MuhurtaNow

ಗೋಪಿಕಾ ಗೀತಾ (ಭಾಗವತ ಪುರಾಣ)

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

ಗೋಪ್ಯ ಊಚುಃ । ಜಯತಿ ತೇಽಧಿಕಂ ಜನ್ಮನಾ ವ್ರಜಃ ಶ್ರಯತ ಇಂದಿರಾ ಶಶ್ವದತ್ರ ಹಿ । ದಯಿತ ದೃಶ್ಯತಾಂ ದಿಕ್ಷು ತಾವಕಾ- ಸ್ತ್ವಯಿ ಧೃತಾಸವಸ್ತ್ವಾಂ ವಿಚಿನ್ವತೇ ॥ 1॥

ಶರದುದಾಶಯೇ ಸಾಧುಜಾತಸ- ತ್ಸರಸಿಜೋದರಶ್ರೀಮುಷಾ ದೃಶಾ । ಸುರತನಾಥ ತೇಽಶುಲ್ಕದಾಸಿಕಾ ವರದ ನಿಘ್ನತೋ ನೇಹ ಕಿಂ ವಧಃ ॥ 2॥

ವಿಷಜಲಾಪ್ಯಯಾದ್ವ್ಯಾಲರಾಕ್ಷಸಾ- ದ್ವರ್ಷಮಾರುತಾದ್ವೈದ್ಯುತಾನಲಾತ್ । ವೃಷಮಯಾತ್ಮಜಾದ್ವಿಶ್ವತೋಭಯಾ- ದೃಷಭ ತೇ ವಯಂ ರಕ್ಷಿತಾ ಮುಹುಃ ॥ 3॥

ನ ಖಲು ಗೋಪಿಕಾನಂದನೋ ಭವಾ- ನಖಿಲದೇಹಿನಾಮಂತರಾತ್ಮದೃಕ್ । ವಿಖನಸಾರ್ಥಿತೋ ವಿಶ್ವಗುಪ್ತಯೇ ಸಖ ಉದೇಯಿವಾನ್ಸಾತ್ವತಾಂ ಕುಲೇ ॥ 4॥

ವಿರಚಿತಾಭಯಂ ವೃಷ್ಣಿಧುರ್ಯ ತೇ ಚರಣಮೀಯುಷಾಂ ಸಂಸೃತೇರ್ಭಯಾತ್ । ಕರಸರೋರುಹಂ ಕಾಂತ ಕಾಮದಂ ಶಿರಸಿ ಧೇಹಿ ನಃ ಶ್ರೀಕರಗ್ರಹಮ್ ॥ 5॥

ವ್ರಜಜನಾರ್ತಿಹನ್ವೀರ ಯೋಷಿತಾಂ ನಿಜಜನಸ್ಮಯಧ್ವಂಸನಸ್ಮಿತ । ಭಜ ಸಖೇ ಭವತ್ಕಿಂಕರೀಃ ಸ್ಮ ನೋ ಜಲರುಹಾನನಂ ಚಾರು ದರ್ಶಯ ॥ 6॥

ಪ್ರಣತದೇಹಿನಾಂ ಪಾಪಕರ್ಶನಂ ತೃಣಚರಾನುಗಂ ಶ್ರೀನಿಕೇತನಮ್ । ಫಣಿಫಣಾರ್ಪಿತಂ ತೇ ಪದಾಂಬುಜಂ ಕೃಣು ಕುಚೇಷು ನಃ ಕೃಂಧಿ ಹೃಚ್ಛಯಮ್ ॥ 7॥

ಮಧುರಯಾ ಗಿರಾ ವಲ್ಗುವಾಕ್ಯಯಾ ಬುಧಮನೋಜ್ಞಯಾ ಪುಷ್ಕರೇಕ್ಷಣ । ವಿಧಿಕರೀರಿಮಾ ವೀರ ಮುಹ್ಯತೀ- ರಧರಸೀಧುನಾಽಽಪ್ಯಾಯಯಸ್ವ ನಃ ॥ 8॥

ತವ ಕಥಾಮೃತಂ ತಪ್ತಜೀವನಂ ಕವಿಭಿರೀಡಿತಂ ಕಲ್ಮಷಾಪಹಮ್ । ಶ್ರವಣಮಂಗಲಂ ಶ್ರೀಮದಾತತಂ ಭುವಿ ಗೃಣಂತಿ ತೇ ಭೂರಿದಾ ಜನಾಃ ॥ 9॥

ಪ್ರಹಸಿತಂ ಪ್ರಿಯ ಪ್ರೇಮವೀಕ್ಷಣಂ ವಿಹರಣಂ ಚ ತೇ ಧ್ಯಾನಮಂಗಲಮ್ । ರಹಸಿ ಸಂವಿದೋ ಯಾ ಹೃದಿಸ್ಪೃಶಃ ಕುಹಕ ನೋ ಮನಃ ಕ್ಷೋಭಯಂತಿ ಹಿ ॥ 10॥

