MuhurtaNow

ಶ್ರೀಮದ್ಭಗವದ್ಗೀತಾ ಪಾರಾಯಣ - ಅಷ್ಟಮೋಽಧ್ಯಾಯಃ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

ഓം ശ്രീ പരമാത്മനേ നമഃ അഥ അഷ്ടമോഽധ്യായഃ അക്ഷരപരബ്രഹ്മയോഗഃ

അര്ജുന ഉവാച

കിം തദ്ബ്രഹ്മ കിമധ്യാത്മം കിം കര്മ പുരുഷോത്തമ । അധിഭൂതം ച കിം പ്രോക്തമ് അധിദൈവം കിമുച്യതേ ॥1

അധിയജ്ഞഃ കഥം കോഽത്ര ദേഹേഽസ്മിന്മധുസൂദന । പ്രയാണകാലേ ച കഥം ജ്ഞേയോഽസി നിയതാത്മഭിഃ ॥2॥

ശ്രീ ഭഗവാനുവാച

അക്ഷരം ബ്രഹ്മ പരമം സ്വഭാവോഽധ്യാത്മമുച്യതേ । ഭൂതഭാവോദ്ഭവകരഃ വിസര്ഗഃ കര്മസംജ്ഞിതഃ ॥3

അധിഭൂതം ക്ഷരോ ഭാവഃ പുരുഷശ്ചാധിദൈവതമ് । അധിയജ്ഞോഽഹമേവാത്ര ദേഹേ ദേഹഭൃതാം വര ॥4॥

അംതകാലേ ച മാമേവ സ്മരന്മുക്ത്വാ കലേവരമ് । യഃ പ്രയാതി സ മദ്ഭാവം യാതി നാസ്ത്യത്ര സംശയഃ ॥5॥

യം യം വാപി സ്മരന്ഭാവം ത്യജത്യംതേ കലേവരമ് । തം തമേവൈതി കൌംതേയ സദാ തദ്ഭാവഭാവിതഃ ॥6॥

തസ്മാത്സർവേഷു കാലേഷു മാമനുസ്മര യുധ്യ ച । മയ്യര്പിതമനോബുദ്ധിഃ മാമേവൈഷ്യസ്യസംശയമ് ॥7॥

അഭ്യാസയോഗയുക്തേന ചേതസാ നാന്യഗാമിനാ । പരമം പുരുഷം ദിവ്യം യാതി പാര്ഥാനുചിംതയന് ॥8॥

കവിം പുരാണമനുശാസിതാരമ് അണോരണീയാംസമനുസ്മരേദ്യഃ । സർവസ്യ ധാതാരമചിംത്യരൂപം ആദിത്യവര്ണം തമസഃ പരസ്താത് ॥9॥

പ്രയാണകാലേ മനസാഽചലേന ഭക്ത്യാ യുക്തോ യോഗബലേന ചൈവ । ഭ്രുവോര്മധ്യേ പ്രാണമാവേശ്യ സമ്യക് സ തം പരം പുരുഷമുപൈതി ദിവ്യമ് ॥10॥

യദക്ഷരം വേദവിദോ വദംതി വിശംതി യദ്യതയോ വീതരാഗാഃ । യദിച്ഛംതോ ബ്രഹ്മചര്യം ചരംതി തത്തേ പദം സംഗ്രഹേണ പ്രവക്ഷ്യേ ॥11॥

സർവദ്വാരാണി സംയമ്യ മനോ ഹൃദി നിരുധ്യ ച । മൂര്ധ്ന്യാധായാത്മനഃ പ്രാണമ് ആസ്ഥിതോ യോഗധാരണാമ് ॥12॥

ഓമിത്യേകാക്ഷരം ബ്രഹ്മ വ്യാഹരന്മാമനുസ്മരന് । യഃ പ്രയാതി ത്യജംദേഹം സ യാതി പരമാം ഗതിമ് ॥13॥

അനന്യചേതാഃ സതതം യോ മാം സ്മരതി നിത്യശഃ । തസ്യാഹം സുലഭഃ പാര്ഥ നിത്യയുക്തസ്യ യോഗിനഃ ॥14॥

