नंद कुमार अष्टकम्
Vishnu · पारंपरिक भक्ति पाठ
सुंदरगोपालं उरवनमालं नयनविशालं दुःखहरं बृंदावनचंद्रमानंदकंदं परमानंदं धरणिधरम् । वल्लभघनश्यामं पूर्णकामं अत्यभिरामं प्रीतिकरं भज नंदकुमारं सर्वसुखसारं तत्त्वविचारं ब्रह्मपरम् ॥ 1 ॥
सुंदरवारिजवदनं निर्जितमदनं आनंदसदनं मुकुटधरं गुंजाकृतिहारं विपिनविहारं परमोदारं चीरहरम् । वल्लभपटपीतं कृत उपवीतं करनवनीतं विबुधवरं भज नंदकुमारं सर्वसुखसारं तत्त्वविचारं ब्रह्मपरम् ॥ 2 ॥
शोभितसुखमूलं यमुनाकूलं निपट अतूलं सुखदतरं मुखमंडितरेणुं चारितधेनुं वादितवेणुं मधुरसुरम् । वल्लभमतिविमलं शुभपदकमलं नखरुचि अमलं तिमिरहरं भज नंदकुमारं सर्वसुखसारं तत्त्वविचारं ब्रह्मपरम् ॥ 3 ॥
शिरमुकुटसुदेशं कुंचितकेशं नटवरवेषं कामवरं मायाकृतमनुजं हलधर अनुजं प्रतिहतदनुजं भारहरम् । वल्लभव्रजपालं सुभगसुचालं हितमनुकालं भाववरं भज नंदकुमारं सर्वसुखसारं तत्त्वविचारं ब्रह्मपरम् ॥ 4 ॥
इंदीवरभासं प्रकटसरासं कुसुमविकासं वंशधरं हृत्मन्मथमानं रूपनिधानं कृतकलगानं चित्तहरम् । वल्लभमृदुहासं कुंजनिवासं विविधविलासं केलिकरं भज नंदकुमारं सर्वसुखसारं तत्त्वविचारं ब्रह्मपरम् ॥ 5 ॥
अतिपरमप्रवीणं पालितदीनं भक्ताधीनं कर्मकरं मोहनमतिधीरं फणिबलवीरं हतपरवीरं तरलतरम् । वल्लभव्रजरमणं वारिजवदनं हलधरशमनं शैलधरं भज नंदकुमारं सर्वसुखसारं तत्त्वविचारं ब्रह्मपरम् ॥ 6 ॥
जलधरद्युतिअंगं ललितत्रिभंगं बहुकृतिरंगं रसिकवरं गोकुलपरिवारं मदनाकारं कुंजविहारं गूढतरम् । वल्लभव्रजचंद्रं सुभगसुछंदं कृत आनंदं भ्रांतिहरं भज नंदकुमारं सर्वसुखसारं तत्त्वविचारं ब्रह्मपरम् ॥ 7 ॥
वंदितयुगचरणं पावनकरणं जगदुद्धरणं विमलधरं कालियशिरगमनं कृतफणिनमनं घातितयमनं मृदुलतरम् । वल्लभदुःखहरणं निर्मलचरणं अशरणशरणं मुक्तिकरं भज नंदकुमारं सर्वसुखसारं तत्त्वविचारं ब्रह्मपरम् ॥ 8 ॥
इति श्रीमद्वल्लभाचार्यविरचितं श्रीनंदकुमाराष्टकम् ॥
नंद कुमार अष्टकम् के बारे में
The Nanda Kumara Ashtakam is a hymn to Krishna, the son of Nanda, in a dancing rhythm. It pictures the beautiful cowherd with a garland of forest flowers and wide eyes, the moon of Vrindavan, dark as a rain cloud, his lotus face outshining Kama, wearing a crown and a necklace of gunja berries, roaming the forest and stealing the gopis' clothes in play.
रचयिता: Vallabhacharya, as its colophon states
कब पढ़ें: On Krishna Janmashtami, in Pushti Marg worship, and in bhajans.
क्या आप जानते हैं?
- Its colophon names Vallabhacharya, founder of the Pushti Marg, as its author.
- Each verse ends by asking the singer to worship "Nandakumara", the darling son of Nanda.
अक्सर पूछे जाने वाले प्रश्न
Who is Nanda Kumara?
Krishna, the son of Nanda, the cowherd chief of Gokula.
Who wrote this ashtakam?
Vallabhacharya, as its colophon states.
When is it sung?
On Janmashtami and in Krishna bhajans.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