श्रि दत्तात्रेय वज्र कवचम्
Dattatreya · पारंपरिक भक्ति पाठ
ঋষয় ঊচুঃ । কথং সংকল্পসিদ্ধিঃ স্য়াদ্বেদব্য়াস কলৌয়ুগে । ধর্মার্থকামমোক্ষাণাং সাধনং কিমুদাহৃতম্ ॥ 1 ॥
ব্য়াস উবাচ
শৃণ্বংতু ঋষযস্সর্বে শীঘ্রং সংকল্পসাধনম্ । সকৃদুচ্চারমাত্রেণ ভোগমোক্ষপ্রদাযকম্ ॥ 2
গৌরীশৃংগে হিমবতঃ কল্পবৃক্ষোপশোভিতম্ । দীপ্তে দিব্যমহারত্ন হেমমংডপমধ্যগম্ ॥ 3 ॥
রত্নসিংহাসনাসীনং প্রসন্নং পরমেশ্বরম্ । মংদস্মিতমুখাংভোজং শংকরং প্রাহ পার্বতী ॥ 4 ॥
শ্রীদেবী উবাচ
দেবদেব মহাদেব লোকশংকর শংকর । মংত্রজালানি সর্বাণি যংত্রজালানি কৃত্স্নশঃ ॥ 5
তংত্রজালান্যনেকানি ময়া ত্বত্তঃ শ্রুতানি বৈ । ইদানীং দ্রষ্টুমিচ্ছামি বিশেষেণ মহীতলম্ ॥ 6 ॥
ইত্য়ুদীরিতমাকর্ণ্য় পার্বত্য়া পরমেশ্বরঃ । করেণামৃজ্য় সংতোষাত্ পার্বতীং প্রত্যভাষত ॥ 7 ॥
ময়েদানীং ত্বয়া সার্ধং বৃষমারুহ্য় গম্যতে । ইত্য়ুক্ত্বা বৃষমারুহ্য় পার্বত্য়া সহ শংকরঃ ॥ 8 ॥
যয়ৌ ভূমংডলং দ্রষ্টুং গৌর্য়াশ্চিত্রাণি দর্শযন্ । ক্বচিত্ বিংধ্য়াচলপ্রাংতে মহারণ্য়ে সুদুর্গমে ॥ 9 ॥
তত্র ব্য়াহর্তুমায়াংতং ভিল্লং পরশুধারিণম্ । বধ্যমানং মহাব্য়াঘ্রং নখদংষ্ট্রাভিরাবৃতম্ ॥ 10 ॥
অতীব চিত্রচারিত্র্য়ং বজ্রকাযসমায়ুতম্ । অপ্রযত্নমনায়াসমখিন্নং সুখমাস্থিতম্ ॥ 11 ॥
পলায়ংতং মৃগং পশ্চাদ্ব্য়াঘ্রো ভীত্য়া পলাযতঃ । এতদাশ্চর্যমালোক্য় পার্বতী প্রাহ শংকরম্ ॥ 12 ॥
শ্রী পার্বত্য়ুবাচ
কিমাশ্চর্য়ং কিমাশ্চর্যমগ্রে শংভো নিরীক্ষ্যতাম্ । ইত্য়ুক্তঃ স ততঃ শংভুর্দৃষ্ট্বা প্রাহ পুরাণবিত্ ॥ 13
শ্রী শংকর উবাচ
গৌরি বক্ষ্য়ামি তে চিত্রমবাঙ্মানসগোচরম্ । অদৃষ্টপূর্বমস্মাভির্নাস্তি কিংচিন্ন কুত্রচিত্ ॥ 14
ময়া সম্যক্ সমাসেন বক্ষ্যতে শৃণু পার্বতি । অয়ং দূরশ্রবা নাম ভিল্লঃ পরমধার্মিকঃ ॥ 15 ॥
সমিত্কুশপ্রসূনানি কংদমূলফলাদিকম্ । প্রত্যহং বিপিনং গত্বা সমাদায় প্রয়াসতঃ ॥ 16 ॥
প্রিয়ে পূর্বং মুনীংদ্রেভ্য়ঃ প্রযচ্ছতি ন বাংছতি । তেঽপি তস্মিন্নপি দয়াং কুর্বতে সর্বমৌনিনঃ ॥ 17 ॥
