती स्वर्लोकादापतंती कनकगिरिगुहागंडशैलात् स्खलंती । क्षोणीपृष्टे लुठंती दुरितचयचमूर्निर्भरं भर्त्सयंती पाथोधिं पूरयंती सुरनगरसरित्पावनी नः पुनातु ॥ 2 ॥

मज्जन्मातंगकुंभच्युतमदमदिरामोदमत्तालिजालं स्नानैः सिद्धांगनानां कुचयुगविगलत्कुंकुमासंगपिंगम् । सायं प्रातर्मुनीनां कुशकुसुमचयैश्छिन्नतीरस्थनीरं पायान्नो गांगमंभः करिकरमकराक्रांतरहस्तरंगम् ॥ 3 ॥

आदावादिपितामहस्य नियमव्यापारपात्रे जलं पश्चात्पन्नगशायिनो भगवतः पादोदकं पावनम् । भूयः शंभुजटाविभूषणमणिर्जह्नोर्महर्षेरियं कन्या कल्मषनाशिनी भगवती भागीरथी पातु माम् ॥ 4 ॥

शैलेंद्रादवतारिणी निजजले मज्जज्जनोत्तारिणी पारावारविहारिणी भवभयश्रेणीसमुत्सारिणी । शेषांगैरनुकारिणी हरशिरोवल्लीदलाकारिणी काशीप्रांतविहारिणी विजयते गंगा मनोहारिणी ॥ 5 ॥

कुतो वीची वीचिस्तव यदि गता लोचनपथं त्वमापीता पीतांबरपुरवासं वितरसि । त्वदुत्संगे गंगे पतति यदि कायस्तनुभृतां तदा मातः शांतक्रतवपदलाभोऽप्यतिलघुः ॥ 6 ॥

भगवति तव तीरे नीरमात्राशनोऽहं विगतविषयतृष्णः कृष्णमाराधयामि । सकलकलुषभंगे स्वर्गसोपानसंगे तरलतरतरंगे देवि गंगे प्रसीद ॥ 7 ॥

मातर्जाह्नवि शंभुसंगमिलिते मौलौ निधायांजलिं त्वत्तीरे वपुषोऽवसानसमये नारायणांघ्रिद्वयम् । सानंदं स्मरतो भविष्यति मम प्राणप्रयाणोत्सवे भूयाद्भक्तिरविच्युता हरिहराद्वैतात्मिका शाश्वती ॥ 8 ॥

गंगाष्टकमिदं पुण्यं यः पठेत्प्रयतो नरः । सर्वपापविनिर्मुक्तो विष्णुलोकं स गच्छति ॥ 9 ॥

इति श्रीमत्परमहंसपरिव्राजकाचार्यस्य श्रीगोविंदभगवत्पूज्यपादशिष्यस्य श्रीमच्छंकरभगवतः कृतौ गंगाष्टकं संपूर्णम् ।

गंगा अष्टकं 2 के बारे में

This Ganga Ashtakam is a hymn of eight verses to Goddess Ganga, attributed in its colophon to Adi Shankaracharya, disciple of Govinda Bhagavatpada. It opens: O Goddess, garland on the head of Shiva in his cosmic play, those beings who touch even a tiny drop of your water are fanned by the maidens of the city of the gods, freed from the fear of the stain of Kali. It then pictures her descent: breaking through the cosmic egg, making Shiva's matted locks sway, falling from heaven, tumbling from the caves and boulders of the golden mountain, and flowing on to purify the earth.

रचयिता: Attributed to Adi Shankaracharya, as its colophon states

कब पढ़ें: On Ganga Dussehra and Ganga Saptami, during Kartika and Magha snana, and at holy dips.

क्या आप जानते हैं?

  • The verses trace the Ganga's journey from heaven, through Shiva's hair and the Himalayas, down to the plains.
  • Ganga Dussehra, in Jyeshtha, celebrates her descent to earth through King Bhagiratha's austerity.

अक्सर पूछे जाने वाले प्रश्न

Who is it attributed to?

Adi Shankaracharya, as its colophon states.

Whose head does the Ganga adorn?

Lord Shiva's.

When is it recited?

On Ganga Dussehra and during holy dips.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।

और भक्ति पाठ