संक्षेप रामायणम्
Sri Rama · पारंपरिक भक्ति पाठ
শ্রীমদ্বাল্মীকীয় রামাযণে বালকাংডম্ । অথ প্রথমস্সর্গঃ ।
তপস্স্বাধ্য়াযনিরতং তপস্বী বাগ্বিদাং বরম্ । নারদং পরিপপ্রচ্ছ বাল্মীকির্মুনিপুংগবম্ ॥ 1 ॥
কোঽন্বস্মিন্সাংপ্রতং লোকে গুণবান্ কশ্চ বীর্যবান্ । ধর্মজ্ঞশ্চ কৃতজ্ঞশ্চ সত্যবাক্য়ো দৃঢব্রতঃ ॥ 2 ॥
চারিত্রেণ চ কো যুক্তঃ সর্বভূতেষু কো হিতঃ । বিদ্বান্ কঃ কঃ সমর্থশ্চ কশ্চৈকপ্রিযদর্শনঃ ॥ 3 ॥
আত্মবান্ কো জিতক্রোধো দ্য়ুতিমান্ কোঽনসূযকঃ । কস্য় বিভ্যতি দেবাশ্চ জাতরোষস্য় সংয়ুগে ॥ 4 ॥
এতদিচ্ছাম্যহং শ্রোতুং পরং কৌতূহলং হি মে । মহর্ষে ত্বং সমর্থোঽসি জ্ঞাতুমেবংবিধং নরম্ ॥ 5 ॥
শ্রুত্বা চৈতত্ত্রিলোকজ্ঞো বাল্মীকের্নারদো বচঃ । শ্রূযতামিতি চামংত্র্য় প্রহৃষ্টো বাক্যমব্রবীত্ ॥ 6 ॥
বহবো দুর্লভাশ্চৈব যে ত্বয়া কীর্তিতা গুণাঃ । মুনে বক্ষ্য়াম্যহং বুদ্ধ্বা তৈর্য়ুক্তঃ শ্রূযতাং নরঃ ॥ 7 ॥
ইক্ষ্বাকুবংশপ্রভবো রামো নাম জনৈঃ শ্রুতঃ । নিযতাত্মা মহাবীর্য়ো দ্য়ুতিমান্ ধৃতিমান্ বশী ॥ 8 ॥
বুদ্ধিমান্ নীতিমান্ বাগ্মী শ্রীমান্ শত্রুনিবর্হণঃ । বিপুলাংসো মহাবাহুঃ কংবুগ্রীবো মহাহনুঃ ॥ 9 ॥
মহোরস্কো মহেষ্বাসো গূঢজত্রুররিংদমঃ । আজানুবাহুঃ সুশিরাঃ সুললাটঃ সুবিক্রমঃ ॥ 10 ॥
সমঃ সমবিভক্তাংগঃ স্নিগ্ধবর্ণঃ প্রতাপবান্ । পীনবক্ষা বিশালাক্ষো লক্ষ্মীবান্ শুভলক্ষণঃ ॥ 11 ॥
ধর্মজ্ঞঃ সত্যসংধশ্চ প্রজানাং চ হিতে রতঃ । যশস্বী জ্ঞানসংপন্নঃ শুচির্বশ্য়ঃ সমাধিমান্ ॥ 12 ॥
প্রজাপতিসমঃ শ্রীমান্ ধাতা রিপুনিষূদনঃ । রক্ষিতা জীবলোকস্য় ধর্মস্য় পরিরক্ষিতা ॥ 13 ॥
রক্ষিতা স্বস্য় ধর্মস্য় স্বজনস্য় চ রক্ষিতা । বেদবেদাংগতত্ত্বজ্ঞো ধনুর্বেদে চ নিষ্ঠিতঃ ॥ 14 ॥
সর্বশাস্ত্রার্থতত্ত্বজ্ঞো স্মৃতিমান্প্রতিভানবান্ । সর্বলোকপ্রিয়ঃ সাধুরদীনাত্মা বিচক্ষণঃ ॥ 15 ॥
সর্বদাভিগতঃ সদ্ভিঃ সমুদ্র ইব সিংধুভিঃ । আর্য়ঃ সর্বসমশ্চৈব সদৈকপ্রিযদর্শনঃ ॥ 16 ॥
স চ সর্বগুণোপেতঃ কৌসল্য়ানংদবর্ধনঃ । সমুদ্র ইব গাংভীর্য়ে ধৈর্য়েণ হিমবানিব ॥ 17 ॥
বিষ্ণুনা সদৃশো বীর্য়ে সোমবত্প্রিযদর্শনঃ । কালাগ্নিসদৃশঃ ক্রোধে ক্ষময়া পৃথিবীসমঃ ॥ 18 ॥
