श्री नरसिंह कवचम्
Kavacha Stotras · पारंपरिक भक्ति पाठ
നൃസിംഹകവചം വക്ഷ്യേ പ്രഹ്ലാദേനോദിതം പുരാ । സർവരക്ഷാകരം പുണ്യം സർവോപദ്രവനാശനമ് ॥ 1 ॥
സർവസംപത്കരം ചൈവ സ്വര്ഗമോക്ഷപ്രദായകമ് । ധ്യാത്വാ നൃസിംഹം ദേവേശം ഹേമസിംഹാസനസ്ഥിതമ് ॥ 2 ॥
വിവൃതാസ്യം ത്രിനയനം ശരദിംദുസമപ്രഭമ് । ലക്ഷ്മ്യാലിംഗിതവാമാംഗം വിഭൂതിഭിരുപാശ്രിതമ് ॥ 3 ॥
ചതുര്ഭുജം കോമലാംഗം സ്വര്ണകുംഡലശോഭിതമ് । സരോജശോഭിതോരസ്കം രത്നകേയൂരമുദ്രിതമ് ॥ 4 ॥ [രത്നകേയൂരശോഭിതമ്]
തപ്തകാംചനസംകാശം പീതനിര്മലവാസനമ് । ഇംദ്രാദിസുരമൌളിസ്ഥസ്ഫുരന്മാണിക്യദീപ്തിഭിഃ ॥ 5 ॥
വിരാജിതപദദ്വംദ്വം ശംഖചക്രാദിഹേതിഭിഃ । ഗരുത്മതാ സവിനയം സ്തൂയമാനം മുദാന്വിതമ് ॥ 6 ॥
സ്വഹൃത്കമലസംവാസം കൃത്വാ തു കവചം പഠേത് । നൃസിംഹോ മേ ശിരഃ പാതു ലോകരക്ഷാത്മസംഭവഃ ॥ 7 ॥
സർവഗോഽപി സ്തംഭവാസഃ ഫാലം മേ രക്ഷതു ധ്വനിമ് । നൃസിംഹോ മേ ദൃശൌ പാതു സോമസൂര്യാഗ്നിലോചനഃ ॥ 8 ॥
സ്മൃതിം മേ പാതു നൃഹരിര്മുനിവര്യസ്തുതിപ്രിയഃ । നാസാം മേ സിംഹനാസസ്തു മുഖം ലക്ഷ്മീമുഖപ്രിയഃ ॥ 9 ॥
സർവവിദ്യാധിപഃ പാതു നൃസിംഹോ രസനാം മമ । വക്ത്രം പാത്വിംദുവദനഃ സദാ പ്രഹ്ലാദവംദിതഃ ॥ 10 ॥
നൃസിംഹഃ പാതു മേ കംഠം സ്കംധൌ ഭൂഭരണാംതകൃത് । ദിവ്യാസ്ത്രശോഭിതഭുജോ നൃസിംഹഃ പാതു മേ ഭുജൌ ॥ 11 ॥
കരൌ മേ ദേവവരദോ നൃസിംഹഃ പാതു സർവതഃ । ഹൃദയം യോഗിസാധ്യശ്ച നിവാസം പാതു മേ ഹരിഃ ॥ 12 ॥
മധ്യം പാതു ഹിരണ്യാക്ഷവക്ഷഃകുക്ഷിവിദാരണഃ । നാഭിം മേ പാതു നൃഹരിഃ സ്വനാഭി ബ്രഹ്മസംസ്തുതഃ ॥ 13 ॥
ബ്രഹ്മാംഡകോടയഃ കട്യാം യസ്യാസൌ പാതു മേ കടിമ് । ഗുഹ്യം മേ പാതു ഗുഹ്യാനാം മംത്രാണാം ഗുഹ്യരൂപധൃക് ॥ 14 ॥
ഊരൂ മനോഭവഃ പാതു ജാനുനീ നരരൂപധൃക് । ജംഘേ പാതു ധരാഭാരഹര്താ യോഽസൌ നൃകേസരീ ॥ 15 ॥
സുരരാജ്യപ്രദഃ പാതു പാദൌ മേ നൃഹരീശ്വരഃ । സഹസ്രശീര്ഷാ പുരുഷഃ പാതു മേ സർവശസ്തനുമ് ॥ 16 ॥
മഹോഗ്രഃ പൂർവതഃ പാതു മഹാവീരാഗ്രജോഽഗ്നിതഃ । മഹാവിഷ്ണുര്ദക്ഷിണേ തു മഹാജ്വാലസ്തു നൈരൃതൌ ॥ 17 ॥
പശ്ചിമേ പാതു സർവേശോ ദിശി മേ സർവതോമുഖഃ । നൃസിംഹഃ പാതു വായവ്യാം സൌമ്യാം ഭൂഷണവിഗ്രഹഃ ॥ 18 ॥
ഈശാന്യാം പാതു ഭദ്രോ മേ സർവമംഗളദായകഃ । സംസാരഭയദഃ പാതു മൃത്യോര്മൃത്യുര്നൃകേസരീ ॥ 19 ॥
ഇദം നൃസിംഹകവചം പ്രഹ്ലാദമുഖമംഡിതമ് । ഭക്തിമാന്യഃ പഠേന്നിത്യം സർവപാപൈഃ പ്രമുച്യതേ ॥ 20 ॥
പുത്രവാന് ധനവാന് ലോകേ ദീര്ഘായുരുപജായതേ । യം യം കാമയതേ കാമം തം തം പ്രാപ്നോത്യസംശയമ് ॥ 21 ॥
സർവത്ര ജയമാപ്നോതി സർവത്ര വിജയീ ഭവേത് । ഭൂമ്യംതരിക്ഷദിവ്യാനാം ഗ്രഹാണാം വിനിവാരണമ് ॥ 22 ॥
