MuhurtaNow

तैत्तिरीय उपनिषद् - भृगुवल्ली

Vedic · पारंपरिक भक्ति पाठ

(তৈ.আ.9.1.1)

ওং স॒হ না॑ববতু । স॒হ নৌ॑ ভুনক্তু । স॒হ বী॒র্য়॑-ঙ্করবাবহৈ । তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ । ওং শান্তি॒-শ্শান্তি॒-শ্শান্তিঃ॑ ॥

ভৃগু॒র্বৈ বা॑রু॒ণিঃ । বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তস্মা॑ এ॒তত্প্রো॑বাচ । অন্ন॑-ম্প্রা॒ণ-ঞ্চক্ষু॒শ্শ্রোত্র॒-ম্মনো॒ বাচ॒মিতি॑ । তগ্ম্ হো॑বাচ । যতো॒ বা ই॒মানি॒ ভূতা॑নি॒ জায়॑ন্তে । যেন॒ জাতা॑নি॒ জীব॑ন্তি । যত্প্রয়॑ন্ত্য়॒ভিসংবিঁ॑শন্তি । তদ্বিজি॑জ্ঞাসস্ব । তদ্ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ ইতি প্রথমো-ঽনুবাকঃ ॥

অন্ন॒-ম্ব্রহ্মেতি॒ ব্য়॑জানাত্ । অ॒ন্নাদ্ধ্য়ে॑ব খল্বি॒মানি॒ ভুতা॑নি॒ জায়॑ন্তে । অন্নে॑ন॒ জাতা॑নি॒ জীব॑ন্তি । অন্ন॒-ম্প্রয়॑ন্ত্য়॒ভিসংবিঁ॑শ॒ন্তীতি॑ । তদ্বি॒জ্ঞায়॑ । পুন॑রে॒ব বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ ইতি দ্বিতীয়ো-ঽনুবাকঃ ॥

প্রা॒ণো ব্র॒হ্মেতি॒ ব্য়॑জানাত্ । প্রা॒ণাদ্ধ্য়ে॑ব খল্বি॒মানি॒ ভূতা॑নি॒ জায়॑ন্তে । প্রা॒ণেন॒ জাতা॑নি॒ জীব॑ন্তি । প্রা॒ণ-ম্প্রয়॑ন্ত্য়॒ভিসংবিঁ॑শ॒ন্তীতি॑ । তদ্বি॒জ্ঞায়॑ । পুন॑রে॒ব বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ ইতি তৃতীয়ো-ঽনুবাকঃ ॥

মনো॒ ব্রহ্মেতি॒ ব্য়॑জানাত্ । মন॑সো॒ হ্য়ে॑ব খল্বি॒মানি॒ ভূতা॑নি॒ জায়॑ন্তে । মন॑সা॒ জাতা॑নি॒ জীব॑ন্তি । মনঃ॒ প্রয়॑ন্ত্য়॒ভিসংবিঁ॑শ॒ন্তীতি॑ । তদ্বি॒জ্ঞায়॑ । পুন॑রে॒ব বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ ইতি চতুর্থো-ঽনুবাকঃ ॥

বি॒জ্ঞান॒-ম্ব্রহ্মেতি॒ ব্য়॑জানাত্ । বি॒জ্ঞানা॒দ্ধ্য়ে॑ব খল্বি॒মানি॒ ভূতা॑নি॒ জায়॑ন্তে । বি॒জ্ঞানে॑ন॒ জাতা॑নি॒ জীব॑ন্তি । বি॒জ্ঞান॒-ম্প্রয়॑ন্ত্য়॒ভিসংবিঁ॑শ॒ন্তীতি॑ । তদ্বি॒জ্ঞায়॑ । পুন॑রে॒ব বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ ইতি পঞ্চমো-ঽনুবাকঃ ॥

আ॒ন॒ন্দো ব্র॒হ্মেতি॒ ব্য়॑জানাত্ । আ॒নন্দা॒দ্ধ্য়ে॑ব খল্বি॒মানি॒ ভূতা॑নি॒ জায়॑ন্তে । আ॒ন॒ন্দেন॒ জাতা॑নি॒ জীব॑ন্তি । আ॒ন॒ন্দ-ম্প্রয়॑ন্ত্য়॒ভিসংবিঁ॑শ॒ন্তীতি॑ । সৈষা ভা᳚র্গ॒বী বা॑রু॒ণী বি॒দ্য়া । প॒র॒মে ব্য়ো॑ম॒ন্প্রতি॑ষ্ঠিতা । স য এ॒বং-বেঁদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জয়া॑ প॒শুভি॑র্ব্রহ্মবর্চ॒সেন॑ । ম॒হান্কী॒র্ত্য়া ॥ 1 ॥ ইতি ষষ্ঠো-ঽনুবাকঃ ॥

