MuhurtaNow

नारायणीयं दशक 74 - भगवतः मथुरापुरीप्रवेशम्

Vishnu · पारंपरिक भक्ति पाठ

സംപ്രാപ്തോ മഥുരാം ദിനാര്ധവിഗമേ തത്രാംതരസ്മിന് വസ- ന്നാരാമേ വിഹിതാശനഃ സഖിജനൈര്യാതഃ പുരീമീക്ഷിതുമ് । പ്രാപോ രാജപഥം ചിരശ്രുതിധൃതവ്യാലോകകൌതൂഹല- സ്ത്രീപുംസോദ്യദഗണ്യപുണ്യനിഗലൈരാകൃഷ്യമാണോ നു കിമ് ॥1॥

ത്വത്പാദദ്യുതിവത് സരാഗസുഭഗാഃ ത്വന്മൂര്തിവദ്യോഷിതഃ സംപ്രാപ്താ വിലസത്പയോധരരുചോ ലോലാ ഭവത് ദൃഷ്ടിവത് । ഹാരിണ്യസ്ത്വദുരഃസ്ഥലീവദയി തേ മംദസ്മിതപ്രൌഢിവ- ന്നൈര്മല്യോല്ലസിതാഃ കചൌഘരുചിവദ്രാജത്കലാപാശ്രിതാഃ ॥2॥

താസാമാകലയന്നപാംഗവലനൈര്മോദം പ്രഹര്ഷാദ്ഭുത- വ്യാലോലേഷു ജനേഷു തത്ര രജകം കംചിത് പടീം പ്രാര്ഥയന് । കസ്തേ ദാസ്യതി രാജകീയവസനം യാഹീതി തേനോദിതഃ സദ്യസ്തസ്യ കരേണ ശീര്ഷമഹൃഥാഃ സോഽപ്യാപ പുണ്യാം ഗതിമ് ॥3॥

ഭൂയോ വായകമേകമായതമതിം തോഷേണ വേഷോചിതം ദാശ്വാംസം സ്വപദം നിനേഥ സുകൃതം കോ വേദ ജീവാത്മനാമ് । മാലാഭിഃ സ്തബകൈഃ സ്തവൈരപി പുനര്മാലാകൃതാ മാനിതോ ഭക്തിം തേന വൃതാം ദിദേശിഥ പരാം ലക്ഷ്മീം ച ലക്ഷ്മീപതേ ॥4॥

കുബ്ജാമബ്ജവിലോചനാം പഥിപുനര്ദൃഷ്ട്വാഽംഗരാഗേ തയാ ദത്തേ സാധു കിലാംഗരാഗമദദാസ്തസ്യാ മഹാംതം ഹൃദി । ചിത്തസ്ഥാമൃജുതാമഥ പ്രഥയിതും ഗാത്രേഽപി തസ്യാഃ സ്ഫുടം ഗൃഹ്ണന് മംജു കരേണ താമുദനയസ്താവജ്ജഗത്സുംദരീമ് ॥5॥

താവന്നിശ്ചിതവൈഭവാസ്തവ വിഭോ നാത്യംതപാപാ ജനാ യത്കിംചിദ്ദദതേ സ്മ ശക്ത്യനുഗുണം താംബൂലമാല്യാദികമ് । ഗൃഹ്ണാനഃ കുസുമാദി കിംചന തദാ മാര്ഗേ നിബദ്ധാംജലി- ര്നാതിഷ്ഠം ബത ഹാ യതോഽദ്യ വിപുലാമാര്തിം വ്രജാമി പ്രഭോ ॥6॥

ഏഷ്യാമീതി വിമുക്തയാഽപി ഭഗവന്നാലേപദാത്ര്യാ തയാ ദൂരാത് കാതരയാ നിരീക്ഷിതഗതിസ്ത്വം പ്രാവിശോ ഗോപുരമ് । ആഘോഷാനുമിതത്വദാഗമമഹാഹര്ഷോല്ലലദ്ദേവകീ- വക്ഷോജപ്രഗലത്പയോരസമിഷാത്ത്വത്കീര്തിരംതര്ഗതാ ॥7॥

ആവിഷ്ടോ നഗരീം മഹോത്സവവതീം കോദംഡശാലാം വ്രജന് മാധുര്യേണ നു തേജസാ നു പുരുഷൈര്ദൂരേണ ദത്താംതരഃ । സ്രഗ്ഭിര്ഭൂഷിതമര്ചിതം വരധനുര്മാ മേതി വാദാത് പുരഃ പ്രാഗൃഹ്ണാഃ സമരോപയഃ കില സമാക്രാക്ഷീരഭാംക്ഷീരപി ॥8॥

ശ്വഃ കംസക്ഷപണോത്സവസ്യ പുരതഃ പ്രാരംഭതൂര്യോപമ- ശ്ചാപധ്വംസമഹാധ്വനിസ്തവ വിഭോ ദേവാനരോമാംചയത് । കംസസ്യാപി ച വേപഥുസ്തദുദിതഃ കോദംഡഖംഡദ്വയീ- ചംഡാഭ്യാഹതരക്ഷിപൂരുഷരവൈരുത്കൂലിതോഽഭൂത് ത്വയാ ॥9॥

ശിഷ്ടൈര്ദുഷ്ടജനൈശ്ച ദൃഷ്ടമഹിമാ പ്രീത്യാ ച ഭീത്യാ തതഃ സംപശ്യന് പുരസംപദം പ്രവിചരന് സായം ഗതോ വാടികാമ് । ശ്രീദാമ്നാ സഹ രാധികാവിരഹജം ഖേദം വദന് പ്രസ്വപ- ന്നാനംദന്നവതാരകാര്യഘടനാദ്വാതേശ സംരക്ഷ മാമ് ॥10॥

नारायणीयं दशक 74 - भगवतः मथुरापुरीप्रवेशम् के बारे में

The seventy-fourth dashaka of the Narayaneeyam tells of Krishna's entry into Mathura. Arriving in the afternoon, he rests in a garden and then goes with his friends to see the city; as he walks down the royal road, the women of Mathura crowd to see him, lovely as his feet, bright as his form and restless as his glances. He meets the washerman, the garland-maker and the hunchbacked Kubja, breaks the great bow, and in the evening returns to the garden, speaking with Shridama of his longing for Radha.

रचयिता: Melpathur Narayana Bhattathiri (1560 to 1646)

कब पढ़ें: In daily Narayaneeyam parayana and at Guruvayur.

क्या आप जानते हैं?

  • Krishna's touch made the hunchbacked Kubja, who offered him sandal paste, straight and beautiful.
  • The breaking of Kamsa's great bow announced Krishna's arrival and alarmed the king.

अक्सर पूछे जाने वाले प्रश्न

What happens in this dashaka?

Krishna enters Mathura, meets its people and breaks Kamsa's bow.

Who is Kubja?

A hunchbacked woman who offered Krishna sandal paste and was made straight by his touch.

Who wrote the Narayaneeyam?

Melpathur Narayana Bhattathiri, in 1586.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।