1.6 - ಸನ್ತ್ವಾ ಸಿಞ್ಚಾಮಿ ಯಜುಷಾ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ
Kanda 1 - Krishna Yajurveda Taittiriya Samhita · ಸಾಂಪ್ರದಾಯಿಕ ಭಕ್ತಿ ಪಠ್ಯ
krishna yajurvedeeya taittireeya samhitaayaa-mprathamakaande shashthah prashnah - yaajamaanakaandam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
sa-ntvaa̍ sinchaami̠ yaju̍shaa pra̠jaamaayu̠rdhana̍-ncha । briha̠spati̍prasooto̠ yaja̍maana i̠ha maa ri̍shat ॥ aajya̍masi sa̠tyama̍si sa̠tyasyaaddhya̍kshamasi ha̠vira̍si vaishvaana̠ram vai̎shvade̠va-mutpoo̍tashushmagm sa̠tyaujaa̠-ssaho̍-'si̠ saha̍maanamasi̠ saha̠svaaraa̍tee̠-ssaha̍svaaraateeya̠ta-ssaha̍sva̠ prita̍naa̠-ssaha̍sva pritanya̠tah । sa̠hasra̍veeryamasi̠ tanmaa̍ ji̠nvaajya̠syaajya̍masi sa̠tyasya̍ sa̠tyama̍si sa̠tyaayu̍- [sa̠tyaayu̍h, a̠si̠ sa̠tyashu̍shmamasi] 1
-rasi sa̠tyashu̍shmamasi sa̠tyena̍ tvaa̠-'bhi ghaa̍rayaami̠ tasya̍ te bhaksheeya panchaa̠naa-ntvaa̠ vaataa̍naam ya̠ntraaya̍ dha̠rtraaya̍ grihnaami panchaa̠naa-ntva̍rtoo̠naam ya̠ntraaya̍ dha̠rtraaya̍ grihnaami panchaa̠naa-ntvaa̍ di̠shaam ya̠ntraaya̍ dha̠rtraaya̍ grihnaami panchaa̠naa-ntvaa̍ panchaja̠naanaa̎m ya̠ntraaya̍ dha̠rtraaya̍ grihnaami cha̠rostvaa̠ pancha̍bilasya ya̠ntraaya̍ dha̠rtraaya̍ grihnaami̠ brahma̍nastvaa̠ teja̍se ya̠ntraaya̍ dha̠rtraaya̍ grihnaami ksha̠trasya̠ tvauja̍se ya̠ntraaya̍ [ ] 2
dha̠rtraaya̍ grihnaami vi̠she tvaa̍ ya̠ntraaya̍ dha̠rtraaya̍ grihnaami su̠veeryaa̍ya tvaa grihnaami suprajaa̠stvaaya̍ tvaa grihnaami raa̠yasposhaa̍ya tvaa grihnaami brahmavarcha̠saaya̍ tvaa grihnaami̠ bhoora̠smaakagm̍ ha̠virde̠vaanaa̍-maa̠shisho̠ yaja̍maanasya de̠vaanaa̎-ntvaa de̠vataa̎bhyo grihnaami̠ kaamaa̍ya tvaa grihnaami ॥ 3 ॥ (sa̠tyaayu̠-roja̍se ya̠ntraaya̠-traya̍strigmshachcha) (a. 1)
dhru̠vo̍-'si dhru̠vo̍-'hagm sa̍jaa̠teshu̍ bhooyaasa̠-ndheera̠shchettaa̍ vasu̠vidu̠gro̎-'syu̠gro̍-'hagm sa̍jaa̠teshu̍ bhooyaasa-mu̠grashchettaa̍ vasu̠vida̍bhi̠-bhoora̍syabhi̠bhoora̠hagm sa̍jaa̠teshu̍ bhooyaasamabhi̠bhooshchettaa̍ vasu̠vi-dyu̠najmi̍ tvaa̠ brahma̍naa̠ daivye̍na ha̠vyaayaa̠smai vodha̠ve jaa̍tavedah ॥ indhaa̍naastvaa supra̠jasa̍-ssu̠veeraa̠ jyogjee̍vema bali̠hrito̍ va̠ya-nte̎ ॥ yanme̍ agne a̠sya ya̠jnasya̠ rishyaa̠- [rishyaa̎t, dyadvaa̠] 4
-dyadvaa̠ skandaa̠-daajya̍syo̠ta vi̍shno । tena̍ hanmi sa̠patna̍-ndurmaraa̠yumaina̍-ndadhaami̠ nir-ri̍tyaa u̠pasthe̎ । bhoo-rbhuva̠-ssuva̠ruchchhu̍shmo agne̠ yaja̍maanaayaidhi̠ nishu̍shmo abhi̠daasa̍te । agne̠ deve̎ddha̠ manvi̍ddha̠ mandra̍ji̠hvaa-ma̍rtyasya te hotarmoo̠rdhannaa ji̍gharmi raa̠yasposhaa̍ya suprajaa̠stvaaya̍ su̠veeryaa̍ya̠ mano̍-'si praajaapa̠tya-mmana̍saa maa bhoo̠tenaa vi̍sha̠ vaaga̍syai̠ndree sa̍patna̠kshaya̍nee [ ] 5
