MuhurtaNow

सूर्य सहस्र नाम स्तोत्रम्

Navagraha · पारंपरिक भक्ति पाठ

অস্য় শ্রী সূর্য় সহস্রনাম স্তোত্রস্য় বেদব্য়াস ঋষিঃ অনুষ্টুপ্ছংদঃ সবিতা দেবতা সর্বাভীষ্ট সিদ্ধ্যর্থে জপে বিনিয়োগঃ ।

ধ্য়ানম্ । ধ্য়েয়ঃ সদা সবিতৃমংডলমধ্যবর্তী নারাযণঃ সরসিজাসনসন্নিবিষ্টঃ । কেয়ূরবান্ মকরকুংডলবান্ কিরীটী হারী হিরণ্মযবপুর্ধৃতশংখচক্রঃ ॥

স্তোত্রম্ । ওং বিশ্ববিদ্বিশ্বজিত্কর্তা বিশ্বাত্মা বিশ্বতোমুখঃ । বিশ্বেশ্বরো বিশ্বয়োনির্নিযতাত্মা জিতেংদ্রিয়ঃ ॥ 1 ॥

কালাশ্রয়ঃ কালকর্তা কালহা কালনাশনঃ । মহায়োগী মহাসিদ্ধির্মহাত্মা সুমহাবলঃ ॥ 2 ॥

প্রভুর্বিভুর্ভূতনাথো ভূতাত্মা ভুবনেশ্বরঃ । ভূতভব্য়ো ভাবিতাত্মা ভূতাংতঃকরণং শিবঃ ॥ 3 ॥

শরণ্য়ঃ কমলানংদো নংদনো নংদবর্ধনঃ । বরেণ্য়ো বরদো যোগী সুসংয়ুক্তঃ প্রকাশকঃ ॥ 4 ॥

প্রাপ্তয়ানঃ পরপ্রাণঃ পূতাত্মা প্রিযতঃ প্রিয়ঃ । [প্রযতঃ] নয়ঃ সহস্রপাত্ সাধুর্দিব্যকুংডলমংডিতঃ ॥ 5 ॥

অব্য়ংগধারী ধীরাত্মা সবিতা বায়ুবাহনঃ । সমাহিতমতির্দাতা বিধাতা কৃতমংগলঃ ॥ 6 ॥

কপর্দী কল্পপাদ্রুদ্রঃ সুমনা ধর্মবত্সলঃ । সমায়ুক্তো বিমুক্তাত্মা কৃতাত্মা কৃতিনাং বরঃ ॥ 7 ॥

অবিচিংত্যবপুঃ শ্রেষ্ঠো মহায়োগী মহেশ্বরঃ । কাংতঃ কামারিরাদিত্য়ো নিযতাত্মা নিরাকুলঃ ॥ 8 ॥

কামঃ কারুণিকঃ কর্তা কমলাকরবোধনঃ । সপ্তসপ্তিরচিংত্য়াত্মা মহাকারুণিকোত্তমঃ ॥ 9 ॥

সংজীবনো জীবনাথো জয়ো জীবো জগত্পতিঃ । অয়ুক্তো বিশ্বনিলয়ঃ সংবিভাগী বৃষধ্বজঃ ॥ 10 ॥

বৃষাকপিঃ কল্পকর্তা কল্পাংতকরণো রবিঃ । একচক্ররথো মৌনী সুরথো রথিনাং বরঃ ॥ 11 ॥

সক্রোধনো রশ্মিমালী তেজোরাশির্বিভাবসুঃ । দিব্যকৃদ্দিনকৃদ্দেবো দেবদেবো দিবস্পতিঃ ॥ 12 ॥

দীননাথো হরো হোতা দিব্যবাহুর্দিবাকরঃ । যজ্ঞো যজ্ঞপতিঃ পূষা স্বর্ণরেতাঃ পরাবরঃ ॥ 13 ॥

পরাপরজ্ঞস্তরণিরংশুমালী মনোহরঃ । প্রাজ্ঞঃ প্রাজ্ঞপতিঃ সূর্য়ঃ সবিতা বিষ্ণুরংশুমান্ ॥ 14 ॥

