श्री रुद्रं नमकम्
Vedic · पारंपरिक भक्ति पाठ
krishna yajurvedeeya taittireeya samhitaa chaturtham vaishvadeva-nkaanda-mpanchamah prapaathakah
o-nnamo bhagavate̍ rudraa̠ya ॥ nama̍ste rudra ma̠nyava̍ u̠tota̠ isha̍ve̠ nama̍h । nama̍ste astu̠ dhanva̍ne baa̠hubhyaa̍mu̠ta te̠ nama̍h ॥
yaa ta̠ ishu̍-shshi̠vata̍maa shi̠va-mba̠bhoova̍ te̠ dhanu̍h । shi̠vaa sha̍ra̠vyaa̍ yaa tava̠ tayaa̍ no rudra mridaya ।
yaa te̍ rudra shi̠vaa ta̠nooragho̠raa-'paa̍pakaashinee । tayaa̍ nasta̠nuvaa̠ shanta̍mayaa̠ giri̍shantaa̠bhichaa̍kasheehi ॥
yaamishu̍-ngirishanta̠ haste̠ bibha̠rshyasta̍ve । shi̠vaa-ngi̍ritra̠ taa-nku̍ru̠ maa hig̍msee̠h puru̍sha̠-njaga̍t॥
shi̠vena̠ vacha̍saa tvaa̠ giri̠shaachchhaa̍ vadaamasi । yathaa̍ na̠-ssarva̠mijjaga̍daya̠kshmagm su̠manaa̠ asa̍t ॥
adhya̍vochadadhiva̠ktaa pra̍tha̠mo daivyo̍ bhi̠shak । aheeg̍shcha̠ sarvaa̎mja̠mbhaya̠n-thsarvaa̎shcha yaatudhaa̠nya̍h ॥
a̠sau yastaa̠mro a̍ru̠na u̠ta ba̠bhrussu̍ma̠ngala̍h । ye che̠maagm ru̠draa a̠bhito̍ di̠kshu shri̠taa-ssa̍hasra̠sho-'vai̍shaa̠gm̠ heda̍ eemahe ॥
a̠sau yo̍-'va̠sarpa̍ti̠ neela̍greevo̠ vilo̍hitah । u̠taina̍-ngo̠paa a̍drisha̠nnadri̍shannudahaa̠rya̍h । u̠taina̠m vishvaa̍ bhoo̠taani̠ sa dri̠shto mri̍dayaati nah ॥
namo̍ astu̠ neela̍greevaaya sahasraa̠kshaaya̍ mee̠dhushe̎ । atho̠ ye a̍sya̠ satvaa̍no̠-'ha-ntebhyo̍-'kara̠nnama̍h ॥
pramu̍ncha̠ dhanva̍na̠stvamu̠bhayo̠raartni̍ yo̠rjyaam । yashcha̍ te̠ hasta̠ isha̍va̠h paraa̠ taa bha̍gavo vapa ॥
a̠va̠tatya̠ dhanu̠stvagm saha̍sraaksha̠ shate̍shudhe । ni̠sheerya̍ sha̠lyaanaa̠-mmukhaa̍ shi̠vo na̍-ssu̠manaa̍ bhava ॥
vijya̠-ndhanu̍h kapa̠rdino̠ visha̍lyo̠ baana̍vaagm u̠ta । ane̍shanna̠syesha̍va aa̠bhura̍sya nisha̠ngathi̍h ॥
yaa te̍ he̠tirmee̍dushtama̠ haste̍ ba̠bhoova̍ te̠ dhanu̍h । tayaa̠-'smaan, vi̠shvata̠stvama̍ya̠kshmayaa̠ pari̍bbhuja ॥
nama̍ste a̠stvaayu̍dhaa̠yaanaa̍tataaya dhri̠shnave̎ । u̠bhaabhyaa̍mu̠ta te̠ namo̍ baa̠hubhyaa̠-ntava̠ dhanva̍ne ॥
pari̍ te̠ dhanva̍no he̠tira̠smaan vri̍naktu vi̠shvata̍h । atho̠ ya i̍shu̠dhistavaa̠re a̠smannidhe̍hi̠ tam ॥ 1 ॥
shree shambha̍ve̠ nama̍h ॥ nama̍ste astu bhagavan-vishveshva̠raaya̍ mahaade̠vaaya̍ tryamba̠kaaya̍ tripuraanta̠kaaya̍ trikaagnikaa̠laaya̍ kaalaagniru̠draaya̍ neelaka̠nthaaya̍ mrityunja̠yaaya̍ sarveshva̠raaya̍ sadaashi̠vaaya̍ [shanka̠raaya̍] shreema-nmahaade̠vaaya̠ nama̍h ।