অন্ন॒-ন্ন নি॑ন্দ্য়াত্ । তদ্ব্র॒তম্ । প্রা॒ণো বা অন্নম্᳚ । শরী॑রমন্না॒দম্ । প্রা॒ণে শরী॑র॒-ম্প্রতি॑ষ্ঠিতম্ । শরী॑রে প্রা॒ণঃ প্রতি॑ষ্ঠিতঃ । তদে॒তদন্ন॒মন্নে॒ প্রতি॑ষ্ঠিতম্ । স য এ॒তদন্ন॒মন্নে॒ প্রতি॑ষ্ঠিতং॒-বেঁদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জয়া॑ প॒শুভি॑র্ব্রহ্মবর্চ॒সেন॑ । ম॒হান্কী॒র্ত্য়া ॥ 1 ॥ ইতি সপ্তমো-ঽনুবাকঃ ॥

অন্ন॒-ন্ন পরি॑চক্ষীত । তদ্ব্র॒তম্ । আপো॒ বা অন্নম্᳚ । জ্য়োতি॑রন্না॒দম্ । অ॒প্সু জ্য়োতিঃ॒ প্রতি॑ষ্ঠিতম্ । জ্য়োতি॒ষ্য়াপঃ॒ প্রতি॑ষ্ঠিতাঃ । তদে॒তদন্ন॒মন্নে॒ প্রতি॑ষ্ঠিতম্ । স য এ॒তদন্ন॒মন্নে॒ প্রতি॑ষ্ঠিতং॒-বেঁদ॒ প্রতি॑তিষ্ঠতি । অন্ন॑বানন্না॒দো ভ॑বতি । মহা॒ন্ভ॑বতি প্র॒জয়া॑ প॒শুভি॑র্ব্রহ্মবর্চ॒সেন॑ । ম॒হান্কী॒র্ত্য়া ॥ 1 ॥ ইত্যষ্টমো-ঽনুবাকঃ ॥

অন্ন॑-ম্ব॒হু কু॑র্বীত । তদ্ব্র॒তম্ । পৃ॒থি॒বী বা অন্নম্᳚ । আ॒কা॒শো᳚-ঽন্না॒দঃ । পৃ॒থি॒ব্য়ামা॑কা॒শঃ প্রতি॑ষ্ঠিতঃ । আ॒কা॒শে পৃ॑থি॒বী প্রতি॑ষ্ঠিতা । তদে॒তদন্ন॒মন্নে॒ প্রতি॑ষ্ঠিতম্ । স য এ॒তদন্ন॒মন্নে॒ প্রতি॑ষ্ঠিতং॒-বেঁদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জয়া॑ প॒শুভি॑র্ব্রহ্মবর্চ॒সেন॑ । ম॒হান্কী॒র্ত্য়া ॥ 1 ॥ ইতি নবমো-ঽনুবাকঃ ॥

