MuhurtaNow

ಶ್ರೀಮದ್ಭಗವದ್ಗೀತಾ ಪಾರಾಯಣ - ಗೀತಾ ಮಹಾತ್ಮ್ಯಂ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

അഥ ഗീതാമാഹാത്മ്യം

ധരോവാച

ഭഗവന് പരമേശാന ഭക്തിരവ്യഭിചാരിണീ । പ്രാരബ്ധം ഭുജ്യമാനസ്യ കഥം ഭവതി ഹേ പ്രഭോ ॥ 1 ॥

ശ്രീവിഷ്ണുരുവാച

പ്രാരബ്ധം ഭുജ്യമാനോ ഹി ഗീതാഭ്യാസരതഃ സദാ । സ മുക്തഃ സ സുഖീ ലോകേ കര്മണാ നോപലിപ്യതേ ॥ 2

മഹാപാപാദിപാപാനി ഗീതാധ്യാനം കരോതി ചേത് । ക്വചിത്സ്പര്ശം ന കുർവംതി നലിനീദലമംബുവത് ॥ 3 ॥

ഗീതായാഃ പുസ്തകം യത്ര യത്ര പാഠഃ പ്രവര്തതേ । തത്ര സർവാണി തീര്ഥാനി പ്രയാഗാദീനി തത്ര വൈ ॥ 4 ॥

സർവേ ദേവാശ്ച ഋഷയഃ യോഗിനഃ പന്നഗാശ്ച യേ । ഗോപാലാ ഗോപികാ വാഽപി നാരദോദ്ധവപാര്ഷദൈഃ ॥ 5 ॥

സഹായോ ജായതേ ശീഘ്രം യത്ര ഗീതാ പ്രവര്തതേ । യത്ര ഗീതാവിചാരശ്ച പഠനം പാഠനം ശ്രുതമ് । തത്രാഹം നിശ്ചിതം പൃഥ്വി നിവസാമി സദൈവ ഹി ॥ 6 ॥

ഗീതാശ്രയേഽഹം തിഷ്ഠാമി ഗീതാ മേ ചോത്തമം ഗൃഹമ് । ഗീതാജ്ഞാനമുപാശ്രിത്യ ത്രീഁല്ലോകാന്-പാലയാമ്യഹമ് ॥ 7 ॥

ഗീതാ മേ പരമാ വിദ്യാ ബ്രഹ്മരൂപാ ന സംശയഃ । അര്ധമാത്രാക്ഷരാ നിത്യാ സ്വാനിർവാച്യപദാത്മികാ ॥ 8 ॥

ചിദാനംദേന കൃഷ്ണേന പ്രോക്താ സ്വമുഖതോഽര്ജുനമ് । വേദത്രയീ പരാനംദാ തത്ത്വാര്ഥജ്ഞാനസംയുതാ ॥ 9 ॥

യോഽഷ്ടാദശം ജപേന്നിത്യം നരോ നിശ്ചലമാനസഃ । ജ്ഞാനസിദ്ധിം സ ലഭതേ തതോ യാതി പരം പദമ് ॥ 10 ॥

പാഠേഽസമര്ഥഃ സംപൂര്ണേ തതോഽര്ധം പാഠമാചരേത് । തദാ ഗോദാനജം പുണ്യം ലഭതേ നാത്ര സംശയഃ ॥ 11 ॥

ത്രിഭാഗം പഠമാനസ്തു ഗംഗാസ്നാനഫലം ലഭേത് । ഷഡംശം ജപമാനസ്തു സോമയാഗഫലം ലഭേത് ॥ 12 ॥

എകാധ്യായം തുയോ നിത്യം പഠതേ ഭക്തിസംയുതഃ । രുദ്രലോകമവാപ്നോതി ഗണോ ഭൂത്വാ വസേച്ചിരമ് ॥ 13 ॥

അധ്യായം ശ്ലോകപാദം വാ നിത്യം യഃ പഠതേ നരഃ । സ യാതി നരതാം യാവത് മന്വംതരം വസുംധരേ ॥ 14 ॥

ഗീതായാഃ ശ്ലോകദശകം സപ്ത പംച ചതുഷ്ടയമ് । ദ്വൌത്രീനേകം തദര്ധം വാ ശ്ലോകാനാം യഃ പഠേന്നരഃ ॥ 15 ॥

ചംദ്രലോകമവാപ്നോതി വര്ഷാണാമയുതം ധൃവമ് । ഗീതാപാഠസമായുക്തഃ മൃതോ മാനുഷതാം വ്രജേത് ॥ 16 ॥

ഗീതാഭ്യാസം പുനഃ കൃത്വാ ലഭതേ മുക്തിമുത്തമമ് । ഗീതേത്യുച്ചാരസംയുക്തഃ മ്രിയമാണോ ഗതിം ലഭേത് ॥ 17 ॥

ഗീതാര്ഥശ്രവണാസക്തഃ മഹാപാപയുതോഽപി വാ । വൈകുംഠം സമവാപ്നോതി വിഷ്ണുനാ സഹമോദതേ ॥ 18 ॥

ഗീതാര്ഥം ധ്യായതേ നിത്യം കൃത്വാ കര്മാണി ഭൂരിശഃ । ജീവന്മുക്തഃ സ വിജ്ഞേയഃ ദേഹാംതേ പരമം പദമ് ॥ 19 ॥

മലനിര്മോചനം പുംസാം ജലസ്നാനം ദിനേ ദിനേ । സകൃദ്ഗീതാംഭസി സ്നാനം സംസാരമലനാശനമ് ॥ 20 ॥

ഗീതാമാശ്രിത്യ ബഹവഃ ഭൂഭുജോ ജനകാദയഃ । നിര്ധൂതകല്മഷാ ലോകേ ഗീതാ യാതാഃ പരം പദമ് ॥ 21 ॥