വൃശ്ചികോരഗസംഭൂതവിഷാപഹരണം പരമ് । ബ്രഹ്മരാക്ഷസയക്ഷാണാം ദൂരോത്സാരണകാരണമ് ॥ 23 ॥
ഭൂര്ജേ വാ താളപത്രേ വാ കവചം ലിഖിതം ശുഭമ് । കരമൂലേ ധൃതം യേന സിധ്യേയുഃ കര്മസിദ്ധയഃ ॥ 24 ॥
ദേവാസുരമനുഷ്യേഷു സ്വം സ്വമേവ ജയം ലഭേത് । ഏകസംധ്യം ത്രിസംധ്യം വാ യഃ പഠേന്നിയതോ നരഃ ॥ 25 ॥
സർവമംഗളമാംഗള്യം ഭുക്തിം മുക്തിം ച വിംദതി । ദ്വാത്രിംശതിസഹസ്രാണി പഠേച്ഛുദ്ധാത്മനാം നൃണാമ് ॥ 26 ॥
കവചസ്യാസ്യ മംത്രസ്യ മംത്രസിദ്ധിഃ പ്രജായതേ । അനേന മംത്രരാജേന കൃത്വാ ഭസ്മാഭിമംത്രണമ് ॥ 27 ॥
തിലകം വിന്യസേദ്യസ്തു തസ്യ ഗ്രഹഭയം ഹരേത് । ത്രിവാരം ജപമാനസ്തു ദത്തം വാര്യഭിമംത്ര്യ ച ॥ 28 ॥
പ്രാശയേദ്യോ നരോ മംത്രം നൃസിംഹധ്യാനമാചരേത് । തസ്യ രോഗാഃ പ്രണശ്യംതി യേ ച സ്യുഃ കുക്ഷിസംഭവാഃ ॥ 29 ॥
കിമത്ര ബഹുനോക്തേന നൃസിംഹസദൃശോ ഭവേത് । മനസാ ചിംതിതം യത്തു സ തച്ചാപ്നോത്യസംശയമ് ॥ 30 ॥
ഗര്ജംതം ഗര്ജയംതം നിജഭുജപടലം സ്ഫോടയംതം ഹഠംതം രൂപ്യംതം താപയംതം ദിവി ഭുവി ദിതിജം ക്ഷേപയംതം ക്ഷിപംതമ് । ക്രംദംതം രോഷയംതം ദിശി ദിശി സതതം സംഹരംതം ഭരംതം വീക്ഷംതം ഘൂര്ണയംതം ശരനികരശതൈര്ദിവ്യസിംഹം നമാമി ॥
ഇതി ശ്രീബ്രഹ്മാംഡപുരാണേ പ്രഹ്ലാദോക്തം ശ്രീ നൃസിംഹ കവചമ് ।
श्री नरसिंह कवचम् के बारे में
The Narasimha Kavacham is a protective "armour" prayer to Lord Narasimha, spoken in ancient times by Prahlada. After a meditation on Narasimha seated on a golden lion-throne, it places his forms and names over each part of the body, from the head to the feet, and asks him to guard the devotee on every side and in every danger.
रचयिता: Prahlada, as its closing line states
स्रोत: Brahmanda Purana
कब पढ़ें: On Narasimha Jayanti, Saturdays and Chaturdashi, and before travel or in times of fear.
क्या आप जानते हैं?
- Its colophon places it in the Brahmanda Purana, spoken by Prahlada.
- Prahlada, protected by Narasimha from his father Hiranyakashipu, is the model of fearless devotion.
अक्सर पूछे जाने वाले प्रश्न
Who spoke the Narasimha Kavacham?
Prahlada, the great child devotee of Vishnu.
Where does it come from?
The Brahmanda Purana, as its colophon states.
When is it recited?
On Narasimha Jayanti, Saturdays and in times of fear.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।