नारायणीयं दशक 98 - निष्कलब्रह्मोपासनम्
Vishnu · पारंपरिक भक्ति पाठ
യസ്മിന്നേതദ്വിഭാതം യത ഇദമഭവദ്യേന ചേദം യ ഏത- ദ്യോഽസ്മാദുത്തീര്ണരൂപഃ ഖലു സകലമിദം ഭാസിതം യസ്യ ഭാസാ । യോ വാചാം ദൂരദൂരേ പുനരപി മനസാം യസ്യ ദേവാ മുനീംദ്രാഃ നോ വിദ്യുസ്തത്ത്വരൂപം കിമു പുനരപരേ കൃഷ്ണ തസ്മൈ നമസ്തേ ॥1॥
ജന്മാഥോ കര്മ നാമ സ്ഫുടമിഹ ഗുണദോഷാദികം വാ ന യസ്മിന് ലോകാനാമൂതയേ യഃ സ്വയമനുഭജതേ താനി മായാനുസാരീ । വിഭ്രച്ഛക്തീരരൂപോഽപി ച ബഹുതരരൂപോഽവഭാത്യദ്ഭുതാത്മാ തസ്മൈ കൈവല്യധാമ്നേ പരരസപരിപൂര്ണായ വിഷ്ണോ നമസ്തേ ॥2॥
നോ തിര്യംചന്ന മര്ത്യം ന ച സുരമസുരം ന സ്ത്രിയം നോ പുംമാംസം ന ദ്രവ്യം കര്മ ജാതിം ഗുണമപി സദസദ്വാപി തേ രൂപമാഹുഃ । ശിഷ്ടം യത് സ്യാന്നിഷേധേ സതി നിഗമശതൈര്ലക്ഷണാവൃത്തിതസ്തത് കൃച്ഛ്രേണാവേദ്യമാനം പരമസുഖമയം ഭാതി തസ്മൈ നമസ്തേ ॥3॥
മായായാം ബിംബിതസ്ത്വം സൃജസി മഹദഹംകാരതന്മാത്രഭേദൈ- ര്ഭൂതഗ്രാമേംദ്രിയാദ്യൈരപി സകലജഗത്സ്വപ്നസംകല്പകല്പമ് । ഭൂയഃ സംഹൃത്യ സർവം കമഠ ഇവ പദാന്യാത്മനാ കാലശക്ത്യാ ഗംഭീരേ ജായമാനേ തമസി വിതിമിരോ ഭാസി തസ്മൈ നമസ്തേ ॥4॥
ശബ്ദബ്രഹ്മേതി കര്മേത്യണുരിതി ഭഗവന് കാല ഇത്യാലപംതി ത്വാമേകം വിശ്വഹേതും സകലമയതയാ സർവഥാ കല്പ്യമാനമ് । വേദാംതൈര്യത്തു ഗീതം പുരുഷപരചിദാത്മാഭിധം തത്തു തത്ത്വം പ്രേക്ഷാമാത്രേണ മൂലപ്രകൃതിവികൃതികൃത് കൃഷ്ണ തസ്മൈ നമസ്തേ ॥5॥
സത്ത്വേനാസത്തയാ വാ ന ച ഖലു സദസത്ത്വേന നിർവാച്യരൂപാ ധത്തേ യാസാവവിദ്യാ ഗുണഫണിമതിവദ്വിശ്വദൃശ്യാവഭാസമ് । വിദ്യാത്വം സൈവ യാതാ ശ്രുതിവചനലവൈര്യത്കൃപാസ്യംദലാഭേ സംസാരാരണ്യസദ്യസ്ത്രുടനപരശുതാമേതി തസ്മൈ നമസ്തേ ॥6॥
ഭൂഷാസു സ്വര്ണവദ്വാ ജഗതി ഘടശരാവാദികേ മൃത്തികാവ- ത്തത്ത്വേ സംചിംത്യമാനേ സ്ഫുരതി തദധുനാപ്യദ്വിതീയം വപുസ്തേ । സ്വപ്നദ്രഷ്ടുഃ പ്രബോധേ തിമിരലയവിധൌ ജീര്ണരജ്ജോശ്ച യദ്വ- ദ്വിദ്യാലാഭേ തഥൈവ സ്ഫുടമപി വികസേത് കൃഷ്ണ തസ്മൈ നമസ്തേ ॥7॥
യദ്ഭീത്യോദേതി സൂര്യോ ദഹതി ച ദഹനോ വാതി വായുസ്തഥാന്യേ യദ്ഭീതാഃ പദ്മജാദ്യാഃ പുനരുചിതബലീനാഹരംതേഽനുകാലമ് । യേനൈവാരോപിതാഃ പ്രാങ്നിജപദമപി തേ ച്യാവിതാരശ്ച പശ്ചാത് തസ്മൈ വിശ്വം നിയംത്രേ വയമപി ഭവതേ കൃഷ്ണ കുര്മഃ പ്രണാമമ് ॥8॥