മാമുപേത്യ പുനര്ജന്മ ദുഃഖാലയമശാശ്വതമ് । നാപ്നുവംതി മഹാത്മാനഃ സംസിദ്ധിം പരമാം ഗതാഃ ॥15॥

ആബ്രഹ്മഭുവനാല്ലോകാഃ പുനരാവര്തിനോഽര്ജുന । മാമുപേത്യ തു കൌംതേയ പുനര്ജന്മ ന വിദ്യതേ ॥16॥

സഹസ്രയുഗപര്യംതമ് അഹര്യദ്ബ്രഹ്മണോ വിദുഃ । രാത്രിം യുഗസഹസ്രാംതാം തേഽഹോരാത്രവിദോ ജനാഃ ॥17॥

അവ്യക്താദ്വ്യക്തയഃ സർവാഃ പ്രഭവംത്യഹരാഗമേ । രാത്ര്യാഗമേ പ്രലീയംതേ തത്രൈവാവ്യക്തസംജ്ഞകേ ॥18॥

ഭൂതഗ്രാമഃ സ ഏവായം ഭൂത്വാ ഭൂത്വാ പ്രലീയതേ । രാത്ര്യാഗമേഽവശഃ പാര്ഥ പ്രഭവത്യഹരാഗമേ ॥19॥

പരസ്തസ്മാത്തു ഭാവോഽന്യഃ അവ്യക്തോഽവ്യക്താത്സനാതനഃ । യഃ സ സർവേഷു ഭൂതേഷു നശ്യത്സു ന വിനശ്യതി ॥20॥

അവ്യക്തോഽക്ഷര ഇത്യുക്തഃ തമാഹുഃ പരമാം ഗതിമ് । യം പ്രാപ്യ ന നിവര്തംതേ തദ്ധാമ പരമം മമ ॥21॥

പുരുഷഃ സ പരഃ പാര്ഥ ഭക്ത്യാ ലഭ്യസ്ത്വനന്യയാ । യസ്യാംതഃ സ്ഥാനി ഭൂതാനി യേന സർവമിദം തതമ് ॥22॥

യത്ര കാലേ ത്വനാവൃത്തിമ് ആവൃത്തിം ചൈവ യോഗിനഃ । പ്രയാതാ യാംതി തം കാലം വക്ഷ്യാമി ഭരതര്ഷഭ ॥23॥

അഗ്നിര്ജ്യോതിരഹഃ ശുക്ലഃ ഷണ്മാസാ ഉത്തരായണമ് । തത്ര പ്രയാതാ ഗച്ഛംതി ബ്രഹ്മ ബ്രഹ്മവിദോ ജനാഃ ॥24॥

ധൂമോ രാത്രിസ്തഥാ കൃഷ്ണഃ ഷണ്മാസാ ദക്ഷിണായനമ് । തത്ര ചാംദ്രമസം ജ്യോതിഃ യോഗീ പ്രാപ്യ നിവര്തതേ ॥25॥

ശുക്ലകൃഷ്ണേ ഗതീ ഹ്യേതേ ജഗതഃ ശാശ്വതേ മതേ । ഏകയാ യാത്യനാവൃത്തിമ് അന്യയാഽഽവര്തതേ പുനഃ ॥26॥

നൈതേ സൃതീ പാര്ഥ ജാനന് യോഗീ മുഹ്യതി കശ്ചന । തസ്മാത്സർവേഷു കാലേഷു യോഗയുക്തോ ഭവാര്ജുന ॥27॥

വേദേഷു യജ്ഞേഷു തപസ്സു ചൈവ ദാനേഷു യത്പുണ്യഫലം പ്രദിഷ്ടമ് । അത്യേതി തത്സർവമിദം വിദിത്വാ യോഗീ പരം സ്ഥാനമുപൈതി ചാദ്യമ് ॥28॥

॥ ഓം തത്സദിതി ശ്രീമദ്ഭഗവദ്ഗീതാസു ഉപനിഷത്സു ബ്രഹ്മവിദ്യായാം യോഗശാസ്ത്രേ ശ്രീകൃഷ്ണാര്ജുനസംവാദേ അക്ഷരപരബ്രഹ്മയോഗോ നാമ അഷ്ടമോഽധ്യായഃ ॥8

