MuhurtaNow

ಶ್ರೀಮದ್ಭಗವದ್ಗೀತಾ ಪಾರಾಯಣ - ಪಂಚಮೋಽಧ್ಯಾಯಃ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

ഓം ശ്രീ പരമാത്മനേ നമഃ അഥ പംചമോഽധ്യായഃ കര്മസന്ന്യാസയോഗഃ

അര്ജുന ഉവാച

സന്ന്യാസം കര്മണാം കൃഷ്ണ പുനര്യോഗം ച ശംസസി । യച്ഛ്രേയ ഏതയോരേകം തന്മേ ബ്രൂഹി സുനിശ്ചിതമ് ॥1

ശ്രീ ഭഗവാനുവാച

സന്ന്യാസഃ കര്മയോഗശ്ച നിശ്ശ്രേയസകരാവുഭൌ । തയോസ്തു കര്മസന്ന്യാസാത് കര്മയോഗോ വിശിഷ്യതേ ॥2

ജ്ഞേയഃ സ നിത്യസന്ന്യാസീ യോ ന ദ്വേഷ്ടി ന കാംക്ഷതി । നിര്ദ്വംദ്വോ ഹി മഹാബാഹോ സുഖം ബംധാത്പ്രമുച്യതേ ॥3॥

സാംഖ്യയോഗൌ പൃഥഗ്ബാലാഃ പ്രവദംതി ന പംഡിതാഃ । ഏകമപ്യാസ്ഥിതഃ സമ്യക് ഉഭയോർവിംദതേ ഫലമ് ॥4॥

യത്സാംഖ്യൈഃ പ്രാപ്യതേ സ്ഥാനം തദ്യോഗൈരപി ഗമ്യതേ । ഏകം സാംഖ്യം ച യോഗം ച യഃ പശ്യതി സ പശ്യതി ॥5॥

സന്ന്യാസസ്തു മഹാബാഹോ ദുഃഖമാപ്തുമയോഗതഃ । യോഗയുക്തോ മുനിര്ബ്രഹ്മ നചിരേണാധിഗച്ഛതി ॥6॥

യോഗയുക്തോ വിശുദ്ധാത്മാ വിജിതാത്മാ ജിതേംദ്രിയഃ । സർവഭൂതാത്മഭൂതാത്മാ കുർവന്നപി ന ലിപ്യതേ ॥7॥

നൈവ കിംചിത്കരോമീതി യുക്തോ മന്യേത തത്ത്വവിത് । പശ്യന്ശൃണ്വന്സ്പൃശംജിഘ്രന് അശ്നന്ഗച്ഛന്സ്വപന്ശ്വസന് ॥8॥

പ്രലപന്വിസൃജന്ഗൃഹ്ണന് ഉന്മിഷന്നിമിഷന്നപി । ഇംദ്രിയാണീംദ്രിയാര്ഥേഷു വര്തംത ഇതി ധാരയന് ॥9॥

ബ്രഹ്മണ്യാധായ കര്മാണി സംഗം ത്യക്ത്വാ കരോതി യഃ । ലിപ്യതേ ന സ പാപേന പദ്മപത്രമിവാംഭസാ ॥10॥

കായേന മനസാ ബുദ്ധ്യാ കേവലൈരിംദ്രിയൈരപി । യോഗിനഃ കര്മ കുർവംതി സംഗം ത്യക്ത്വാത്മശുദ്ധയേ ॥11॥

യുക്തഃ കര്മഫലം ത്യക്ത്വാ ശാംതിമാപ്നോതി നൈഷ്ഠികീമ് । അയുക്തഃ കാമകാരേണ ഫലേ സക്തോ നിബധ്യതേ ॥12॥

സർവകര്മാണി മനസാ സന്ന്യസ്യാസ്തേ സുഖം വശീ । നവദ്വാരേ പുരേ ദേഹീ നൈവ കുർവന്ന കാരയന് ॥13॥

ന കര്തൃത്വം ന കര്മാണി ലോകസ്യ സൃജതി പ്രഭുഃ । ന കര്മഫലസംയോഗം സ്വഭാവസ്തു പ്രവര്തതേ ॥14॥

നാദത്തേ കസ്യചിത്പാപം ന ചൈവ സുകൃതം വിഭുഃ । അജ്ഞാനേനാവൃതം ജ്ഞാനം തേന മുഹ്യംതി ജംതവഃ ॥15॥