ধনদেন সমস্ত্য়াগে সত্য়ে ধর্ম ইবাপরঃ । তমেবং গুণসংপন্নং রামং সত্যপরাক্রমম্ ॥ 19 ॥
জ্য়েষ্ঠং শ্রেষ্ঠগুণৈর্য়ুক্তং প্রিয়ং দশরথঃ সুতম্ । প্রকৃতীনাং হিতৈর্য়ুক্তং প্রকৃতি প্রিয় কাম্যয়া ॥ 20 ॥
যৌবরাজ্য়েন সংয়োক্তুমৈচ্ছত্প্রীত্য়া মহীপতিঃ । তস্য়াভিষেকসংভারান্ দৃষ্ট্বা ভার্য়াঽথ কৈকয়ী ॥ 21 ॥
পূর্বং দত্তবরা দেবী বরমেনময়াচত । বিবাসনং চ রামস্য় ভরতস্য়াভিষেচনম্ ॥ 22 ॥
স সত্যবচনাদ্রাজা ধর্মপাশেন সংযতঃ । বিবাসয়ামাস সুতং রামং দশরথঃ প্রিযম্ ॥ 23 ॥
স জগাম বনং বীরঃ প্রতিজ্ঞামনুপালযন্ । পিতুর্বচননির্দেশাত্কৈকেয়্য়াঃ প্রিযকারণাত্ ॥ 24 ॥
তং ব্রজংতং প্রিয়ো ভ্রাতা লক্ষ্মণোঽনুজগাম হ । স্নেহাদ্বিনযসংপন্নঃ সুমিত্রানংদবর্ধনঃ ॥ 25 ॥
ভ্রাতরং দয়িতো ভ্রাতুঃ সৌভ্রাত্রমনুদর্শযন্ । রামস্য় দয়িতা ভার্য়া নিত্য়ং প্রাণসমাহিতা ॥ 26 ॥
জনকস্য় কুলে জাতা দেবমায়েব নির্মিতা । সর্বলক্ষণসংপন্না নারীণামুত্তমা বধূঃ ॥ 27 ॥
সীতাঽপ্যনুগতা রামং শশিনং রোহিণী যথা । পৌরৈরনুগতো দূরং পিত্রা দশরথেন চ ॥ 28 ॥
শৃংগিবেরপুরে সূতং গংগাকূলে ব্যসর্জযত্ । গুহমাসাদ্য় ধর্মাত্মা নিষাদাধিপতিং প্রিযম্ ॥ 29 ॥
গুহেন সহিতো রামঃ লক্ষ্মণেন চ সীতয়া । তে বনেন বনং গত্বা নদীস্তীর্ত্বা বহূদকাঃ ॥ 30 ॥
চিত্রকূটমনুপ্রাপ্য় ভরদ্বাজস্য় শাসনাত্ । রম্যমাবসথং কৃত্বা রমমাণা বনে ত্রয়ঃ ॥ 31 ॥
দেবগংধর্বসংকাশাস্তত্র তে ন্যবসন্সুখম্ । চিত্রকূটং গতে রামে পুত্রশোকাতুরস্তথা ॥ 32 ॥
রাজা দশরথঃ স্বর্গং জগাম বিলপন্সুতম্ । মৃতে তু তস্মিন্ভরতো বসিষ্ঠপ্রমুখৈর্দ্বিজৈঃ ॥ 33 ॥
নিয়ুজ্যমানো রাজ্য়ায় নৈচ্ছদ্রাজ্য়ং মহাবলঃ । স জগাম বনং বীরো রামপাদপ্রসাদকঃ ॥ 34 ॥
গত্বা তু স মহাত্মানং রামং সত্যপরাক্রমম্ । অয়াচদ্ভ্রাতরং রামং আর্যভাবপুরস্কৃতঃ ॥ 35 ॥
ত্বমেব রাজা ধর্মজ্ঞ ইতি রামং বচোঽব্রবীত্ । রামোঽপি পরমোদারঃ সুমুখস্সুমহাযশাঃ ॥ 36 ॥
ন চৈচ্ছত্পিতুরাদেশাদ্রাজ্য়ং রামো মহাবলঃ । পাদুকে চাস্য় রাজ্য়ায় ন্য়াসং দত্ত্বা পুনঃ পুনঃ ॥ 37 ॥