দলাদনো মহায়োগী বসন্নেব নিজাশ্রমে । কদাচিদস্মরত্ সিদ্ধং দত্তাত্রেয়ং দিগংবরম্ ॥ 18 ॥
দত্তাত্রেয়ঃ স্মর্তৃগামী চেতিহাসং পরীক্ষিতুম্ । তত্ক্ষণাত্ সোঽপি যোগীংদ্রো দত্তাত্রেয়ঃ সমুত্থিতঃ ॥ 19 ॥
তং দৃষ্ট্বাশ্চর্যতোষাভ্য়াং দলাদনমহামুনিঃ । সংপূজ্য়াগ্রে বিষীদংতং দত্তাত্রেযমুবাচ তম্ ॥ 20 ॥
ময়োপহূতঃ সংপ্রাপ্তো দত্তাত্রেয় মহামুনে । স্মর্তৃগামী ত্বমিত্য়েতত্ কিং বদংতী পরীক্ষিতুম্ ॥ 21 ॥
ময়াদ্য় সংস্মৃতোঽসি ত্বমপরাধং ক্ষমস্ব মে । দত্তাত্রেয়ো মুনিং প্রাহ মম প্রকৃতিরীদৃশী ॥ 22 ॥
অভক্ত্য়া বা সুভক্ত্য়া বা যঃ স্মরেন্নামনন্যধীঃ । তদানীং তমুপাগম্য় দদামি তদভীপ্সিতম্ ॥ 23 ॥
দত্তাত্রেয়ো মুনিং প্রাহ দলাদনমুনীশ্বরম্ । যদিষ্টং তদ্বৃণীষ্ব ত্বং যত্ প্রাপ্তোঽহং ত্বয়া স্মৃতঃ ॥ 24 ॥
দত্তাত্রেয়ং মুনিং প্রাহ ময়া কিমপি নোচ্যতে । ত্বচ্চিত্তে যত্ স্থিতং তন্মে প্রযচ্ছ মুনিপুংগব ॥ 25 ॥
শ্রী দত্তাত্রেয় উবাচ
মমাস্তি বজ্রকবচং গৃহাণেত্যবদন্মুনিম্ । তথেত্য়ংগীকৃতবতে দলাদমুনয়ে মুনিঃ ॥ 26
স্ববজ্রকবচং প্রাহ ঋষিচ্ছংদঃ পুরস্সরম্ । ন্য়াসং ধ্য়ানং ফলং তত্র প্রয়োজনমশেষতঃ ॥ 27 ॥
অস্য় শ্রীদত্তাত্রেয় বজ্রকবচ স্তোত্রমংত্রস্য়, কিরাতরূপী মহারুদ্রৃষিঃ, অনুষ্টুপ্ ছংদঃ, শ্রীদত্তাত্রেয়ো দেবতা, দ্রাং বীজম্, আং শক্তিঃ, ক্রৌং কীলকম্. ওং আত্মনে নমঃ ওং দ্রীং মনসে নমঃ ওং আং দ্রীং শ্রীং সৌঃ ওং ক্লাং ক্লীং ক্লূং ক্লৈং ক্লৌং ক্লঃ শ্রী দত্তাত্রেয় প্রসাদ সিদ্ধ্যর্থে জপে বিনিয়োগঃ
করন্য়াসঃ । ওং দ্রাং অংগুষ্ঠাভ্য়াং নমঃ । ওং দ্রীং তর্জনীভ্য়াং নমঃ । ওং দ্রূং মধ্যমাভ্য়াং নমঃ । ওং দ্রৈং অনামিকাভ্য়াং নমঃ । ওং দ্রৌং কনিষ্ঠিকাভ্য়াং নমঃ । ওং দ্রঃ করতলকরপৃষ্ঠাভ্য়াং নমঃ ।
হৃদয়াদিন্য়াসঃ । ওং দ্রাং হৃদয়ায় নমঃ । ওং দ্রীং শিরসে স্বাহা । ওং দ্রূং শিখায়ৈ বষট্ । ওং দ্রৈং কবচায় হুম্ । ওং দ্রৌং নেত্রত্রয়ায় বৌষট্ । ওং দ্রঃ অস্ত্রায় ফট্ । ওং ভূর্ভুবস্সুবরোমিতি দিগ্বংধঃ ।