ത്രൈലോക്യം ഭാവയംതം ത്രിഗുണമയമിദം ത്ര്യക്ഷരസ്യൈകവാച്യം ത്രീശാനാമൈക്യരൂപം ത്രിഭിരപി നിഗമൈര്ഗീയമാനസ്വരൂപമ് । തിസ്രോവസ്ഥാ വിദംതം ത്രിയുഗജനിജുഷം ത്രിക്രമാക്രാംതവിശ്വം ത്രൈകാല്യേ ഭേദഹീനം ത്രിഭിരഹമനിശം യോഗഭേദൈര്ഭജേ ത്വാമ് ॥9॥
സത്യം ശുദ്ധം വിബുദ്ധം ജയതി തവ വപുര്നിത്യമുക്തം നിരീഹം നിര്ദ്വംദ്വം നിർവികാരം നിഖിലഗുണഗണവ്യംജനാധാരഭൂതമ് । നിര്മൂലം നിര്മലം തന്നിരവധിമഹിമോല്ലാസി നിര്ലീനമംത- ര്നിസ്സംഗാനാം മുനീനാം നിരുപമപരമാനംദസാംദ്രപ്രകാശമ് ॥10॥
ദുർവാരം ദ്വാദശാരം ത്രിശതപരിമിലത്ഷഷ്ടിപർവാഭിവീതം സംഭ്രാമ്യത് ക്രൂരവേഗം ക്ഷണമനു ജഗദാച്ഛിദ്യ സംധാവമാനമ് । ചക്രം തേ കാലരൂപം വ്യഥയതു ന തു മാം ത്വത്പദൈകാവലംബം വിഷ്ണോ കാരുണ്യസിംധോ പവനപുരപതേ പാഹി സർവാമയൌഘാത് ॥11॥
नारायणीयं दशक 98 - निष्कलब्रह्मोपासनम् के बारे में
Dashaka 98 of the Narayaneeyam turns to the Lord as the Supreme beyond all description: that in which this world shines, from which it arose, by whose light everything is lit, and which even the gods and great sages cannot fully know. It also sees the Lord as Time, and in its last verse prays that the relentless wheel of time, with its twelve spokes and three hundred and sixty joints, may not afflict one who holds only to his feet.
रचयिता: Melpathur Narayana Bhattathiri (1560 to 1646)
कब पढ़ें: In daily Narayaneeyam parayana and at Guruvayur.
क्या आप जानते हैं?
- The wheel with twelve spokes and 360 joints is the year: twelve months and 360 days, an image from the Rig Veda.
- The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.
अक्सर पूछे जाने वाले प्रश्न
What is dashaka 98 about?
The Lord as the Supreme beyond words, and as Time itself.
What is the wheel in the last verse?
The wheel of time, the year with its months and days.
Who wrote the Narayaneeyam?
Melpathur Narayana Bhattathiri, in 1586.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