MuhurtaNow

नारायणीयं दशक 70 - सुदर्शनशापमोक्षं तथा शंखचूड-अरिष्टवधम्

Vishnu · पारंपरिक भक्ति पाठ

ಇತಿ ತ್ವಯಿ ರಸಾಕುಲಂ ರಮಿತವಲ್ಲಭೇ ವಲ್ಲವಾಃ ಕದಾಪಿ ಪುರಮಂಬಿಕಾಮಿತುರಂಬಿಕಾಕಾನನೇ । ಸಮೇತ್ಯ ಭವತಾ ಸಮಂ ನಿಶಿ ನಿಷೇವ್ಯ ದಿವ್ಯೋತ್ಸವಂ ಸುಖಂ ಸುಷುಪುರಗ್ರಸೀದ್ವ್ರಜಪಮುಗ್ರನಾಗಸ್ತದಾ ॥1॥

ಸಮುನ್ಮುಖಮಥೋಲ್ಮುಕೈರಭಿಹತೇಽಪಿ ತಸ್ಮಿನ್ ಬಲಾ- ದಮುಂಚತಿ ಭವತ್ಪದೇ ನ್ಯಪತಿ ಪಾಹಿ ಪಾಹೀತಿ ತೈಃ । ತದಾ ಖಲು ಪದಾ ಭವಾನ್ ಸಮುಪಗಮ್ಯ ಪಸ್ಪರ್ಶ ತಂ ಬಭೌ ಸ ಚ ನಿಜಾಂ ತನುಂ ಸಮುಪಸಾದ್ಯ ವೈದ್ಯಧರೀಮ್ ॥2॥

ಸುದರ್ಶನಧರ ಪ್ರಭೋ ನನು ಸುದರ್ಶನಾಖ್ಯೋಽಸ್ಮ್ಯಹಂ ಮುನೀನ್ ಕ್ವಚಿದಪಾಹಸಂ ತ ಇಹ ಮಾಂ ವ್ಯಧುರ್ವಾಹಸಮ್ । ಭವತ್ಪದಸಮರ್ಪಣಾದಮಲತಾಂ ಗತೋಽಸ್ಮೀತ್ಯಸೌ ಸ್ತುವನ್ ನಿಜಪದಂ ಯಯೌ ವ್ರಜಪದಂ ಚ ಗೋಪಾ ಮುದಾ ॥3॥

ಕದಾಪಿ ಖಲು ಸೀರಿಣಾ ವಿಹರತಿ ತ್ವಯಿ ಸ್ತ್ರೀಜನೈ- ರ್ಜಹಾರ ಧನದಾನುಗಃ ಸ ಕಿಲ ಶಂಖಚೂಡೋಽಬಲಾಃ । ಅತಿದ್ರುತಮನುದ್ರುತಸ್ತಮಥ ಮುಕ್ತನಾರೀಜನಂ ರುರೋಜಿಥ ಶಿರೋಮಣಿಂ ಹಲಭೃತೇ ಚ ತಸ್ಯಾದದಾಃ ॥4॥

ದಿನೇಷು ಚ ಸುಹೃಜ್ಜನೈಸ್ಸಹ ವನೇಷು ಲೀಲಾಪರಂ ಮನೋಭವಮನೋಹರಂ ರಸಿತವೇಣುನಾದಾಮೃತಮ್ । ಭವಂತಮಮರೀದೃಶಾಮಮೃತಪಾರಣಾದಾಯಿನಂ ವಿಚಿಂತ್ಯ ಕಿಮು ನಾಲಪನ್ ವಿರಹತಾಪಿತಾ ಗೋಪಿಕಾಃ ॥5॥

ಭೋಜರಾಜಭೃತಕಸ್ತ್ವಥ ಕಶ್ಚಿತ್ ಕಷ್ಟದುಷ್ಟಪಥದೃಷ್ಟಿರರಿಷ್ಟಃ । ನಿಷ್ಠುರಾಕೃತಿರಪಷ್ಠುನಿನಾದಸ್ತಿಷ್ಠತೇ ಸ್ಮ ಭವತೇ ವೃಷರೂಪೀ ॥6॥

ಶಾಕ್ವರೋಽಥ ಜಗತೀಧೃತಿಹಾರೀ ಮೂರ್ತಿಮೇಷ ಬೃಹತೀಂ ಪ್ರದಧಾನಃ । ಪಂಕ್ತಿಮಾಶು ಪರಿಘೂರ್ಣ್ಯ ಪಶೂನಾಂ ಛಂದಸಾಂ ನಿಧಿಮವಾಪ ಭವಂತಮ್ ॥7॥

ತುಂಗಶೃಂಗಮುಖಮಾಶ್ವಭಿಯಂತಂ ಸಂಗೃಹಯ್ಯ ರಭಸಾದಭಿಯಂ ತಮ್ । ಭದ್ರರೂಪಮಪಿ ದೈತ್ಯಮಭದ್ರಂ ಮರ್ದಯನ್ನಮದಯಃ ಸುರಲೋಕಮ್ ॥8॥

ಚಿತ್ರಮದ್ಯ ಭಗವನ್ ವೃಷಘಾತಾತ್ ಸುಸ್ಥಿರಾಽಜನಿ ವೃಷಸ್ಥಿತಿರುರ್ವ್ಯಾಮ್ । ವರ್ಧತೇ ಚ ವೃಷಚೇತಸಿ ಭೂಯಾನ್ ಮೋದ ಇತ್ಯಭಿನುತೋಽಸಿ ಸುರೈಸ್ತ್ವಮ್ ॥9॥

ಔಕ್ಷಕಾಣಿ ಪರಿಧಾವತ ದೂರಂ ವೀಕ್ಷ್ಯತಾಮಯಮಿಹೋಕ್ಷವಿಭೇದೀ । ಇತ್ಥಮಾತ್ತಹಸಿತೈಃ ಸಹ ಗೋಪೈರ್ಗೇಹಗಸ್ತ್ವಮವ ವಾತಪುರೇಶ ॥10॥

नारायणीयं दशक 70 - सुदर्शनशापमोक्षं तथा शंखचूड-अरिष्टवधम् के बारे में

The seventieth dashaka of the Narayaneeyam tells of three episodes. Once the cowherds go with Krishna to the Ambika forest to worship Shiva and Parvati and stay the night; a huge python seizes Nanda, and though they beat it with burning sticks it will not let go, until Krishna touches it with his foot and it becomes a radiant Vidyadhara, Sudarshana, freed from a curse. Next, the demon Shankhachuda tries to carry off the gopis, and Krishna kills him and takes his crest-jewel. Finally the bull demon Arishta charges into Vraja, and Krishna seizes his horns and kills him, while the cowherds laugh, "Run far, here is the bull-breaker!"

रचयिता: Melpathur Narayana Bhattathiri (1560 to 1646)

कब पढ़ें: In daily Narayaneeyam parayana and at Guruvayur.

क्या आप जानते हैं?

  • The python was Sudarshana, a Vidyadhara cursed by sages whom he had mocked for their looks.
  • Krishna gave Shankhachuda's crest-jewel to his brother Balarama.

अक्सर पूछे जाने वाले प्रश्न

Who was the python that seized Nanda?

Sudarshana, a cursed Vidyadhara.

Which bull demon is slain?

Arishta.

Who wrote the Narayaneeyam?

Melpathur Narayana Bhattathiri, in 1586.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।