নিবর্তয়ামাস ততো ভরতং ভরতাগ্রজঃ । স কামমনবাপ্য়ৈব রামপাদাবুপস্পৃশন্ ॥ 38 ॥
নংদিগ্রামেঽকরোদ্রাজ্য়ং রামাগমনকাংক্ষয়া । গতে তু ভরতে শ্রীমান্ সত্যসংধো জিতেংদ্রিয়ঃ ॥ 39 ॥
রামস্তু পুনরালক্ষ্য় নাগরস্য় জনস্য় চ । তত্রাগমনমেকাগ্রো দংডকান্প্রবিবেশ হ ॥ 40 ॥
প্রবিশ্য় তু মহারণ্য়ং রামো রাজীবলোচনঃ । বিরাধং রাক্ষসং হত্বা শরভংগং দদর্শ হ ॥ 41 ॥
সুতীক্ষ্ণং চাপ্যগস্ত্য়ং চ অগস্ত্যভ্রাতরং তথা । অগস্ত্যবচনাচ্চৈব জগ্রাহৈংদ্রং শরাসনম্ ॥ 42 ॥
খড্গং চ পরমপ্রীতস্তূণী চাক্ষযসাযকৌ । বসতস্তস্য় রামস্য় বনে বনচরৈঃ সহ ॥ 43 ॥
ঋষয়োঽভ্য়াগমন্সর্বে বধায়াসুররক্ষসাম্ । স তেষাং প্রতিশুশ্রাব রাক্ষসানাং তথা বনে ॥ 44 ॥
প্রতিজ্ঞাতশ্চ রামেণ বধঃ সংযতি রক্ষসাম্ । ঋষীণামগ্নিকল্পানাং দংডকারণ্যবাসিনাম্ ॥ 45 ॥
তেন তত্রৈব বসতা জনস্থাননিবাসিনী । বিরূপিতা শূর্পণখা রাক্ষসী কামরূপিণী ॥ 46 ॥
ততঃ শূর্পণখাবাক্য়াদুদ্য়ুক্তান্সর্বরাক্ষসান্ । খরং ত্রিশিরসং চৈব দূষণং চৈব রাক্ষসম্ ॥ 47 ॥
নিজঘান রণে রামস্তেষাং চৈব পদানুগান্ । বনে তস্মিন্নিবসতা জনস্থাননিবাসিনাম্ ॥ 48 ॥
রক্ষসাং নিহতান্য়াসন্সহস্রাণি চতুর্দশ । ততো জ্ঞাতিবধং শ্রুত্বা রাবণঃ ক্রোধমূর্ছিতঃ ॥ 49 ॥
সহায়ং বরয়ামাস মারীচং নাম রাক্ষসম্ । বার্যমাণঃ সুবহুশো মারীচেন স রাবণঃ ॥ 50 ॥
ন বিরোধো বলবতা ক্ষমো রাবণ তেন তে । অনাদৃত্য় তু তদ্বাক্য়ং রাবণঃ কালচোদিতঃ ॥ 51 ॥
জগাম সহমারীচঃ তস্য়াশ্রমপদং তদা । তেন মায়াবিনা দূরমপবাহ্য় নৃপাত্মজৌ ॥ 52 ॥
জহার ভার্য়াং রামস্য় গৃধ্রং হত্বা জটায়ুষম্ । গৃধ্রং চ নিহতং দৃষ্ট্বা হৃতাং শ্রুত্বা চ মৈথিলীম্ ॥ 53 ॥
রাঘবঃ শোকসংতপ্তো বিললাপাকুলেংদ্রিয়ঃ । ততস্তেনৈব শোকেন গৃধ্রং দগ্ধ্বা জটায়ুষম্ ॥ 54 ॥
মার্গমাণো বনে সীতাং রাক্ষসং সংদদর্শ হ । কবংধং নাম রূপেণ বিকৃতং ঘোরদর্শনম্ ॥ 55 ॥
তং নিহত্য় মহাবাহুঃ দদাহ স্বর্গতশ্চ সঃ । স চাস্য় কথয়ামাস শবরীং ধর্মচারিণীম্ ॥ 56 ॥
শ্রমণীং ধর্মনিপুণামভিগচ্ছেতি রাঘবম্ । সোঽভ্যগচ্ছন্মহাতেজাঃ শবরীং শত্রুসূদনঃ ॥ 57 ॥
শবর্য়া পূজিতঃ সম্যগ্রামো দশরথাত্মজঃ । পংপাতীরে হনুমতা সংগতো বানরেণ হ ॥ 58 ॥
