MuhurtaNow

सानुस्वार प्रश्न (सुन्नाल पन्नम्)

Vedic · पारंपरिक भक्ति पाठ

[krishnayajurveda-ntaittareeya braahmana 3-4-1-1]

shree gurubhyo namah । harih om ।

brahma̍ne braahma̠namaala̍bhate । ksha̠ttraaya̍ raaja̠nyam̎ । ma̠rudbhyo̠ vaishyam̎ । tapa̍se shoo̠dram । tama̍se̠ taska̍ram । naara̍kaaya veera̠hanam̎ । paa̠pmane̎ klee̠bam । aa̠kra̠yaayaa̍yo̠goom । kaamaa̍ya puggshcha̠loom । ati̍krushtaaya maaga̠dham ॥ 1 ॥

gee̠taaya̍ soo̠tam । nri̠ttaaya̍ shailoo̠sham । dharmaa̍ya sabhaacha̠ram । na̠rmaaya̍ re̠bham । nari̍shthaayai bheema̠lam । hasaa̍ya̠ kaarim̎ । aa̠na̠ndaaya̍ streesha̠kham । pra̠mude̍ kumaareepu̠tram । me̠dhaayai̍ rathakaa̠ram । dhairyaa̍ya̠ takshaa̍nam ॥ 2 ॥

shramaa̍ya kaulaa̠lam । maa̠yaayai̍ kaarmaa̠ram । roo̠paaya̍ manikaa̠ram । shubhe̍ va̠pam । sha̠ra̠vyaa̍yaa ishukaa̠ram । he̠tyai dha̍nvakaa̠ram । karma̍ne jyaakaa̠ram । di̠shtaaya̍ rajjusa̠rgam । mri̠tyave̍ mriga̠yum । anta̍kaaya shva̠nitam̎ ॥ 3 ॥

sa̠ndhaye̍ jaa̠ram । ge̠haayo̍papa̠tim । nir-ri̍tyai parivi̠ttam । aartyai̍ parivividaa̠nam । araa̎dhyai didhishoo̠patim̎ । pa̠vitraa̍ya bhi̠shajam̎ । pra̠jnaanaa̍ya nakshatrada̠rsham । nishkri̍tyai peshaskaa̠reem । balaa̍yopa̠daam । varnaa̍yaanoo̠rudham̎ ॥ 4 ॥

na̠deebhya̍h paunji̠shtam । ri̠ksheekaa̎bhyo̠ naishaa̍dam । pu̠ru̠sha̠vyaa̠ghraaya̍ du̠rmadam̎ । pra̠yudbhya̠ unma̍ttam । ga̠ndha̠rvaa̠psa̠raabhyo̠ vraatyam̎ । sa̠rpa̠de̠va̠ja̠nebhyo-'pra̍tipadam । ave̎bhyah kita̠vam । i̠ryataa̍yaa̠ aki̍tavam । pi̠shaa̠chebhyo̍ bidalakaa̠ram । yaa̠tu̠dhaane̎bhyah kantakakaa̠ram ॥ 5 ॥

u̠thsaa̠debhya̍h ku̠bjam । pra̠mude̍ vaama̠nam । dvaa̠rbhya-ssraa̠mam । svapnaa̍yaa̠ndham । adha̍rmaaya badhi̠ram । sa̠njnaanaa̍ya smarakaa̠reem । pra̠kaa̠modyaa̍yopa̠sadam̎ । aa̠shi̠kshaayai̎ pra̠shninam̎ । u̠pa̠shi̠kshaayaa̍ abhipra̠shninam̎ । ma̠ryaadaa̍yai prashnavivaa̠kam ॥ 6 ॥

rityai̎ ste̠nahri̍dayam । vaira̍hatyaaya̠ pishu̍nam । vivi̍ttyai ksha̠ttaaram̎ । aupa̍drashtaaya sangrahee̠taaram̎ । balaa̍yaanucha̠ram । bhoo̠mne pa̍rishka̠ndam । pri̠yaaya̍ priyavaa̠dinam̎ । ari̍shtyaa ashvasaa̠dam । medhaa̍ya vaasah palpoo̠leem । pra̠kaa̠maaya̍ rajayi̠treem ॥ 7 ॥

