5.3 - उथ्सन्नयज्ञ्नो वा एष यदग्निः - कृष्ण यजुर्वेद तैत्तिरीय संहिता पाठः
Kanda 5 - Krishna Yajurveda Taittiriya Samhita · पारंपरिक भक्ति पाठ
krishna yajurvedeeya taittireeya samhitaayaa-mpanchamakaande triteeyah prashnah - chiteenaa-nniroopanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
u̠thsa̠nna̠ ya̠jno vaa e̠sha yada̠gnih kim vaa-'hai̠tasya̍ kri̠yate̠ kim vaa̠ na yadvai ya̠jnasya̍ kri̠yamaa̍nasyaa-nta̠ryanti̠ pooya̍ti̠ vaa a̍sya̠ tadaa̎shvi̠neerupa̍ dadhaatya̠shvinau̠ vai de̠vaanaa̎-mbhi̠shajau̠ taabhyaa̍me̠vaasmai̍ bhesha̠ja-nka̍roti̠ panchopa̍ dadhaati̠ paankto̍ ya̠jno yaavaa̍ne̠va ya̠jnastasmai̍ bhesha̠ja-nka̍rotyrita̠vyaa̍ upa̍ dadhaatyritoo̠naa-nkLiptyai̠ [kLiptyai̎, panchopa̍] 1
panchopa̍ dadhaati̠ pancha̠ vaa ri̠tavo̠ yaava̍nta e̠vartava̠staan ka̍lpayati samaa̠napra̍bhritayo bhavanti samaa̠noda̍rkaa̠stasmaa̎-thsamaa̠naa ri̠tava̠ eke̍na pa̠dena̠ vyaava̍rtante̠ tasmaa̍d-ri̠tavo̠ vyaava̍rtante praana̠bhrita̠ upa̍ dadhaatyri̠tushve̠va praa̠naa-nda̍dhaati̠ tasmaa̎-thsamaa̠naa-ssanta̍ ri̠tavo̠ na jee̎rya̠ntyatho̠ praja̍nayatye̠vainaa̍ne̠sha vai vaa̠yurya-tpraa̠no yad-ri̍ta̠vyaa̍ upa̠dhaaya̍ praana̠bhrita̍ [praana̠bhrita̍h, u̠pa̠dadhaa̍ti̠] 2
upa̠dadhaa̍ti̠ tasmaa̠-thsarvaa̍nri̠toonanu̍ vaa̠yuraa va̍reevarti vrishti̠sanee̠rupa̍ dadhaati̠ vrishti̍me̠vaava̍ rundhe̠ yade̍ka̠dhopa̍da̠ddhyaa-deka̍mri̠tum va̍rshedanupari̠haaragm̍ saadayati̠ tasmaa̠-thsarvaa̍nri̠toon. va̍rshati̠ ya-tpraa̍na̠bhrita̍ upa̠dhaaya̍ vrishti̠sanee̍rupa̠dadhaa̍ti̠ tasmaa̎-dvaa̠yupra̍chyutaa di̠vo vrishti̍reerte pa̠shavo̠ vai va̍ya̠syaa̍ naanaa̍manasa̠h khalu̠ vai pa̠shavo̠ naanaa̎vrataa̠ste̍-'pa e̠vaabhi sama̍naso̠ [sama̍nasah, ya-nkaa̠maye̍taa-] 3
ya-nkaa̠maye̍taa-'pa̠shu-ssyaa̠diti̍ vaya̠syaa̎stasyo̍-pa̠dhaayaa̍pa̠syaa̍ upa̍ daddhyaa̠-dasa̎m(2)jnaana-me̠vaasmai̍ pa̠shubhi̍h karotyapa̠shure̠va bha̍vati̠ ya-nkaa̠maye̍ta pashu̠maan-thsyaa̠ditya̍-pa̠syaa̎stasyo̍pa̠dhaaya̍ vaya̠syaa̍ upa̍ daddhyaa-thsa̠m(2)jnaana̍me̠vaasmai̍ pa̠shubhi̍h karoti pashu̠maane̠va bha̍vati̠ chata̍srah pu̠rastaa̠dupa̍ dadhaati̠ tasmaa̎chcha̠tvaari̠ chakshu̍sho roo̠paani̠ dve shu̠kle dve kri̠shne [kri̠shne, moo̎rdha̠nvatee̎-] 4
moo̎rdha̠nvatee̎-rbhavanti̠ tasmaa̎-tpu̠rastaa̎nmoo̠rdhaa pancha̠ dakshi̍naayaa̠g̠ shronyaa̠mupa̍ dadhaati̠ panchotta̍rasyaa̠-ntasmaa̎-tpa̠shchaa-dvarshee̍yaa-npu̠rastaa̎-tpravanah pa̠shurba̠sto vaya̠ iti̠ dakshi̠ne-'gmsa̠ upa̍ dadhaati vri̠shnirvaya̠ ityutta̠re 'gmsaa̍ve̠va prati̍ dadhaati vyaa̠ghro vaya̠ iti̠ dakshi̍ne pa̠ksha upa̍ dadhaati si̠gm̠ho vaya̠ ityutta̍re pa̠kshayo̍re̠va vee̠rya̍-ndadhaati̠ puru̍sho̠ vaya̠ iti̠ maddhye̠ tasmaa̠-tpuru̍shah pashoo̠naamadhi̍patih ॥ 5 ॥ (kLiptyaa̍ - upa̠dhaaya̍ praana̠bhrita̠h-sama̍nasah-kri̠shne-puru̍sho̠ vaya̠ iti̠ - pancha̍ cha) (a. 1)
indraa̎gnee̠ avya̍thamaanaa̠miti̍ svayamaatri̠nnaamupa̍ dadhaateendraa̠gnibhyaa̠m vaa i̠mau lo̠kau vidhri̍taava̠nayo̎-rlo̠kayo̠-rvidhri̍tyaa̠ adhri̍teva̠ vaa e̠shaa yanma̍ddhya̠maa chiti̍ra̠ntari̍kshamiva̠ vaa e̠shendraa̎gnee̠ ityaa̍hendraa̠gnee vai de̠vaanaa̍mojo̠ bhritaa̠voja̍sai̠vainaa̍-ma̠ntari̍kshe chinute̠ dhrityai̎ svayamaatri̠nnaamupa̍ dadhaatya̠ntari̍ksha̠m vai sva̍yamaatri̠nnaa 'ntari̍kshame̠vopa̍ dha̠tte 'shva̠mupa̍ [dha̠tte 'shva̠mupa̍, ghraa̠pa̠ya̠ti̠ praa̠name̠vaa-] 6
