MuhurtaNow

श्री सूक्तम्

Vedic · पारंपरिक भक्ति पाठ

ওম্ ॥ হির॑ণ্যবর্ণাং॒ হরি॑ণীং সু॒বর্ণ॑রজ॒তস্র॑জাম্ । চং॒দ্রাং হি॒রণ্ম॑য়ীং-লঁ॒ক্ষ্মীং জাত॑বেদো ম॒মাব॑হ ॥

তাং ম॒ আব॑হ॒ জাত॑বেদো ল॒ক্ষ্মীমন॑পগা॒মিনী᳚ম্ । যস্য়াং॒ হির॑ণ্য়ং-বিঁং॒দেয়ং॒ গামশ্বং॒ পুরু॑ষান॒হম্ ॥

অ॒শ্ব॒পূ॒র্বাং র॑থম॒ধ্য়াং হ॒স্তিনা॑দ-প্র॒বোধি॑নীম্ । শ্রিয়ং॑ দে॒বীমুপ॑হ্বয়ে॒ শ্রীর্মা॑ দে॒বীর্জু॑ষতাম্ ॥

কাং॒সো᳚স্মি॒ তাং হির॑ণ্যপ্রা॒কারা॑মা॒র্দ্রাং জ্বলং॑তীং তৃ॒প্তাং ত॒র্পয়ং॑তীম্ । প॒দ্মে॒ স্থি॒তাং প॒দ্মব॑র্ণাং॒ তামি॒হোপ॑হ্বয়ে॒ শ্রিযম্ ॥

চং॒দ্রাং প্র॑ভা॒সাং-য়ঁ॒শসা॒ জ্বলং॑তীং॒ শ্রিয়ং॑-লোঁ॒কে দে॒বজু॑ষ্টামুদা॒রাম্ । তাং প॒দ্মিনী॑মীং॒ শর॑ণম॒হং প্রপ॑দ্য়েঽল॒ক্ষ্মীর্মে॑ নশ্যতাং॒ ত্বাং-বৃঁ॑ণে ॥

আ॒দি॒ত্যব॑র্ণে॒ তপ॒সোঽধি॑জা॒তো বন॒স্পতি॒স্তব॑ বৃ॒ক্ষোঽথ॑ বি॒ল্বঃ । তস্য়॒ ফলা॑নি॒ তপ॒সানু॑দংতু মা॒য়াংত॑রা॒য়াশ্চ॑ বা॒হ্য়া অ॑ল॒ক্ষ্মীঃ ॥

উপৈ॑তু॒ মাং দে॑বস॒খঃ কী॒র্তিশ্চ॒ মণি॑না স॒হ । প্রা॒দু॒র্ভূ॒তোঽস্মি॑ রাষ্ট্রে॒ঽস্মিন্ কী॒র্তি॒মৃ॑দ্ধিং দ॒দাতু॑ মে ॥

ক্ষু॒ত্পি॒পা॒সাম॑লাং জ্য়ে॒ষ্ঠাম॒ল॒ক্ষী-র্না॑শয়া॒ম্যহম্ । অভূ॑তি॒মস॑মৃদ্ধিং॒ চ স॒র্বাং॒ নির্ণু॑দ মে॒ গৃহাত্ ॥

গং॒ধ॒দ্বা॒রাং দু॑রাধ॒র্ষাং॒ নি॒ত্যপু॑ষ্টাং করী॒ষিণী᳚ম্ । ঈ॒শ্বরীগ্ম্॑ সর্ব॑ভূতা॒নাং॒ তামি॒হোপ॑হ্বয়ে॒ শ্রিযম্ ॥

[শ্রী᳚র্মে ভ॒জতু । অল॒ক্ষী᳚র্মে ন॒শ্যতু ।]

মন॑সঃ॒ কাম॒মাকূ॑তিং-বাঁ॒চঃ স॒ত্যম॑শীমহি । প॒শূ॒নাগ্ম্ রূ॒পমন্য়॑স্য়॒ ময়ি॒ শ্রীঃ শ্র॑যতাং॒-য়ঁশঃ॑ ॥

ক॒র্দমে॑ন প্র॑জাভূ॒তা॒ ম॒য়ি॒ সংভ॑ব ক॒র্দম । শ্রিয়ং॑-বাঁ॒সয়॑ মে কু॒লে॒ মা॒তরং॑ পদ্ম॒মালি॑নীম্ ॥