সদাগতির্গংধবহো বিহিতো বিধিরাশুগঃ । পতংগঃ পতগঃ স্থাণুর্বিহংগো বিহগো বরঃ ॥ 15 ॥

হর্যশ্বো হরিতাশ্বশ্চ হরিদশ্বো জগত্প্রিয়ঃ । ত্র্য়ংবকঃ সর্বদমনো ভাবিতাত্মা ভিষগ্বরঃ ॥ 16 ॥

আলোককৃল্লোকনাথো লোকালোকনমস্কৃতঃ । কালঃ কল্পাংতকো বহ্নিস্তপনঃ সংপ্রতাপনঃ ॥ 17 ॥

বিলোচনো বিরূপাক্ষঃ সহস্রাক্ষঃ পুরংদরঃ । সহস্ররশ্মির্মিহিরো বিবিধাংবরভূষণঃ ॥ 18 ॥

খগঃ প্রতর্দনো ধন্য়ো হযগো বাগ্বিশারদঃ । শ্রীমানশিশিরো বাগ্মী শ্রীপতিঃ শ্রীনিকেতনঃ ॥ 19 ॥

শ্রীকংঠঃ শ্রীধরঃ শ্রীমান্ শ্রীনিবাসো বসুপ্রদঃ । কামচারী মহামায়ো মহোগ্রোঽবিদিতাময়ঃ ॥ 20 ॥

তীর্থক্রিয়াবান্ সুনয়ো বিভক্তো ভক্তবত্সলঃ । কীর্তিঃ কীর্তিকরো নিত্য়ঃ কুংডলী কবচী রথী ॥ 21 ॥

হিরণ্যরেতাঃ সপ্তাশ্বঃ প্রযতাত্মা পরংতপঃ । বুদ্ধিমানমরশ্রেষ্ঠো রোচিষ্ণুঃ পাকশাসনঃ ॥ 22 ॥

সমুদ্রো ধনদো ধাতা মাংধাতা কশ্মলাপহঃ । তমোঘ্নো ধ্বাংতহা বহ্নির্হোতাঽংতঃকরণো গুহঃ ॥ 23 ॥

পশুমান্ প্রযতানংদো ভূতেশঃ শ্রীমতাং বরঃ । নিত্য়োঽদিতো নিত্যরথঃ সুরেশঃ সুরপূজিতঃ ॥ 24 ॥

অজিতো বিজিতো জেতা জংগমস্থাবরাত্মকঃ । জীবানংদো নিত্যগামী বিজেতা বিজযপ্রদঃ ॥ 25 ॥

পর্জন্য়োঽগ্নিঃ স্থিতিঃ স্থেয়ঃ স্থবিরোঽথ নিরংজনঃ । প্রদ্য়োতনো রথারূঢঃ সর্বলোকপ্রকাশকঃ ॥ 26 ॥

ধ্রুবো মেষী মহাবীর্য়ো হংসঃ সংসারতারকঃ । সৃষ্টিকর্তা ক্রিয়াহেতুর্মার্তংডো মরুতাং পতিঃ ॥ 27 ॥

মরুত্বান্ দহনস্ত্বষ্টা ভগো ভর্গোঽর্যমা কপিঃ । বরুণেশো জগন্নাথঃ কৃতকৃত্য়ঃ সুলোচনঃ ॥ 28 ॥

বিবস্বান্ ভানুমান্ কার্য়ঃ কারণস্তেজসাং নিধিঃ । অসংগগামী তিগ্মাংশুর্ধর্মাংশুর্দীপ্তদীধিতিঃ ॥ 29 ॥

সহস্রদীধিতির্ব্রধ্নঃ সহস্রাংশুর্দিবাকরঃ । গভস্তিমান্ দীধিতিমান্ স্রগ্বী মণিকুলদ্য়ুতিঃ ॥ 30 ॥

