MuhurtaNow

नारायणीयं दशक 55 - कालियनर्तनम्

Vishnu · पारंपरिक भक्ति पाठ

अथ वारिणि घोरतरं फणिनं प्रतिवारयितुं कृतधीर्भगवन् । द्रुतमारिथ तीरगनीपतरुं विषमारुतशोषितपर्णचयम् ॥1॥

अधिरुह्य पदांबुरुहेण च तं नवपल्लवतुल्यमनोज्ञरुचा । ह्रदवारिणि दूरतरं न्यपतः परिघूर्णितघोरतरंग्गणे ॥2॥

भुवनत्रयभारभृतो भवतो गुरुभारविकंपिविजृंभिजला । परिमज्जयति स्म धनुश्शतकं तटिनी झटिति स्फुटघोषवती ॥3॥

अथ दिक्षु विदिक्षु परिक्षुभित- भ्रमितोदरवारिनिनादभरैः । उदकादुदगादुरगाधिपति- स्त्वदुपांतमशांतरुषाऽंधमनाः ॥4॥

फणशृंगसहस्रविनिस्सृमर- ज्वलदग्निकणोग्रविषांबुधरम् । पुरतः फणिनं समलोकयथा बहुशृंगिणमंजनशैलमिव ॥5॥

ज्वलदक्षि परिक्षरदुग्रविष- श्वसनोष्मभरः स महाभुजगः । परिदश्य भवंतमनंतबलं समवेष्टयदस्फुटचेष्टमहो ॥6॥

अविलोक्य भवंतमथाकुलिते तटगामिनि बालकधेनुगणे । व्रजगेहतलेऽप्यनिमित्तशतं समुदीक्ष्य गता यमुनां पशुपाः ॥7॥

अखिलेषु विभो भवदीय दशा- मवलोक्य जिहासुषु जीवभरम् । फणिबंधनमाशु विमुच्य जवा- दुदगम्यत हासजुषा भवता ॥8॥

अधिरुह्य ततः फणिराजफणान् ननृते भवता मृदुपादरुचा । कलशिंजितनूपुरमंजुमिल- त्करकंकणसंकुलसंक्वणितम् ॥9॥

जहृषुः पशुपास्तुतुषुर्मुनयो ववृषुः कुसुमानि सुरेंद्रगणाः । त्वयि नृत्यति मारुतगेहपते परिपाहि स मां त्वमदांतगदात् ॥10॥

नारायणीयं दशक 55 - कालियनर्तनम् के बारे में

The fifty-fifth dashaka of the Narayaneeyam tells of Kaliya Mardana, the subduing of the serpent Kaliya. To free the Yamuna from the serpent's poison, Krishna climbs a kadamba tree on the bank, whose leaves had withered from the poisoned air, leaps into the deep pool, and dances on Kaliya's many hoods while the cowherds rejoice, the sages praise him and the gods shower flowers.

रचयिता: Melpathur Narayana Bhattathiri (1560 to 1646)

कब पढ़ें: In daily Narayaneeyam parayana, at Guruvayur, and on Krishna Janmashtami.

क्या आप जानते हैं?

  • Melpathur Narayana Bhattathiri addresses each dashaka to Guruvayurappan, here called "Marutagehapate", lord of the temple of the Wind god.
  • Krishna's dance on Kaliya's hoods is one of the best-loved scenes in temple art and Kathakali.

अक्सर पूछे जाने वाले प्रश्न

What story does this dashaka tell?

Krishna subduing the serpent Kaliya in the Yamuna.

Who wrote the Narayaneeyam?

Melpathur Narayana Bhattathiri, in 1586.

Whom does each dashaka address?

Guruvayurappan, Krishna of Guruvayur.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।