ন কঞ্চন বসতৌ প্রত্য়া॑চক্ষী॒ত । তদ্ব্র॒তম্ । তস্মাদ্যয়া কয়া চ বিধয়া বহ্ব॑ন্ন-ম্প্রা॒প্নুয়াত্ । অরাধ্যস্মা অন্নমি॑ত্য়াচ॒ক্ষতে । এতদ্বৈ মুখতো᳚-ঽন্নগ্ম্ রা॒দ্ধম্ । মুখতো-ঽস্মা অ॑ন্নগ্ম্ রা॒ধ্যতে । এতদ্বৈ মধ্যতো᳚-ঽন্নগ্ম্ রা॒দ্ধম্ । মধ্যতো-ঽস্মা অ॑ন্নগ্ম্ রা॒ধ্যতে । এতদ্বা অন্ততো᳚-ঽন্নগ্ম্ রা॒দ্ধম্ । অন্ততো-ঽস্মা অ॑ন্নগ্ম্ রা॒ধ্যতে ॥ 1 ॥ য এ॑বং-বেঁ॒দ । ক্ষেম ই॑তি বা॒চি । যোগক্ষেম ইতি প্রা॑ণাপা॒নয়োঃ । কর্মে॑তি হ॒স্তয়োঃ । গতিরি॑তি পা॒দয়োঃ । বিমুক্তিরি॑তি পা॒য়ৌ । ইতি মানুষী᳚স্সমা॒জ্ঞাঃ । অথ দৈ॒বীঃ । তৃপ্তিরি॑তি বৃ॒ষ্টৌ । বলমি॑তি বি॒দ্য়ুতি ॥ 2 ॥ যশ ই॑তি প॒শুষু । জ্য়োতিরিতি ন॑ক্ষত্রে॒ষু । প্রজাতিরমৃতমানন্দ ই॑ত্য়ুপ॒স্থে । সর্বমি॑ত্য়াকা॒শে । তত্প্রতিষ্ঠেত্য়ু॑পাসী॒ত । প্রতিষ্ঠা॑বান্ভ॒বতি । তন্মহ ইত্য়ু॑পাসী॒ত । ম॑হান্ভ॒বতি । তন্মন ইত্য়ু॑পাসী॒ত । মান॑বান্ভ॒বতি ॥ 3 ॥ তন্নম ইত্য়ু॑পাসী॒ত । নম্যন্তে᳚-ঽস্মৈ কা॒মাঃ । তদ্ব্রহ্মেত্য়ু॑পাসী॒ত । ব্রহ্ম॑বান্ভ॒বতি । তদ্ব্রহ্মণঃ পরিমর ইত্য়ু॑পাসী॒ত । পর্য়েণ-ম্ম্রিযন্তে দ্বিষন্ত॑স্সপ॒ত্নাঃ । পরি যে᳚-ঽপ্রিয়া᳚ ভ্রাতৃ॒ব্য়াঃ । স যশ্চা॑য়-ম্পু॒রুষে । যশ্চাসা॑বাদি॒ত্য়ে । স একঃ॑ ॥ 4 ॥ স য॑ এবং॒-বিঁত্ । অস্মাংল্লোঁ॑কাত্প্রে॒ত্য় । এতমন্নময়-মাত্মানমুপ॑সঙ্ক্র॒ম্য় । এত-ম্প্রাণময়-মাত্মানমুপ॑সঙ্ক্র॒ম্য় । এত-ম্মনোময়-মাত্মানমুপ॑সঙ্ক্র॒ম্য় । এতং-বিঁজ্ঞানময়-মাত্মানমুপ॑সঙ্ক্র॒ম্য় । এতমানন্দময়-মাত্মানমুপ॑সঙ্ক্র॒ম্য় । ইমাংল্লোঁকান্কামান্নী -কামরূপ্য়॑নু-স॒ঞ্চরন্ন্ । এতথ্সাম গা॑যন্না॒স্তে । হা(3) বু॒ হা(3) বু॒ হা(3) বু॑ ॥ 5 ॥ অ॒হমন্ন-ম॒হমন্ন-ম॒হমন্নম্ । অ॒হমন্না॒দো(3)-ঽ॒হমন্না॒দো(3)-ঽ॒হমন্না॒দঃ । অ॒হগ্গ্ শ্লোক॒কৃদ॒হগ্গ্ শ্লোক॒কৃদ॒হগ্গ্ শ্লোক॒কৃত্ । অ॒হমস্মি প্রথমজা ঋতা(3) স্য়॒ । পূর্ব-ন্দেবেভ্য়ো অমৃতস্য় না(3) ভা॒য়ি॒ । যো মা দদাতি স ইদেব মা(3) বাঃ॒ । অ॒হমন্ন॒-মন্ন॑-ম॒দন্ত॒মা(3) দ্মি॒ । অহং॒-বিঁশ্ব॒-ম্ভুব॑ন॒-মভ্য়॑ভ॒বাম্ । সুব॒র্ন জ্য়োতীঃ᳚ । য এ॒বং-বেঁদ॑ । ইত্য়ু॑প॒নিষ॑ত্ ॥ 6 ॥ ইতি দশমো-ঽনুবাকঃ ॥

ওং স॒হ না॑ববতু । স॒হ নৌ॑ ভুনক্তু । স॒হ বী॒র্য়॑-ঙ্করবাবহৈ । তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ । ওং শান্তি॒-শ্শান্তি॒-শ্শান্তিঃ॑ ॥

॥ হরিঃ॑ ওম্ ॥ ॥ শ্রী কৃষ্ণার্পণমস্তু ॥

तैत्तिरीय उपनिषद् - भृगुवल्ली के बारे में

The Bhrigu Valli is the third and last chapter of the Taittiriya Upanishad, part of the Taittiriya Aranyaka (9). Bhrigu, son of Varuna, goes to his father and says, "Teach me Brahman." Varuna gives him a clue: that from which beings are born, by which they live and into which they return, that is Brahman; seek it through tapas (deep reflection). Again and again Bhrigu reflects and returns, discovering in turn that Brahman is food, breath, mind and understanding, until at last he realises that Brahman is bliss (ananda). The chapter ends with vows about food, "do not despise food; make food plentiful", and a joyful song of oneness.

स्रोत: Krishna Yajurveda, Taittiriya Aranyaka 9 (Taittiriya Upanishad, chapter 3)

कब पढ़ें: In Upanishad study and Vedic chanting.

क्या आप जानते हैं?

  • Its definition of Brahman, "yato va imani bhutani jayante", is the basis of the second sutra of the Brahma Sutras.
  • The step-by-step discovery from food to bliss mirrors the five koshas taught in the Ananda Valli.

अक्सर पूछे जाने वाले प्रश्न

Who teaches Bhrigu?

His father, Varuna.

What does Bhrigu finally realise Brahman to be?

Bliss (ananda).

What vow about food does it teach?

"Do not despise food; make food plentiful."

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।