ভাস্করঃ সুরকার্যজ্ঞঃ সর্বজ্ঞস্তীক্ষ্ণদীধিতিঃ । সুরজ্য়েষ্ঠঃ সুরপতির্বহুজ্ঞো বচসাং পতিঃ ॥ 31 ॥

তেজোনিধির্বৃহত্তেজা বৃহত্কীর্তির্বৃহস্পতিঃ । অহিমানূর্জিতো ধীমানামুক্তঃ কীর্তিবর্ধনঃ ॥ 32 ॥

মহাবৈদ্য়ো গণপতির্ধনেশো গণনাযকঃ । তীব্রপ্রতাপনস্তাপী তাপনো বিশ্বতাপনঃ ॥ 33 ॥

কার্তস্বরো হৃষীকেশঃ পদ্মানংদোঽতিনংদিতঃ । পদ্মনাভোঽমৃতাহারঃ স্থিতিমান্ কেতুমান্ নভঃ ॥ 34 ॥

অনাদ্য়ংতোঽচ্য়ুতো বিশ্বো বিশ্বামিত্রো ঘৃণির্বিরাট্ । আমুক্তকবচো বাগ্মী কংচুকী বিশ্বভাবনঃ ॥ 35 ॥

অনিমিত্তগতিঃ শ্রেষ্ঠঃ শরণ্য়ঃ সর্বতোমুখঃ । বিগাহী বেণুরসহঃ সমায়ুক্তঃ সমাক্রতুঃ ॥ 36 ॥

ধর্মকেতুর্ধর্মরতিঃ সংহর্তা সংযমো যমঃ । প্রণতার্তিহরো বায়ুঃ সিদ্ধকার্য়ো জনেশ্বরঃ ॥ 37 ॥

নভো বিগাহনঃ সত্য়ঃ সবিতাত্মা মনোহরঃ । হারী হরির্হরো বায়ুরৃতুঃ কালানলদ্য়ুতিঃ ॥ 38 ॥

সুখসেব্য়ো মহাতেজা জগতামেককারণম্ । মহেংদ্রো বিষ্টুতঃ স্তোত্রং স্তুতিহেতুঃ প্রভাকরঃ ॥ 39 ॥

সহস্রকর আয়ুষ্মান্ অরোষঃ সুখদঃ সুখী । ব্য়াধিহা সুখদঃ সৌখ্য়ং কল্য়াণঃ কলতাং বরঃ ॥ 40 ॥

আরোগ্যকারণং সিদ্ধিরৃদ্ধির্বৃদ্ধির্বৃহস্পতিঃ । হিরণ্যরেতা আরোগ্য়ং বিদ্বান্ ব্রধ্নো বুধো মহান্ ॥ 41 ॥

প্রাণবান্ ধৃতিমান্ ঘর্মো ঘর্মকর্তা রুচিপ্রদঃ । সর্বপ্রিয়ঃ সর্বসহঃ সর্বশত্রুবিনাশনঃ ॥ 42 ॥

প্রাংশুর্বিদ্য়োতনো দ্য়োতঃ সহস্রকিরণঃ কৃতী । কেয়ূরী ভূষণোদ্ভাসী ভাসিতো ভাসনোঽনলঃ ॥ 43 ॥

শরণ্য়ার্তিহরো হোতা খদ্য়োতঃ খগসত্তমঃ । সর্বদ্য়োতো ভবদ্য়োতঃ সর্বদ্য়ুতিকরো মতঃ ॥ 44 ॥

কল্য়াণঃ কল্য়াণকরঃ কল্য়ঃ কল্যকরঃ কবিঃ । কল্য়াণকৃত্ কল্যবপুঃ সর্বকল্য়াণভাজনম্ ॥ 45 ॥

শাংতিপ্রিয়ঃ প্রসন্নাত্মা প্রশাংতঃ প্রশমপ্রিয়ঃ । উদারকর্মা সুনয়ঃ সুবর্চা বর্চসোজ্জ্বলঃ ॥ 46 ॥