হনুমদ্বচনাচ্চৈব সুগ্রীবেণ সমাগতঃ । সুগ্রীবায় চ তত্সর্বং শংসদ্রামো মহাবলঃ ॥ 59 ॥
আদিতস্তদ্যথাবৃত্তং সীতয়াশ্চ বিশেষতঃ । সুগ্রীবশ্চাপি তত্সর্বং শ্রুত্বা রামস্য় বানরঃ ॥ 60 ॥
চকার সখ্য়ং রামেণ প্রীতশ্চৈবাগ্নিসাক্ষিকম্ । ততো বানররাজেন বৈরানুকথনং প্রতি ॥ 61 ॥
রামায়াবেদিতং সর্বং প্রণয়াদ্দুঃখিতেন চ । প্রতিজ্ঞাতং চ রামেণ তদা বালিবধং প্রতি ॥ 62 ॥
বালিনশ্চ বলং তত্র কথয়ামাস বানরঃ । সুগ্রীবঃ শংকিতশ্চাসীন্নিত্য়ং বীর্য়েণ রাঘবে ॥ 63 ॥
রাঘবঃ প্রত্যয়ার্থং তু দুংদুভেঃ কাযমুত্তমম্ । দর্শয়ামাস সুগ্রীবো মহাপর্বত সন্নিভম্ ॥ 64 ॥
উত্স্ময়িত্বা মহাবাহুঃ প্রেক্ষ্য় চাস্থি মহাবলঃ । পাদাংগুষ্ঠেন চিক্ষেপ সংপূর্ণং দশয়োজনম্ ॥ 65 ॥
বিভেদ চ পুনঃ সালান্সপ্তৈকেন মহেষুণা । গিরিং রসাতলং চৈব জনযন্ প্রত্যয়ং তদা ॥ 66 ॥
ততঃ প্রীতমনাস্তেন বিশ্বস্তঃ স মহাকপিঃ । কিষ্কিংধাং রামসহিতো জগাম চ গুহাং তদা ॥ 67 ॥
ততোঽগর্জদ্ধরিবরঃ সুগ্রীবো হেমপিংগলঃ । তেন নাদেন মহতা নির্জগাম হরীশ্বরঃ ॥ 68 ॥
অনুমান্য় তদা তারাং সুগ্রীবেণ সমাগতঃ । নিজঘান চ তত্রৈনং শরেণৈকেন রাঘবঃ ॥ 69 ॥
ততঃ সুগ্রীববচনাদ্ধত্বা বালিনমাহবে । সুগ্রীবমেব তদ্রাজ্য়ে রাঘবঃ প্রত্যপাদযত্ ॥ 70 ॥
স চ সর্বান্সমানীয় বানরান্বানরর্ষভঃ । দিশঃ প্রস্থাপয়ামাস দিদৃক্ষুর্জনকাত্মজাম্ ॥ 71 ॥
ততো গৃধ্রস্য় বচনাত্সংপাতের্হনুমান্বলী । শতয়োজনবিস্তীর্ণং পুপ্লুবে লবণার্ণবম্ ॥ 72 ॥
তত্র লংকাং সমাসাদ্য় পুরীং রাবণপালিতাম্ । দদর্শ সীতাং ধ্য়ায়ংতীং অশোকবনিকাং গতাম্ ॥ 73 ॥
নিবেদয়িত্বাঽভিজ্ঞানং প্রবৃত্তিং চ নিবেদ্য় চ । সমাশ্বাস্য় চ বৈদেহীং মর্দয়ামাস তোরণম্ ॥ 74 ॥
পংচ সেনাগ্রগান্হত্বা সপ্ত মংত্রিসুতানপি । শূরমক্ষং চ নিষ্পিষ্য় গ্রহণং সমুপাগমত্ ॥ 75 ॥
অস্ত্রেণোন্মুক্তমাত্মানং জ্ঞাত্বা পৈতামহাদ্বরাত্ । মর্ষযন্রাক্ষসান্বীরো যংত্রিণস্তান্যদৃচ্ছয়া ॥ 76 ॥
ততো দগ্ধ্বা পুরীং লংকাং ঋতে সীতাং চ মৈথিলীম্ । রামায় প্রিযমাখ্য়াতুং পুনরায়ান্মহাকপিঃ ॥ 77 ॥