ಚಲಸಿ ಯದ್ವ್ರಜಾಚ್ಚಾರಯನ್ಪಶೂನ್ ನಲಿನಸುಂದರಂ ನಾಥ ತೇ ಪದಮ್ । ಶಿಲತೃಣಾಂಕುರೈಃ ಸೀದತೀತಿ ನಃ ಕಲಿಲತಾಂ ಮನಃ ಕಾಂತ ಗಚ್ಛತಿ ॥ 11॥

ದಿನಪರಿಕ್ಷಯೇ ನೀಲಕುಂತಲೈ- ರ್ವನರುಹಾನನಂ ಬಿಭ್ರದಾವೃತಮ್ । ಘನರಜಸ್ವಲಂ ದರ್ಶಯನ್ಮುಹು- ರ್ಮನಸಿ ನಃ ಸ್ಮರಂ ವೀರ ಯಚ್ಛಸಿ ॥ 12॥

ಪ್ರಣತಕಾಮದಂ ಪದ್ಮಜಾರ್ಚಿತಂ ಧರಣಿಮಂಡನಂ ಧ್ಯೇಯಮಾಪದಿ । ಚರಣಪಂಕಜಂ ಶಂತಮಂ ಚ ತೇ ರಮಣ ನಃ ಸ್ತನೇಷ್ವರ್ಪಯಾಧಿಹನ್ ॥ 13॥

ಸುರತವರ್ಧನಂ ಶೋಕನಾಶನಂ ಸ್ವರಿತವೇಣುನಾ ಸುಷ್ಠು ಚುಂಬಿತಮ್ । ಇತರರಾಗವಿಸ್ಮಾರಣಂ ನೃಣಾಂ ವಿತರ ವೀರ ನಸ್ತೇಽಧರಾಮೃತಮ್ ॥ 14॥

ಅಟತಿ ಯದ್ಭವಾನಹ್ನಿ ಕಾನನಂ ತ್ರುಟಿರ್ಯುಗಾಯತೇ ತ್ವಾಮಪಶ್ಯತಾಮ್ । ಕುಟಿಲಕುಂತಲಂ ಶ್ರೀಮುಖಂ ಚ ತೇ ಜಡ ಉದೀಕ್ಷತಾಂ ಪಕ್ಷ್ಮಕೃದ್ದೃಶಾಮ್ ॥ 15॥

ಪತಿಸುತಾನ್ವಯಭ್ರಾತೃಬಾಂಧವಾ- ನತಿವಿಲಂಘ್ಯ ತೇಽಂತ್ಯಚ್ಯುತಾಗತಾಃ । ಗತಿವಿದಸ್ತವೋದ್ಗೀತಮೋಹಿತಾಃ ಕಿತವ ಯೋಷಿತಃ ಕಸ್ತ್ಯಜೇನ್ನಿಶಿ ॥ 16॥

ರಹಸಿ ಸಂವಿದಂ ಹೃಚ್ಛಯೋದಯಂ ಪ್ರಹಸಿತಾನನಂ ಪ್ರೇಮವೀಕ್ಷಣಮ್ । ಬೃಹದುರಃ ಶ್ರಿಯೋ ವೀಕ್ಷ್ಯ ಧಾಮ ತೇ ಮುಹುರತಿಸ್ಪೃಹಾ ಮುಹ್ಯತೇ ಮನಃ ॥ 17॥

ವ್ರಜವನೌಕಸಾಂ ವ್ಯಕ್ತಿರಂಗ ತೇ ವೃಜಿನಹಂತ್ರ್ಯಲಂ ವಿಶ್ವಮಂಗಲಮ್ । ತ್ಯಜ ಮನಾಕ್ ಚ ನಸ್ತ್ವತ್ಸ್ಪೃಹಾತ್ಮನಾಂ ಸ್ವಜನಹೃದ್ರುಜಾಂ ಯನ್ನಿಷೂದನಮ್ ॥ 18॥

ಯತ್ತೇ ಸುಜಾತಚರಣಾಂಬುರುಹಂ ಸ್ತನೇಷ ಭೀತಾಃ ಶನೈಃ ಪ್ರಿಯ ದಧೀಮಹಿ ಕರ್ಕಶೇಷು । ತೇನಾಟವೀಮಟಸಿ ತದ್ವ್ಯಥತೇ ನ ಕಿಂಸ್ವಿತ್ ಕೂರ್ಪಾದಿಭಿರ್ಭ್ರಮತಿ ಧೀರ್ಭವದಾಯುಷಾಂ ನಃ ॥ 19॥