ghraapayati praa̠name̠vaa-'syaa̎-ndadhaa̠tyatho̎ praajaapa̠tyo vaa ashva̍h pra̠jaapa̍tinai̠vaagni-nchi̍nute svayamaatri̠nnaa bha̍vati praa̠naanaa̠muthsri̍shtyaa̠ atho̍ suva̠rgasya̍ lo̠kasyaanu̍khyaatyai de̠vaanaa̠m vai su̍va̠rgam lo̠kam ya̠taa-ndisha̠-ssama̍vleeyanta̠ ta e̠taa dishyaa̍ apashya̠-ntaa upaa̍dadhata̠ taabhi̠rvai te disho̍-'drigmha̠n̠ yaddishyaa̍ upa̠dadhaa̍ti di̠shaam vidhri̍tyai̠ dasha̍ praana̠bhrita̍h pu̠rastaa̠dupa̍ [pu̠rastaa̠dupa̍, da̠dhaa̠ti̠ nava̠ vai puru̍she] 7
dadhaati̠ nava̠ vai puru̍she praa̠naa naabhi̍rdasha̠mee praa̠naane̠va pu̠rastaa̎ddhatte̠ tasmaa̎-tpu̠rastaa̎-tpraa̠naa jyoti̍shmatee-mutta̠maamupa̍ dadhaati̠ tasmaa̎-tpraa̠naanaa̠m vaagjyoti̍rutta̠maa dashopa̍ dadhaati̠ dashaa̎ksharaa vi̠raa-dvi̠raat chhanda̍saa̠-njyoti̠rjyoti̍re̠va pu̠rastaa̎ddhatte̠ tasmaa̎-tpu̠rastaa̠jjyoti̠rupaa̎ ''smahe̠ chhandaagm̍si pa̠shushvaa̠jima̍yu̠staa-nbri̍ha̠tyuda̍jaya̠-ttasmaa̠-dbaarha̍taah [tasmaa̠-dbaarha̍taah, pa̠shava̍ uchyante̠ maa] 8
pa̠shava̍ uchyante̠ maa chhanda̠ iti̍ dakshina̠ta upa̍ dadhaati̠ tasmaa̎-ddakshi̠naa vri̍to̠ maasaa̎h prithi̠vee chhanda̠ iti̍ pa̠shchaa-tprati̍shthityaa a̠gnirde̠vatetyu̍ttara̠ta ojo̠ vaa a̠gniroja̍ e̠votta̍ra̠to dha̍tte̠ tasmaa̍duttarato 'bhiprayaa̠yee ja̍yati̠ shattrigm̍sha̠-thsampa̍dyante̠ shattrigm̍shadaksharaa briha̠tee baarha̍taah pa̠shavo̍ briha̠tyaivaasmai̍ pa̠shoonava̍ rundhe briha̠tee chhanda̍saa̠g̠ svaaraa̎jya̠-mparee̍yaaya̠ yasyai̠taa [yasyai̠taah, u̍padhee̠yante̠ gachchha̍ti̠] 9
u̍padhee̠yante̠ gachchha̍ti̠ svaaraa̎jyagm sa̠pta vaala̍khilyaah pu̠rastaa̠dupa̍ dadhaati sa̠pta pa̠shchaa-thsa̠pta vai shee̍rsha̠nyaa̎h praa̠naa dvavava̎mchau praa̠naanaagm̍ saveerya̠tvaaya̍ moo̠rdhaa-'si̠ raaditi̍ pu̠rastaa̠dupa̍ dadhaati̠ yantree̠ raaditi̍ pa̠shchaa-tpraa̠naane̠vaasmai̍ sa̠meecho̍ dadhaati ॥ 10 ॥ (ashva̠mupa̍-pu̠rastaa̠dupa̠-baarha̍taa-e̠taa-shchatu̍strigmshachcha) (a. 2)
de̠vaa vai ya-dya̠jne 'ku̍rvata̠ tadasu̍raa akurvata̠ te de̠vaa e̠taa a̍kshnayaasto̠meeyaa̍ apashya̠-ntaa a̠nyathaa̠ 'noochyaa̠-nyathopaa̍dadhata̠ tadasu̍raa̠ naanvavaa̍ya̠-ntato̍ de̠vaa abha̍va̠-nparaa-'su̍raa̠ yada̍kshnayaasto̠meeyaa̍ a̠nyathaa̠ 'noochyaa̠nyatho̍pa̠ dadhaa̍ti̠ bhraatri̍vyaabhibhootyai̠ bhava̍tyaa̠tmanaa̠ paraa̎-'sya̠ bhraatri̍vyo bhavatyaa̠-shustri̠vriditi̍ pu̠rastaa̠dupa̍ dadhaati yajnamu̠kham vai tri̠vri- [tri̠vrit, ya̠jna̠mu̠khame̠va] 11
-dya̍jnamu̠khame̠va pu̠rastaa̠dvi yaa̍tayati̠ vyo̍ma saptada̠sha iti̍ dakshina̠to 'nna̠m vai vyo̍maa-'nnagm̍ saptada̠sho-'nna̍me̠va da̍kshina̠to dha̍tte̠ tasmaa̠-ddakshi̍ne̠naanna̍madyate dha̠runa̍ ekavi̠gm̠sha iti̍ pa̠shchaa-tpra̍ti̠shthaa vaa e̍kavi̠gm̠shah prati̍shthityai bhaa̠ntah pa̍nchada̠sha ityu̍ttara̠ta ojo̠ vai bhaa̠nta oja̍h panchada̠sha oja̍ e̠votta̍ra̠to dha̍tte̠ tasmaa̍duttarato 'bhiprayaa̠yee ja̍yati̠ pratoo̎rtirashtaada̠sha iti̍ pu̠rastaa̠- [iti̍ pu̠rastaa̎t, upa̍ dadhaati̠ dvau] 12
-dupa̍ dadhaati̠ dvau tri̠vritaa̍vabhipoo̠rvam ya̍jnamu̠khe vi yaa̍tayatyabhiva̠rta-ssa̍vi̠gm̠sha iti̍ dakshina̠to-'nna̠m vaa a̍bhiva̠rto-'nnagm̍ savi̠gm̠sho-'nna̍me̠va da̍kshina̠to dha̍tte̠ tasmaa̠-ddakshi̍ne̠naanna̍madyate̠ varcho̎ dvaavi̠gm̠sha iti̍ pa̠shchaa-dya-dvigm̍sha̠tirdve tena̍ vi̠raajau̠ ya-ddve pra̍ti̠shthaa tena̍ vi̠raajo̍re̠vaa-bhi̍poo̠rvama̠nnaadye̠ prati̍tishthati̠ tapo̍ navada̠sha ityu̍ttara̠ta stasmaa̎-thsa̠vyo [ityu̍ttara̠ta stasmaa̎-thsa̠vyah, hasta̍yo-] 13
