MuhurtaNow

श्री विनायक स्तवराजः

Ganesha · पारंपरिक भक्ति पाठ

ബീജാപൂരഗദേക്ഷുകാര്മുകരുജാ ചക്രാബ്ജപാശോത്പല- -വ്രീഹ്യഗ്രസ്വവിഷാണരത്നകലശപ്രോദ്യത്കരാംഭോരുഹഃ । ധ്യേയോ വല്ലഭയാ സപദ്മകരയാശ്ലിഷ്ടോജ്ജ്വലദ്ഭൂഷയാ വിശ്വോത്പത്തിവിപത്തിസംസ്ഥിതികരോ വിഘ്നേശ ഇഷ്ടാര്ഥദഃ ॥ 1 ॥

നമസ്തേ സിദ്ധിലക്ഷ്മീശ ഗണാധിപ മഹാപ്രഭോ । വിഘ്നേശ്വര ജഗന്നാഥ ഗൌരീപുത്ര ജഗത്പ്രഭോ ॥ 2 ॥

ജയ വിഘ്നേശ്വര വിഭോ വിനായക മഹേശ്വര । ലംബോദര മഹാബാഹോ സർവദാ ത്വം പ്രസീദ മേ ॥ 3 ॥

മഹാദേവ ജഗത്സ്വാമിന് മൂഷികാരൂഢ ശംകര । വിശാലാക്ഷ മഹാകായ മാം ത്രാഹി പരമേശ്വര ॥ 4 ॥

കുംജരാസ്യ സുരാധീശ മഹേശ കരുണാനിധേ । മാതുലുംഗധര സ്വാമിന് ഗദാചക്രസമന്വിത ॥ 5 ॥

ദശബാഹോ മഹാരാജ ഗജവക്ത്ര ചതുര്ഭുജ । ശൂര്പകര്ണ മഹാകര്ണ ഗണനാഥ പ്രസീദ മേ ॥ 6 ॥

ശംഖശൂലസമായുക്ത ബീജാപൂരസമന്വിത । ഇക്ഷുകാര്മുകസംയുക്ത പദ്മഹസ്ത പ്രസീദ മേ ॥ 7 ॥

നാനാഭരണസംയുക്ത രത്നകുംഭകര പ്രഭോ । സര്ഗസ്ഥിതിലയാധീശ പരമാത്മന് ജയ പ്രഭോ ॥ 8 ॥

അനാഥനാഥ വിശ്വേശ വിഘ്നസംഘവിനാശന । ത്രയീമൂര്തേ സുരപതേ ബ്രഹ്മവിഷ്ണുശിവാത്മക ॥ 9 ॥

ത്രയീഗുണ മഹാദേവ പാഹി മാം സർവപാലക । അണിമാദിഗുണാധാര ലക്ഷ്മീശ്രീവിഷ്ണുപൂജിത ॥ 10 ॥

ഗൌരീശംകരസംപൂജ്യ ജയ ത്വം ഗണനായക । രതിമന്മഥസംസേവ്യ മഹീഭൂദാരസംസ്തുത ॥ 11 ॥

ഋദ്ധ്യാമോദാദിസംസേവ്യ മഹാഗണപതേ ജയ । ശംഖപദ്മാദിസംസേവ്യ നിരാലംബ നിരീശ്വര ॥ 12 ॥

നിഷ്കലംക നിരാധാര പാഹി മാം നിത്യമവ്യയ । അനാദ്യ ജഗതാമാദ്യ പിതാമഹസുപൂജിത ॥ 13 ॥

ധൂമകേതോ ഗണാധ്യക്ഷ മഹാമൂഷകവാഹന । അനംതപരമാനംദ ജയ വിഘ്നേശ്വരേശ്വര ॥ 14 ॥

രത്നസിംഹാസനാസീന കിരീടേന സുശോഭിത । പരാത്പര പരേശാന പരപൂരുഷ പാഹി മാമ് ॥ 15 ॥

നിര്ദ്വംദ്വ നിര്ഗുണാഭാസ ജപാപുഷ്പസമപ്രഭ । സർവപ്രമഥസംസ്തുത്യ ത്രാഹി മാം വിഘ്നനായക ॥ 16 ॥

കുമാരസ്യ ഗുരോ ദേവ സർവൈശ്വര്യപ്രദായക । സർവാഭീഷ്ടപ്രദ സ്വാമിന് സർവപ്രത്യൂഹനാശക ॥ 17 ॥

ശരണ്യ സർവലോകാനാം ശരണാഗതവത്സല । മഹാഗണപതേ നിത്യം മാം പാലയ കൃപാനിധേ ॥ 18 ॥

ഏവം ശ്രീഗണനാഥസ്യ സ്തവരാജമനുത്തമമ് । യഃ പഠേച്ഛൃണുയാന്നിത്യം പ്രത്യൂഹൈഃ സ വിമുച്യതേ ॥ 19 ॥

അശ്വമേധസമം പുണ്യഫലം പ്രാപ്നോത്യനുത്തമമ് । വശീകരോതി ത്രൈലോക്യം പ്രാപ്യ സൌഭാഗ്യമുത്തമമ് ॥ 20 ॥

സർവാഭീഷ്ടമവാപ്നോതി ശീഘ്രമേവ സുദുര്ലഭമ് । മഹാഗണേശസാന്നിധ്യം പ്രാപ്നോത്യേവ ന സംശയഃ ॥ 21 ॥

ഇതി ശ്രീരുദ്രയാമലേ ശ്രീവിനായകസ്തവരാജഃ സംപൂര്ണമ് ।

श्री विनायक स्तवराजः के बारे में

The Vinayaka Stavaraja, "the king of hymns to Vinayaka", is a hymn to Mahaganapati. Its meditation pictures him with lotus-like hands holding the citron, mace, sugarcane bow, trident, discus, lotus, noose, blue lily, sheaf of rice, his own tusk and a jewelled pot, embraced by his consort Vallabha who holds a lotus. The hymn then salutes him as the lord of Siddhi and Lakshmi, leader of the ganas, the great lord, ruler of obstacles, lord of the world and son of Gauri.

स्रोत: Rudra Yamala, as its colophon states

कब पढ़ें: On Ganesh Chaturthi and Sankashti, and in Mahaganapati worship.

क्या आप जानते हैं?

  • Its colophon places it in the Rudra Yamala.
  • The ten-armed Mahaganapati with his consort is a form especially worshipped in the Tantric and Sri Vidya traditions.

अक्सर पूछे जाने वाले प्रश्न

What does "Stavaraja" mean?

"The king of hymns".

How is Ganesha pictured?

As ten-armed Mahaganapati, with his consort Vallabha.

Where is it from?

The Rudra Yamala, as its colophon states.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।