ಇತಿ ಶ್ರೀಮದ್ಭಾಗವತ ಮಹಾಪುರಾಣೇ ಪಾರಮಹಂಸ್ಯಾಂ ಸಂಹಿತಾಯಾಂ ದಶಮಸ್ಕಂಧೇ ಪೂರ್ವಾರ್ಧೇ ರಾಸಕ್ರೀಡಾಯಾಂ ಗೋಪೀಗೀತಂ ನಾಮೈಕತ್ರಿಂಶೋಽಧ್ಯಾಯಃ ॥

ಗೋಪಿಕಾ ಗೀತಾ (ಭಾಗವತ ಪುರಾಣ) ಬಗ್ಗೆ

ಗೋಪಿಕಾಗೀತೆ ರಾಸಕ್ರೀಡೆಯ ನಡುವೆ ಕೃಷ್ಣ ಮಾಯವಾದಾಗ ವೃಂದಾವನದ ಗೋಪಿಯರು ಹಾಡಿದ ಹಾಡು. ಅವನನ್ನು ಹುಡುಕುತ್ತಾ, ಕಾಣಲು ಹಂಬಲಿಸುತ್ತಾ ಅವರು ಹಾಡುತ್ತಾರೆ: "ನಿನ್ನ ಜನನದಿಂದ ವ್ರಜ ಎಲ್ಲಕ್ಕೂ ಮಿಗಿಲು ಮಹಿಮೆ ಪಡೆಯಿತು; ಲಕ್ಷ್ಮಿಯೇ ಇಲ್ಲಿ ನೆಲೆಸಿದ್ದಾಳೆ. ಪ್ರಿಯನೇ, ಕಾಣಿಸಿಕೋ; ನಿನಗಾಗಿಯೇ ಬದುಕುವ ನಾವು ಎಲ್ಲೆಡೆ ಹುಡುಕುತ್ತಿದ್ದೇವೆ." ಹತ್ತೊಂಬತ್ತು ಶ್ಲೋಕಗಳಲ್ಲಿ ಅವನ ಸೌಂದರ್ಯ, ಕೊಳಲು, ರಕ್ಷಣೆಯನ್ನು ನೆನೆದು ಮರಳಿ ಬಾ ಎಂದು ಮೊರೆಯಿಡುತ್ತಾರೆ.

ಮೂಲ: ಭಾಗವತ ಪುರಾಣ, ೧೦ನೇ ಸ್ಕಂಧ, ೩೧ನೇ ಅಧ್ಯಾಯ

ಯಾವಾಗ ಪಠಿಸಬೇಕು: ಕೃಷ್ಣಪೂಜೆಯಲ್ಲಿ, ಶರತ್ ಹುಣ್ಣಿಮೆಯಂದು (ರಾಸದ ರಾತ್ರಿ), ಜನ್ಮಾಷ್ಟಮಿಯಂದು, ಮತ್ತು ಭಜನೆಗಳಲ್ಲಿ.

ನಿಮಗೆ ಗೊತ್ತೇ?

  • ಇದು ಭಾಗವತ ಪುರಾಣದ ಹತ್ತನೇ ಸ್ಕಂಧದ ೩೧ನೇ ಅಧ್ಯಾಯ, ರಾಸಪಂಚಾಧ್ಯಾಯಿಯ ಭಾಗ.
  • ರಾಸಕ್ರೀಡೆ ಶರತ್ಕಾಲದ ಹುಣ್ಣಿಮೆಯ ರಾತ್ರಿ ನಡೆಯಿತು; ಆದ್ದರಿಂದಲೇ ಗೋಪಿಕಾಗೀತೆಯನ್ನು ಶರತ್ ಹುಣ್ಣಿಮೆಯಂದು ಹಾಡುತ್ತಾರೆ.
  • ಭಾಗವತದಲ್ಲಿ ಅವರ ಹಾಡಿಗೆ ಕರಗಿ ಕೃಷ್ಣ ಮುಂದಿನ ಅಧ್ಯಾಯದಲ್ಲಿ ಮತ್ತೆ ಕಾಣಿಸಿಕೊಳ್ಳುತ್ತಾನೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಗೋಪಿಕಾಗೀತೆಯನ್ನು ಹಾಡುವವರು ಯಾರು?

ಕೃಷ್ಣನ ವಿರಹದಲ್ಲಿರುವ ವೃಂದಾವನದ ಗೋಪಿಯರು.

ಇದು ಎಲ್ಲಿದೆ?

ಭಾಗವತ ಪುರಾಣ, ೧೦ನೇ ಸ್ಕಂಧ, ೩೧ನೇ ಅಧ್ಯಾಯ.

ಇದನ್ನು ಯಾವಾಗ ಪಠಿಸುತ್ತಾರೆ?

ಶರತ್ ಹುಣ್ಣಿಮೆ, ಜನ್ಮಾಷ್ಟಮಿ ಮತ್ತು ಕೃಷ್ಣ ಭಜನೆಗಳಲ್ಲಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.