MuhurtaNow

नक्षत्र सूक्तम् (नक्षत्रेष्टि)

Vedic · पारंपरिक भक्ति पाठ

taittireeya braahmana - ashtakam 3, prashnah 1, taittireeya samhitaa - kaanda 3, prapaathakah 5, anuvaakam 1

nakshatram - krittikaa, devataa - agnih om a̠gnirna̍h paatu̠ kritti̍kaah । naksha̍tra-nde̠vami̍ndri̠yam । i̠damaa̍saam vichaksha̠nam । ha̠viraa̠sa-nju̍hotana । yasya̠ bhaanti̍ ra̠shmayo̠ yasya̍ ke̠tava̍h । yasye̠maa vishvaa̠ bhuva̍naani̠ sarvaa̎ । sa kritti̍kaabhi-ra̠bhisa̠mvasaa̍nah । a̠gnirno̍ de̠vassu̍vi̠te da̍dhaatu ॥ 1

nakshatram - rohinee, devataa - prajaapatih pra̠jaapa̍te rohi̠neeve̍tu̠ patnee̎ । vi̠shvaroo̍paa briha̠tee chi̠trabhaa̍nuh । saa no̍ ya̠jnasya̍ suvi̠te da̍dhaatu । yathaa̠ jeeve̍ma sha̠rada̠ssavee̍raah । ro̠hi̠nee de̠vyuda̍gaatpu̠rastaa̎t । vishvaa̍ roo̠paani̍ prati̠moda̍maanaa । pra̠jaapa̍tigm ha̠vishaa̍ va̠rdhaya̍ntee । pri̠yaa de̠vaanaa̠-mupa̍yaatu ya̠jnam ॥ 2

nakshatram - mrigasheershah, devataa - somah somo̠ raajaa̍ mrigashee̠r̠shena̠ aagann̍ । shi̠va-nnaksha̍tra-mpri̠yama̍sya̠ dhaama̍ । aa̠pyaaya̍maano bahu̠dhaa jane̍shu । reta̍h pra̠jaam yaja̍maane dadhaatu । yatte̠ naksha̍tra-mmrigashee̠r̠shamasti̍ । pri̠yagm raa̍ja-npri̠yata̍ma-mpri̠yaanaa̎m । tasmai̍ te soma ha̠vishaa̍ vidhema । shanna̍ edhi dvi̠pade̠ shanchatu̍shpade ॥ 3

nakshatram - aardraa, devataa - rudrah aa̠rdrayaa̍ ru̠drah pratha̍maa na eti । shreshtho̍ de̠vaanaa̠-mpati̍raghni̠yaanaa̎m । naksha̍tramasya ha̠vishaa̍ vidhema । maa na̍h pra̠jaagm ree̍risha̠nmota vee̠raan । he̠tee ru̠drasya̠ pari̍no vrinaktu । aa̠rdraa naksha̍tra-njushataagm ha̠virna̍h । pra̠mu̠nchamaa̍nau duri̠taani̠ vishvaa̎ । apaa̠ghashagm̍ sannu-dataa̠maraa̍tim ॥ 4

nakshatram - punarvasu, devataa - aditih puna̍rno de̠vyadi̍ti-sprinotu । puna̍rvasoo na̠h puna̠retaa̎m ya̠jnam । puna̍rno de̠vaa a̠bhiya̍ntu̠ sarve̎ । puna̍h punarvo ha̠vishaa̍ yajaamah । e̠vaa na de̠vya-di̍tirana̠rvaa । vishva̍sya bha̠rtree jaga̍tah prati̠shthaa । puna̍rvasoo ha̠vishaa̍ va̠rdhaya̍ntee । pri̠ya-nde̠vaanaa̠-mapye̍tu̠ paatha̍h ॥ 5

nakshatram - pushyah, devataa - brihaspatih briha̠spati̍h pratha̠manjaaya̍maanah । ti̠shya̍-nnaksha̍trama̠bhi samba̍bhoova । shreshtho̍ de̠vaanaa̠-mprita̍naasu ji̠shnuh । di̠sho-'nu̠ sarvaa̠ abha̍yanno astu । ti̠shya̍h pu̠rastaa̍du̠ta ma̍dhya̠to na̍h । briha̠spati̍rna̠h pari̍paatu pa̠shchaat । baadhe̍ taa̠ndvesho̠ abha̍ya-nkrinutaam । su̠veerya̍sya̠ pata̍yasyaama ॥ 6