সোঽভিগম্য় মহাত্মানং কৃত্বা রামং প্রদক্ষিণম্ । ন্যবেদযদমেয়াত্মা দৃষ্টা সীতেতি তত্ত্বতঃ ॥ 78 ॥
ততঃ সুগ্রীবসহিতো গত্বা তীরং মহোদধেঃ । সমুদ্রং ক্ষোভয়ামাস শরৈরাদিত্যসন্নিভৈঃ ॥ 79 ॥
দর্শয়ামাস চাত্মানং সমুদ্রঃ সরিতাং পতিঃ । সমুদ্রবচনাচ্চৈব নলং সেতুমকারযত্ ॥ 80 ॥
তেন গত্বা পুরীং লংকাং হত্বা রাবণমাহবে । রামঃ সীতামনুপ্রাপ্য় পরাং ব্রীডামুপাগমত্ ॥ 81 ॥
তামুবাচ
ততো রামঃ পরুষং জনসংসদি । অমৃষ্যমাণা সা সীতা বিবেশ জ্বলনং সতী ॥ 82
ততোঽগ্নিবচনাত্সীতাং জ্ঞাত্বা বিগতকল্মষাম্ । বভৌ রামঃ সংপ্রহৃষ্টঃ পূজিতঃ সর্বদৈবতৈঃ ॥ 83 ॥
কর্মণা তেন মহতা ত্রৈলোক্য়ং সচরাচরম্ । সদেবর্ষিগণং তুষ্টং রাঘবস্য় মহাত্মনঃ ॥ 84 ॥
অভিষিচ্য় চ লংকায়াং রাক্ষসেংদ্রং বিভীষণম্ । কৃতকৃত্যস্তদা রামো বিজ্বরঃ প্রমুমোদ হ ॥ 85 ॥
দেবতাভ্য়ো বরং প্রাপ্য় সমুত্থাপ্য় চ বানরান্ । অয়োধ্য়াং প্রস্থিতো রামঃ পুষ্পকেণ সুহৃদ্বৃতঃ ॥ 86 ॥
ভরদ্বাজাশ্রমং গত্বা রামঃ সত্যপরাক্রমঃ । ভরতস্য়াংতিকং রামো হনূমংতং ব্যসর্জযত্ ॥ 87 ॥
পুনরাখ্য়ায়িকাং জল্পন্সুগ্রীবসহিতশ্চ সঃ । পুষ্পকং তত্সমারুহ্য় নংদিগ্রামং যয়ৌ তদা ॥ 88 ॥
নংদিগ্রামে জটাং হিত্বা ভ্রাতৃভিঃ সহিতোঽনঘঃ । রামঃ সীতামনুপ্রাপ্য় রাজ্য়ং পুনরবাপ্তবান্ ॥ 89 ॥
প্রহৃষ্টমুদিতো লোকস্তুষ্টঃ পুষ্টঃ সুধার্মিকঃ । নিরাময়ো হ্যরোগশ্চ দুর্ভিক্ষ ভযবর্জিতঃ ॥ 90 ॥
ন পুত্রমরণং কিংচিদ্দ্রক্ষ্য়ংতি পুরুষাঃ ক্বচিত্ । নার্যশ্চাবিধবা নিত্য়ং ভবিষ্য়ংতি পতিব্রতাঃ ॥ 91 ॥
ন চাগ্নিজং ভয়ং কিংচিন্নাপ্সু মজ্জংতি জংতবঃ । ন বাতজং ভয়ং কিংচিন্নাপি জ্বরকৃতং তথা ॥ 92 ॥
ন চাপি ক্ষুদ্ভয়ং তত্র ন তস্করভয়ং তথা । নগরাণি চ রাষ্ট্রাণি ধনধান্যয়ুতানি চ ॥ 93 ॥
নিত্য়ং প্রমুদিতাঃ সর্বে যথা কৃতয়ুগে তথা । অশ্বমেধশতৈরিষ্ট্বা তথা বহুসুবর্ণকৈঃ ॥ 94 ॥
গবাং কোট্যয়ুতং দত্বা ব্রহ্মলোকং প্রয়াস্যতি । অসংখ্য়েয়ং ধনং দত্বা ব্রাহ্মণেভ্য়ো মহাযশাঃ ॥ 95 ॥
রাজবংশান্ শতগুণান্ স্থাপয়িষ্যতি রাঘবঃ । চাতুর্বর্ণ্য়ং চ লোকেঽস্মিন্ স্বে স্বে ধর্মে নিয়োক্ষ্যতি ॥ 96 ॥
দশবর্ষসহস্রাণি দশবর্ষশতানি চ । রামো রাজ্যমুপাসিত্বা ব্রহ্মলোকং গমিষ্যতি ॥ 97 ॥