namo̠ hira̍nya baahave senaa̠nye̍ di̠shaa-ncha̠ pata̍ye̠ namo̠ namo̍ vri̠kshebhyo̠ hari̍keshebhyah pashoo̠naa-mpata̍ye̠ namo̠ nama̍-ssa̠spinja̍raaya̠ tvishee̍mate pathee̠naa-mpata̍ye̠ namo̠ namo̍ babhlu̠shaaya̍ vivyaa̠dhine-'nnaa̍naa̠-mpata̍ye̠ namo̠ namo̠ hari̍keshaayopavee̠tine̍ pu̠shtaanaa̠-mpata̍ye̠ namo̠ namo̍ bha̠vasya̍ he̠tyai jaga̍taa̠-mpata̍ye̠ namo̠ namo̍ ru̠draayaa̍tataa̠vine̠ kshetraa̍naa̠-mpata̍ye̠ namo̠ nama̍ssoo̠taayaaha̍ntyaaya̠ vanaa̍naa̠-mpata̍ye̠ namo̠ namo̠ rohi̍taaya stha̠pata̍ye vri̠kshaanaa̠-mpata̍ye̠ namo̠ namo̍ ma̠ntrine̍ vaani̠jaaya̠ kakshaa̍naa̠-mpata̍ye̠ namo̠ namo̍ bhuva̠ntaye̍ vaarivaskri̠taa-yausha̍dheenaa̠-mpata̍ye̠ namo̠ nama̍ u̠chchairgho̍shaayaakra̠ndaya̍te pattee̠naa-mpata̍ye̠ namo̠ nama̍h kritsnavee̠taaya̠ dhaava̍te̠ sattva̍naa̠-mpata̍ye̠ nama̍h ॥ 2 ॥
nama̠-ssaha̍maanaaya nivyaa̠dhina̍ aavyaa̠dhinee̍naa̠-mpata̍ye̠ namo̠ nama̍h kaku̠bhaaya̍ nisha̠ngine̎ ste̠naanaa̠-mpata̍ye̠ namo̠ namo̍ nisha̠ngina̍ ishudhi̠mate̠ taska̍raanaa̠-mpata̍ye̠ namo̠ namo̠ vancha̍te pari̠vancha̍te staayoo̠naa-mpata̍ye̠ namo̠ namo̍ niche̠rave̍ paricha̠raayaara̍nyaanaa̠-mpata̍ye̠ namo̠ nama̍-ssrikaa̠vibhyo̠ jighaag̍msadbhyo mushna̠taa-mpata̍ye̠ namo̠ namo̍-'si̠madbhyo̠ nakta̠nchara̍dbhyah prakri̠ntaanaa̠-mpata̍ye̠ namo̠ nama̍ ushnee̠shine̍ giricha̠raaya̍ kulu̠nchaanaa̠-mpata̍ye̠ namo̠ nama̠ ishu̍madbhyo dhanvaa̠vibhya̍shcha vo̠ namo̠ nama̍ aatan-vaa̠nebhya̍h prati̠dadhaa̍nebhyashcha vo̠ namo̠ nama̍ aa̠yachchha̍dbhyo visri̠jadbhya̍shcha vo̠ namo̠ namo-'sya̍dbhyo̠ vidya̍dbhyashcha vo̠ namo̠ nama̠ aasee̍nebhya̠-shshayaa̍nebhyashcha vo̠ namo̠ nama̍-ssva̠padbhyo̠ jaagra̍dbhyashcha vo̠ namo̠ nama̠stishtha̍dbhyo̠ dhaava̍dbhyashcha vo̠ namo̠ nama̍-ssa̠bhaabhya̍-ssa̠bhaapa̍tibhyashcha vo̠ namo̠ namo̠ ashve̠bhyo-'shva̍patibhyashcha vo̠ nama̍h ॥ 3 ॥
nama̍ aavyaa̠dhinee̎bhyo vi̠vidhya̍nteebhyashcha vo̠ namo̠ nama̠ uga̍naabhyastrigm-ha̠teebhya̍shcha vo̠ namo̠ namo̍ gri̠tsebhyo̍ gri̠tsapa̍tibhyashcha vo̠ namo̠ namo̠ vraate̎bhyo̠ vraata̍patibhyashcha vo̠ namo̠ namo̍ ga̠nebhyo̍ ga̠napa̍tibhyashcha vo̠ namo̠ namo̠ viroo̍pebhyo vi̠shvaroo̍pebhyashcha vo̠ namo̠ namo̍ maha̠dbhya̍h, kshulla̠kebhya̍shcha vo̠ namo̠ namo̍ ra̠thibhyo̍-'ra̠thebhya̍shcha