nakshatram -aashresham, devataa - sarpaah i̠dagm sa̠rpebhyo̍ ha̠vira̍stu̠ jushta̎m । aa̠shre̠shaa yeshaa̍manu̠yanti̠ cheta̍h । ye a̠ntari̍ksha-mprithi̠veem-kshi̠yanti̍ । tena̍ ssa̠rpaaso̠ hava̠maaga̍mishthaah । ye ro̍cha̠ne soorya̠syaapi̍ sa̠rpaah । ye diva̍-nde̠vee-manu̍sa̠nchara̍nti । yeshaa̍maashre̠shaa a̍nu̠yanti̠ kaama̎m । tebhya̍-ssa̠rpebhyo̠ madhu̍-majjuhomi ॥ 7

nakshatram - maghaa, devataa - pitarah upa̍hootaah pi̠taro̠ ye ma̠ghaasu̍ । mano̍javasa-ssu̠krita̍-ssukri̠tyaah । te no̠ naksha̍tre̠ hava̠maaga̍mishthaah । sva̠dhaabhi̍rya̠jna-mpraya̍ta-njushantaam । ye a̍gnida̠gdhaa ye-'na̍gni-dagdhaah । ye̍-'mullo̠ka-mpi̠tara̍h, kshi̠yanti̍ । yaagshcha̍ vi̠dmayaagm u̍ cha̠ na pra̍vi̠dma । ma̠ghaasu̍ ya̠jnagm sukri̍ta-njushantaam ॥ 8

nakshatram - poorvaphalgunee, devataa - aryamaa gavaa̠-mpati̠h phalgu̍nee-naamasi̠ tvam । tada̍ryamanvaruna mitra̠ chaaru̍ । ta-ntvaa̍ va̠yagm sa̍ni̠taaragm̍ sanee̠naam । jee̠vaa jeeva̍nta̠mupa̠ samvi̍shema । yene̠maa vishvaa̠ bhuva̍naani̠ sanji̍taa । yasya̍ de̠vaa a̍nusa̠myanti̠ cheta̍h । a̠rya̠maa raajaa̠-'jara̠stu vi̍shmaan । phalgu̍neenaa-mrisha̠bho ro̍raveeti ॥ 9

nakshatram - uttara phalgunee, devataa - bhagah shreshtho̍ de̠vaanaa̎-mbhagavo bhagaasi । tattvaa̍ vidu̠h phalgu̍nee̠-stasya̍ vittaat । a̠smabhya̍m-ksha̠trama̠jaragm̍ su̠veerya̎m । goma̠dashva̍-va̠dupa̠sannu̍-de̠ha । bhago̍ha daa̠taa bhaga̠ itpra̍daa̠taa । bhago̍ de̠veeh phalgu̍nee̠-raavi̍vesha । bhaga̠syetta-mpra̍sa̠va-nga̍mema । yatra̍ de̠vai-ssa̍dha̠maada̍-mmadema ॥ 10

nakshatram - hastah, devataa - savitaa aayaa̍tu de̠va-ssa̍vi̠to pa̍yaatu । hi̠ra̠nyaye̍na su̠vritaa̠ rathe̍na । vaha̠na̠, hastagm̍ su̠bhaga̍m vidma̠naapa̍sam । pra̠yachchha̍nta̠-mpapu̍ri̠-mpunya̠machchha̍ । hasta̠h praya̍chchha tva̠mrita̠m vasee̍yah । dakshi̍nena̠ prati̍gribhneema enat । daa̠taara̍-ma̠dya sa̍vi̠taa vi̍deya । yo no̠ hastaa̍ya prasu̠vaati̍ ya̠jnam ॥ 11