বর্চস্বী বর্চসামীশস্ত্রৈলোক্য়েশো বশানুগঃ । তেজস্বী সুযশা বর্ষ্মী বর্ণাধ্যক্ষো বলিপ্রিয়ঃ ॥ 47 ॥

যশস্বী তেজোনিলযস্তেজস্বী প্রকৃতিস্থিতঃ । আকাশগঃ শীঘ্রগতিরাশুগো গতিমান্ খগঃ ॥ 48 ॥

গোপতির্গ্রহদেবেশো গোমানেকঃ প্রভংজনঃ । জনিতা প্রজনো জীবো দীপঃ সর্বপ্রকাশকঃ ॥ 49 ॥

সর্বসাক্ষী যোগনিত্য়ো নভস্বানসুরাংতকঃ । রক্ষোঘ্নো বিঘ্নশমনঃ কিরীটী সুমনঃপ্রিয়ঃ ॥ 50 ॥

মরীচিমালী সুমতিঃ কৃতাভিখ্যবিশেষকঃ । শিষ্টাচারঃ শুভাচারঃ স্বচারাচারতত্পরঃ ॥ 51 ॥

মংদারো মাঠরো বেণুঃ ক্ষুধাপঃ ক্ষ্মাপতির্গুরুঃ । সুবিশিষ্টো বিশিষ্টাত্মা বিধেয়ো জ্ঞানশোভনঃ ॥ 52 ॥

মহাশ্বেতঃ প্রিয়ো জ্ঞেয়ঃ সামগো মোক্ষদাযকঃ । সর্ববেদপ্রগীতাত্মা সর্ববেদলয়ো মহান্ ॥ 53 ॥

বেদমূর্তিশ্চতুর্বেদো বেদভৃদ্বেদপারগঃ । ক্রিয়াবানসিতো জিষ্ণুর্বরীয়াংশুর্বরপ্রদঃ ॥ 54 ॥

ব্রতচারী ব্রতধরো লোকবংধুরলংকৃতঃ । অলংকারাক্ষরো বেদ্য়ো বিদ্য়াবান্ বিদিতাশয়ঃ ॥ 55 ॥

আকারো ভূষণো ভূষ্য়ো ভূষ্ণুর্ভুবনপূজিতঃ । চক্রপাণির্ধ্বজধরঃ সুরেশো লোকবত্সলঃ ॥ 56 ॥

বাগ্মিপতির্মহাবাহুঃ প্রকৃতির্বিকৃতির্গুণঃ । অংধকারাপহঃ শ্রেষ্ঠো যুগাবর্তো যুগাদিকৃত্ ॥ 57 ॥

অপ্রমেয়ঃ সদায়োগী নিরহংকার ঈশ্বরঃ । শুভপ্রদঃ শুভঃ শাস্তা শুভকর্মা শুভপ্রদঃ ॥ 58 ॥

সত্যবান্ শ্রুতিমানুচ্চৈর্নকারো বৃদ্ধিদোঽনলঃ । বলভৃদ্বলদো বংধুর্মতিমান্ বলিনাং বরঃ ॥ 59 ॥

অনংগো নাগরাজেংদ্রঃ পদ্ময়োনির্গণেশ্বরঃ । সংবত্সর ঋতুর্নেতা কালচক্রপ্রবর্তকঃ ॥ 60 ॥

পদ্মেক্ষণঃ পদ্ময়োনিঃ প্রভাবানমরঃ প্রভুঃ । সুমূর্তিঃ সুমতিঃ সোমো গোবিংদো জগদাদিজঃ ॥ 61 ॥

পীতবাসাঃ কৃষ্ণবাসা দিগ্বাসাস্ত্বিংদ্রিয়াতিগঃ । অতীংদ্রিয়োঽনেকরূপঃ স্কংদঃ পরপুরংজয়ঃ ॥ 62 ॥

শক্তিমান্ জলধৃগ্ভাস্বান্ মোক্ষহেতুরয়োনিজঃ । সর্বদর্শী জিতাদর্শো দুঃস্বপ্নাশুভনাশনঃ ॥ 63 ॥