bhaayai̍ daarvaahaa̠ram । pra̠bhaayaa̍ aagne̠ndham । naaka̍sya pri̠shthaayaa̍bhishe̠ktaaram̎ । bra̠dhnasya̍ vi̠shtapaa̍ya paatranirne̠gam । de̠va̠lo̠kaaya̍ peshi̠taaram̎ । ma̠nu̠shya̠lo̠kaaya̍ prakari̠taaram̎ । sarve̎bhyo lo̠kebhya̍ upase̠ktaaram̎ । ava̍rtyai va̠dhaayo̍pamanthi̠taaram̎ । su̠va̠rgaaya̍ lo̠kaaya̍ bhaaga̠dugham̎ । varshi̍shthaaya̠ naakaa̍ya parive̠shtaaram̎ ॥ 8 ॥

arme̎bhyo hasti̠pam । ja̠vaayaa̎shva̠pam । pushtyai̍ gopaa̠lam । teja̍se-'japaa̠lam । vee̠ryaa̍yaavipaa̠lam । iraa̍yai kee̠naasham̎ । kee̠laalaa̍ya suraakaa̠ram । bha̠draaya̍ griha̠pam । shreya̍se vitta̠dham । adhya̍kshaayaanuksha̠ttaaram̎ ॥ 9 ॥

ma̠nyave̍-'yastaa̠pam । krodhaa̍ya nisa̠ram । shokaa̍yaabhisa̠ram । u̠tkoo̠la̠vi̠koo̠laabhyaa̎-ntri̠sthinam̎ । yogaa̍ya yo̠ktaaram̎ । kshemaa̍ya vimo̠ktaaram̎ । vapu̍she maanaskri̠tam । sheelaa̍yaanjaneekaa̠ram । nir-ri̍tyai koshakaa̠reem । ya̠maayaa̠soom ॥ 10 ॥

ya̠myai̍ yama̠soom । atha̍rva̠bhyo-'va̍tokaam । sa̠mva̠thsa̠raaya̍ paryaa̠rinee̎m । pa̠ri̠va̠thsa̠raayaavi̍jaataam । i̠daa̠va̠thsa̠raayaa̍pa̠skadva̍reem । i̠dva̠tsa̠raayaa̠teetva̍reem । va̠thsa̠raaya̠ vija̍rjaraam । sa̠mva̠thsa̠raaya̠ pali̍kneem । vanaa̍ya vana̠pam । a̠nyato̍-'ranyaaya daava̠pam ॥ 11 ॥

saro̎bhyo dhaiva̠ram । vesha̍ntaabhyo̠ daasham̎ । u̠pa̠sthaava̍reebhyo̠ baindam̎ । na̠dva̠laabhya̍-shshaushka̠lam । paa̠ryaa̍ya kaiva̠rtam । a̠vaa̠ryaa̍ya maargaa̠ram । tee̠rthebhya̍ aa̠ndam । visha̍mebhyo mainaa̠lam । svane̎bhya̠h parna̍kam । guhaa̎bhya̠h kiraa̍tam । saanu̍bhyo̠ jambha̍kam । parva̍tebhya̠h kimpoo̍rusham ॥ 12 ॥

pra̠ti̠shrutkaa̍yaa..ritu̠lam । ghoshaa̍ya bha̠sham । antaa̍ya bahuvaa̠dinam̎ । a̠na̠ntaaya̠ mookam̎ । maha̍se veenaavaa̠dam । kroshaa̍ya toonava̠dhmam । aa̠kra̠ndaaya̍ dundubhyaaghaa̠tam । a̠va̠ra̠spa̠raaya̍ shankha̠dhmam । ri̠bhubhyo̍-'jinasandhaa̠yam । saa̠dhyebhya̍shcharma̠mnam ॥ 13 ॥

bee̠bha̠thsaayai̍ paulka̠sam । bhootyai̍ jaagara̠nam । abhoo̎tyai svapa̠nam । tu̠laayai̍ vaani̠jam । varnaa̍ya hiranyakaa̠ram । vishve̎bhyo de̠vebhya̍-ssidhma̠lam । pa̠shchaa̠ddo̠shaaya̍ glaa̠vam । rityai̍ janavaa̠dinam̎ । vyri̍ddhyaa apaga̠lbham । sa̠g̠msha̠raaya̍ pra̠chchhidam̎ ॥ 14 ॥