ধ্য়ানম্ । জগদংকুরকংদায় সচ্চিদানংদমূর্তয়ে । দত্তাত্রেয়ায় যোগীংদ্রচংদ্রায় পরমাত্মনে ॥ 1 ॥
কদা যোগী কদা ভোগী কদা নগ্নঃ পিশাচবত্ । দত্তাত্রেয়ো হরিঃ সাক্ষাত্ ভুক্তিমুক্তিপ্রদাযকঃ ॥ 2 ॥
বারাণসীপুরস্নায়ী কোল্হাপুরজপাদরঃ । মাহুরীপুরভীক্ষাশী সহ্যশায়ী দিগংবরঃ ॥ 3 ॥
ইংদ্রনীল সমাকারঃ চংদ্রকাংতিসমদ্য়ুতিঃ । বৈঢূর্য় সদৃশস্ফূর্তিঃ চলত্কিংচিজ্জটাধরঃ ॥ 4 ॥
স্নিগ্ধধাবল্য় যুক্তাক্ষোঽত্য়ংতনীল কনীনিকঃ । ভ্রূবক্ষঃশ্মশ্রুনীলাংকঃ শশাংকসদৃশাননঃ ॥ 5 ॥
হাসনির্জিত নিহারঃ কংঠনির্জিত কংবুকঃ । মাংসলাংসো দীর্ঘবাহুঃ পাণিনির্জিতপল্লবঃ ॥ 6 ॥
বিশালপীনবক্ষাশ্চ তাম্রপাণির্দলোদরঃ । পৃথুলশ্রোণিললিতো বিশালজঘনস্থলঃ ॥ 7 ॥
রংভাস্তংভোপমানোরুঃ জানুপূর্বৈকজংঘকঃ । গূঢগুল্ফঃ কূর্মপৃষ্ঠো লসত্বাদোপরিস্থলঃ ॥ 8 ॥
রক্তারবিংদসদৃশ রমণীয় পদাধরঃ । চর্মাংবরধরো যোগী স্মর্তৃগামী ক্ষণেক্ষণে ॥ 9 ॥
জ্ঞানোপদেশনিরতো বিপদ্ধরণদীক্ষিতঃ । সিদ্ধাসনসমাসীন ঋজুকায়ো হসন্মুখঃ ॥ 10 ॥
বামহস্তেন বরদো দক্ষিণেনাভয়ংকরঃ । বালোন্মত্ত পিশাচীভিঃ ক্বচিদ্ যুক্তঃ পরীক্ষিতঃ ॥ 11 ॥
ত্য়াগী ভোগী মহায়োগী নিত্য়ানংদো নিরংজনঃ । সর্বরূপী সর্বদাতা সর্বগঃ সর্বকামদঃ ॥ 12 ॥
ভস্মোদ্ধূলিত সর্বাংগো মহাপাতকনাশনঃ । ভুক্তিপ্রদো মুক্তিদাতা জীবন্মুক্তো ন সংশয়ঃ ॥ 13 ॥
এবং ধ্য়াত্বাঽনন্যচিত্তো মদ্বজ্রকবচং পঠেত্ । মামেব পশ্যন্সর্বত্র স ময়া সহ সংচরেত্ ॥ 14 ॥
দিগংবরং ভস্মসুগংধ লেপনং চক্রং ত্রিশূলং ঢমরুং গদায়ুধম্ । পদ্মাসনং যোগিমুনীংদ্রবংদিতং দত্তেতিনামস্মরণেন নিত্যম্ ॥ 15 ॥
পংচোপচারপূজা ।
ওং লং পৃথিবীতত্ত্বাত্মনে শ্রীদত্তাত্রেয়ায় নমঃ । গংধং পরিকল্পয়ামি।
ওং হং আকাশতত্ত্বাত্মনে শ্রীদত্তাত্রেয়ায় নমঃ । পুষ্পং পরিকল্পয়ামি ।
ওং যং বায়ুতত্ত্বাত্মনে শ্রীদত্তাত্রেয়ায় নমঃ । ধূপং পরিকল্পয়ামি ।
ওং রং বহ্নিতত্ত্বাত্মনে শ্রীদত্তাত্রেয়ায় নমঃ । দীপং পরিকল্পয়ামি ।
