MuhurtaNow

श्री मध्वाचार्य कृत द्वादश स्तोत्र - सप्तमस्तोत्रम्

Vishnu · पारंपरिक भक्ति पाठ

अथ सप्तमस्तोत्रम्

विश्वस्थितिप्रलयसर्गमहाविभूति वृत्तिप्रकाशनियमावृति बंधमोक्षाः । यस्या अपांगलवमात्रत ऊर्जिता सा श्रीः यत्कटाक्षबलवत्यजितं नमामि ॥ 1॥

ब्रह्मेशशक्ररविधर्मशशांकपूर्व गीर्वाणसंततिरियं यदपांगलेशम् । आश्रित्य विश्वविजयं विसृजत्यचिंत्या श्रीः यत्कटाक्षबलवत्यजितं नमामि ॥ 2॥

धर्मार्थकामसुमतिप्रचयाद्यशेषसन्मंगलं विदधते यदपांगलेशम् । आश्रित्य तत्प्रणतसत्प्रणता अपीड्या श्रीः यत्कटाक्षबलवति अजितं नमामि ॥ 3॥

षड्वर्गनिग्रहनिरस्तसमस्तदोषा ध्यायंति विष्णुमृषयो यदपांगलेशम् । आश्रित्य यानपि समेत्य न याति दुःखं श्रीः यत्कटाक्षबलवति अजितं नमामि ॥ 4॥

शेषाहिवैरिशिवशक्रमनुप्रधान चित्रोरुकर्मरचनं यदपांगलेशम् । आश्रित्य विश्वमखिलं विदधाति धाता श्रीः यत्कटाक्षबलवति अजितं नमामि ॥ 5॥

शक्रोग्रदीधितिहिमाकरसूर्यसूनु पूर्वं निहत्य निखिलं यदपांगलेशम् । आश्रित्य नृत्यति शिवः प्रकटोरुशक्तिः श्रीः यत्कटाक्ष बलवति अजितं नमामि ॥ 6॥

तत्पादपंकजमहासनतामवाप शर्वादिवंद्यचरणो यदपांगलेशम् । आश्रित्य नागपतिः अन्यसुरैर्दुरापां श्रीः यत्कटाक्षबलवति अजितं नमामि ॥ 7॥

नागारिरुग्रबलपौरुष आप विष्णुवाहत्वमुत्तमजवो यदपांगलेशम् । वर् विष्णोर्वाह आश्रित्य शक्रमुखदेवगणैः अचिंत्यं श्रीः यत्कटाक्ष बलवति अजितं नमामि ॥ 8॥

आनंदतीर्थमुनिसन्मुखपंकजोत्थं साक्षाद्रमाहरिमनः प्रियं उत्तमार्थम् । भक्त्या पठति अजितमात्मनि सन्निधाय यः स्तोत्रमेतभियाति तयोरभीष्टम् ॥ 9॥

इति श्रीमदानंदतीर्थभगवत्पादाचार्य विरचितं द्वादशस्तोत्रेषु सप्तमस्तोत्रं संपूर्णम्

श्री मध्वाचार्य कृत द्वादश स्तोत्र - सप्तमस्तोत्रम् के बारे में

This is the seventh of Sri Madhvacharya's twelve hymns, the Dvadasha Stotras. It praises Lakshmi's glance: by the smallest sidelong look of the Goddess, Brahma and the other gods gain their powers over creation, preservation and dissolution, knowledge, bondage and release, and yet all her greatness rests in devotion to Vishnu.

रचयिता: Sri Madhvacharya (Anandatirtha), as its closing line states

कब पढ़ें: In Madhva tradition worship, during puja and naivedya, and on Fridays.

क्या आप जानते हैं?

  • The Dvadasha Stotras are sung daily in Madhva homes and mathas, including at the Udupi Sri Krishna temple.
  • Its colophon names its author as Anandatirtha, Madhvacharya's monastic name.

अक्सर पूछे जाने वाले प्रश्न

What does the seventh Dvadasha Stotra praise?

The glance of Lakshmi, by which the gods receive their powers.

Who wrote it?

Sri Madhvacharya (Anandatirtha).

Where is it sung?

In Madhva homes and mathas, and at Udupi.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।