hasta̍yo-stapa̠svita̍ro̠ yoni̍shchaturvi̠gm̠sha iti̍ pu̠rastaa̠dupa̍ dadhaati̠ chatu̍rvigmshatyaksharaa gaaya̠tree gaa̍ya̠tree ya̍jnamu̠kham ya̍jnamu̠khame̠va pu̠rastaa̠-dviyaa̍tayati̠ garbhaa̎h panchavi̠gm̠sha iti̍ dakshina̠to-'nna̠m vai garbhaa̠ anna̍-mpanchavi̠gm̠shonna̍me̠va da̍kshina̠to dha̍tte̠ tasmaa̠-ddakshi̍ne̠naanna̍madyata̠ oja̍strina̠va iti̍ pa̠shchaadi̠me vai lo̠kaastri̍na̠va e̠shve̍va lo̠keshu̠ prati̍tishthati sa̠bhamra̍nastrayovi̠gm̠sha i- [sa̠bhamra̍nastrayovi̠gm̠sha iti̍, u̠tta̠ra̠ta-] 14
-tyu̍ttara̠ta-stasmaa̎-thsa̠vyo hasta̍yo-ssambhaa̠rya̍tara̠h kratu̍rekatri̠gm̠sha iti̍ pu̠rastaa̠dupa̍ dadhaati̠ vaagvai kratu̍ryajnamu̠kham vaagya̍jnamu̠khame̠va pu̠rastaa̠dvi yaa̍tayati bra̠ddhnasya̍ vi̠shtapa̍-nchatustri̠gm̠sha iti̍ dakshina̠to̍-'sau vaa aa̍di̠tyo bra̠ddhnasya̍ vi̠shtapa̍-mbrahmavarcha̠same̠va da̍kshina̠to dha̍tte̠ tasmaa̠-ddakshi̠no-'rdho̎ brahmavarcha̠sita̍rah prati̠shthaa tra̍yastri̠gm̠sha iti̍ pa̠shchaa-tprati̍shthityai̠ naaka̍-shshattri̠gm̠sha ityu̍ttara̠ta-ssu̍va̠rgo vai lo̠ko naaka̍-ssuva̠rgasya̍ lo̠kasya̠ sama̍shtyai ॥ 15 ॥ (vai tri̠vri - diti̍ pu̠rastaa̎th - sa̠vya - stra̍yovi̠gm̠sha iti̍ - suva̠rgo vai - pancha̍ cha) (a. 3)
(aa̠shu - rvyo̍ma - dha̠runo̍ - bhaa̠ntah - pratoo̎rtira -bhiva̠rto - varcha̠ - stapo̠ - yoni̠ - rgarbhaa̠ - oja̍h - sa̠bhamra̍na̠h - kratu̍ - rbra̠ddhrasya̍ - prati̠shthaa - naaka̠h - shoda̍sha)
a̠gnerbhaa̠go̍-'seeti̍ pu̠rastaa̠dupa̍ dadhaati yajnamu̠kham vaa a̠gnirya̍jnamu̠kha-ndee̠kshaa ya̍jnamu̠kha-mbrahma̍ yajnamu̠kha-ntri̠vri-dya̍jnamu̠khame̠va pu̠rastaa̠dvi yaa̍tayati nri̠chaksha̍saa-mbhaa̠go̍-'seeti̍ dakshina̠ta-shshu̍shru̠vaagmso̠ vai nri̠chaksha̠so-'nna̍-ndhaa̠taa jaa̠taayai̠vaasmaa̠ anna̠mapi̍ dadhaati̠ tasmaa̎jjaa̠to-'nna̍matti ja̠nitragg̍ spri̠tagm sa̍ptada̠sha-sstoma̠ ityaa̠haa-'nna̠m vai ja̠nitra̠- [ja̠nitra̎m, annagm̍ saptada̠sho-'nna̍me̠va] 16
-mannagm̍ saptada̠sho-'nna̍me̠va da̍kshina̠to dha̍tte̠ tasmaa̠-ddakshi̍ne̠naa-nna̍madyate mi̠trasya̍ bhaa̠go̍-'seeti̍ pa̠shchaa-tpraa̠no vai mi̠tro̍-'paa̠no varu̍nah praanaapaa̠naave̠vaasmi̍-ndadhaati di̠vo vri̠shtirvaataa̎-sspri̠taa e̍kavi̠gm̠sha-sstoma̠ ityaa̍ha prati̠shthaa vaa e̍kavi̠gm̠shah prati̍shthityaa̠ indra̍sya bhaa̠go̍-'seetyu̍ttara̠ta ojo̠ vaa indra̠ ojo̠ vishnu̠roja̍h, ksha̠tramoja̍h panchada̠sha [panchada̠shah, oja̍ e̠votta̍ra̠to dha̍tte̠] 17
oja̍ e̠votta̍ra̠to dha̍tte̠ tasmaa̍duttarato-'bhiprayaa̠yee ja̍yati̠ vasoo̍naa-mbhaa̠go̍-'seeti̍ pu̠rastaa̠dupa̍ dadhaati yajnamu̠kham vai vasa̍vo yajnamu̠khagm ru̠draa ya̍jnamu̠kha-ncha̍turvi̠gm̠sho ya̍jnamu̠khame̠va pu̠rastaa̠dvi yaa̍tayatyaadi̠tyaanaa̎-mbhaa̠go̍-'seeti̍ dakshina̠to-'nna̠m vaa aa̍di̠tyaa anna̍-mma̠ruto-'nna̠-ngarbhaa̠ anna̍-mpanchavi̠gm̠sho-'nna̍me̠va da̍kshina̠to dha̍tte̠ tasmaa̠-ddakshi̍ne̠naa-'nna̍madya̠te 'di̍tyai bhaa̠go̍- [-'di̍tyai bhaa̠gah, a̠seeti̍ pa̠shchaa-tpra̍ti̠shthaa] 18
-'seeti̍ pa̠shchaa-tpra̍ti̠shthaa vaa adi̍tih prati̠shthaa poo̠shaa pra̍ti̠shthaa tri̍na̠vah prati̍shthityai de̠vasya̍ savi̠turbhaa̠go̍-' seetyu̍ttara̠to brahma̠ vai de̠va-ssa̍vi̠taa brahma̠ briha̠spati̠rbrahma̍ chatushto̠mo bra̍hmavarcha̠same̠votta̍ra̠to dha̍tte̠ tasmaa̠dutta̠ro-'rdho̎ brahmavarcha̠sita̍ra-ssaavi̠trava̍tee bhavati̠ prasoo̎tyai̠ tasmaa̎-dbraahma̠naanaa̠mudee̍chee sa̠nih prasoo̍taa dha̠rtrashcha̍tushto̠ma iti̍ pu̠rastaa̠dupa̍ dadhaati yajnamu̠kham vai dha̠rtro [dha̠rtrah, ya̠jna̠mu̠kha-ncha̍tushto̠mo] 19
