नारायणीयं दशक 49 - वृंदावनप्रवेशम्
Vishnu · पारंपरिक भक्ति पाठ
भवत्प्रभावाविदुरा हि गोपास्तरुप्रपातादिकमत्र गोष्ठे । अहेतुमुत्पातगणं विशंक्य प्रयातुमन्यत्र मनो वितेनुः ॥1॥
तत्रोपनंदाभिधगोपवर्यो जगौ भवत्प्रेरणयैव नूनम् । इतः प्रतीच्यां विपिनं मनोज्ञं वृंदावनं नाम विराजतीति ॥2॥
बृहद्वनं तत् खलु नंदमुख्या विधाय गौष्ठीनमथ क्षणेन । त्वदन्वितत्वज्जननीनिविष्टगरिष्ठयानानुगता विचेलुः ॥3॥
अनोमनोज्ञध्वनिधेनुपालीखुरप्रणादांतरतो वधूभिः । भवद्विनोदालपिताक्षराणि प्रपीय नाज्ञायत मार्गदैर्घ्यम् ॥4॥
निरीक्ष्य वृंदावनमीश नंदत्प्रसूनकुंदप्रमुखद्रुमौघम् । अमोदथाः शाद्वलसांद्रलक्ष्म्या हरिन्मणीकुट्टिमपुष्टशोभम् ॥5॥
नवाकनिर्व्यूढनिवासभेदेष्वशेषगोपेषु सुखासितेषु । वनश्रियं गोपकिशोरपालीविमिश्रितः पर्यगलोकथास्त्वम् ॥6॥
अरालमार्गागतनिर्मलापां मरालकूजाकृतनर्मलापाम् । निरंतरस्मेरसरोजवक्त्रां कलिंदकन्यां समलोकयस्त्वम् ॥7॥
मयूरकेकाशतलोभनीयं मयूखमालाशबलं मणीनाम् । विरिंचलोकस्पृशमुच्चशृंगैर्गिरिं च गोवर्धनमैक्षथास्त्वम् ॥8॥
समं ततो गोपकुमारकैस्त्वं समंततो यत्र वनांतमागाः । ततस्ततस्तां कुटिलामपश्यः कलिंदजां रागवतीमिवैकाम् ॥9॥
तथाविधेऽस्मिन् विपिने पशव्ये समुत्सुको वत्सगणप्रचारे । चरन् सरामोऽथ कुमारकैस्त्वं समीरगेहाधिप पाहि रोगात् ॥10॥
नारायणीयं दशक 49 - वृंदावनप्रवेशम् के बारे में
The 49th dashaka (set of ten verses) of the Narayaniyam tells how the cowherds of Gokula, alarmed by strange events such as falling trees, decide to move; the elder Upananda, moved by the Lord, proposes the lovely forest of Vrindavan to the west. The child Krishna, with Balarama and the cowherd boys, then roams Vrindavan with the calves. Like every dashaka, it is addressed to the Lord of Guruvayur.
रचयिता: Melpathur Narayana Bhattathiri (1586)
कब पढ़ें: In Narayaniyam parayana, at Guruvayur, and on Narayaniyam Day (in the month of Vrischika).
क्या आप जानते हैं?
- Melpathur Narayana Bhattathiri composed the Narayaniyam at Guruvayur in 1586, condensing the Bhagavata Purana into 100 dashakas.
- Each dashaka ends with a prayer to "Samiragehadhipa", the Lord of the house of Vayu, that is, Guruvayurappan, to protect the poet from illness.
अक्सर पूछे जाने वाले प्रश्न
What is the Narayaniyam?
A Sanskrit poem of 100 dashakas retelling the Bhagavata Purana, addressed to Krishna of Guruvayur.
What happens in dashaka 49?
The cowherds leave Gokula and settle in Vrindavan.
Who wrote it?
Melpathur Narayana Bhattathiri, in 1586.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