nakshatram - chitraa, devataa - tvashtaa tvashtaa̠ naksha̍tra-ma̠bhye̍ti chi̠traam । su̠bhagm sa̍samyuva̠tigm rocha̍maanaam । ni̠ve̠shaya̍-nna̠mritaa̠-nmartyaag̍shcha । roo̠paani̍ pi̠gm̠sha-nbhuva̍naani̠ vishvaa̎ । tanna̠stvashtaa̠ tadu̍ chi̠traa vicha̍shtaam । tannaksha̍tra-mbhoori̠daa a̍stu̠ mahya̎m । tanna̍h pra̠jaam vee̠rava̍teegm sanotu । gobhi̍rno̠ ashvai̠-ssama̍naktu ya̠jnam ॥ 12

nakshatram - svaatee, devataa - vaayuh vaa̠yu-rnaksha̍tra-ma̠bhye̍ti̠ nishtyaa̎m । ti̠gmashri̍ngo vrisha̠bho roru̍vaanah । sa̠mee̠raya̠-nbhuva̍naa maata̠rishvaa̎ । apa̠ dveshaagm̍si nudataa̠maraa̍teeh । tanno̍ vaa̠yastadu̠ nishtyaa̍ shrinotu । tannaksha̍tra-mbhoori̠daa a̍stu̠ mahya̎m । tanno̍ de̠vaaso̠ anu̍ jaanantu̠ kaama̎m । yathaa̠ tare̍ma duri̠taani̠ vishvaa̎ ॥ 13

nakshatram - vishaakhaa, devataa - indraagnee doo̠rama̠smachchhatra̍vo yantu bhee̠taah । tadi̍ndraa̠gnee kri̍nutaa̠-ntadvishaa̍khe । tanno̍ de̠vaa anu̍madantu ya̠jnam । pa̠shchaa-tpu̠rastaa̠-dabha̍yanno astu । naksha̍traanaa̠-madhi̍patnee̠ vishaa̍khe । shreshthaa̍-vindraa̠gnee bhuva̍nasya go̠pau । vishoo̍cha̠-shshatroo̍napa̠baadha̍maanau । apa̠kshudha̍-nnudataa̠maraa̍tim ॥ 14

paurnamaasi poo̠rnaa pa̠shchaadu̠ta poo̠rnaa pu̠rastaa̎t । unma̍dhya̠tah pau̎rnamaa̠see ji̍gaaya । tasyaa̎-nde̠vaa adhi̍ sa̠m vasa̍ntah । u̠tta̠me naaka̍ i̠ha maa̍dayantaam । pri̠thvee su̠varchaa̍ yuva̠ti-ssa̠joshaa̎h । pau̠rna̠maa̠syuda̍gaa̠-chchhobha̍maanaa । aa̠pyaa̠yaya̍ntee duri̠taani̠ vishvaa̎ । u̠ru-nduhaa̠m yaja̍maanaaya ya̠jnam ॥ 15

nakshatram - anooraadhaa, devataa - mitrah ri̠ddhyaasma̍ ha̠vyai-rnama̍sopa̠-sadya̍ । mi̠tra-nde̠va-mmi̍tra̠dheya̍nno astu । a̠noo̠raa̠dhaan, ha̠vishaa̍ va̠rdhaya̍ntah । sha̠ta-njee̍vema sha̠rada̠-ssavee̍raah । chi̠tram-naksha̍tra̠-muda̍gaa-tpu̠rastaa̎t । a̠noo̠raa̠dhaa sa̠ iti̠ yadvada̍nti । tanmi̠tra e̍ti pa̠thibhi̍-rdeva̠yaanai̎h । hi̠ra̠nyayai̠-rvita̍tai-ra̠ntari̍kshe ॥ 16

nakshatram - jyeshthaa, devataa - indrah indro̎ jye̠shthaa manu̠ naksha̍trameti । yasmi̍n vri̠tram vri̍tra̠ toorye̍ ta̠taara̍ । tasmi̍nva̠ya-ma̠mrita̠-nduhaa̍naah । kshudha̍ntarema̠ duri̍ti̠-nduri̍shtim । pu̠ra̠nda̠raaya̍ vrisha̠bhaaya̍ dhri̠shnave̎ । ashaa̍dhaaya̠ saha̍maanaaya mee̠dhushe̎ । indraa̍ya jye̠shthaa madhu̍ma̠dduhaa̍naa । u̠ru-nkri̍notu̠ yaja̍maanaaya lo̠kam ॥ 17