vaa̠chaa me̎mdri̠yenaa vi̍sha vasa̠ntamri̍too̠naa-mpree̍naami̠ sa maa̎ pree̠tah pree̍naatu gree̠shmamri̍too̠naa-mpree̍naami̠ sa maa̎ pree̠tah pree̍naatu va̠r̠shaa ri̍too̠naa-mpree̍naami̠ taa maa̎ pree̠taah pree̍nantu sha̠rada̍mritoo̠naa-mpree̍naami̠ saa maa̎ pree̠taa pree̍naatu hemantashishi̠raavri̍too̠naa-mpree̍naami̠ tau maa̎ pree̠tau pree̍neetaa-ma̠gneeshoma̍yo-ra̠ha-nde̍vaya̠jyayaa̠ chakshu̍shmaa-nbhooyaasama̠gnera̠ha-nde̍vaya̠jyayaa̎-'nnaa̠do bhoo̍yaasa̠- [bhoo̍yaasam, dabdhi̍ra̠syada̍bdho] 6
-ndabdhi̍ra̠syada̍bdho bhooyaasama̠mu-nda̍bheya-ma̠gneeshoma̍yo-ra̠ha-nde̍vaya̠jyayaa̍ vritra̠haa bhoo̍yaasamindraagni̠yora̠ha-nde̍vaya̠jyaye̎mdriyaa̠vya̍nnaa̠do bhoo̍yaasa̠mindra̍syaa̠-'ha-nde̍vaya̠jyaye̎mdriyaa̠vee bhoo̍yaasa-mmahe̠ndrasyaa̠-'ha-nde̍vaya̠jyayaa̍ je̠maana̍-mmahi̠maana̍-ngameyama̠gne-ssvi̍shta̠krito̠-'ha-nde̍vaya̠jyayaa ''yu̍shmaan. ya̠jnena̍ prati̠shthaa-nga̍meyam ॥ 7 ॥ (rishyaa̎-thsapatna̠kshaya̍nya-nnaa̠do bhoo̍yaasa̠gm̠-shattrigm̍shachcha) (a. 2)
a̠gnirmaa̠ duri̍shtaa-tpaatu savi̠taa-'ghashagm̍saa̠dyo me-'nti̍ doo̠re̍-'raatee̠yati̠ tame̠tena̍ jesha̠gm̠ suroo̍pavarshavarna̠ ehee̠maa-nbha̠draa-nduryaagm̍ a̠bhyehi̠ maamanu̍vrataa̠ nyu̍ shee̠r̠shaani̍ mridhva̠mida̠ ehyadi̍ta̠ ehi̠ sara̍sva̠tyehi̠ ranti̍rasi̠ rama̍tirasi soo̠narya̍si̠ jushte̠ jushti̍-nte-'shee̠yopa̍hoota upaha̠va- [upaha̠vam, te̠-'shee̠ya̠ saa ] 8
-nte̍-'sheeya̠ saa me̍ sa̠tyaa-''sheera̠sya ya̠jnasya̍ bhooyaa̠dare̍dataa̠ mana̍saa̠ tachchha̍keyam ya̠jno divagm̍ rohatu ya̠jno diva̍-ngachchhatu̠ yo de̍va̠yaana̠h panthaa̠stena̍ ya̠jno de̠vaagm apye̎tva̠smaasvindra̍ indri̠ya-nda̍dhaatva̠smaanraaya̍ u̠ta ya̠jnaa-ssa̍chantaama̠smaasu̍ santvaa̠shisha̠-ssaa na̍h pri̠yaa su̠pratoo̎rtirma̠ghonee̠ jushti̍rasi ju̠shasva̍ no̠ jushtaa̍ no- [jushtaa̍ nah, a̠si̠ jushti̍-nte] 9
-'si̠ jushti̍-nte gameya̠-mmano̠ jyoti̍-rjushataa̠maajya̠m vichchhi̍nnam ya̠jnagm sami̠ma-nda̍dhaatu । briha̠spati̍-stanutaami̠manno̠ vishve̍ de̠vaa i̠ha maa̍dayantaam ॥ braddhna̠ pinva̍sva̠ dada̍to me̠ maa kshaa̍yi kurva̠to me̠ mopa̍ dasa-tpra̠jaapa̍te-rbhaa̠go̎-'syoorja̍svaa̠-npaya̍svaa-npraanaapaa̠nau me̍ paahi samaanavyaa̠nau me̍ paahyudaanavyaa̠nau me̍ paa̠hyakshi̍to̠-'syakshi̍tyai tvaa̠ maa me̎ ksheshthaa a̠mutraa̠mushmi̍n mlo̠ke ॥ 10 ॥ (u̠pa̠ha̠vam-jushtaa̍na-stvaa̠ shat cha̍) (a. 3)