ya̍jnamu̠kha-ncha̍tushto̠mo ya̍jnamu̠khame̠va pu̠rastaa̠dvi yaa̍tayati̠ yaavaa̍naa-mbhaa̠go̍-'seeti̍ dakshina̠to maasaa̠ vai yaavaa̍ ardhamaa̠saa ayaa̍vaa̠-stasmaa̎-ddakshi̠naavri̍to̠ maasaa̠ anna̠m vai yaavaa̠ anna̍-mpra̠jaa anna̍me̠va da̍kshina̠to dha̍tte̠ tasmaa̠-ddakshi̍ne̠naa-nna̍madyata ribhoo̠naa-mbhaa̠go̍-'seeti̍ pa̠shchaa-tprati̍shthityai viva̠rto̎ 'shtaachatvaari̠gm̠sha ityu̍ttara̠to̍-'nayo̎rlo̠kayo̎-ssaveerya̠tvaaya̠ tasmaa̍di̠mau lo̠kau sa̠maava̍-dveeryau̠ [sa̠maava̍-dveeryau, yasya̠ mukhya̍vateeh] 20
yasya̠ mukhya̍vateeh pu̠rastaa̍dupadhee̠yante̠ mukhya̍ e̠va bha̍va̠tyaa-'sya̠ mukhyo̍ jaayate̠ yasyaa-nna̍vatee - rdakshina̠to-'ttyanna̠maa-'syaa̎nnaa̠do jaa̍yate̠ yasya̍ prati̠shthaava̍teeh pa̠shchaa-tpratye̠va ti̍shthati̠ yasyauja̍svateeruttara̠ta o̍ja̠svye̍va bha̍va̠tyaa-'syau̍ja̠svee jaa̍yate̠ 'rko vaa e̠sha yada̠gnistasyai̠tade̠va sto̠trame̠tachchha̠stram yade̠shaa vi̠dhaa [vi̠dhaa, vi̠dhee̠yate̠-'rka e̠va] 21
vi̍dhee̠yate̠-'rka e̠va tada̠rkya̍manu̠ vi dhee̍ya̠te 'ttyanna̠maa-'syaa̎nnaa̠do jaa̍yate̠ yasyai̠shaa vi̠dhaa vi̍dhee̠yate̠ ya u̍ chainaame̠vam veda̠ srishtee̠rupa̍ dadhaati yathaasri̠shtame̠vaava̍ rundhe̠ na vaa i̠da-ndivaa̠ na nakta̍maasee̠davyaa̍vritta̠-nte de̠vaa e̠taa vyu̍shteerapashya̠-ntaa upaa̍dadhata̠ tato̠ vaa i̠dam mvyau̎chchha̠-dyasyai̠taa u̍padhee̠yante̠ vye̍vaasmaa̍ uchchha̠tyatho̠ tama̍ e̠vaapa̍hate ॥ 22 ॥ (vai ja̠nitra̍m - panchada̠sho - 'di̍tyai bhaa̠go - vai dha̠rtrah - sa̠maava̍dveeryai-vi̠dhaa-tato̠ vaa i̠dam - chatu̍rdasha cha ) (a. 4)
(a̠gne - rnri̠chaksha̍saam - ja̠nitra̍m - mi̠tra - syendra̍sya̠ -vasoo̍naa - maadi̠tyaanaa̠ - madi̍tyai - de̠vasya̍ savi̠tuh - saa̍vi̠trava̍tee - dha̠rtro - yaavaa̍naa-mribhoo̠naam - mvi̍va̠rta - shchatu̍rdasha)
agne̍ jaa̠taa-npranu̍daa na-ssa̠patnaa̠niti̍ pu̠rastaa̠dupa̍ dadhaati jaa̠taane̠va bhraatri̍vyaa̠-npranu̍date̠ saha̍saa jaa̠taaniti̍ pa̠shchaajja̍ni̠shyamaa̍naane̠va prati̍ nudate chatushchatvaari̠gm̠sha-sstoma̠ iti̍ dakshina̠to bra̍hmavarcha̠sam vai cha̍tushchatvaari̠gm̠sho bra̍hmavarcha̠same̠va da̍kshina̠to dha̍tte̠ tasmaa̠-ddakshi̠no-'rdho̎ brahmavarcha̠sita̍ra-shshoda̠sha-sstoma̠ ityu̍ttara̠ta ojo̠ vai sho̍da̠sha oja̍ e̠votta̍ra̠to dha̍tte̠ tasmaa̍- [tasmaa̎t, u̠tta̠ra̠to̠-'bhi̠pra̠yaa̠yee] 23
-duttarato-'bhiprayaa̠yee ja̍yati̠ vajro̠ vai cha̍tushchatvaari̠gm̠sho vajra̍-shshoda̠sho yade̠te ishta̍ke upa̠dadhaa̍ti jaa̠taagshchai̠va ja̍ni̠shyamaa̍naagshcha̠ bhraatri̍vyaa-npra̠nudya̠ vajra̠manu̠ praha̍rati̠ strityai̠ puree̍shavatee̠-mmaddhya̠ upa̍dadhaati̠ puree̍sha̠m vai maddhya̍maa̠tmana̠-ssaatmaa̍name̠vaagni-nchi̍nute̠ saatmaa̠-'mushmi̍n mlo̠ke bha̍vati̠ ya e̠vam vedai̠taa vaa a̍sapa̠tnaa naameshta̍kaa̠ yasyai̠taa u̍padhee̠yante̠ [u̍padhee̠yante̎, naa-'sya̍] 24
naa-'sya̍ sa̠patno̍ bhavati pa̠shurvaa e̠sha yada̠gnirvi̠raaja̍ utta̠maayaa̠-nchityaa̠mupa̍ dadhaati vi̠raaja̍me̠votta̠maa-mpa̠shushu̍ dadhaati̠ tasmaa̎-tpashu̠maanu̍tta̠maam vaacha̍m vadati̠ dasha̍da̠shopa̍ dadhaati saveerya̠tvaayaa̎-'kshna̠yopa̍ dadhaati̠ tasmaa̍dakshna̠yaa pa̠shavo-'ngaa̍ni̠ praha̍ranti̠ prati̍shthityai̠ yaani̠ vai chhandaagm̍si suva̠rgyaa̎nyaasa̠-ntairde̠vaa-ssu̍va̠rgam lo̠kamaa̍ya̠-ntenarsha̍yo- [-mlo̠kamaa̍ya̠-ntenarsha̍yah, a̠shraa̠mya̠-nte tapo̍-'tapyanta̠] 25