nakshatram - moolam, devataa - prajaapatih moola̍-mpra̠jaam vee̠rava̍teem videya । paraa̎chyetu̠ nir-ri̍tih paraa̠chaa । gobhi̠-rnaksha̍tra-mpa̠shubhi̠-ssama̍ktam । aha̍-rbhooyaa̠-dyaja̍maanaaya̠ mahya̎m । aha̍rno a̠dya su̍vi̠te da̍dhaatu । moola̠-nnaksha̍tra̠miti̠ yadvada̍nti । paraa̍cheem vaa̠chaa nir-ri̍ti-nnudaami । shi̠va-mpra̠jaayai̍ shi̠vama̍stu̠ mahya̎m ॥ 18

nakshatram - poorvaashaadhaa, devataa - aapah yaa di̠vyaa aapa̠h paya̍saa sambabhoo̠vuh । yaa a̠ntari̍ksha u̠ta paarthi̍vee̠ryaah । yaasaa̍mashaa̠dhaa a̍nu̠yanti̠ kaama̎m । taa na̠ aapa̠-shshagg syo̠naa bha̍vantu । yaashcha̠ koopyaa̠ yaashcha̍ naa̠dyaa̎-ssamu̠driyaa̎h । yaashcha̍ vaisha̠nteeru̠ta praa̍sa̠cheeryaah । yaasaa̍mashaa̠dhaa madhu̍ bha̠kshaya̍nti । taa na̠ aapa̠-shshagg syo̠naa bha̍vantu ॥ 19

nakshatram - uttaraashaadhaa, devataa - vishvedevah tanno̠ vishve̠ upa̍ shrinvantu de̠vaah । tada̍shaa̠dhaa a̠bhisamya̍ntu ya̠jnam । tannaksha̍tra-mprathataa-mpa̠shubhya̍h । kri̠shi-rvri̠shti-ryaja̍maanaaya kalpataam । shu̠bhraah ka̠nyaa̍ yuva̠taya̍-ssu̠pesha̍sah । ka̠rma̠krita̍-ssu̠krito̍ vee̠ryaa̍vateeh । vishvaa̎-nde̠vaan, ha̠vishaa̍ va̠rdhaya̍nteeh । a̠shaa̠dhaah kaama̠ mupa̍yaantu ya̠jnam ॥ 20

nakshatram - abhijit, devataa - brahmaa yasmi̠-nbrahmaa̠bhyaja̍ya̠-thsarva̍me̠tat । a̠muncha̍ lo̠ka mi̠damoo̍cha̠ sarva̎m । tanno̠ naksha̍tra-mabhi̠ji-dvi̠jitya̍ । shriya̍-ndadhaa̠tva-hri̍neeyamaanam । u̠bhau lo̠kau brahma̍naa̠ sanji̍te̠mau । tanno̠ naksha̍tra-mabhi̠ji-dvicha̍shtaam । tasmi̍n va̠ya-mprita̍naa̠ ssanja̍yema । tanno̍ de̠vaaso̠ anu̍jaanantu̠ kaama̎m ॥ 21

nakshatram - shravanam, devataa - vishnuh shri̠nvanti̍ shro̠naa-ma̠mrita̍sya go̠paam । punyaa̍masyaa̠ upa̍shrinomi̠ vaacha̎m । ma̠hee-nde̠veem vishnu̍patnee majoo̠ryaam । pra̠teechee̍ menaagm ha̠vishaa̍ yajaamah । tre̠dhaa vishnu̍-rurugaa̠yo vicha̍krame । ma̠hee-ndiva̍-mprithi̠vee-ma̠ntari̍ksham । tachchhro̠naiti̠ shrava̍-i̠chchhamaa̍naa । punya̠gg̠ shloka̠m yaja̍maanaaya krinva̠tee ॥ 22