ওং বং অমৃত তত্ত্বাত্মনে শ্রীদত্তাত্রেয়ায় নমঃ । অমৃতনৈবেদ্য়ং পরিকল্পয়ামি ।
ওং সং সর্বতত্ত্বাত্মনে শ্রীদত্তাত্রেয়ায় নমঃ । তাংবূলাদিসর্বোপচারান্ পরিকল্পয়ামি ।
(অনংতরং ‘ওং দ্রাং…’ ইতি মূলমংত্রং অষ্টোত্তরশতবারং (108) জপেত্)
অথ বজ্রকবচম্ ।
ওং দত্তাত্রেয়ায় শিরঃপাতু সহস্রাব্জেষু সংস্থিতঃ । ফালং পাত্বানসূয়েয়ঃ চংদ্রমংডলমধ্যগঃ ॥ 1 ॥
কূর্চং মনোময়ঃ পাতু হং ক্ষং দ্বিদলপদ্মভূঃ । জ্য়োতিরূপোঽক্ষিণীপাতু পাতু শব্দাত্মকঃ শ্রুতী ॥ 2 ॥
নাসিকাং পাতু গংধাত্মা মুখং পাতু রসাত্মকঃ । জিহ্বাং বেদাত্মকঃ পাতু দংতোষ্ঠৌ পাতু ধার্মিকঃ ॥ 3 ॥
কপোলাবত্রিভূঃ পাতু পাত্বশেষং মমাত্মবিত্ । সর্বাত্মা ষোডশারাব্জস্থিতঃ স্বাত্মাঽবতাদ্ গলম্ ॥ 4 ॥
স্কংধৌ চংদ্রানুজঃ পাতু ভুজৌ পাতু কৃতাদিভূঃ । জত্রুণী শত্রুজিত্ পাতু পাতু বক্ষস্থলং হরিঃ ॥ 5 ॥
কাদিঠাংতদ্বাদশারপদ্মগো মরুদাত্মকঃ । যোগীশ্বরেশ্বরঃ পাতু হৃদয়ং হৃদযস্থিতঃ ॥ 6 ॥
পার্শ্বে হরিঃ পার্শ্ববর্তী পাতু পার্শ্বস্থিতঃ স্মৃতঃ । হঠয়োগাদিয়োগজ্ঞঃ কুক্ষিং পাতু কৃপানিধিঃ ॥ 7 ॥
ডকারাদি ফকারাংত দশারসরসীরুহে । নাভিস্থলে বর্তমানো নাভিং বহ্ন্য়াত্মকোঽবতু ॥ 8 ॥
বহ্নিতত্ত্বময়ো যোগী রক্ষতান্মণিপূরকম্ । কটিং কটিস্থব্রহ্মাংডবাসুদেবাত্মকোঽবতু ॥ 9 ॥
বকারাদি লকারাংত ষট্পত্রাংবুজবোধকঃ । জলতত্ত্বময়ো যোগী স্বাধিষ্ঠানং মমাবতু ॥ 10 ॥
সিদ্ধাসন সমাসীন ঊরূ সিদ্ধেশ্বরোঽবতু । বাদিসাংত চতুষ্পত্রসরোরুহ নিবোধকঃ ॥ 11 ॥
মূলাধারং মহীরূপো রক্ষতাদ্ বীর্যনিগ্রহী । পৃষ্ঠং চ সর্বতঃ পাতু জানুন্যস্তকরাংবুজঃ ॥ 12 ॥
জংঘে পাত্ববধূতেংদ্রঃ পাত্বংঘ্রী তীর্থপাবনঃ । সর্বাংগং পাতু সর্বাত্মা রোমাণ্যবতু কেশবঃ ॥ 13 ॥
চর্ম চর্মাংবরঃ পাতু রক্তং ভক্তিপ্রিয়োঽবতু । মাংসং মাংসকরঃ পাতু মজ্জাং মজ্জাত্মকোঽবতু ॥ 14 ॥
অস্থীনি স্থিরধীঃ পায়ান্মেধাং বেধাঃ প্রপালয়েত্ । শুক্রং সুখকরঃ পাতু চিত্তং পাতু দৃঢাকৃতিঃ ॥ 15 ॥