মাংগল্যকর্তা তরণির্বেগবান্ কশ্মলাপহঃ । স্পষ্টাক্ষরো মহামংত্রো বিশাখো যজনপ্রিয়ঃ ॥ 64 ॥

বিশ্বকর্মা মহাশক্তির্দ্য়ুতিরীশো বিহংগমঃ । বিচক্ষণো দক্ষ ইংদ্রঃ প্রত্য়ূষঃ প্রিযদর্শনঃ ॥ 65 ॥

অখিন্নো বেদনিলয়ো বেদবিদ্বিদিতাশয়ঃ । প্রভাকরো জিতরিপুঃ সুজনোঽরুণসারথিঃ ॥ 66 ॥

কুনাশী সুরতঃ স্কংদো মহিতোঽভিমতো গুরুঃ । গ্রহরাজো গ্রহপতির্গ্রহনক্ষত্রমংডলঃ ॥ 67 ॥

ভাস্করঃ সততানংদো নংদনো নরবাহনঃ । মংগলোঽথ মংগলবান্ মাংগল্য়ো মংগলাবহঃ ॥ 68 ॥

মংগল্যচারুচরিতঃ শীর্ণঃ সর্বব্রতো ব্রতী । চতুর্মুখঃ পদ্মমালী পূতাত্মা প্রণতার্তিহা ॥ 69 ॥

অকিংচনঃ সতামীশো নির্গুণো গুণবাংছুচিঃ । সংপূর্ণঃ পুংডরীকাক্ষো বিধেয়ো যোগতত্পরঃ ॥ 70 ॥

সহস্রাংশুঃ ক্রতুমতিঃ সর্বজ্ঞঃ সুমতিঃ সুবাক্ । সুবাহনো মাল্যদামা কৃতাহারো হরিপ্রিয়ঃ ॥ 71 ॥

ব্রহ্মা প্রচেতাঃ প্রথিতঃ প্রযতাত্মা স্থিরাত্মকঃ । শতবিংদুঃ শতমুখো গরীয়াননলপ্রভঃ ॥ 72 ॥

ধীরো মহত্তরো বিপ্রঃ পুরাণপুরুষোত্তমঃ । বিদ্য়ারাজাধিরাজো হি বিদ্য়াবান্ ভূতিদঃ স্থিতঃ ॥ 73 ॥

অনির্দেশ্যবপুঃ শ্রীমান্ বিপাপ্মা বহুমংগলঃ । স্বঃস্থিতঃ সুরথঃ স্বর্ণো মোক্ষদো বলিকেতনঃ ॥ 74 ॥

নির্দ্বংদ্বো দ্বংদ্বহা স্বর্গঃ সর্বগঃ সংপ্রকাশকঃ । দয়ালুঃ সূক্ষ্মধীঃ ক্ষাংতিঃ ক্ষেমাক্ষেমস্থিতিপ্রিয়ঃ ॥ 75 ॥

ভূধরো ভূপতির্বক্তা পবিত্রাত্মা ত্রিলোচনঃ । মহাবরাহঃ প্রিযকৃদ্দাতা ভোক্তাঽভযপ্রদঃ ॥ 76 ॥

চক্রবর্তী ধৃতিকরঃ সংপূর্ণোঽথ মহেশ্বরঃ । চতুর্বেদধরোঽচিংত্য়ো বিনিংদ্য়ো বিবিধাশনঃ ॥ 77 ॥

বিচিত্ররথ একাকী সপ্তসপ্তিঃ পরাত্পরঃ । সর্বোদধিস্থিতিকরঃ স্থিতিস্থেয়ঃ স্থিতিপ্রিয়ঃ ॥ 78 ॥

নিষ্কলঃ পুষ্কলো বিভুর্বসুমান্ বাসবপ্রিয়ঃ । পশুমান্ বাসবস্বামী বসুধামা বসুপ্রদঃ ॥ 79 ॥

বলবান্ জ্ঞানবাংস্তত্ত্বমোংকারস্ত্রিষুসংস্থিতঃ । সংকল্পয়োনির্দিনকৃদ্ভগবান্ কারণাপহঃ ॥ 80 ॥