nakshatram - shravishtaa, devataa - vasavah a̠shtau de̠vaa vasa̍vasso̠myaasa̍h । chata̍sro de̠vee ra̠jaraa̠-shshravi̍shthaah । te ya̠jna-mpaa̎mtu̠ raja̍sah pa̠rastaa̎t । sa̠mva̠thsa̠reena̍-ma̠mritagg̍ sva̠sti । ya̠jna-nna̍h paantu̠ vasa̍vah pu̠rastaa̎t । da̠kshi̠na̠to̍-'bhiya̍ntu̠ shravi̍shthaah । punya̠nnaksha̍trama̠bhi samvi̍shaama । maa no̠ araa̍ti-ra̠ghasha̠gm̠ saagann̍ ॥ 23

nakshatram - shatabhishak, devataa - varunah ksha̠trasya̠ raajaa̠ varu̍no-'dhiraa̠jah । naksha̍traanaagm sha̠tabhi̍sha̠g vasi̍shthah । tau de̠vebhya̍h krinuto dee̠rghamaaya̍h । sha̠tagm sa̠hasraa̍ bhesha̠jaani̍ dhattah । ya̠jnanno̠ raajaa̠ varu̍na̠ upa̍yaatu । tanno̠ vishve̍ a̠bhisamya̍ntu de̠vaah । tanno̠ naksha̍tragm sha̠tabhi̍shag jushaa̠nam । dee̠rghamaayu̠h prati̍ra-dbhesha̠jaani̍ ॥ 24

nakshatram - poorvaproshthapadaa, devataa - ajayekapaadah a̠ja eka̍paa̠- duda̍gaa-tpu̠rastaa̎t । vishvaa̍ bhoo̠taani̍ prati̠ moda̍maanah । tasya̍ de̠vaah pra̍sa̠vam ya̍nti̠ sarve̎ । pro̠shtha̠pa̠daaso̍ a̠mrita̍sya go̠paah । vi̠bhraaja̍maana-ssamidhaa̠na u̠grah । aa-'ntari̍ksha-maruha̠da-dga̠ndyaam । tagm soorya̍-nde̠va-ma̠jameka̍paadam । pro̠shtha̠pa̠daaso̠ anu̍yanti̠ sarve̎ ॥ 25

nakshatram - uttaraproshthapadaa, devataa - ahirbuddhniyah ahi̍-rbu̠ddhniya̠h pratha̍maana eti । shreshtho̍ de̠vaanaa̍mu̠ta maanu̍shaanaam । ta-mbraa̎hma̠naa-sso̍ma̠paa-sso̠myaasa̍h । pro̠shtha̠pa̠daaso̍ a̠bhira̍kshanti̠ sarve̎ । cha̠tvaara̠ eka̍ma̠bhi karma̍ de̠vaah । pro̠shtha̠pa̠daasa̠ iti̠ yaan, vada̍nti । te bu̠ddhaniya̍-mpari̠shadyagg̍ stu̠vanta̍h । ahigm̍ rakshanti̠ nama̍sopa̠ sadya̍ ॥ 26

nakshatram - revatee, devataa - pooshaa poo̠shaa re̠vatyanve̍ti̠ panthaa̎m । pu̠shti̠patee̍ pashu̠paa vaaja̍bastyau । i̠maani̍ ha̠vyaa praya̍taa jushaa̠naa । su̠gairno̠ yaanai̠rupa̍yaataam ya̠jnam । kshu̠draa-npa̠shoo-nra̍kshatu re̠vatee̍ nah । gaavo̍ no̠ ashvaa̠gm̠ anve̍tu poo̠shaa । anna̠gm̠ raksha̍ntau bahu̠dhaa viroo̍pam । vaajagm̍ sanutaa̠m yaja̍maanaaya ya̠jnam ॥ 27

nakshatram - ashvinee, devataa - ashvinee deva tada̠shvinaa̍-vashva̠yujo-pa̍yaataam । shubha̠ngami̍shthau su̠yame̍bhi̠rashvai̎h । svannaksha̍tragm ha̠vishaa̠ yaja̍ntau । maddhvaa̠-sampri̍ktau̠ yaju̍shaa̠ sama̍ktau । yau de̠vaanaa̎-mbhi̠shajau̍ havyavaa̠hau । vishva̍sya doo̠taa-va̠mrita̍sya go̠pau । tau naksha̍tram-jujushaa̠no-pa̍yaataam । namo̠-'shvibhyaa̎-nkrinumo-'shva̠gyubhyaa̎m ॥ 28