মনোবুদ্ধিমহংকারং হৃষীকেশাত্মকোঽবতু । কর্মেংদ্রিয়াণি পাত্বীশঃ পাতু জ্ঞানেংদ্রিয়াণ্যজঃ ॥ 16 ॥
বংধূন্ বংধূত্তমঃ পায়াচ্ছত্রুভ্য়ঃ পাতু শত্রুজিত্ । গৃহারামধনক্ষেত্রপুত্রাদীন্ শংকরোঽবতু ॥ 17 ॥
ভার্য়াং প্রকৃতিবিত্ পাতু পশ্বাদীন্ পাতু শার্ংগভৃত্ । প্রাণান্ পাতু প্রধানজ্ঞো ভক্ষ্য়াদীন্ পাতু ভাস্করঃ ॥ 18 ॥
সুখং চংদ্রাত্মকঃ পাতু দুঃখাত্ পাতু পুরাংতকঃ । পশূন্ পশুপতিঃ পাতু ভূতিং ভূতেশ্বরো মম ॥ 19 ॥
প্রাচ্য়াং বিষহরঃ পাতু পাত্বাগ্নেয়্য়াং মখাত্মকঃ । যাম্য়াং ধর্মাত্মকঃ পাতু নৈরৃত্য়াং সর্ববৈরিহৃত্ ॥ 20 ॥
বরাহঃ পাতু বারুণ্য়াং বাযব্য়াং প্রাণদোঽবতু । কৌবের্য়াং ধনদঃ পাতু পাত্বৈশান্য়াং মহাগুরুঃ ॥ 21 ॥
ঊর্ধ্বং পাতু মহাসিদ্ধঃ পাত্বধস্তাজ্জটাধরঃ । রক্ষাহীনং তু যত্ স্থানং রক্ষত্বাদিমুনীশ্বরঃ ॥ 22 ॥
করন্য়াসঃ । ওং দ্রাং অংগুষ্ঠাভ্য়াং নমঃ । ওং দ্রীং তর্জনীভ্য়াং নমঃ । ওং দ্রূং মধ্যমাভ্য়াং নমঃ । ওং দ্রৈং অনামিকাভ্য়াং নমঃ । ওং দ্রৌং কনিষ্ঠিকাভ্য়াং নমঃ । ওং দ্রঃ করতলকরপৃষ্ঠাভ্য়াং নমঃ ।
হৃদয়াদিন্য়াসঃ । ওং দ্রাং হৃদয়ায় নমঃ । ওং দ্রীং শিরসে স্বাহা । ওং দ্রূং শিখায়ৈ বষট্ । ওং দ্রৈং কবচায় হুম্ । ওং দ্রৌং নেত্রত্রয়ায় বৌষট্ । ওং দ্রঃ অস্ত্রায় ফট্ । ওং ভূর্ভুবস্সুবরোমিতি দিগ্বিমোকঃ ।
ফলশৃতি ॥
এতন্মে বজ্রকবচং যঃ পঠেত্ শৃণুয়াদপি । বজ্রকাযশ্চিরংজীবী দত্তাত্রেয়োঽহমব্রুবম্ ॥ 23 ॥
ত্য়াগী ভোগী মহায়োগী সুখদুঃখবিবর্জিতঃ । সর্বত্র সিদ্ধসংকল্পো জীবন্মুক্তোঽদ্যবর্ততে ॥ 24 ॥
ইত্য়ুক্ত্বাংতর্দধে যোগী দত্তাত্রেয়ো দিগংবরঃ । দলাদনোঽপি তজ্জপ্ত্বা জীবন্মুক্তঃ স বর্ততে ॥ 25 ॥
ভিল্লো দূরশ্রবা নাম তদানীং শ্রুতবানিদম্ । সকৃচ্ছ্রবণমাত্রেণ বজ্রাংগোঽভবদপ্যসৌ ॥ 26 ॥
ইত্য়েতদ্ বজ্রকবচং দত্তাত্রেযস্য় যোগিনঃ । শ্রুত্বা শেষং শংভুমুখাত্ পুনরপ্য়াহ পার্বতী ॥ 27 ॥
শ্রী পার্বত্য়ুবাচ
এতত্ কবচ মাহাত্ম্য়ং বদ বিস্তরতো মম । কুত্র কেন কদা জাপ্য়ং কিযজ্জাপ্য়ং কথং কথম্ ॥ 28 ॥
উবাচ