ইদং পবিত্রং পাপঘ্নং পুণ্য়ং বেদৈশ্চ সম্মিতম্ । যঃ পঠেদ্রামচরিতং সর্বপাপৈঃ প্রমুচ্যতে ॥ 98 ॥
এতদাখ্য়ানমায়ুষ্য়ং পঠন্রামাযণং নরঃ । সপুত্রপৌত্রঃ সগণঃ প্রেত্য় স্বর্গে মহীযতে ॥ 99 ॥
পঠন্ দ্বিজো বাগৃষভত্বমীয়াত্ স্য়াত্ ক্ষত্রিয়ো ভূমিপতিত্বমীয়াত্ । বণিগ্জনঃ পণ্যফলত্বমীয়াত্ জনশ্চ শূদ্রোঽপি মহত্ত্বমীয়াত্ ॥ 100 ॥
ইত্য়ার্ষে শ্রীমদ্রামাযণে বাল্মীকীয়ে আদিকাব্য়ে বালকাংডে নারদবাক্য়ং নাম প্রথমঃ সর্গঃ ॥
संक्षेप रामायणम् के बारे में
The Sankshepa Ramayanam, "the Ramayana in brief", is the first chapter (sarga) of the Bala Kanda of Valmiki's Ramayana. The sage Valmiki asks Narada whether there is anyone in the world who is virtuous, mighty, righteous, grateful, truthful and firm in his vows; Narada answers that there is such a man, Rama of the Ikshvaku line, and then tells the whole story of the Ramayana in about a hundred verses, from Rama's virtues and exile to the slaying of Ravana and his rule in Ayodhya.
स्रोत: Valmiki Ramayana, Bala Kanda, sarga 1
कब पढ़ें: As a short form of Ramayana parayana, on Sri Rama Navami, and at the start of a full Ramayana reading.
क्या आप जानते हैं?
- It is called "Narada vakya", the words of Narada, in its colophon.
- Its first verse, "Tapah svadhyaya niratam", opens the Ramayana, the "first poem" (adi kavya) of Sanskrit.
- Reading this chapter is traditionally said to give the merit of reading the whole Ramayana.
अक्सर पूछे जाने वाले प्रश्न
What is the Sankshepa Ramayanam?
The whole Ramayana told briefly by Narada, in the first sarga of Valmiki's epic.
What question does Valmiki ask?
Whether there is a person in the world with every virtue.
Whom does Narada name?
Rama of the Ikshvaku line.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