MuhurtaNow

श्री बटुक भैरव कवचं

Shiva · पारंपरिक भक्ति पाठ

ശ്രീഭൈരവ ഉവാച

ദേവേശി ദേഹരക്ഷാര്ഥം കാരണം കഥ്യതാം ധ്രുവമ് । മ്രിയംതേ സാധകാ യേന വിനാ ശ്മശാനഭൂമിഷു ॥ രണേഷു ചാതിഘോരേഷു മഹാവായുജലേഷു ച । ശൃംഗിമകരവജ്രേഷു ജ്വരാദിവ്യാധിവഹ്നിഷു

ശ്രീദേവ്യുവാച

കഥയാമി ശൃണു പ്രാജ്ഞ ബടോസ്തു കവചം ശുഭമ് । ഗോപനീയം പ്രയത്നേന മാതൃജാരോപമം യഥാ ॥ തസ്യ ധ്യാനം ത്രിധാ പ്രോക്തം സാത്ത്വികാദിപ്രഭേദതഃ । സാത്ത്വികം രാജസം ചൈവ താമസം ദേവ തത് ശൃണു

ധ്യാനമ് – വംദേ ബാലം സ്ഫടികസദൃശം കുംഡലോദ്ഭാസിവക്ത്രം ദിവ്യാകല്പൈര്നവമണിമയൈഃ കിംകിണീനൂപുരാദ്യൈഃ । ദീപ്താകാരം വിശദവദനം സുപ്രസന്നം ത്രിനേത്രം ഹസ്താബ്ജാഭ്യാം ബടുകമനിശം ശൂലഖഡ്ഗൌദധാനമ് ॥ 1 ॥

ഉദ്യദ്ഭാസ്കരസന്നിഭം ത്രിനയനം രക്താംഗരാഗസ്രജം സ്മേരാസ്യം വരദം കപാലമഭയം ശൂലം ദധാനം കരൈഃ । നീലഗ്രീവമുദാരഭൂഷണശതം ശീതാംശുചൂഡോജ്ജ്വലം ബംധൂകാരുണവാസസം ഭയഹരം ദേവം സദാ ഭാവയേ ॥ 2 ॥

ധ്യായേന്നീലാദ്രികാംതം ശശിശകലധരം മുംഡമാലം മഹേശം ദിഗ്വസ്ത്രം പിംഗകേശം ഡമരുമഥ സൃണിം ഖഡ്ഗശൂലാഭയാനി । നാഗം ഘംടാം കപാലം കരസരസിരുഹൈർവിഭ്രതം ഭീമദംഷ്ട്രം സര്പാകല്പം ത്രിനേത്രം മണിമയവിലസത്കിംകിണീ നൂപുരാഢ്യമ് ॥ 3 ॥

അസ്യ വടുകഭൈരവകവചസ്യ മഹാകാല ഋഷിരനുഷ്ടുപ്ഛംദഃ ശ്രീവടുകഭൈരവോ ദേവതാ ബം ബീജം ഹ്രീം ശക്തിരാപദുദ്ധാരണായേതി കീലകം മമ സർവാഭീഷ്ടസിദ്ധ്യര്ഥേ വിനിയോഗഃ ।

കവചമ് – ഓം ശിരോ മേ ഭൈരവഃ പാതു ലലാടം ഭീഷണസ്തഥാ । നേത്രേ ച ഭൂതഹനനഃ സാരമേയാനുഗോ ഭ്രുവൌ ॥ 1

ഭൂതനാഥശ്ച മേ കര്ണൌ കപോലൌ പ്രേതവാഹനഃ । നാസാപുടൌ തഥോഷ്ഠൌ ച ഭസ്മാംഗഃ സർവഭൂഷണഃ ॥ 2

ഭീഷണാസ്യോ മമാസ്യം ച ശക്തിഹസ്തോ ഗലം മമ । സ്കംധൌ ദൈത്യരിപുഃ പാതു ബാഹൂ അതുലവിക്രമഃ ॥ 3

പാണീ കപാലീ മേ പാതു മുംഡമാലാധരോ ഹൃദമ് । വക്ഷഃസ്ഥലം തഥാ ശാംതഃ കാമചാരീ സ്തനം മമ ॥ 4

ഉദരം ച സ മേ തുഷ്ടഃ ക്ഷേത്രേശഃ പാര്ശ്വതസ്തഥാ । ക്ഷേത്രപാലഃ പൃഷ്ഠദേശം ക്ഷേത്രാഖ്യോ നാഭിതസ്തഥാ ॥ 5

കടിം പാപൌഘനാശശ്ച ബടുകോ ലിംഗദേശകമ് । ഗുദം രക്ഷാകരഃ പാതു ഊരൂ രക്ഷാകരഃ സദാ ॥ 6

ജാനൂ ച ഘുര്ഘുരാരാവോ ജംഘേ രക്ഷതു രക്തപഃ । ഗുല്ഫൌ ച പാദുകാസിദ്ധഃ പാദപൃഷ്ഠം സുരേശ്വരഃ ॥ 7

