नारायणीयं दशक 81 - नरकासुरवधं तथा सुभद्राहरणम्
Vishnu · पारंपरिक भक्ति पाठ
ಸ್ನಿಗ್ಧಾಂ ಮುಗ್ಧಾಂ ಸತತಮಪಿ ತಾಂ ಲಾಲಯನ್ ಸತ್ಯಭಾಮಾಂ ಯಾತೋ ಭೂಯಃ ಸಹ ಖಲು ತಯಾ ಯಾಜ್ಞಸೇನೀವಿವಾಹಮ್ । ಪಾರ್ಥಪ್ರೀತ್ಯೈ ಪುನರಪಿ ಮನಾಗಾಸ್ಥಿತೋ ಹಸ್ತಿಪುರ್ಯಾಂ ಸಶಕ್ರಪ್ರಸ್ಥಂ ಪುರಮಪಿ ವಿಭೋ ಸಂವಿಧಾಯಾಗತೋಽಭೂಃ ॥1॥
ಭದ್ರಾಂ ಭದ್ರಾಂ ಭವದವರಜಾಂ ಕೌರವೇಣಾರ್ಥ್ಯಮಾನಾಂ ತ್ವದ್ವಾಚಾ ತಾಮಹೃತ ಕುಹನಾಮಸ್ಕರೀ ಶಕ್ರಸೂನುಃ । ತತ್ರ ಕ್ರುದ್ಧಂ ಬಲಮನುನಯನ್ ಪ್ರತ್ಯಗಾಸ್ತೇನ ಸಾರ್ಧಂ ಶಕ್ರಪ್ರಸ್ಥಂ ಪ್ರಿಯಸಖಮುದೇ ಸತ್ಯಭಾಮಾಸಹಾಯಃ ॥2॥
ತತ್ರ ಕ್ರೀಡನ್ನಪಿ ಚ ಯಮುನಾಕೂಲದೃಷ್ಟಾಂ ಗೃಹೀತ್ವಾ ತಾಂ ಕಾಲಿಂದೀಂ ನಗರಮಗಮಃ ಖಾಂಡವಪ್ರೀಣಿತಾಗ್ನಿಃ । ಭ್ರಾತೃತ್ರಸ್ತಾಂ ಪ್ರಣಯವಿವಶಾಂ ದೇವ ಪೈತೃಷ್ವಸೇಯೀಂ ರಾಜ್ಞಾಂ ಮಧ್ಯೇ ಸಪದಿ ಜಹೃಷೇ ಮಿತ್ರವಿಂದಾಮವಂತೀಮ್ ॥3॥
ಸತ್ಯಾಂ ಗತ್ವಾ ಪುನರುದವಹೋ ನಗ್ನಜಿನ್ನಂದನಾಂ ತಾಂ ಬಧ್ವಾ ಸಪ್ತಾಪಿ ಚ ವೃಷವರಾನ್ ಸಪ್ತಮೂರ್ತಿರ್ನಿಮೇಷಾತ್ । ಭದ್ರಾಂ ನಾಮ ಪ್ರದದುರಥ ತೇ ದೇವ ಸಂತರ್ದನಾದ್ಯಾ- ಸ್ತತ್ಸೋದರ್ಯಾ ವರದ ಭವತಃ ಸಾಽಪಿ ಪೈತೃಷ್ವಸೇಯೀ ॥4॥
ಪಾರ್ಥಾದ್ಯೈರಪ್ಯಕೃತಲವನಂ ತೋಯಮಾತ್ರಾಭಿಲಕ್ಷ್ಯಂ ಲಕ್ಷಂ ಛಿತ್ವಾ ಶಫರಮವೃಥಾ ಲಕ್ಷ್ಮಣಾಂ ಮದ್ರಕನ್ಯಾಮ್ । ಅಷ್ಟಾವೇವಂ ತವ ಸಮಭವನ್ ವಲ್ಲಭಾಸ್ತತ್ರ ಮಧ್ಯೇ ಶುಶ್ರೋಥ ತ್ವಂ ಸುರಪತಿಗಿರಾ ಭೌಮದುಶ್ಚೇಷ್ಟಿತಾನಿ ॥5॥
ಸ್ಮೃತಾಯಾತಂ ಪಕ್ಷಿಪ್ರವರಮಧಿರೂಢಸ್ತ್ವಮಗಮೋ ವಹನ್ನಂಕೇ ಭಾಮಾಮುಪವನಮಿವಾರಾತಿಭವನಮ್ । ವಿಭಿಂದನ್ ದುರ್ಗಾಣಿ ತ್ರುಟಿತಪೃತನಾಶೋಣಿತರಸೈಃ ಪುರಂ ತಾವತ್ ಪ್ರಾಗ್ಜ್ಯೋತಿಷಮಕುರುಥಾಃ ಶೋಣಿತಪುರಮ್ ॥6॥
ಮುರಸ್ತ್ವಾಂ ಪಂಚಾಸ್ಯೋ ಜಲಧಿವನಮಧ್ಯಾದುದಪತತ್ ಸ ಚಕ್ರೇ ಚಕ್ರೇಣ ಪ್ರದಲಿತಶಿರಾ ಮಂಕ್ಷು ಭವತಾ । ಚತುರ್ದಂತೈರ್ದಂತಾವಲಪತಿಭಿರಿಂಧಾನಸಮರಂ ರಥಾಂಗೇನ ಛಿತ್ವಾ ನರಕಮಕರೋಸ್ತೀರ್ಣನರಕಮ್ ॥7॥
ಸ್ತುತೋ ಭೂಮ್ಯಾ ರಾಜ್ಯಂ ಸಪದಿ ಭಗದತ್ತೇಽಸ್ಯ ತನಯೇ ಗಜಂಚೈಕಂ ದತ್ವಾ ಪ್ರಜಿಘಯಿಥ ನಾಗಾನ್ನಿಜಪುರೀಮ್ । ಖಲೇನಾಬದ್ಧಾನಾಂ ಸ್ವಗತಮನಸಾಂ ಷೋಡಶ ಪುನಃ ಸಹಸ್ರಾಣಿ ಸ್ತ್ರೀಣಾಮಪಿ ಚ ಧನರಾಶಿಂ ಚ ವಿಪುಲಮ್ ॥8॥