ജ്ഞാനേന തു തദജ്ഞാനം യേഷാം നാശിതമാത്മനഃ । തേഷാമാദിത്യവജ്ജ്ഞാനം പ്രകാശയതി തത്പരമ് ॥16॥

തദ്ബുദ്ധയസ്തദാത്മാനഃ തന്നിഷ്ഠാസ്തത്പരായണാഃ । ഗച്ഛംത്യപുനരാവൃത്തിം ജ്ഞാനനിര്ധൂതകല്മഷാഃ ॥17॥

വിദ്യാവിനയസംപന്നേ ബ്രാഹ്മണേ ഗവി ഹസ്തിനി । ശുനി ചൈവ ശ്വപാകേ ച പംഡിതാഃ സമദര്ശിനഃ ॥18॥

ഇഹൈവ തൈര്ജിതഃ സര്ഗഃ യേഷാം സാമ്യേ സ്ഥിതം മനഃ । നിര്ദോഷം ഹി സമം ബ്രഹ്മ തസ്മാത് ബ്രഹ്മണി തേ സ്ഥിതാഃ ॥19॥

ന പ്രഹൃഷ്യേത്പ്രിയം പ്രാപ്യ നോദ്വിജേത്പ്രാപ്യ ചാപ്രിയമ് । സ്ഥിരബുദ്ധിരസമ്മൂഢഃ ബ്രഹ്മവിത് ബ്രഹ്മണി സ്ഥിതഃ ॥20॥

ബാഹ്യസ്പര്ശേഷ്വസക്താത്മാ വിംദത്യാത്മനി യത്സുഖമ് । സ ബ്രഹ്മയോഗയുക്താത്മാ സുഖമക്ഷയമശ്നുതേ ॥21॥

യേ ഹി സംസ്പര്ശജാ ഭോഗാഃ ദുഃഖയോനയ ഏവ തേ । ആദ്യംതവംതഃ കൌംതേയ ന തേഷു രമതേ ബുധഃ ॥22॥

ശക്നോതീഹൈവ യഃ സോഢും പ്രാക്ശരീരവിമോക്ഷണാത് । കാമക്രോധോദ്ഭവം വേഗം സ യുക്തഃ സ സുഖീ നരഃ ॥23॥

യോഽംതഃസുഖോഽംതരാരാമഃ തഥാംതര്ജ്യോതിരേവ യഃ । സ യോഗീ ബ്രഹ്മനിർവാണം ബ്രഹ്മഭൂതോഽധിഗച്ഛതി ॥24॥

ലഭംതേ ബ്രഹ്മനിർവാണമ് ഋഷയഃ ക്ഷീണകല്മഷാഃ । ഛിന്നദ്വൈധാ യതാത്മാനഃ സർവഭൂതഹിതേ രതാഃ ॥25॥

കാമക്രോധവിയുക്താനാം യതീനാം യതചേതസാമ് । അഭിതോ ബ്രഹ്മനിർവാണം വര്തതേ വിദിതാത്മനാമ് ॥26॥

സ്പര്ശാന്കൃത്വാ ബഹിര്ബാഹ്യാന് ചക്ഷുശ്ചൈവാംതരേ ഭ്രുവോഃ പ്രാണാപാനൌ സമൌ കൃത്വാ നാസാഭ്യംതരചാരിണൌ ॥27॥

യതേംദ്രിയമനോബുദ്ധിഃ മുനിര്മോക്ഷപരായണഃ । വിഗതേച്ഛാഭയക്രോധഃ യഃ സദാ മുക്ത ഏവ സഃ ॥28॥

ഭോക്താരം യജ്ഞതപസാം സർവലോകമഹേശ്വരമ് । സുഹൃദം സർവഭൂതാനാം ജ്ഞാത്വാ മാം ശാംതിമൃച്ഛതി ॥29॥

॥ ഓം തത്സദിതി ശ്രീമദ്ഭഗവദ്ഗീതാസു ഉപനിഷത്സു ബ്രഹ്മവിദ്യായാം യോഗശാസ്ത്രേ ശ്രീകൃഷ്ണാര്ജുനസംവാദേ കര്മസന്ന്യാസയോഗോ നാമ പംചമോഽധ്യായഃ ॥