-'shraamya̠-nte tapo̍-'tapyanta̠ taani̠ tapa̍saa-'pashya̠-ntebhya̍ e̠taa ishta̍kaa̠ nira̍mima̠teva̠shchhando̠ vari̍va̠shchhanda̠ iti̠ taa upaa̍dadhata̠ taabhi̠rvai te su̍va̠rgam lo̠kamaa̍ya̠n̠. yade̠taa ishta̍kaa upa̠dadhaa̍ti̠ yaanye̠va chhandaagm̍si suva̠rgyaa̍ni̠ taire̠va yaja̍maana-ssuva̠rgam lo̠kame̍ti ya̠jnena̠ vai pra̠jaapa̍tih pra̠jaa a̍srijata̠ taa-sstoma̍ bhaagaire̠vaa-'sri̍jata̠ ya- [-'sri̍jata̠ yat, stoma̍ bhaagaa upa̠dadhaa̍ti] 26
-thstoma̍ bhaagaa upa̠dadhaa̍ti pra̠jaa e̠va ta-dyaja̍maana-ssrijate̠ briha̠spati̠rvaa e̠ta-dya̠jnasya̠ teja̠-ssama̍bhara̠dya-thstoma̍bhaagaa̠ ya-thstoma̍bhaagaa upa̠dadhaa̍ti̠ sate̍jasame̠vaagni-nchi̍nute̠ briha̠spati̠rvaa e̠taam ya̠jnasya̍ prati̠shthaama̍pashya̠dya-thstoma̍bhaagaa̠ ya-thstoma̍bhaagaa upa̠dadhaa̍ti ya̠jnasya̠ prati̍shthityai sa̠ptasa̠ptopa̍ dadhaati saveerya̠tvaaya̍ ti̠sro maddhye̠ prati̍shthityai ॥ 27 ॥ ( u̠tta̠ra̠to dha̍tte̠ tasmaa̍ - dupadhee̠yanta̠ - risha̍yo - 'srijata̠ yat - tricha̍tvaarigmshachcha) (a. 5)
ra̠shmiritye̠vaa ''di̠tyama̍srijata̠ preti̠riti̠ dharma̠manvi̍ti̠riti̠ divagm̍ sa̠dhimritya̠ntari̍ksha-mprati̠dhiriti̍ prithi̠veem vi̍shta̠mbha iti̠ vrishti̍-mpra̠vetyaha̍ranu̠veti̠ raatri̍mu̠shigiti̠ vasoo̎-nprake̠ta iti̍ ru̠draan-thsu̍dee̠tirityaa̍di̠tyaanoja̠ iti̍ pi̠treegstantu̠riti̍ pra̠jaah pri̍tanaa̠shaaditi̍ pa̠shoo-nre̠vadityo-sha̍dheerabhi̠jida̍si yu̠ktagraa̠ve- [yu̠ktagraa̍vaa, indraa̍ya̠ tvendra̍-nji̠nvetye̠va] 28
-ndraa̍ya̠ tvendra̍-nji̠nvetye̠va da̍kshina̠to vajra̠-mparyau̍hada̠bhiji̍tyai̠ taah pra̠jaa apa̍praanaa asrijata̠ taasvadhi̍patira̠seetye̠va praa̠nama̍dadhaa-dya̠ntetya̍paa̠nagm sa̠gm̠sarpa̠ iti̠ chakshu̍rvayo̠dhaa iti̠ shrotra̠-ntaah pra̠jaah praa̍na̠teera̍paana̠teeh pashya̍ntee-shshrinva̠teerna mi̍thu̠nee a̍bhava̠-ntaasu̍ tri̠vrida̠seetye̠va mi̍thu̠nama̍dadhaa̠-ttaah pra̠jaa mi̍thu̠nee [ ] 29
bhava̍ntee̠rna praajaa̍yanta̠ taa-ssagm̍ro̠ho̍-'si neero̠ho̍-'seetye̠va praa-'ja̍naya̠-ttaah pra̠jaah prajaa̍taa̠ na pratya̍tishtha̠-ntaa va̍su̠ko̍-'si̠ vesha̍shrirasi̠ vasya̍shtira̠seetye̠vaishu lo̠keshu̠ pratya̍sthaapaya̠dyadaaha̍ vasu̠ko̍-'si̠ vesha̍shrirasi̠ vasya̍shtira̠seeti̍ pra̠jaa e̠va prajaa̍taa e̠shu lo̠keshu̠ prati̍shthaapayati̠ saatmaa̠-'ntari̍kshagm rohati̠ sapraa̍no̠-'mushmi̍n mlo̠ke prati̍ tishtha̠tyavya̍rdhukah praanaapaa̠naabhyaa̎-mbhavati̠ ya e̠vam veda̍ ॥ 30 ॥ (yu̠ktagraa̍vaa - pra̠jaa mi̍thu̠nya̍ - ntari̍ksha̠m - dvaada̍sha cha) (a. 6)
naa̠ka̠sadbhi̠rvai de̠vaa-ssu̍va̠rgam lo̠kamaa̍ya̠-ntannaa̍ka̠sadaa̎-nnaakasa̠ttvam yannaa̍ka̠sada̍ upa̠dadhaa̍ti naaka̠sadbhi̍re̠va ta-dyaja̍maana-ssuva̠rgam lo̠kame̍ti suva̠rgo vai lo̠ko naako̠ yasyai̠taa u̍padhee̠yante̠ naasmaa̠ aka̍-mbhavati yajamaanaayata̠nam vai naa̍ka̠sado̠ yannaa̍ka̠sada̍ upa̠dadhaa̎tyaa̠yata̍name̠va ta-dyaja̍maanah kurute pri̠shthaanaa̠m vaa e̠ta-tteja̠-ssambhri̍ta̠m yannaa̍ka̠sado̠ yannaa̍ka̠sada̍ [yannaa̍ka̠sada̍h, u̠pa̠dadhaa̍ti pri̠shthaanaa̍me̠va] 31
upa̠dadhaa̍ti pri̠shthaanaa̍me̠va tejo-'va̍ rundhe pancha̠chodaa̠ upa̍ dadhaatyaphsa̠rasa̍ e̠vaina̍me̠taa bhoo̠taa a̠mushmi̍n mlo̠ka upa̍ she̠re-'tho̍ tanoo̠paanee̍re̠vaitaa yaja̍maanasya̠ ya-ndvi̠shyaa-ttamu̍pa̠dadha̍ddhyaayede̠taabhya̍ e̠vaina̍-nde̠vataa̎bhya̠ aa vri̍shchati taa̠jagaarti̠maarchchha̠tyutta̍raa naaka̠sadbhya̠ upa̍dadhaati̠ yathaa̍ jaa̠yaamaa̠neeya̍ gri̠heshu̍ nishaa̠daya̍ti taa̠drige̠va ta- [taa̠drige̠va tat, pa̠shchaa-tpraachee̍-] 32