আপঃ॑ সৃ॒জংতু॑ স্নি॒গ্ধা॒নি॒ চি॒ক্লী॒ত ব॑স মে॒ গৃহে । নি চ॑ দে॒বীং মা॒তরং॒ শ্রিয়ং॑-বাঁ॒সয়॑ মে কু॒লে ॥

আ॒র্দ্রাং পু॒ষ্করি॑ণীং পু॒ষ্টিং॒ পিং॒গ॒লাং প॑দ্মমা॒লিনীম্ । চং॒দ্রাং হি॒রণ্ম॑য়ীং-লঁ॒ক্ষ্মীং জাত॑বেদো ম॒মাব॑হ ॥

আ॒র্দ্রাং-য়ঁঃ॒ করি॑ণীং-য়ঁ॒ষ্টিং॒ সু॒ব॒র্ণাং হে॑মমা॒লিনীম্ । সূ॒র্য়াং হি॒রণ্ম॑য়ীং-লঁ॒ক্ষ্মীং॒ জাত॑বেদো ম॒মাব॑হ ॥

তাং ম॒ আব॑হ॒ জাত॑বেদো ল॒ক্ষীমন॑পগা॒মিনী᳚ম্ । যস্য়াং॒ হির॑ণ্য়ং॒ প্রভূ॑তং॒ গাবো॑ দা॒স্য়োঽশ্বা᳚ন্, বিং॒দেয়ং॒ পুরু॑ষান॒হম্ ॥

------------------------- যশ্শুচিঃ॑ প্রযতো ভূ॒ত্বা॒ জু॒হুয়া॑-দাজ্য়॒-মন্ব॑হম্ । শ্রিয়ঃ॑ পং॒চদ॑শর্চং চ শ্রী॒কাম॑স্সত॒তং॒ জ॑পেত্ ॥

আনংদঃ কর্দ॑মশ্চৈ॒ব চিক্লী॒ত ই॑তি বি॒শ্রুতাঃ । ঋষ॑য়॒স্তে ত্র॑য়ঃ পুত্রাঃ স্ব॒য়ং॒ শ্রীরে॑ব দে॒বতা ॥

পদ্মাননে প॑দ্ম ঊ॒রূ॒ প॒দ্মাক্ষী প॑দ্মসং॒ভবে । ত্বং মাং᳚ ভ॒জস্ব॑ পদ্মা॒ক্ষী যে॒ন সৌখ্য়ং॑-লঁভা॒ম্যহম্ ॥

অ॒শ্বদা॑য়ী চ গোদা॒য়ী॒ ধ॒নদা॑য়ী ম॒হাধ॑নে । ধনং॑ মে॒ জুষ॑তাং দে॒বী স॒র্বকা॑মার্থ॒ সিদ্ধ॑য়ে ॥

পুত্রপৌত্র ধনং ধান্য়ং হস্ত্যশ্বাজাবিগো রথম্ । প্রজানাং ভবসি মাতা আয়ুষ্মংতং করোতু মাম্ ॥

চংদ্রাভাং-লঁক্ষ্মীমীশানাং সূর্য়াভাং᳚ শ্রিযমীশ্বরীম্ । চংদ্র সূর্য়াগ্নি সর্বাভাং শ্রী মহালক্ষ্মী-মুপাস্মহে ॥

ধন-মগ্নি-র্ধনং-বাঁয়ু-র্ধনং সূর্য়ো॑ ধনং-বঁসুঃ । ধনমিংদ্রো বৃহস্পতি-র্বরু॑ণং ধনম॑শ্নুতে ॥

বৈনতেয় সোমং পিব সোমং॑ পিবতু বৃত্রহা । সোমং॒ ধনস্য় সোমিনো॒ মহ্য়ং॑ দদাতু সোমিনী॑ ॥

ন ক্রোধো ন চ মাত্স॒র্য়ং ন লোভো॑ নাশুভা মতিঃ । ভবংতি কৃত পুণ্য়ানাং ভ॒ক্তানাং শ্রী সূ᳚ক্তং জপেত্সদা ॥

বর্ষং᳚তু॒ তে বি॑ভাব॒রি॒ দি॒বো অভ্রস্য় বিদ্য়ু॑তঃ । রোহং᳚তু সর্ব॑বীজান্যব ব্রহ্ম দ্বি॒ষো᳚ জ॑হি ॥