নীলকংঠো ধনাধ্যক্ষশ্চতুর্বেদপ্রিয়ংবদঃ । বষট্কারোদ্গাতা হোতা স্বাহাকারো হুতাহুতিঃ ॥ 81 ॥

জনার্দনো জনানংদো নরো নারাযণোঽংবুদঃ । সংদেহনাশনো বায়ুর্ধন্বী সুরনমস্কৃতঃ ॥ 82 ॥

বিগ্রহী বিমলো বিংদুর্বিশোকো বিমলদ্য়ুতিঃ । দ্য়ুতিমান্ দ্য়োতনো বিদ্য়ুদ্বিদ্য়াবান্ বিদিতো বলী ॥ 83 ॥

ঘর্মদো হিমদো হাসঃ কৃষ্ণবর্ত্মা সুতাজিতঃ । সাবিত্রীভাবিতো রাজা বিশ্বামিত্রো ঘৃণির্বিরাট্ ॥ 84 ॥

সপ্তার্চিঃ সপ্ততুরগঃ সপ্তলোকনমস্কৃতঃ । সংপূর্ণোঽথ জগন্নাথঃ সুমনাঃ শোভনপ্রিয়ঃ ॥ 85 ॥

সর্বাত্মা সর্বকৃত্ সৃষ্টিঃ সপ্তিমান্ সপ্তমীপ্রিয়ঃ । সুমেধা মেধিকো মেধ্য়ো মেধাবী মধুসূদনঃ ॥ 86 ॥

অংগিরঃপতিঃ কালজ্ঞো ধূমকেতুঃ সুকেতনঃ । সুখী সুখপ্রদঃ সৌখ্য়ঃ কাংতিঃ কাংতিপ্রিয়ো মুনিঃ ॥ 87 ॥

সংতাপনঃ সংতপন আতপস্তপসাং পতিঃ । উমাপতিঃ সহস্রাংশুঃ প্রিযকারী প্রিয়ংকরঃ ॥ 88 ॥

প্রীতির্বিমন্য়ুরংভোত্থঃ খংজনো জগতাং পতিঃ । জগত্পিতা প্রীতমনাঃ সর্বঃ খর্বো গুহোঽচলঃ ॥ 89 ॥

সর্বগো জগদানংদো জগন্নেতা সুরারিহা । শ্রেয়ঃ শ্রেযস্করো জ্য়ায়ান্ মহানুত্তম উদ্ভবঃ ॥ 90 ॥

উত্তমো মেরুমেয়োঽথ ধরণো ধরণীধরঃ । ধরাধ্যক্ষো ধর্মরাজো ধর্মাধর্মপ্রবর্তকঃ ॥ 91 ॥

রথাধ্যক্ষো রথগতিস্তরুণস্তনিতোঽনলঃ । উত্তরোঽনুত্তরস্তাপী অবাক্পতিরপাং পতিঃ ॥ 92 ॥

পুণ্যসংকীর্তনঃ পুণ্য়ো হেতুর্লোকত্রয়াশ্রয়ঃ । স্বর্ভানুর্বিগতানংদো বিশিষ্টোত্কৃষ্টকর্মকৃত্ ॥ 93 ॥

ব্য়াধিপ্রণাশনঃ ক্ষেমঃ শূরঃ সর্বজিতাং বরঃ । একরথো রথাধীশঃ পিতা শনৈশ্চরস্য় হি ॥ 94 ॥

বৈবস্বতগুরুর্মৃত্য়ুর্ধর্মনিত্য়ো মহাব্রতঃ । প্রলংবহারসংচারী প্রদ্য়োতো দ্য়োতিতানলঃ ॥ 95 ॥

সংতাপহৃত্ পরো মংত্রো মংত্রমূর্তির্মহাবলঃ । শ্রেষ্ঠাত্মা সুপ্রিয়ঃ শংভুর্মরুতামীশ্বরেশ্বরঃ ॥ 96 ॥