തേ ശൃണ്വംതി പഠംത്യേവ ഗീതാശാസ്ത്രമഹര്നിശമ് । ന തേ വൈ മാനുഷാ ജ്ഞേയാ ദേവാ ഏവ ന സംശയഃ ॥ 22 ॥

ജ്ഞാനാജ്ഞാനകൃതം നിത്യം ഇംദ്രിയൈര്ജനിതം ച യത് । തത്സർവം നാശമായാതി ഗീതാപാഠേന തക്ഷണമ് ॥ 23 ॥

ധിക് തസ്യ ജ്ഞാനമാചാരം വ്രതം ചേഷ്ടാം തപോ യശഃ । ഗീതാര്ഥപഠനം നാഽസ്തി നാധമസ്തത്പരോ ജനഃ ॥ 24 ॥

സംസാരസാഗരം ഘോരം തര്തുമിച്ഛതി യോ ജനഃ । ഗീതാനാവം സമാരുഹ്യ പാരം യാതി സുഖേന സഃ ॥ 25 ॥

ഗീതായാഃ പഠനം കൃത്വാ മാഹാത്മ്യം നൈവ യഃ പഠേത് । വൃഥാ പാഠോ ഭവേത്തസ്യ ശ്രമ ഏവ ഹ്യുദാഹൃതഃ ॥ 26 ॥

ഏതന്മാഹാത്മ്യസംയുക്തം ഗീതാഭ്യാസം കരോതി യഃ । സ തത്ഫലമവാപ്നോതി ദുര്ലഭാം ഗതിമാപ്നുയാത് ॥ 27 ॥

സൂത ഉവാച

മാഹാത്മ്യമേതദ്ഗീതായാഃ മയാ പ്രോക്തം സനാതനമ് । ഗീതാംതേ ച പഠേദ്യസ്തു യദുക്തം തത്ഫലം ഭവേത് ॥ 28

ഇതി ശ്രീ വരാഹപുരാണേ ശ്രീ ഗീതാമാഹാത്മ്യം സംപൂര്ണമ് ॥

ഓം ശാംതിഃ ശാംതിഃ ശാംതിഃ ॥

ಶ್ರೀಮದ್ಭಗವದ್ಗೀತಾ ಪಾರಾಯಣ - ಗೀತಾ ಮಹಾತ್ಮ್ಯಂ ಬಗ್ಗೆ

ಗೀತಾ ಮಾಹಾತ್ಮ್ಯ, "ಗೀತೆಯ ಮಹಿಮೆ", ಭಗವದ್ಗೀತಾ ಪಾರಾಯಣದ ಕೊನೆಯಲ್ಲಿ ಓದಲಾಗುತ್ತದೆ. ಇದರಲ್ಲಿ ಭೂಮಾತೆ (ಧರಾ) ಲೌಕಿಕ ಕರ್ತವ್ಯಗಳಿಂದ ಕಟ್ಟಲ್ಪಟ್ಟವನಿಗೆ ಅಚಲ ಭಕ್ತಿ ಹೇಗೆ ಸಿಗುತ್ತದೆ ಎಂದು ವಿಷ್ಣುವನ್ನು ಕೇಳುತ್ತಾಳೆ; ಪ್ರತಿದಿನ ಒಂದು ಅಧ್ಯಾಯ, ಒಂದು ಶ್ಲೋಕ, ಅರ್ಧ ಶ್ಲೋಕ ಓದಿದರೂ ಮನಸ್ಸು ಶುದ್ಧವಾಗಿ ತನ್ನ ಧಾಮ ಸೇರುತ್ತಾನೆ ಎಂದು ಭಗವಂತ ಗೀತೆಯ ಮಹಿಮೆಯನ್ನು ವರ್ಣಿಸುತ್ತಾನೆ.

ಮೂಲ: ವರಾಹಪುರಾಣ

ಯಾವಾಗ ಪಠಿಸಬೇಕು: ಭಗವದ್ಗೀತಾ ಪಾರಾಯಣದ ಕೊನೆಯಲ್ಲಿ, ಮತ್ತು ಗೀತಾಜಯಂತಿಯಂದು.

ನಿಮಗೆ ಗೊತ್ತೇ?

  • ಈ ಗೀತಾ ಮಾಹಾತ್ಮ್ಯ ವರಾಹಪುರಾಣದಲ್ಲಿರುವ ರೂಪ, ಭೂದೇವಿ ಮತ್ತು ವಿಷ್ಣುವಿನ ಸಂವಾದ.
  • ಇದು "ಓಂ ಶಾಂತಿಃ ಶಾಂತಿಃ ಶಾಂತಿಃ" ಎಂಬ ಶಾಂತಿಮಂತ್ರದೊಂದಿಗೆ ಮುಗಿಯುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಗೀತಾ ಮಾಹಾತ್ಮ್ಯ ಎಂದರೇನು?

ಭಗವದ್ಗೀತೆಯ ಮಹಿಮೆಯ ಕುರಿತ ಪಠ್ಯ, ಗೀತಾಪಠಣದ ನಂತರ ಓದುವುದು.

ಇದರಲ್ಲಿ ಮಾತನಾಡುವವರು ಯಾರು?

ಭೂದೇವಿ ಕೇಳುತ್ತಾಳೆ, ವಿಷ್ಣು ಉತ್ತರಿಸುತ್ತಾನೆ.

ಇದನ್ನು ಯಾವಾಗ ಓದುತ್ತಾರೆ?

ಗೀತಾಪಾರಾಯಣದ ಕೊನೆಯಲ್ಲಿ ಮತ್ತು ಗೀತಾಜಯಂತಿಯಂದು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.