vo̠ namo̠ namo̠ rathe̎bhyo̠ ratha̍patibhyashcha vo̠ namo̠ nama̠-ssenaa̎bhya-ssenaa̠nibhya̍shcha vo̠ namo̠ nama̍h, ksha̠ttribhya̍-ssangrahee̠tribhya̍shcha vo̠ namo̠ nama̠staksha̍bhyo rathakaa̠rebhya̍shcha vo̠ namo̠ nama̠h kulaa̍lebhyah ka̠rmaare̎bhyashcha vo̠ namo̠ nama̍h pu̠njishte̎bhyo nishaa̠debhya̍shcha vo̠ namo̠ nama̍ ishu̠kridbhyo̍ dhanva̠kridbhya̍shcha vo̠ namo̠ namo̍ mriga̠yubhya̍-shshva̠nibhya̍shcha vo̠ namo̠ nama̠-shshvabhya̠-shshvapa̍tibhyashcha vo̠ nama̍h ॥ 4 ॥
namo̍ bha̠vaaya̍ cha ru̠draaya̍ cha̠ nama̍-shsha̠rvaaya̍ cha pashu̠pata̍ye cha̠ namo̠ neela̍greevaaya cha shiti̠kanthaa̍ya cha̠ nama̍h kapa̠rdine̍ cha̠ vyu̍ptakeshaaya cha̠ nama̍-ssahasraa̠kshaaya̍ cha sha̠tadha̍nvane cha̠ namo̍ giri̠shaaya̍ cha shipivi̠shtaaya̍ cha̠ namo̍ mee̠dhushta̍maaya̠ cheshu̍mate cha̠ namo̎ hra̠svaaya̍ cha vaama̠naaya̍ cha̠ namo̍ briha̠te cha̠ varshee̍yase cha̠ namo̍ vri̠ddhaaya̍ cha sa̠mvridhva̍ne cha̠ namo̠ agri̍yaaya cha pratha̠maaya̍ cha̠ nama̍ aa̠shave̍ chaaji̠raaya̍ cha̠ nama̠-shsheeghri̍yaaya cha̠ sheebhyaa̍ya cha̠ nama̍ oo̠rmyaa̍ya chaavasva̠nyaa̍ya cha̠ nama̍-ssrota̠syaa̍ya cha̠ dveepyaa̍ya cha ॥ 5 ॥
namo̎ jye̠shthaaya̍ cha kani̠shthaaya̍ cha̠ nama̍h poorva̠jaaya̍ chaapara̠jaaya̍ cha̠ namo̍ madhya̠maaya̍ chaapaga̠lbhaaya̍ cha̠ namo̍ jagha̠nyaa̍ya cha̠ budhni̍yaaya cha̠ nama̍-sso̠bhyaa̍ya cha pratisa̠ryaa̍ya cha̠ namo̠ yaamyaa̍ya cha̠ kshemyaa̍ya cha̠ nama̍ urva̠ryaa̍ya cha̠ khalyaa̍ya cha̠ nama̠-shshlokyaa̍ya chaa-'vasaa̠nyaa̍ya cha̠ namo̠ vanyaa̍ya cha̠ kakshyaa̍ya cha̠ nama̍-shshra̠vaaya̍ cha pratishra̠vaaya̍ cha̠ nama̍ aa̠shushe̍naaya chaa̠shura̍thaaya cha̠ nama̠-shshooraa̍ya chaavabhinda̠te cha̠ namo̍ va̠rmine̍ cha varoo̠thine̍ cha̠ namo̍ bi̠lmine̍ cha kava̠chine̍ cha̠ nama̍-shshru̠taaya̍ cha shrutase̠naaya̍ cha ॥ 6 ॥
namo̍ dundu̠bhyaa̍ya chaahana̠nyaa̍ya cha̠ namo̍ dhri̠shnave̍ cha pramri̠shaaya̍ cha̠ namo̍ doo̠taaya̍ cha̠ prahi̍taaya cha̠ namo̍ nisha̠ngine̍ cheshudhi̠mate̍ cha̠ nama̍stee̠kshnesha̍ve chaayu̠dhine̍ cha̠ nama̍-ssvaayu̠dhaaya̍ cha su̠dhanva̍ne cha̠ nama̠-ssrutyaa̍ya cha̠ pathyaa̍ya cha̠ nama̍h kaa̠tyaa̍ya cha nee̠pyaa̍ya cha̠ nama̠-ssoodyaa̍ya cha sara̠syaa̍ya cha̠ namo̍ naa̠dyaaya̍ cha vaisha̠ntaaya̍ cha̠ nama̠h koopyaa̍ya chaava̠tyaa̍ya cha̠ namo̠ varshyaa̍ya chaava̠rshyaaya̍ cha̠ namo̍ me̠ghyaa̍ya cha vidyu̠tyaa̍ya cha̠ nama ee̠dhriyaa̍ya chaata̠pyaa̍ya cha̠ namo̠ vaatyaa̍ya cha̠ reshmi̍yaaya cha̠ namo̍ vaasta̠vyaa̍ya cha vaastu̠paaya̍ cha ॥ 7 ॥