সংসারগতিবিচ্চেত্তা সংসারার্ণবতারকঃ । সপ্তজিহ্বঃ সহস্রার্চী রত্নগর্ভোঽপরাজিতঃ ॥ 97 ॥

ধর্মকেতুরমেয়াত্মা ধর্মাধর্মবরপ্রদঃ । লোকসাক্ষী লোকগুরুর্লোকেশশ্চংডবাহনঃ ॥ 98 ॥

ধর্ময়ূপো যূপবৃক্ষো ধনুষ্পাণির্ধনুর্ধরঃ । পিনাকধৃঙ্মহোত্সাহো মহামায়ো মহাশনঃ ॥ 99 ॥

বীরঃ শক্তিমতাং শ্রেষ্ঠঃ সর্বশস্ত্রভৃতাং বরঃ । জ্ঞানগম্য়ো দুরারাধ্য়ো লোহিতাংগো বিবর্ধনঃ ॥ 100 ॥

খগোঽংধো ধর্মদো নিত্য়ো ধর্মকৃচ্চিত্রবিক্রমঃ । ভগবানাত্মবান্ মংত্রস্ত্র্যক্ষরো নীললোহিতঃ ॥ 101 ॥

একোঽনেকস্ত্রয়ী কালঃ সবিতা সমিতিংজয়ঃ । শার্ঙ্গধন্বাঽনলো ভীমঃ সর্বপ্রহরণায়ুধঃ ॥ 102 ॥

সুকর্মা পরমেষ্ঠী চ নাকপালী দিবিস্থিতঃ । বদান্য়ো বাসুকির্বৈদ্য় আত্রেয়োঽথ পরাক্রমঃ ॥ 103 ॥

দ্বাপরঃ পরমোদারঃ পরমো ব্রহ্মচর্যবান্ । উদীচ্যবেষো মুকুটী পদ্মহস্তো হিমাংশুভৃত্ ॥ 104 ॥

সিতঃ প্রসন্নবদনঃ পদ্মোদরনিভাননঃ । সায়ং দিবা দিব্যবপুরনির্দেশ্য়ো মহালয়ঃ ॥ 105 ॥

মহারথো মহানীশঃ শেষঃ সত্ত্বরজস্তমঃ । ধৃতাতপত্রপ্রতিমো বিমর্ষী নির্ণয়ঃ স্থিতঃ ॥ 106 ॥

অহিংসকঃ শুদ্ধমতিরদ্বিতীয়ো বিবর্ধনঃ । সর্বদো ধনদো মোক্ষো বিহারী বহুদাযকঃ ॥ 107 ॥

চারুরাত্রিহরো নাথো ভগবান্ সর্বগোঽব্যয়ঃ । মনোহরবপুঃ শুভ্রঃ শোভনঃ সুপ্রভাবনঃ ॥ 108 ॥

সুপ্রভাবঃ সুপ্রতাপঃ সুনেত্রো দিগ্বিদিক্পতিঃ । রাজ্ঞীপ্রিয়ঃ শব্দকরো গ্রহেশস্তিমিরাপহঃ ॥ 109 ॥

সৈংহিকেযরিপুর্দেবো বরদো বরনাযকঃ । চতুর্ভুজো মহায়োগী যোগীশ্বরপতিস্তথা ॥ 110 ॥

অনাদিরূপোঽদিতিজো রত্নকাংতিঃ প্রভাময়ঃ । জগত্প্রদীপো বিস্তীর্ণো মহাবিস্তীর্ণমংডলঃ ॥ 111 ॥

একচক্ররথঃ স্বর্ণরথঃ স্বর্ণশরীরধৃক্ । নিরালংবো গগনগো ধর্মকর্মপ্রভাবকৃত্ ॥ 112 ॥

ধর্মাত্মা কর্মণাং সাক্ষী প্রত্যক্ষঃ পরমেশ্বরঃ । মেরুসেবী সুমেধাবী মেরুরক্ষাকরো মহান্ ॥ 113 ॥