ಶ್ರೀಮದ್ಭಗವದ್ಗೀತಾ ಪಾರಾಯಣ - ಪಂಚಮೋಽಧ್ಯಾಯಃ ಬಗ್ಗೆ

ಭಗವದ್ಗೀತೆಯ ೫ನೇ ಅಧ್ಯಾಯ, ಕರ್ಮಸಂನ್ಯಾಸ ಯೋಗ, ಕರ್ಮತ್ಯಾಗದ ಯೋಗ; ಪಾರಾಯಣಕ್ಕಾಗಿ. ಕರ್ಮತ್ಯಾಗ ಮತ್ತು ಕರ್ಮಯೋಗದಲ್ಲಿ ಯಾವುದು ಶ್ರೇಷ್ಠ ಎಂದು ಅರ್ಜುನ ಕೇಳುತ್ತಾನೆ. ಎರಡೂ ಮುಕ್ತಿಗೆ ಒಯ್ಯುತ್ತವೆ, ಆದರೆ ಆಸಕ್ತಿಯಿಲ್ಲದೆ ಕರ್ಮ ಮಾಡುವುದು ಶ್ರೇಷ್ಠ ಎನ್ನುತ್ತಾನೆ ಕೃಷ್ಣ: ಜ್ಞಾನಿ ಫಲವನ್ನು ಪ್ರಭುವಿಗೆ ಅರ್ಪಿಸಿ ಕೆಲಸ ಮಾಡುತ್ತಾನೆ, ನೀರು ತಾಕದ ಕಮಲದೆಲೆಯಂತೆ ಇರುತ್ತಾನೆ, ಎಲ್ಲ ಜೀವಿಗಳಲ್ಲಿ ಒಂದೇ ಆತ್ಮವನ್ನು ಕಾಣುತ್ತಾನೆ.

ಮೂಲ: ಭಗವದ್ಗೀತೆ, ಅಧ್ಯಾಯ ೫

ಯಾವಾಗ ಪಠಿಸಬೇಕು: ದಿನನಿತ್ಯದ ಗೀತಾ ಪಾರಾಯಣದಲ್ಲಿ, ದಿನಕ್ಕೊಂದು ಅಧ್ಯಾಯದಂತೆ, ಮತ್ತು ಗೀತಾ ಜಯಂತಿಯ ಪಠಣಗಳಲ್ಲಿ.

ನಿಮಗೆ ಗೊತ್ತೇ?

  • ನೀರು ತಾಕದ ಕಮಲದೆಲೆಯ ಚಿತ್ರಣ ೫.೧೦ನೇ ಶ್ಲೋಕದಿಂದ ಬಂದದ್ದು.
  • ಭಗವದ್ಗೀತೆ ಮಹಾಭಾರತದ ಭೀಷ್ಮಪರ್ವದಲ್ಲಿದೆ; ಅದರಲ್ಲಿ ೧೮ ಅಧ್ಯಾಯಗಳು ಮತ್ತು ಸುಮಾರು ೭೦೦ ಶ್ಲೋಕಗಳಿವೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಕೃಷ್ಣ ಯಾವುದನ್ನು ಶ್ರೇಷ್ಠ ಎನ್ನುತ್ತಾನೆ, ತ್ಯಾಗವೋ ಕರ್ಮವೋ?

ಎರಡೂ ಮುಕ್ತಿಗೆ ಒಯ್ಯುತ್ತವೆ; ಆದರೆ ಆಸಕ್ತಿಯಿಲ್ಲದ ಕರ್ಮ (ಕರ್ಮಯೋಗ) ಶ್ರೇಷ್ಠ.

ಕಮಲದೆಲೆಯ ಚಿತ್ರಣ ಏನು?

ಎಲ್ಲವನ್ನೂ ಪ್ರಭುವಿಗೆ ಅರ್ಪಿಸಿ ಕರ್ಮ ಮಾಡುವವನಿಗೆ ಪಾಪ ತಾಕುವುದಿಲ್ಲ, ಕಮಲದೆಲೆಗೆ ನೀರು ತಾಕದಂತೆ.

ಅಧ್ಯಾಯದ ಹೆಸರೇನು?

ಕರ್ಮಸಂನ್ಯಾಸ ಯೋಗ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.