nama̠-ssomaa̍ya cha ru̠draaya̍ cha̠ nama̍staa̠mraaya̍ chaaru̠naaya̍ cha̠ nama̍-shsha̠ngaaya̍ cha pashu̠pata̍ye cha̠ nama̍ u̠graaya̍ cha bhee̠maaya̍ cha̠ namo̍ agreva̠dhaaya̍ cha dooreva̠dhaaya̍ cha̠ namo̍ ha̠ntre cha̠ hanee̍yase cha̠ namo̍ vri̠kshebhyo̠ hari̍keshebhyo̠ nama̍staa̠raaya̠ nama̍shsha̠mbhave̍ cha mayo̠bhave̍ cha̠ nama̍-shshanka̠raaya̍ cha mayaska̠raaya̍ cha̠ nama̍-shshi̠vaaya̍ cha shi̠vata̍raaya cha̠ nama̠steerthyaa̍ya cha̠ koolyaa̍ya cha̠ nama̍h paa̠ryaa̍ya chaavaa̠ryaa̍ya cha̠ nama̍h pra̠tara̍naaya cho̠ttara̍naaya cha̠ nama̍ aataa̠ryaa̍ya chaalaa̠dyaa̍ya cha̠ nama̠-shshashpyaa̍ya cha̠ phenyaa̍ya cha̠ nama̍-ssika̠tyaa̍ya cha pravaa̠hyaa̍ya cha ॥ 8 ॥
nama̍ iri̠nyaa̍ya cha prapa̠thyaa̍ya cha̠ nama̍h kigmshi̠laaya̍ cha̠ kshaya̍naaya cha̠ nama̍h kapa̠rdine̍ cha pula̠staye̍ cha̠ namo̠ goshthyaa̍ya cha̠ grihyaa̍ya cha̠ nama̠stalpyaa̍ya cha̠ gehyaa̍ya cha̠ nama̍h kaa̠tyaa̍ya cha gahvare̠shthaaya̍ cha̠ namo̎ hrada̠yyaa̍ya cha nive̠shpyaa̍ya cha̠ nama̍h paagm sa̠vyaa̍ya cha raja̠syaa̍ya cha̠ nama̠-shshushkyaa̍ya cha hari̠tyaa̍ya cha̠ namo̠ lopyaa̍ya chola̠pyaa̍ya cha̠ nama̍ oo̠rvyaa̍ya cha soo̠rmyaa̍ya cha̠ nama̍h pa̠rnyaa̍ya cha parnasha̠dyaa̍ya cha̠ namo̍-'pagu̠ramaa̍naaya chaabhighna̠te cha̠ nama̍ aakhkhida̠te cha̍ prakhkhida̠te cha̠ namo̍ vah kiri̠kebhyo̍ de̠vaanaa̠g̠m̠ hrida̍yebhyo̠ namo̍ viksheena̠kebhyo̠ namo̍ vichinva̠tkebhyo̠ nama̍ aanir ha̠tebhyo̠ nama̍ aameeva̠tkebhya̍h ॥ 9 ॥
draape̠ andha̍saspate̠ dari̍dra̠nneela̍lohita । e̠shaa-mpuru̍shaanaame̠shaa-mpa̍shoo̠naa-mmaa bhermaa-'ro̠ mo e̍shaa̠-nkincha̠naama̍mat ।
yaa te̍ rudra shi̠vaa ta̠noo-shshi̠vaa vi̠shvaaha̍bheshajee । shi̠vaa ru̠drasya̍ bhesha̠jee tayaa̍ no mrida jee̠vase̎ ॥
i̠maagm ru̠draaya̍ ta̠vase̍ kapa̠rdine̎ ksha̠yadvee̍raaya̠ prabha̍raamahe ma̠tim । yathaa̍ na̠shshamasa̍ddvi̠pade̠ chatu̍shpade̠ vishva̍-mpu̠shta-ngraame̍ a̠sminnanaa̍turam ।
mri̠daa no̍ rudro̠ta no̠ maya̍skridhi ksha̠yadvee̍raaya̠ nama̍saa vidhema te । yachchha-ncha̠ yoshcha̠ manu̍raaya̠je pi̠taa tada̍shyaama̠ tava̍ rudra̠ pranee̍tau ।