আধারভূতো রতিমাংস্তথা চ ধনধান্যকৃত্ । পাপসংতাপহর্তা চ মনোবাংছিতদাযকঃ ॥ 114 ॥

রোগহর্তা রাজ্যদায়ী রমণীযগুণোঽনৃণী । কালত্রয়ানংতরূপো মুনিবৃংদনমস্কৃতঃ ॥ 115 ॥

সংধ্য়ারাগকরঃ সিদ্ধঃ সংধ্য়াবংদনবংদিতঃ । সাম্রাজ্যদাননিরতঃ সমারাধনতোষবান্ ॥ 116 ॥

ভক্তদুঃখক্ষযকরো ভবসাগরতারকঃ । ভয়াপহর্তা ভগবানপ্রমেযপরাক্রমঃ । মনুস্বামী মনুপতির্মান্য়ো মন্বংতরাধিপঃ ॥ 117 ॥

ফলশ্রুতিঃ । এতত্তে সর্বমাখ্য়াতং যন্মাং ত্বং পরিপৃচ্ছসি । নাম্নাং সহস্রং সবিতুঃ পরাশর্য়ো যদাহ মে ॥ 1 ॥

ধন্য়ং যশস্যমায়ুষ্য়ং দুঃখদুঃস্বপ্ননাশনম্ । বংধমোক্ষকরং চৈব ভানোর্নামানুকীর্তনাত্ ॥ 2 ॥

যস্ত্বিদং শৃণুয়ান্নিত্য়ং পঠেদ্বা প্রযতো নরঃ । অক্ষয়ং সুখমন্নাদ্য়ং ভবেত্তস্য়োপসাধিতম্ ॥ 3 ॥

নৃপাগ্নিতস্করভয়ং ব্য়াধিতো ন ভয়ং ভবেত্ । বিজয়ী চ ভবেন্নিত্যমাশ্রয়ং পরমাপ্নুয়াত্ ॥ 4 ॥

কীর্তিমান্ সুভগো বিদ্বান্ স সুখী প্রিযদর্শনঃ । জীবেদ্বর্ষশতায়ুশ্চ সর্বব্য়াধিবিবর্জিতঃ ॥ 5 ॥

নাম্নাং সহস্রমিদমংশুমতঃ পঠেদ্য়ঃ প্রাতঃ শুচির্নিযমবান্ সুসমৃদ্ধিয়ুক্তঃ । দূরেণ তং পরিহরংতি সদৈব রোগাঃ ভূতাঃ সুপর্ণমিব সর্বমহোরগেংদ্রাঃ ॥ 6 ॥

ইতি শ্রী ভবিষ্যপুরাণে সপ্তমকল্পে শ্রীভগবত্সূর্যস্য় সহস্রনামস্তোত্রং সংপূর্ণম্ ॥

सूर्य सहस्र नाम स्तोत्रम् के बारे में

The Surya Sahasranama Stotram gives a thousand names of the Sun god in verse, from the Bhavishya Purana, as its colophon states. Its viniyoga names Vedavyasa as the seer, anushtup as the metre and Savitr as the deity. Its famous meditation verse pictures the Lord: "Narayana, ever to be meditated upon, dwelling in the centre of the Sun's orb, seated on a lotus, wearing armlets, makara earrings, a crown and necklaces, his golden body holding the conch and discus." The thousand names then praise the Sun as the visible form of the Supreme.

स्रोत: Bhavishya Purana, as its colophon states

कब पढ़ें: At sunrise, especially on Sundays, on Ratha Saptami and Makara Sankranti.

क्या आप जानते हैं?

  • Its dhyana verse, "Dhyeyah sada savitri mandala madhyavarti", is widely recited at sandhya worship.
  • The Bhavishya Purana contains much material on Sun worship, including the Saura tradition.

अक्सर पूछे जाने वाले प्रश्न

Where is this sahasranama from?

The Bhavishya Purana, as its colophon states.

Who is its seer?

Vedavyasa.

Who dwells in the Sun's orb, in the dhyana?

Narayana.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।