ಶ್ರೀಮದ್ಭಗವದ್ಗೀತಾ ಪಾರಾಯಣ - ಅಷ್ಟಮೋಽಧ್ಯಾಯಃ ಬಗ್ಗೆ

ಇದು ಪಾರಾಯಣಕ್ಕಾಗಿ ಸಿದ್ಧಪಡಿಸಿದ ಭಗವದ್ಗೀತೆಯ ಎಂಟನೇ ಅಧ್ಯಾಯ ಅಕ್ಷರಬ್ರಹ್ಮಯೋಗ. ಅರ್ಜುನ ಏಳು ಪ್ರಶ್ನೆ ಕೇಳುತ್ತಾನೆ: ಬ್ರಹ್ಮ ಯಾವುದು, ಅಧ್ಯಾತ್ಮ ಯಾವುದು, ಕರ್ಮ ಯಾವುದು, ಅಧಿಭೂತ ಅಧಿದೈವ ಅಧಿಯಜ್ಞ ಯಾವುವು, ಮರಣಕಾಲದಲ್ಲಿ ಭಗವಂತನನ್ನು ಹೇಗೆ ಅರಿಯುವುದು. ಕೃಷ್ಣ ಉತ್ತರಿಸಿ, ಕೊನೆಯಲ್ಲಿ ಏನನ್ನು ಸ್ಮರಿಸುತ್ತಾನೋ ಅದನ್ನೇ ಸೇರುತ್ತಾನೆ, ಆದ್ದರಿಂದ "ಸದಾ ನನ್ನನ್ನು ಸ್ಮರಿಸು, ಯುದ್ಧಮಾಡು" ಎನ್ನುತ್ತಾನೆ. ಓಂ ಜಪಿಸುತ್ತ ದೇಹ ಬಿಡುವುದು, ಬ್ರಹ್ಮನ ಹಗಲು ರಾತ್ರಿ, ನಿರ್ಗಮನದ ಶುಕ್ಲ ಕೃಷ್ಣ ಮಾರ್ಗಗಳನ್ನು ವರ್ಣಿಸುತ್ತಾನೆ.

ಮೂಲ: ಮಹಾಭಾರತ, ಭೀಷ್ಮಪರ್ವ (ಭಗವದ್ಗೀತೆ, ೮ನೇ ಅಧ್ಯಾಯ)

ಯಾವಾಗ ಪಠಿಸಬೇಕು: ದಿನನಿತ್ಯದ ಗೀತಾ ಪಾರಾಯಣದಲ್ಲಿ, ಗೀತಾಜಯಂತಿ ಮತ್ತು ಏಕಾದಶಿಯಂದು, ಮತ್ತು ಅಗಲಿದವರಿಗಾಗಿ ಪ್ರಾರ್ಥನೆಯಲ್ಲಿ.

ನಿಮಗೆ ಗೊತ್ತೇ?

  • ೫ನೇ ಶ್ಲೋಕ ಕೃಷ್ಣನನ್ನು ಸ್ಮರಿಸುತ್ತ ದೇಹ ಬಿಡುವವನು ನಿಸ್ಸಂಶಯವಾಗಿ ಅವನನ್ನು ಸೇರುತ್ತಾನೆ ಎನ್ನುತ್ತದೆ.
  • ೧೩ನೇ ಶ್ಲೋಕ ನಿರ್ಗಮನಕಾಲದಲ್ಲಿ ಭಗವಂತನನ್ನು ಸ್ಮರಿಸುತ್ತ ಏಕಾಕ್ಷರ ಓಂ ಉಚ್ಚರಿಸುವುದನ್ನು ಹೇಳುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಈ ಅಧ್ಯಾಯದ ಹೆಸರೇನು?

ಅಕ್ಷರಬ್ರಹ್ಮಯೋಗ.

ಅರ್ಜುನ ಎಷ್ಟು ಪ್ರಶ್ನೆ ಕೇಳುತ್ತಾನೆ?

ಏಳು.

ಕೃಷ್ಣನ ಸಲಹೆ ಏನು?

"ಸದಾ ನನ್ನನ್ನು ಸ್ಮರಿಸು, ನಿನ್ನ ಕರ್ತವ್ಯ ಮಾಡು."

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.