ആപാദമസ്തകം ചൈവ ആപദുദ്ധാരണസ്തഥാ । സഹസ്രാരേ മഹാപദ്മേ കര്പൂരധവലോ ഗുരുഃ ॥ 8

പാതു മാം വടുകോ ദേവോ ഭൈരവഃ സർവകര്മസു । പൂർവ സ്യാമസിതാംഗോ മേ ദിശി രക്ഷതു സർവദാ ॥ 9

ആഗ്നേയ്യാം ച രുരുഃ പാതു ദക്ഷിണേ ചംഡഭൈരവഃ । നൈരൃത്യാം ക്രോധനഃ പാതു മാമുന്മത്തസ്തു പശ്ചിമേ ॥ 10

വായവ്യാം മേ കപാലീ ച നിത്യം പായാത് സുരേശ്വരഃ । ഭീഷണോ ഭൈരവഃ പാതൂത്തരസ്യാം ദിശി സർവദാ ॥ 11

സംഹാരഭൈരവഃ പാതു ദിശ്യൈശാന്യാം മഹേശ്വരഃ । ഊര്ധ്വേ പാതു വിധാതാ വൈ പാതാലേ നംദികോ വിഭുഃ ॥ 12

സദ്യോജാതസ്തു മാം പായാത് സർവതോ ദേവസേവിതഃ । വാമദേവോഽവതു പ്രീതോ രണേ ഘോരേ തഥാവതു ॥ 13

ജലേ തത്പുരുഷഃ പാതു സ്ഥലേ പാതു ഗുരുഃ സദാ । ഡാകിനീപുത്രകഃ പാതു ദാരാംസ്തു ലാകിനീസുതഃ ॥ 14

പാതു സാകലകോ ഭ്രാതൄന് ശ്രിയം മേ സതതം ഗിരഃ । ലാകിനീപുത്രകഃ പാതു പശൂനശ്വാനജാംസ്തഥാ ॥ 15

മഹാകാലോഽവതു ച്ഛത്രം സൈന്യം വൈ കാലഭൈരവഃ । രാജ്യം രാജ്യശ്രിയം പായാത് ഭൈരവോ ഭീതിഹാരകഃ ॥ 16

രക്ഷാഹീനംതു യത് സ്ഥാനം വര്ജിതം കവചേന ച । തത് സർവം രക്ഷ മേ ദേവ ത്വം യതഃ സർവരക്ഷകഃ ॥ 17

ഏതത് കവചമീശാന തവ സ്നേഹാത് പ്രകാശിതമ് । നാഖ്യേയം നരലോകേഷു സാരഭൂതം ച സുശ്രിയമ് ॥ 18

യസ്മൈ കസ്മൈ ന ദാതവ്യം കവചേശം സുദുര്ലഭമ് । ന ദേയം പരശിഷ്യേഭ്യഃ കൃപണേഭ്യശ്ച ശംകര ॥ 19

യോ ദദാതി നിഷിദ്ധേഭ്യഃ സ വൈ ഭ്രഷ്ടോ ഭവേദ്ധ്രുവമ് । അനേന കവചേശേന രക്ഷാം കൃത്വാ ദ്വിജോത്തമഃ ॥ 20

വിചരന് യത്ര കുത്രാപി വിഘ്നൌഘൈഃ പ്രാപ്യതേ ന സഃ । മംത്രേണ മ്രിയതേ യോഗീ കവചം യന്ന രക്ഷിതഃ ॥ 21

തസ്മാത് സർവപ്രയത്നേന ദുര്ലഭം പാപചേതസാമ് । ഭൂര്ജേ രംഭാത്വചേ വാപി ലിഖിത്വാ വിധിവത് പ്രഭോ ॥ 22

ധാരയേത് പാഠയേദ്വാപി സംപഠേദ്വാപി നിത്യശഃ । സംപ്രാപ്നോതി പ്രഭാവം വൈ കവചസ്യാസ്യ വര്ണിതമ് ॥ 23

നമോ ഭൈരവദേവായ സാരഭൂതായ വൈ നമഃ । നമസ്ത്രൈലോക്യനാഥായ നാഥനാഥായ വൈ നമഃ ॥ 24

ഇതി വിശ്വസാരോദ്ധാരതംത്രേ ആപദുദ്ധാരകല്പേ ഭൈരവഭൈരവീസംവാദേ വടുകഭൈരവകവചം സമാപ്തമ് ॥

श्री बटुक भैरव कवचं के बारे में

The Batuka Bhairava Kavacham is a protective "armour" hymn of Batuka Bhairava, the child form of Bhairava. The Goddess asks Bhairava for a means to protect the body of practitioners in fearful places, in terrible battles, in storms and floods; Bhairava replies that he will tell the auspicious kavacha of Batuka, to be guarded with great care, and gives its meditation and protective verses.

स्रोत: Vishvasaroddhara Tantra, as its colophon states

कब पढ़ें: On Ashtami and Sundays, and in Bhairava worship, especially by those initiated.

क्या आप जानते हैं?

  • Its colophon places it in the Apaduddhara Kalpa of the Vishvasaroddhara Tantra, in a dialogue between Bhairava and Bhairavi.
  • "Batuka" means a young boy: Batuka Bhairava is the gentle child form of the fierce Bhairava.
  • Tantric kavachas of this kind are traditionally learnt from a teacher.

अक्सर पूछे जाने वाले प्रश्न

Who is Batuka Bhairava?

The child form of Bhairava, gentle and protective.

Who teaches this kavacha?

Bhairava, to the Goddess Bhairavi.

Where is it from?

The Vishvasaroddhara Tantra, as its colophon states.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।