শংভুস্তত্ সর্বং পার্বত্য়া বিনয়োদিতম্
শ্রীপরমেশ্বর উবাচ
শৃণু পার্বতি বক্ষ্য়ামি সমাহিতমনাবিলম্ ॥ 29 ॥
ধর্মার্থকামমোক্ষাণামিদমেব পরাযণম্ । হস্ত্যশ্বরথপাদাতি সর্বৈশ্বর্য় প্রদাযকম্ ॥ 30 ॥
পুত্রমিত্রকলত্রাদি সর্বসংতোষসাধনম্ । বেদশাস্ত্রাদিবিদ্য়ানাং বিধানং পরমং হি তত্ ॥ 31 ॥
সংগীত শাস্ত্র সাহিত্য় সত্কবিত্ব বিধাযকম্ । বুদ্ধি বিদ্য়া স্মৃতি প্রজ্ঞা মতি প্রৌঢিপ্রদাযকম্ ॥ 32 ॥
সর্বসংতোষকরণং সর্বদুঃখনিবারণম্ । শত্রুসংহারকং শীঘ্রং যশঃকীর্তিবিবর্ধনম্ ॥ 33 ॥
অষ্টসংখ্য়া মহারোগাঃ সন্নিপাতাস্ত্রয়োদশ । ষণ্ণবত্যক্ষিরোগাশ্চ বিংশতির্মেহরোগকাঃ ॥ 34 ॥
অষ্টাদশতু কুষ্ঠানি গুল্মান্যষ্টবিধান্যপি । অশীতির্বাতরোগাশ্চ চত্বারিংশত্তু পৈত্তিকাঃ ॥ 35 ॥
বিংশতিঃ শ্লেষ্মরোগাশ্চ ক্ষযচাতুর্থিকাদয়ঃ । মংত্রয়ংত্রকুয়োগাদ্য়াঃ কল্পতংত্রাদিনির্মিতাঃ ॥ 36 ॥
ব্রহ্মরাক্ষস বেতালকূষ্মাংডাদি গ্রহোদ্ভবাঃ । সংগজা দেশকালস্থাস্তাপত্রযসমুত্থিতাঃ ॥ 37 ॥
নবগ্রহসমুদ্ভূতা মহাপাতক সংভবাঃ । সর্বে রোগাঃ প্রণশ্য়ংতি সহস্রাবর্তনাদ্ ধ্রুবম্ ॥ 38 ॥
অয়ুতাবৃত্তিমাত্রেণ বংধ্য়া পুত্রবতী ভবেত্ । অয়ুতদ্বিতয়াবৃত্ত্য়া হ্যপমৃত্য়ুজয়ো ভবেত্ ॥ 39 ॥
অয়ুতত্রিতয়াচ্চৈব খেচরত্বং প্রজাযতে । সহস্রায়ুতদর্বাক্ সর্বকার্য়াণি সাধয়েত্ ॥ 40 ॥
লক্ষাবৃত্ত্য়া সর্বসিদ্ধির্ভবত্য়েব ন সংশয়ঃ ॥ 41 ॥
বিষবৃক্ষস্য় মূলেষু তিষ্ঠন্ বৈ দক্ষিণামুখঃ । কুরুতে মাসমাত্রেণ বৈরিণং বিকলেংদ্রিযম্ ॥ 42 ॥
ঔদুংবরতরোর্মূলে বৃদ্ধিকামেন জাপ্যতে । শ্রীবৃক্ষমূলে শ্রীকামী তিংত্রিণী শাংতিকর্মণি ॥ 43 ॥
ওজস্কামোঽশ্বত্থমূলে স্ত্রীকামৈঃ সহকারকে । জ্ঞানার্থী তুলসীমূলে গর্ভগেহে সুতার্থিভিঃ ॥ 44 ॥
ধনার্থিভিস্তু সুক্ষেত্রে পশুকামৈস্তু গোষ্ঠকে । দেবালয়ে সর্বকামৈস্তত্কালে সর্বদর্শিতম্ ॥ 45 ॥
নাভিমাত্রজলে স্থিত্বা ভানুমালোক্য় যো জপেত্ । যুদ্ধে বা শাস্ত্রবাদে বা সহস্রেণ জয়ো ভবেত্ ॥ 46 ॥