nakshatram - apabharanee, devataa - yamah apa̍ paa̠pmaana̠-mbhara̍nee-rbharantu । tadya̠mo raajaa̠ bhaga̍vaa̠n̠, vicha̍shtaam । lo̠kasya̠ raajaa̍ maha̠to ma̠haan, hi । su̠ganna̠h panthaa̠mabha̍ya-nkrinotu । yasmi̠-nnaksha̍tre ya̠ma eti̠ raajaa̎ । yasmi̍nnena-ma̠bhyashi̍nchanta de̠vaah । tada̍sya chi̠tragm ha̠vishaa̍ yajaama । apa̍ paa̠pmaana̠-mbhara̍nee-rbharantu ॥ 29

amaavaasi ni̠vesha̍nee sa̠ngama̍nee̠ vasoo̍naa̠m vishvaa̍ roo̠paani̠ vasoo̎nyaa-ve̠shaya̍ntee । sa̠ha̠sra̠-po̠shagm su̠bhagaa̠ raraa̍naa̠ saa na̠ aaga̠n varcha̍saa samvidaa̠naa । yatte̍ de̠vaa ada̍dhu-rbhaaga̠dheya̠-mamaa̍vaasye sa̠mvasa̍nto mahi̠tvaa । saa no̍ ya̠jna-mpi̍prihi vishvavaare ra̠yinno̍ dhehi subhage su̠veera̎m ॥ 30

om shaanti̠-shshaanti̠-shshaanti̍h ॥

31-40: Optional for Additional chhanting

chandramaa navo̍ navo bhavati̠ jaaya̍maa̠no-'hnaa̎-nke̠tu-ru̠shasaa̍ me̠tyagre̎ । bhaa̠ga-nde̠vebhyo̠ vida̍dhaatyaa̠ya-npracha̠ndramaa̎stiriti dee̠rghamaayu̍h ॥ yamaa̍di̠tyaa a̠gm̠shumaa̎pyaa̠yaya̍nti̠ yamakshi̍ta̠-makshi̍taya̠h piba̍nti । tena̍ no̠ raajaa̠ varu̍no̠ briha̠spati̠ raapyaa̍yayantu̠ bhuva̍nasya go̠paah ॥ 31

aho raatra ye viroo̍pe̠ sama̍nasaa samvyaya̍ntee । sa̠maa̠na-ntantu̍-mparitaa-ta̠naate̎ । vi̠bhoo pra̠bhoo a̍nu̠bhoo vi̠shvato̍ huve । te no̠ naksha̍tre̠ hava̠maaga̍-metam । va̠ya-nde̠vee brahma̍naa samvidaa̠naah । su̠ratnaa̍so de̠vavee̍ti̠-ndadhaa̍naah । a̠ho̠raa̠tre ha̠vishaa̍ va̠rdhaya̍ntah । ati̍ paa̠pmaana̠-mati̍muktyaa gamema ॥ 32

ushaa pratyu̍va drishyaaya̠tee । vyu̠chchhantee̍ duhi̠taa di̠vah । a̠po ma̠hee vri̍nute̠ chakshu̍sha । tamo̠ jyoti̍shkrinoti soo̠naree̎ । udu̠ striyaa̎ssachate̠ soorya̍h । sa cha̍ u̠dyannaksha̍tra marchi̠mat । ta vedu̍sho̠ vyushi̠ soorya̍sya cha । sambha̠ktena̍ gamemahi ॥ 33

nakshatrah tanno̠ naksha̍tra marchi̠mat । bhaa̠nu̠matteja̍ u̠chchhara̍t । upa̍ya̠jna-mi̠haaga̍mat । pranaksha̍traaya de̠vaaya̍ । indraa̠yendugm̍ havaamahe । sa na̍ ssavi̠taa su̍vathsa̠nim । pu̠shti̠daam vee̠rava̍ttamam ॥ 34

sooryah udu̠tya-njaa̠tave̍dasa-nde̠vam va̍hanti ke̠tava̍h । dri̠she vishvaa̍ya̠ soorya̎m । chi̠tra-nde̠vaanaa̠ muda̍gaa̠danee̍ka̠-nchakshu̍-rmi̠trasya̠ varu̍nasyaa̠gneh । aa-'praa̠ dyaavaa̍prithi̠vee a̠ntari̍ksha̠gm̠ soorya̍ aa̠tmaa jaga̍tasta̠sthusha̍shcha ॥ 35