-tpa̠shchaa-tpraachee̍-mutta̠maamupa̍ dadhaati̠ tasmaa̎-tpa̠shchaa-tpraachee̠ patnyanvaa̎ste svayamaatri̠nnaa-ncha̍ vika̠rnee-ncho̎tta̠me upa̍ dadhaati praa̠no vai sva̍yamaatri̠nnaa-''yu̍rvika̠rnee praa̠na-nchai̠vaa-''yu̍shcha praa̠naanaa̍mutta̠mau dha̍tte̠ tasmaa̎-tpraa̠nashchaa-''yu̍shcha praa̠naanaa̍mutta̠mau naanyaamutta̍raa̠mishta̍kaa̠mupa̍ daddhyaa̠-dyada̠nyaamutta̍raa̠-mishta̍kaa-mupada̠ddhyaa-tpa̍shoo̠naa- [-mupada̠ddhyaa-tpa̍shoo̠naam, cha̠ yaja̍maanasya cha] 33
-ncha̠ yaja̍maanasya cha praa̠na-nchaa-''yu̠shchaapi̍ daddhyaa̠-ttasmaa̠nnaa-nyotta̠reshta̍kopa̠dheyaa̎ svayamaatri̠nnaamupa̍ dadhaatya̠sau vai sva̍yamaatri̠nnaa- 'moome̠vopa̍ dha̠tte 'shva̠mupa̍ ghraapayati praa̠name̠vaasyaa̎-ndadhaa̠tyatho̎ praajaapa̠tyo vaa ashva̍h pra̠jaapa̍tinai̠vaagni-nchi̍nute svayamaatri̠nnaa bha̍vati praa̠naanaa̠muthsri̍shtyaa̠ atho̍ suva̠rgasya̍ lo̠kasyaa-'nu̍khyaatyaa e̠shaa vai de̠vaanaa̠m vikraa̎mti̠rya-dvi̍ka̠rnee ya-dvi̍ka̠rneemu̍pa̠dadhaa̍ti de̠vaanaa̍me̠va vikraa̎mti̠manu̠ vikra̍mata uttara̠ta upa̍dadhaati̠ tasmaa̍duttara̠ta u̍pachaaro̠-'gni rvaa̍yu̠matee̍ bhavati̠ sami̍ddhyai ॥ 34 ॥ (sambhri̍ta̠m yannaa̍ka̠sado̠ yannaa̍ka̠sada̠ - stat - pa̍shoo̠naa-me̠shaa vai-dvaavigm̍shatishcha) (a. 7)
chhandaa̠g̠syupa̍ dadhaati pa̠shavo̠ vai chhandaagm̍si pa̠shoone̠vaava̍ rundhe̠ chhandaagm̍si̠ vai de̠vaanaa̎m vaa̠ma-mpa̠shavo̍ vaa̠mame̠va pa̠shoonava̍ rundha e̠taagm ha̠ vai ya̠jnase̍na-shchaitriyaaya̠na-shchiti̍m vi̠daa-ncha̍kaara̠ tayaa̠ vai sa pa̠shoonavaa̍rundha̠ yade̠taamu̍pa̠dadhaa̍ti pa̠shoone̠vaava̍ rundhe gaaya̠treeh pu̠rastaa̠dupa̍ dadhaati̠ tejo̠ vai gaa̍ya̠tree teja̍ e̠va [teja̍ e̠va, mu̠kha̠to dha̍tte] 35
mu̍kha̠to dha̍tte moordha̠nvatee̎rbhavanti moo̠rdhaana̍me̠vainagm̍ samaa̠naanaa̎-nkaroti tri̠shtubha̠ upa̍ dadhaateendri̠yam vai tri̠shtugi̍ndri̠yame̠va ma̍ddhya̠to dha̍tte̠ jaga̍tee̠rupa̍ dadhaati̠ jaaga̍taa̠ vai pa̠shava̍h pa̠shoone̠vaava̍ rundhe 'nu̠shtubha̠ upa̍ dadhaati praa̠naa vaa a̍nu̠shtup praa̠naanaa̠muthsri̍shtyai briha̠teeru̠shnihaa̎h pa̠nkteera̠kshara̍panktee̠riti̠ vishu̍roopaani̠ chhandaa̠g̠syupa̍ dadhaati̠ vishu̍roopaa̠ vai pa̠shava̍h pa̠shava̠- [pa̠shava̍h pa̠shava̍h, chhandaagm̍si̠ vishu̍roopaane̠va] 36
-shchhandaagm̍si̠ vishu̍roopaane̠va pa̠shoonava̍ rundhe̠ vishu̍roopamasya gri̠he dri̍shyate̠ yasyai̠taa u̍padhee̠yante̠ ya u̍ chainaa e̠vam vedaa-'ti̍chchhandasa̠mupa̍ dadhaa̠tyati̍chchhandaa̠ vai sarvaa̍ni̠ chhandaagm̍si̠ sarve̍bhire̠vaina̠-nchhando̍bhishchinute̠ varshma̠ vaa e̠shaa chhanda̍saa̠m yadati̍chchhandaa̠ yadati̍chchhandasa-mupa̠dadhaa̍ti̠ varshmai̠vainagm̍ samaa̠naanaa̎-nkaroti dvi̠padaa̠ upa̍ dadhaati dvi̠paa-dyaja̍maana̠h prati̍shthityai ॥ 37 ॥ (teja̍ e̠va - pa̠shava̍h pa̠shavo̠ - yaja̍maana̠ - eka̍ncha) (a. 8)
sarvaa̎bhyo̠ vai de̠vataa̎bhyo̠-'gnishchee̍yate̠ ya-thsa̠yujo̠ nopa̍da̠ddhyaa-dde̠vataa̍ asyaa̠gnim vri̍njeera̠n̠. ya-thsa̠yuja̍ upa̠dadhaa̎tyaa̠tmanai̠vainagm̍ sa̠yuja̍-nchinute̠ naagninaa̠ vyri̍ddhya̠te-'tho̠ yathaa̠ puru̍sha̠-ssnaava̍bhi̠-ssanta̍ta e̠vame̠vaitaabhi̍ra̠gni-ssanta̍to̠ 'gninaa̠ vai de̠vaa-ssu̍va̠rgam lo̠kamaa̍ya̠-ntaa a̠mooh kritti̍kaa abhava̠n̠ yasyai̠taa u̍pa dhee̠yante̍ suva̠rgame̠va [ ] 38
