MuhurtaNow

श्री भू वराह स्तोत्रम्

Vishnu · पारंपरिक भक्ति पाठ

ऋषय ऊचु ।

जितं जितं तेऽजित यज्ञभावना त्रयीं तनूं स्वां परिधुन्वते नमः । यद्रोमगर्तेषु निलिल्युरध्वराः तस्मै नमः कारणसूकराय ते ॥ 1 ॥

रूपं तवैतन्ननु दुष्कृतात्मनां दुर्दर्शनं देव यदध्वरात्मकम् । छंदांसि यस्य त्वचि बर्हिरोम- स्स्वाज्यं दृशि त्वंघ्रिषु चातुर्होत्रम् ॥ 2 ॥

स्रुक्तुंड आसीत्स्रुव ईश नासयो- रिडोदरे चमसाः कर्णरंध्रे । प्राशित्रमास्ये ग्रसने ग्रहास्तु ते यच्चर्वणंते भगवन्नग्निहोत्रम् ॥ 3 ॥

दीक्षानुजन्मोपसदः शिरोधरं त्वं प्रायणीयो दयनीय दंष्ट्रः । जिह्वा प्रवर्ग्यस्तव शीर्षकं क्रतोः सभ्यावसथ्यं चितयोऽसवो हि ते ॥ 4 ॥

सोमस्तु रेतः सवनान्यवस्थितिः संस्थाविभेदास्तव देव धातवः । सत्राणि सर्वाणि शरीरसंधि- स्त्वं सर्वयज्ञक्रतुरिष्टिबंधनः ॥ 5 ॥

नमो नमस्तेऽखिलयंत्रदेवता द्रव्याय सर्वक्रतवे क्रियात्मने । वैराग्य भक्त्यात्मजयाऽनुभावित ज्ञानाय विद्यागुरवे नमॊ नमः ॥ 6 ॥

दंष्ट्राग्रकोट्या भगवंस्त्वया धृता विराजते भूधर भूस्सभूधरा । यथा वनान्निस्सरतो दता धृता मतंगजेंद्रस्य स पत्रपद्मिनी ॥ 7 ॥

त्रयीमयं रूपमिदं च सौकरं भूमंडले नाथ तदा धृतेन ते । चकास्ति शृंगोढघनेन भूयसा कुलाचलेंद्रस्य यथैव विभ्रमः ॥ 8 ॥

संस्थापयैनां जगतां सतस्थुषां लोकाय पत्नीमसि मातरं पिता । विधेम चास्यै नमसा सह त्वया यस्यां स्वतेजोऽग्निमिवारणावधाः ॥ 9 ॥

कः श्रद्धधीतान्यतमस्तव प्रभो रसां गताया भुव उद्विबर्हणम् । न विस्मयोऽसौ त्वयि विश्वविस्मये यो माययेदं ससृजेऽति विस्मयम् ॥ 10 ॥

विधुन्वता वेदमयं निजं वपु- र्जनस्तपः सत्यनिवासिनो वयम् । सटाशिखोद्धूत शिवांबुबिंदुभि- र्विमृज्यमाना भृशमीश पाविताः ॥ 11 ॥

स वै बत भ्रष्टमतिस्तवैष ते यः कर्मणां पारमपारकर्मणः । यद्योगमाया गुण योग मोहितं विश्वं समस्तं भगवन् विधेहि शम् ॥ 12 ॥

इति श्रीमद्भागवते महापुराणे तृतीयस्कंधे श्री वराह प्रादुर्भावोनाम त्रयोदशोध्यायः ।

श्री भू वराह स्तोत्रम् के बारे में

The Bhu Varaha Stotram is the hymn the sages sang to Lord Varaha, the boar avatar, as he rose from the ocean bearing the Earth on his tusk. "Victory, victory to you, the unconquered, the embodiment of the sacrifice": they see the whole Vedic sacrifice in his body, the rituals hidden in the pores of his skin, and praise him for rescuing the Earth.

स्रोत: Bhagavata Purana, Book 3, Chapter 13

कब पढ़ें: On Varaha Jayanti, at bhoomi puja before building, and in Vishnu worship.

क्या आप जानते हैं?

  • It is from chapter 13 of the third book of the Bhagavata Purana.
  • The sages see Varaha as "Yajna Varaha", the sacrifice itself in the form of a boar.

अक्सर पूछे जाने वाले प्रश्न

Who is Bhu Varaha?

Vishnu as the boar who lifted the Earth (Bhu) from the ocean.

Where is the hymn found?

Bhagavata Purana, Book 3, Chapter 13.

When is it recited?

On Varaha Jayanti and at bhoomi puja.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।