aditih adi̍tirna urushya̠-tvadi̍ti̠-shsharma̍ yachchhatu । adi̍tih paa̠tvagm ha̍sah। ma̠heemoo̠shu maa̠taragm̍ suvra̠taanaa̍-mri̠tasya̠ patnee̠ mava̍se huvema । tu̠vi̠ksha̠traa-ma̠jara̍ntee muroo̠cheegm su̠sharmaa̍na̠-madi̍tigm su̠pranee̍tim ॥ 36

vishnuh i̠dam vishnu̠-rvicha̍krame tre̠dhaa nida̍dhe pa̠dam । samoo̍dhamasya paagm su̠re । pratadvishnu̍ stavate vee̠ryaa̍ya । mri̠go na bhee̠mah ku̍cha̠ro gi̍ri̠shthaah । yasyo̠rushu̍ tri̠shu vi̠krama̍neshu । adhi̍kshi̠yanti̠ bhuva̍naani̠ vishvaa̎ ॥ 37

agnih a̠gni-rmoo̠drdhaa di̠vah ka̠kutpati̍h prithi̠vyaa a̠yam । a̠paagm retaagm̍si jinvati । bhuvo̍ ya̠jnasya̠ raja̍sashcha ne̠taa yatraa̍ ni̠yudbhi̠-ssacha̍se shi̠vaabhi̍h । di̠vi moo̠drdhaana̍-ndadhishe suva̠r̠shaa-nji̠hvaama̍gne chakrishe havya̠vaaha̎m ॥ 38

anumatee anu̍no̠-'dyaanu̍mati-rya̠jna-nde̠veshu̍ manyataam । a̠gnishcha̍ havya̠vaaha̍no̠ bhava̍taa-ndaa̠shushe̠ maya̍h । anvida̍numate̠ tva-mmanyaa̍sai̠ shancha̍ nah kridhi । kratve̠ dakshaa̍ya no hinu̠ prana̠ aayoogm̍shi taarishah ॥ 39

havyavaahah (agnih) ha̠vya̠vaaha̍mabhi-maati̠shaaha̎m । ra̠ksho̠hana̠-mprita̍naasu ji̠shnum । jyoti̍shmanta̠-ndeedya̍ta̠-mpura̍ndhim । a̠gnigg svi̍shta̠ krita̠maahu̍vema । svi̍shta magne a̠bhita-tpri̍naahi । vishvaa̍ deva̠ prita̍naa a̠bhishya । u̠runna̠h panthaa̎-mpradi̠shan vibhaa̍hi । jyoti̍shmaddhehya̠ jara̍nna̠ aayu̍h ॥ 40

om shaanti̠-shshaanti̠-shshaanti̍h ॥

नक्षत्र सूक्तम् (नक्षत्रेष्टि) के बारे में

The Nakshatra Suktam, also called the Nakshatreshti, is a Vedic hymn from the Taittiriya Brahmana (3.1) that honours each of the nakshatras, the lunar mansions, with its presiding deity. It begins with Krittika and Agni: "May Agni protect us, and the Krittikas; offer this oblation to the shining nakshatra deity." It goes through the nakshatras in turn, such as Rohini with Prajapati and Mrigashira with Soma, and ends with the peace chant.

स्रोत: Krishna Yajurveda, Taittiriya Brahmana 3.1

कब पढ़ें: On one's birth nakshatra, in nakshatra shanti and homa, and in Vedic chanting.

क्या आप जानते हैं?

  • Its order of nakshatras begins with Krittika, the old Vedic starting point, instead of Ashwini as in later astrology.
  • People often chant the verse of their own birth nakshatra on their birthday by the lunar calendar.

अक्सर पूछे जाने वाले प्रश्न

Where is the Nakshatra Suktam from?

The Taittiriya Brahmana, ashtaka 3, prashna 1.

Which nakshatra comes first?

Krittika, with Agni as its deity.

When is it chanted?

On one's birth nakshatra and in nakshatra homa.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।