lo̠kame̍ti̠ gachchha̍ti prakaa̠sha-nchi̠trame̠va bha̍vati mandaleshta̠kaa upa̍ dadhaatee̠me vai lo̠kaa ma̍ndaleshta̠kaa i̠me khalu̠ vai lo̠kaa de̍vapu̠raa de̍vapu̠raa e̠va pravi̍shati̠ naa-''rti̠maarchchha̍tya̠gni-nchi̍kyaa̠no vi̠shvajyo̍tisha̠ upa̍ dadhaatee̠maane̠vaitaabhi-̍rlo̠kaan jyoti̍shmatah kuru̠te-'tho̎ praa̠naane̠vaitaa yaja̍maanasya daaddhratye̠taa vai de̠vataa̎-ssuva̠rgyaa̎staa e̠vaa- -nvaa̠rabhya̍ suva̠rgam lo̠kame̍ti ॥ 39 ॥ (su̠va̠rgame̠va - taa e̠va - cha̠tvaari̍ cha) (a. 9)
vri̠shti̠sanee̠rupa̍ dadhaati̠ vrishti̍me̠vaava̍ rundhe̠ yade̍ka̠dhopa̍da̠ddhyaadeka̍mri̠tum va̍rshedanupari̠haaragm̍ saadayati̠ tasmaa̠-thsarvaa̍nri̠toon. va̍rshati purovaata̠sani̍-ra̠seetyaa̍hai̠tadvai vrishtyai̍ roo̠pagm roo̠penai̠va vrishti̠mava̍ rundhe sa̠myaanee̍bhi̠rvai de̠vaa i̠maan mlo̠kaan-thsama̍yu̠sta-thsa̠myaanee̍naagm samyaani̠tvam ya-thsa̠myaanee̍rupa̠dadhaa̍ti̠ yathaa̠-'phsu naa̠vaa sa̠myaatye̠va- [sa̠myaatye̠vam, e̠vaitaabhi̠] 40
-me̠vaitaabhi̠ ryaja̍maana i̠maan mlo̠kaan-thsam yaa̍ti pla̠vo vaa e̠sho̎-'gnerya-thsa̠myaanee̠rya-thsa̠myaanee̍rupa̠dadhaa̍ti pla̠vame̠vaitama̠gnaya̠ upa̍dadhaatyu̠ta yasyai̠taasoopa̍hitaa̠svaapo̠-'gnigm hara̠ntyahri̍ta e̠vaasyaa̠-gniraa̍dityeshta̠kaa upa̍ dadhaatyaadi̠tyaa vaa e̠ta-mbhootyai̠ prati̍nudante̠ yo-'la̠-mbhootyai̠ sa-nbhooti̠-nna praa̠pnotyaa̍di̠tyaa [praa̠pnotyaa̍di̠tyaah, e̠vaina̠-mbhooti̍-] 41
e̠vaina̠-mbhooti̍-ngamayantya̠sau vaa e̠tasyaa̍-''di̠tyo rucha̠maa da̍tte̠ yo̎-'gni-nchi̠tvaa na rocha̍te̠ yadaa̍dityeshta̠kaa u̍pa̠dadhaa̎tya̠saave̠-vaasmi̍nnaadi̠tyo rucha̍-ndadhaati̠ yathaa̠-'sau de̠vaanaa̠gm̠ rocha̍ta e̠vame̠vaisha ma̍nu̠shyaa̍naagm rochate ghriteshta̠kaa upa̍ dadhaatye̠tadvaa a̠gneh pri̠ya-ndhaama̠ ya-dghri̠ta-mpri̠yenai̠vaina̠-ndhaamnaa̠ sama̍rdhaya̠- [sama̍rdhayati, atho̠] 42
-tyatho̠ teja̍saa 'nupari̠haaragm̍ saadaya̠-tyapa̍rivarga-me̠vaasmi̠-ntejo̍ dadhaati pra̠jaapa̍tira̠gnima̍chinuta̠ sa yasha̍saa̠ vyaa̎rdhyata̠ sa e̠taa ya̍sho̠daa a̍pashya̠-ttaa upaa̍dhatta̠ taabhi̠rvai sa yasha̍ aa̠tmanna̍dhatta̠ yadya̍sho̠daa u̍pa̠dadhaa̍ti̠ yasha̍ e̠va taabhi̠ryaja̍maana aa̠tma-ndha̍tte̠ panchopa̍ dadhaati̠ paankta̠h puru̍sho̠ yaavaa̍ne̠va puru̍sha̠stasmi̠n̠ yasho̍ dadhaati ॥ 43 ॥ (e̠vam - praa̠protyaa̍di̠tyaa - a̍rdhaya̠tye - kaa̠nna pa̍nchaa̠shachcha̍) (a. 10)
de̠vaa̠su̠raa-ssamya̍ttaa aasa̠n kanee̍yaagmso de̠vaa aasa̠-nbhooyaa̠gm̠so-'su̍raa̠ste de̠vaa e̠taa ishta̍kaa apashya̠-ntaa upaa̍dadhata bhooya̠skrida̠seetye̠va bhooyaagm̍so-'bhava̠n vana̠spati̍bhi̠-rosha̍dheebhi-rvariva̠skrida̠seetee̠-maama̍jaya̠-npraachya̠seeti̠ praachee̠-ndisha̍majayannoo̠rdhvaa 'seetya̠mooma̍jaya-nnantariksha̠sada̍sya̠ntari̍kshe see̠detya̠-ntari̍kshamajaya̠-ntato̍ de̠vaa abha̍va̠- [de̠vaa abha̍vann, paraa-'su̍raa̠] 44
-nparaa-'su̍raa̠ yasyai̠taa u̍padhee̠yante̠ bhooyaa̍ne̠va bha̍vatya̠bheemaan mlo̠kaan ja̍yati̠ bhava̍tyaa̠tmanaa̠ paraa̎-'sya̠ bhraatri̍vyo bhavatyaphsu̠shada̍si shyena̠sada̠seetyaa̍hai̠tadvaa a̠gne roo̠pagm roo̠penai̠vaagnimava̍ rundhe prithi̠vyaastvaa̠ dravi̍ne saadayaa̠mee-tyaa̍he̠maane̠vaitaabhi̍-rlo̠kaa-ndravi̍naavatah kuruta aayu̠shyaa̍ upa̍ dadhaa̠tyaayu̍re̠vaa- [upa̍ dadhaa̠tyaayu̍re̠va, a̠smi̠-nda̠dhaa̠tyagne̠] 45