maa no̍ ma̠haanta̍mu̠ta maa no̍ arbha̠ka-mmaa na̠ uksha̍ntamu̠ta maa na̍ ukshi̠tam । maa no̍-'vadheeh pi̠tara̠-mmota maa̠tara̍-mpri̠yaa maa na̍sta̠nuvo̍ rudra reerishah ।
maa na̍sto̠ke tana̍ye̠ maa na̠ aayu̍shi̠ maa no̠ goshu̠ maa no̠ ashve̍shu reerishah । vee̠raanmaa no̍ rudra bhaami̠to-'va̍dheerha̠vishman̍to̠ nama̍saa vidhema te ।
aa̠raatte̍ go̠ghna u̠ta poo̍rusha̠ghne ksha̠yadvee̍raaya su̠mnama̠sme te̍ astu । rakshaa̍ cha no̠ adhi̍ cha deva broo̠hyadhaa̍ cha na̠-shsharma̍ yachchha dvi̠barhaa̎h ।
stu̠hi shru̠ta-nga̍rta̠sada̠m yuvaa̍na-mmri̠ganna bhee̠mamu̍paha̠tnumu̠gram । mri̠daa ja̍ri̠tre ru̍dra̠ stavaa̍no a̠nyante̍ a̠smanniva̍pantu̠ senaa̎h ।
pari̍no ru̠drasya̍ he̠tirvri̍naktu̠ pari̍ tve̠shasya̍ durma̠ti ra̍ghaa̠yoh । ava̍ sthi̠raa ma̠ghava̍dbhya-stanushva̠ meedhva̍sto̠kaaya̠ tana̍yaaya mridaya ।
meedhu̍shtama̠ shiva̍tama shi̠vo na̍-ssu̠manaa̍ bhava । pa̠ra̠me vri̠ksha aayu̍dhanni̠dhaaya̠ kritti̠m vasaa̍na̠ aacha̍ra̠ pinaa̍ka̠-mbibhra̠daaga̍hi ।
viki̍rida̠ vilo̍hita̠ nama̍ste astu bhagavah । yaaste̍ sa̠hasragm̍ he̠tayo̠nyama̠smanniva̍pantu̠ taah ।
sa̠hasraa̍ni sahasra̠dhaa baa̍hu̠vostava̍ he̠taya̍h । taasaa̠meeshaa̍no bhagavah paraa̠cheenaa̠ mukhaa̍ kridhi ॥ 10 ॥
sa̠hasraa̍ni sahasra̠sho ye ru̠draa adhi̠ bhoomyaa̎m । teshaag̍m sahasrayoja̠ne-'va̠dhanvaa̍ni tanmasi ।
a̠sminma̍ha̠tya̍rna̠ve̎-'ntari̍kshe bha̠vaa adhi̍ । neela̍greevaa-shshiti̠kanthaa̎-shsha̠rvaa a̠dhah, ksha̍maacha̠raah ।
neela̍greevaa-shshiti̠kanthaa̠ divag̍m ru̠draa upa̍shritaah । ye vri̠ksheshu̍ sa̠spinja̍raa̠ neela̍greevaa̠ vilo̍hitaah ।
ye bhoo̠taanaa̠madhi̍patayo vishi̠khaasa̍h kapa̠rdina̍h । ye anne̍shu vi̠vidhya̍nti̠ paatre̍shu̠ piba̍to̠ janaan̍ । ye pa̠thaa-mpa̍thi̠raksha̍ya ailabri̠daa̍ ya̠vyudha̍h । ye tee̠rthaani̍ pra̠chara̍nti sri̠kaava̍nto nisha̠ngina̍h । ya e̠taava̍ntashcha̠ bhooyaag̍msashcha̠ disho̍ ru̠draa vi̍tasthi̠re । teshaag̍m sahasrayoja̠ne-'va̠dhanvaa̍ni tanmasi । namo̍ ru̠dhrebhyo̠ ye pri̍thi̠vyaam ye̎-'ntari̍kshe̠ ye di̠vi yeshaa̠manna̠m vaato̍ va̠rsha̠misha̍va̠stebhyo̠ dasha̠ praachee̠rdasha̍ dakshi̠naa dasha̍ pra̠teechee̠-rdasho-dee̍chee̠-rdasho̠rdhvaastebhyo̠ nama̠ste no̍ mridayantu̠ te ya-ndvi̠shmo yashcha̍ no̠ dveshti̠ tam vo̠ jambhe̍ dadhaami ॥ 11 ॥