ಭೌಮಾಪಾಹೃತಕುಂಡಲಂ ತದದಿತೇರ್ದಾತುಂ ಪ್ರಯಾತೋ ದಿವಂ ಶಕ್ರಾದ್ಯೈರ್ಮಹಿತಃ ಸಮಂ ದಯಿತಯಾ ದ್ಯುಸ್ತ್ರೀಷು ದತ್ತಹ್ರಿಯಾ । ಹೃತ್ವಾ ಕಲ್ಪತರುಂ ರುಷಾಭಿಪತಿತಂ ಜಿತ್ವೇಂದ್ರಮಭ್ಯಾಗಮ- ಸ್ತತ್ತು ಶ್ರೀಮದದೋಷ ಈದೃಶ ಇತಿ ವ್ಯಾಖ್ಯಾತುಮೇವಾಕೃಥಾಃ ॥9॥
ಕಲ್ಪದ್ರುಂ ಸತ್ಯಭಾಮಾಭವನಭುವಿ ಸೃಜನ್ ದ್ವ್ಯಷ್ಟಸಾಹಸ್ರಯೋಷಾಃ ಸ್ವೀಕೃತ್ಯ ಪ್ರತ್ಯಗಾರಂ ವಿಹಿತಬಹುವಪುರ್ಲಾಲಯನ್ ಕೇಲಿಭೇದೈಃ । ಆಶ್ಚರ್ಯಾನ್ನಾರದಾಲೋಕಿತವಿವಿಧಗತಿಸ್ತತ್ರ ತತ್ರಾಪಿ ಗೇಹೇ ಭೂಯಃ ಸರ್ವಾಸು ಕುರ್ವನ್ ದಶ ದಶ ತನಯಾನ್ ಪಾಹಿ ವಾತಾಲಯೇಶ ॥10॥
नारायणीयं दशक 81 - नरकासुरवधं तथा सुभद्राहरणम् के बारे में
The eighty-first dashaka of the Narayaneeyam tells of several episodes from Krishna's life at Dvaraka. Krishna lovingly cherishes Satyabhama and attends Draupadi's wedding; at his word, Arjuna, disguised as an ascetic, carries off Krishna's sister Subhadra; Krishna slays the demon Narakasura, brings the parijata tree to Satyabhama's garden, and marries the sixteen thousand princesses Naraka had held captive, taking a separate form in each of their homes.
रचयिता: Melpathur Narayana Bhattathiri (1560 to 1646)
कब पढ़ें: In daily Narayaneeyam parayana, at Guruvayur, and around Naraka Chaturdashi.
क्या आप जानते हैं?
- Krishna's victory over Narakasura is celebrated as Naraka Chaturdashi, the day before Diwali.
- The sage Narada visits the palaces and is amazed to find Krishna present in every one of them at once.
अक्सर पूछे जाने वाले प्रश्न
Which demon does Krishna slay in this dashaka?
Narakasura.
Who carries off Subhadra?
Arjuna, disguised as an ascetic, at Krishna's word.
What does Narada see?
Krishna present in every palace of his queens at once.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