-'smi̍-ndadhaa̠tyagne̠ yatte̠ para̠gm̠ hrinnaametyaa̍hai̠tadvaa a̠gneh pri̠ya-ndhaama̍ pri̠yame̠vaasya̠ dhaamopaa̎-''pnoti̠ taavehi̠ sagm ra̍bhaavahaa̠ ityaa̍ha̠ vye̍vaine̍na̠ pari̍ dhatte̠ paancha̍janye̠shvapye̎ddhyagna̠ ityaa̍hai̠sha vaa a̠gnih paancha̍janyo̠ yah pancha̍chiteeka̠-stasmaa̍de̠vamaa̍harta̠vyaa̍ upa̍ dadhaatye̠tadvaa ri̍too̠naa-mpri̠ya-ndhaama̠ yadri̍ta̠vyaa̍ ritoo̠naame̠va pri̠ya-ndhaamaava̍ rundhe su̠meka̠ ityaa̍ha samvathsa̠ro vai su̠meka̍-ssamvathsa̠rasyai̠va pri̠ya-ndhaamopaa̎-''pnoti ॥ 46 ॥ (abha̍va̠ - nnaayu̍re̠va - rta̠vyaa̍ upa̠ - shadvigm̍shatishcha) (a. 11)
pra̠jaapa̍te̠rakshya̍shvaya̠-tta-tparaa̍-'pata̠-ttadashvo̍-'bhava̠-dyadashva̍ya̠-ttadashva̍syaashva̠tva-ntadde̠vaa a̍shvame̠dhenai̠va pratya̍dadhure̠sha vai pra̠jaapa̍ti̠gm̠ sarva̍-nkaroti̠ yo̎-'shvame̠dhena̠ yaja̍te̠ sarva̍ e̠va bha̍vati̠ sarva̍sya̠ vaa e̠shaa praaya̍shchitti̠-ssarva̍sya bhesha̠jagm sarva̠m vaa e̠tena̍ paa̠pmaana̍-nde̠vaa a̍tara̠nnapi̠ vaa e̠tena̍ brahmaha̠tyaa-ma̍tara̠n-thsarva̍-mpaa̠pmaana̍- [-ma̍tara̠n-thsarva̍-mpaa̠pmaana̎m, ta̠ra̠ti̠ tara̍ti] 47
-ntarati̠ tara̍ti brahmaha̠tyaam yo̎-'shvame̠dhena̠ yaja̍te̠ ya u̍ chainame̠vam vedotta̍ra̠m vai ta-tpra̠jaapa̍te̠rakshya̍shvaya̠-ttasmaa̠dashva̍syottara̠to-'va̍ dyanti dakshina̠to̎-'nyeshaa̎-mpashoo̠naam vai̍ta̠sah kato̍ bhavatya̠phsuyo̍ni̠rvaa ashvo̎-'phsu̠jo ve̍ta̠sa-ssva e̠vaina̠m yonau̠ prati̍shthaapayati chatushto̠ma-sstomo̍ bhavati sa̠raddha̠ vaa ashva̍sya̠ sakthyaa-'vri̍ha̠-tta-dde̠vaashcha̍tushto̠menai̠va pratya̍dadhu̠ryachcha̍tushto̠ma-sstomo̠ bhava̠tyashva̍sya sarva̠tvaaya̍ ॥ 48 ॥ (sarva̍ma paa̠pmaana̍ - mavriha̠-d- dvaada̍sha cha) (a. 12)
(u̠thsa̠nna̠ya̠jna - indraa̎gnee - de̠vaa vaa a̍kshnayaasto̠meeyaa̍ - a̠gnerbhaa̠go̎ - 'syagne̍ jaa̠taan - ra̠shmiriti̍ - naaka̠sadbhi̠h -chhandaagm̍si̠ - sarvaa̎bhyo - vrishti̠sanee̎ - rdevaasu̠raah kanee̍yaagmsah - pra̠jaapa̍te̠rakshi̠ - dvaada̍sha )
(u̠thsa̠nna̠ya̠jno - de̠vaa vai - yasya̠ mukhya̍vatee - rnaaka̠sadbhi̍re̠ - vai taabhi̍ra̠ - shtaacha̍tvaarigmshat)
(u̠thsa̠nna̠ya̠jna, ssa̍rva̠tvaaya̍)
॥ hari̍h om ॥
॥ krishna yajurvedeeya taittireeya samhitaayaa-mpanchamakaande triteeyah prashna-ssamaaptah ॥
5.3 - उथ्सन्नयज्ञ्नो वा एष यदग्निः - कृष्ण यजुर्वेद तैत्तिरीय संहिता पाठः के बारे में
This is prashna 3 of kanda 5 of the Krishna Yajurveda Taittiriya Samhita, in plain continuous recitation (samhita patha). Its heading calls it "chitinam nirupanam", an account of the layers (chitis) of the fire altar. It opens "Utsannayajno va esha yad agnih", "the fire altar is a sacrifice that runs short", and explains that the Ashvini bricks are laid because the Ashvins, physicians of the gods, heal what is lacking in the rite.
स्रोत: Krishna Yajurveda, Taittiriya Samhita 5.3
कब पढ़ें: In daily Vedic recitation, in Veda patashalas and in Yajur Veda study.
क्या आप जानते हैं?
- The fire altar is built in five layers (chitis) of bricks, often in the shape of a bird.
- Samhita patha is the continuous form of the text, the base from which the pada, krama, jata and ghana recitations are built.
अक्सर पूछे जाने वाले प्रश्न
Why are the Ashvini bricks laid?
Because the Ashvins, physicians of the gods, heal what is lacking in the rite.
What is samhita patha?
The plain, continuous recitation of the Vedic text.
Which part of the Taittiriya Samhita is this?
Kanda 5, prashna 3.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