trya̍mbakam yajaamahe suga̠ndhi-mpu̍shti̠vardha̍nam । u̠rvaa̠ru̠kami̍va̠ bandha̍naanmri̠tyormu̍ksheeya̠ maa-'mritaa̎t । yo ru̠dro a̠gnau yo a̠psu ya osha̍dheeshu̠ yo ru̠dro vishvaa̠ bhuva̍naa vi̠vesha̠ tasmai̍ ru̠draaya̠ namo̍ astu । tamu̍ shtuhi̠ ya-ssvi̠shussu̠dhanvaa̠ yo vishva̍sya̠ kshaya̍ti bhesha̠jasya̍ । yakshvaa̎ma̠he sau̎mana̠saaya̍ ru̠dra-nnamo̎bhirde̠vamasu̍ra-nduvasya । a̠ya-mme̠ hasto̠ bhaga̍vaana̠ya-mme̠ bhaga̍vattarah । a̠ya-mme̎ vi̠shvabhe̎shajo̠-'yagm shi̠vaabhi̍marshanah । ye te̍ sa̠hasra̍ma̠yuta̠-mpaashaa̠ mrityo̠ martyaa̍ya̠ hanta̍ve । taan ya̠jnasya̍ maa̠yayaa̠ sarvaa̠nava̍ yajaamahe । mri̠tyave̠ svaahaa̍ mri̠tyave̠ svaahaa̎ । o-nnamo bhagavate rudraaya vishnave mrityu̍rme paa̠hi ॥ praanaanaa-ngranthirasi rudro maa̍ vishaa̠ntakah । tenaannenaa̎pyaaya̠sva ॥ namo rudraaya vishnave mrityu̍rme paa̠hi ॥
sadaashi̠vom ।
om shaanti̠-shshaanti̠-shshaanti̍h ।
श्री रुद्रं नमकम् के बारे में
Sri Rudram (the Namakam) is the great Vedic hymn to Rudra-Shiva. In eleven sections it salutes him again and again with "namo", in every form: the fierce and the gentle, the lord of forests and of thieves, present in streams, clouds, paths and homes, seeing the divine in all of creation. With the Chamakam it is the heart of Shiva worship.
स्रोत: Krishna Yajurveda, Taittiriya Samhita 4.5
कब पढ़ें: During Rudrabhishekam, on Mondays, Pradosha, Maha Shivaratri and in the month of Shravana or Kartika.
क्या आप जानते हैं?
- The Panchakshari mantra "Namah Shivaya" appears in the Rudram, in its eighth section: "namah shivaya cha shivataraya cha".
- In "Ekadasha Rudram", the Rudram is chanted eleven times, with one section of the Chamakam after each round, during abhisheka.
- Its many "namo" salutations to Rudra in thieves, craftsmen, hunters and dogs express the Vedic vision that the divine is in everything.
अक्सर पूछे जाने वाले प्रश्न
Where does Sri Rudram come from?
From the Taittiriya Samhita (4.5) of the Krishna Yajurveda.
What is the difference between Namakam and Chamakam?
The Namakam salutes Rudra with "namo"; the Chamakam asks for blessings with "cha me". Together they form Sri Rudram.
Where does "Namah Shivaya" occur?
In the eighth section (anuvaka) of the Rudram Namakam.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।