পদ্মপ্রিয়ে পদ্মিনি পদ্মহস্তে পদ্মালয়ে পদ্ম-দলাযতাক্ষী । বিশ্বপ্রিয়ে বিষ্ণু মনোনুকূলে ত্বত্পাদপদ্মং ময়ি সন্নিধত্স্ব ॥

যা সা পদ্মাসনস্থা বিপুলকটিতটী পদ্মপত্রাযতাক্ষী । গংভীরা বর্তনাভিঃ স্তনভরনমিতা শুভ্র বস্তোত্তরীয়া ॥

লক্ষ্মী-র্দিব্য়ৈ-র্গজেংদ্রৈ-র্মণিগণ খচিতৈ-স্স্নাপিতা হেমকুংভৈঃ । নিত্য়ং সা পদ্মহস্তা মম বসতু গৃহে সর্ব মাংগল্যয়ুক্তা ॥

লক্ষ্মীং ক্ষীর সমুদ্র রাজতনয়াং শ্রীরংগ ধামেশ্বরীম্ । দাসীভূত সমস্ত দেব বনিতাং-লোঁকৈক দীপাংকুরাম্ । শ্রীমন্মংদ কটাক্ষ লব্ধ বিভব ব্রহ্মেংদ্র গংগাধরাম্ । ত্বাং ত্রৈলোক্য় কুটুংবিনীং সরসিজাং-বংঁদে মুকুংদপ্রিয়াম্ ॥

সিদ্ধলক্ষ্মী-র্মোক্ষলক্ষ্মী-র্জযলক্ষ্মী-স্সরস্বতী । শ্রীলক্ষ্মী-র্বরলক্ষ্মীশ্চ প্রসন্না মম সর্বদা ॥

বরাংকুশৌ পাশমভীতি মুদ্রাম্ । করৈর্বহংতীং কমলাসনস্থাম্ । বালার্ককোটি প্রতিভাং ত্রিনেত্রাম্ । ভজেঽহমংবাং জগদীশ্বরীং তাম্ ॥

সর্বমংগল মাংগল্য়ে শিবে সর্বার্থ সাধিকে । শরণ্য়ে ত্য়্রংবকে দেবী নারাযণি নমোস্তুতে ॥

ওং ম॒হা॒দে॒ব্য়ৈ চ॑ বি॒দ্মহে॑ বিষ্ণুপ॒ত্নী চ॑ ধীমহি । তন্নো॑ লক্ষ্মীঃ প্রচো॒দয়া᳚ত্ ॥

শ্রী-র্বর্চ॑স্ব॒-মায়ু॑ষ্য়॒-মারো᳚গ্য়॒-মাবী॑ধা॒ত্-শোভ॑মানং মহী॒যতে᳚ । ধা॒ন্য়ং ধ॒নং প॒শুং ব॒হুপু॑ত্রলা॒ভং শ॒তসং᳚বঁত্স॒রং দী॒র্ঘমায়ুঃ॑ ॥

ওং শাংতিঃ॒ শাংতিঃ॒ শাংতিঃ॑ ॥

श्री सूक्तम् के बारे में

The Sri Suktam is the ancient Vedic hymn to Goddess Lakshmi, beginning "Hiranyavarnam harinim", the golden-hued one. It invokes her through Agni (Jataveda) and asks her to come and stay, bringing prosperity, abundance and grace, and to drive away poverty and misfortune. It is the main Vedic chant of Lakshmi worship.

स्रोत: Rig Veda, a khila (supplementary) hymn appended to the fifth mandala

कब पढ़ें: On Fridays, during Diwali and Lakshmi Puja, on Varalakshmi Vrata and Sharad Purnima, and in daily Lakshmi worship.

क्या आप जानते हैं?

  • Priests chant it while bathing the Lakshmi image (abhisheka) and in homas for prosperity.
  • One verse asks Lakshmi to remove "alakshmi", her opposite: hunger, thirst and misfortune.
  • Its closing verses pray for grain, wealth, cattle, many children and a long life of a hundred years.

अक्सर पूछे जाने वाले प्रश्न

Where does the Sri Suktam come from?

It is a supplementary (khila) hymn of the Rig Veda, attached to the fifth mandala.

What is the Sri Suktam for?

It invokes Lakshmi for prosperity and grace and asks her to remove poverty and misfortune.

When is it chanted?

On Fridays, during Diwali, Varalakshmi Vrata and in Lakshmi abhisheka and homa.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।