কংঠমাত্রে জলে স্থিত্বা যো রাত্রৌ কবচং পঠেত্ । জ্বরাপস্মারকুষ্ঠাদি তাপজ্বরনিবারণম্ ॥ 47 ॥
যত্র যত্ স্য়াত্ স্থিরং যদ্যত্ প্রসক্তং তন্নিবর্ততে । তেন তত্র হি জপ্তব্য়ং ততঃ সিদ্ধির্ভবেদ্ধ্রুবম্ ॥ 48 ॥
ইত্য়ুক্তবান্ শিবো গৌর্বৈ রহস্য়ং পরমং শুভম্ । যঃ পঠেত্ বজ্রকবচং দত্তাত্রেয় সমো ভবেত্ ॥ 49 ॥
এবং শিবেন কথিতং হিমবত্সুতায়ৈ প্রোক্তং দলাদমুনয়েঽত্রিসুতেন পূর্বম্ । যঃ কোঽপি বজ্রকবচং পঠতীহ লোকে দত্তোপমশ্চরতি যোগিবরশ্চিরায়ুঃ ॥ 50 ॥
ইতি শ্রী রুদ্রয়ামলে হিমবত্খংডে মংত্রশাস্ত্রে উমামহেশ্বরসংবাদে শ্রী দত্তাত্রেয় বজ্রকবচস্তোত্রং সংপূর্ণম্ ॥
श्रि दत्तात्रेय वज्र कवचम् के बारे में
Sri Dattatreya Vajra Kavacha, a "diamond armour" prayer to Lord Dattatreya. It opens with the sages asking Vedavyasa how one may succeed in good resolves in the Kali age; the answer, told as a dialogue of Shiva and Uma, is this kavacha, in which Datta is invoked to protect every part of the body and every direction. As its colophon states, it comes from the Himavat Khanda of the Rudrayamala.
स्रोत: Rudrayamala, Himavat Khanda (per its colophon)
कब पढ़ें: On Thursdays, on Datta Jayanti, and in Datta worship.
क्या आप जानते हैं?
- A kavacha ("armour") invokes the deity to guard each limb and direction, verse by verse.
- Dattatreya is worshipped as the combined form of Brahma, Vishnu and Shiva.
इन त्योहारों पर पाठ किया जाता है
अक्सर पूछे जाने वाले प्रश्न
What is a kavacha?
A protective prayer invoking the deity to guard each part of the body.
Where does this kavacha come from?
As its colophon states, the Rudrayamala, Himavat Khanda.
How does it begin?
The sages ask Vedavyasa how to succeed in good resolves in the Kali age.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