hasaa̍ya puggshcha̠loomaala̍bhate । vee̠naa̠vaa̠da-ngana̍ka-ngee̠taaya̍ । yaada̍se shaabu̠lyaam । na̠rmaaya̍ bhadrava̠teem । too̠shna̠va̠dhma-ngraa̍ma̠nya̍-mpaanisanghaa̠ta-nnri̠ttaaya̍ । modaa̍yaanu̠krosha̍kam । aa̠na̠ndaaya̍ tala̠vam ॥ 15 ॥

a̠ksha̠raa̠jaaya̍ kita̠vam । kri̠taaya̍ sabhaa̠vinam̎ । tretaa̍yaa aadinavada̠rsham । dvaa̠pa̠raaya̍ bahi̠-ssadam̎ । kala̍ye sabhaasthaa̠num । du̠shkri̠taaya̍ cha̠rakaa̍chaaryam । adhva̍ne brahmachaa̠rinam̎ । pi̠shaa̠chebhya̍-ssaila̠gam । pi̠paa̠saayai̍ govya̠chchham । nir-ri̍tyai goghaa̠tam । kshu̠dhe go̍vika̠rtam । kshu̠ttri̠shnaabhyaa̠-ntam । yo gaam vi̠krinta̍nta-mmaa̠g̠msa-mbhiksha̍maana upa̠tishtha̍te ॥ 16 ॥

bhoomyai̍ peethasa̠rpina̠maala̍bhate । a̠gnaye-'g̍msa̠lam । vaa̠yave̍ chaandaa̠lam । a̠ntari̍kshaaya vagmshana̠rtinam̎ । di̠ve kha̍la̠tim । sooryaa̍ya harya̠ksham । cha̠ndrama̍se mirmi̠ram । naksha̍trebhyah ki̠laasam̎ । ahne̍ shu̠kla-mpi̍nga̠lam । raatri̍yai kri̠shna-mpi̍ngaa̠ksham ॥ 17 ॥

vaa̠che puru̍sha̠maala̍bhate । praa̠nama̍paa̠nam vyaa̠namu̍daa̠nagm sa̍maa̠na-ntaanvaa̠yave̎ । sooryaa̍ya̠ chakshu̠raala̍bhate । mana̍shcha̠ndrama̍se । di̠gbhya-shshrotram̎ । pra̠jaapa̍taye̠ puru̍sham ॥ 18 ॥

athai̠taanaroo̍pebhya̠ aala̍bhate । ati̍hrasva̠mati̍deergham । ati̍krisha̠matyag̍msalam । ati̍shukla̠mati̍krishnam । ati̍shlakshna̠mati̍lomasham । ati̍kirita̠mati̍danturam । ati̍mirmira̠mati̍memisham । aa̠shaayai̍ jaa̠mim । pra̠tee̠kshaayai̍ kumaa̠reem ॥ 19 ॥

सानुस्वार प्रश्न (सुन्नाल पन्नम्) के बारे में

The Sanusvara Prashna, known in South Indian Vedic recitation as "Sunnala Pannam", is a section of the Krishna Yajurveda Taittiriya Brahmana (3.4). It is a long list, in short phrases, in which kinds of people, crafts and beings are each assigned to a deity or power, beginning "brahmane brahmanam", the brahmana for Brahman, the kshatriya for rule, the vaishya for the Maruts; tradition understands it as part of the symbolic purushamedha, in which all of human society is offered to the cosmic Person.

स्रोत: Krishna Yajurveda, Taittiriya Brahmana 3.4

कब पढ़ें: In Vedic chanting and in traditional study of the Taittiriya Brahmana.

क्या आप जानते हैं?

  • "Pannam" is the South Indian form of "prashna", a chapter of Vedic text.
  • The list is often read as a picture of the many occupations and kinds of people in Vedic society.

अक्सर पूछे जाने वाले प्रश्न

Where is this text from?

The Taittiriya Brahmana, 3.4, of the Krishna Yajurveda.

What is its form?

A long list assigning people and beings to deities.

What is it also called?

"Sunnala Pannam" in South Indian recitation.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।