ba̠r̠hisho̠-'ha-nde̍vaya̠jyayaa̎ pra̠jaavaa̎-nbhooyaasa̠-nnaraa̠shagmsa̍syaa̠ha-nde̍vaya̠jyayaa̍ pashu̠maa-nbhoo̍yaasama̠gne-ssvi̍shta̠krito̠-'ha-nde̍vaya̠jyayaa-''yu̍shmaan. ya̠jnena̍ prati̠shthaa-nga̍meyama̠gnera̠ha-mujji̍ti̠-manoojje̍sha̠gm̠ soma̍syaa̠ha - mujji̍ti̠-manoojje̍shama̠gnera̠ha-mujji̍ti̠-manoojje̍sha-ma̠gneeshoma̍yora̠ha-mujji̍ti̠-manoojje̍sha-mindraagni̠yora̠ha-mujji̍ti̠-manoojje̍sha̠-mindra̍syaa̠-'ha- [-mindra̍syaa̠-'ham, ujji̍ti̠manoojje̍sham] 11
-mujji̍ti̠manoojje̍sha-mmahe̠ndrasyaa̠hamujji̍ti̠- manoojje̍shama̠gne-ssvi̍shta̠krito̠-'ha mujji̍ti̠-manoojje̍sha̠m vaaja̍sya maa prasa̠veno̎-dgraa̠bhenoda̍grabheet । athaa̍ sa̠patnaa̠gm̠ indro̍ me nigraa̠bhenaadha̍raagm akah ॥ u̠dgraa̠bha-ncha̍ nigraa̠bha-ncha̠ brahma̍ de̠vaa a̍veevridhann । athaa̍ sa̠patnaa̍nindraa̠gnee me̍ vishoo̠cheenaa̠n vya̍syataam ॥ emaa a̍gmannaa̠shisho̠ doha̍kaamaa̠ indra̍vanto [indra̍vantah, va̠naa̠ma̠he̠ dhu̠kshee̠mahi̍] 12
vanaamahe dhukshee̠mahi̍ pra̠jaamisha̎m ॥ rohi̍tena tvaa̠-'gni-rde̠vataa̎-ngamayatu̠ hari̍bhyaa̠-ntvendro̍ de̠vataa̎-ngamaya̠tveta̍shena tvaa̠ sooryo̍ de̠vataa̎-ngamayatu̠ vi te̍ munchaami rasha̠naa vi ra̠shmeen vi yoktraa̠ yaani̍ pari̠charta̍naani dha̠ttaada̠smaasu̠ dravi̍na̠m yachcha̍ bha̠dra-mpra no̎ brootaa-dbhaaga̠dhaa-nde̠vataa̍su ॥ vishno̎-shsha̠myora̠ha-nde̍vaya̠jyayaa̍ ya̠jnena̍ prati̠shthaa-nga̍meya̠gm̠ soma̍syaa̠ha-nde̍vaya̠jyayaa̍ [de̍vaya̠jyayaa̎, su̠retaa̠] 13
su̠retaa̠ reto̍ dhisheeya̠ tvashtu̍ra̠ha-nde̍vaya̠jyayaa̍ pashoo̠naagm roo̠pa-mpu̍sheya-nde̠vaanaa̠-mpatnee̍ra̠gni-rgri̠hapa̍ti-rya̠jnasya̍ mithu̠na-ntayo̍ra̠ha-nde̍vaya̠jyayaa̍ mithu̠nena̠ prabhoo̍yaasam ve̠do̍-'si̠ vitti̍rasi vi̠deya̠ karmaa̍-'si ka̠runa̍masi kri̠yaasagm̍ sa̠nira̍si sani̠taa-'si̍ sa̠neya̍-nghri̠tava̍nta-nkulaa̠yinagm̍ raa̠yasposhagm̍ saha̠srina̍m ve̠do da̍daatu vaa̠jina̎m ॥ 14 ॥ (indra̍syaa̠ha-mindra̍vanta̠h-soma̍syaa̠ha-nde̍vaya̠jyayaa̠-chatu̍shchatvaarigmshachcha) (a. 4)
aa pyaa̍yataa-ndhru̠vaa ghri̠tena̍ ya̠jnamya̍jna̠-mprati̍ deva̠yadbhya̍h । soo̠ryaayaa̠ oodho-'di̍tyaa u̠pastha̍ u̠rudhaa̍raa prithi̠vee ya̠jne a̠sminn ॥ pra̠jaapa̍te-rvi̠bhaannaama̍ lo̠kastasmigg̍stvaa dadhaami sa̠ha yaja̍maanena̠ sada̍si̠ sanme̍ bhooyaa̠-ssarva̍masi̠ sarva̍-mme bhooyaah poo̠rnama̍si poo̠rna-mme̍ bhooyaa̠ akshi̍tamasi̠ maa me̎ ksheshthaa̠h praachyaa̎-ndi̠shi de̠vaa ri̠tvijo̍ maarjayantaa̠-ndakshi̍naayaa- [dakshi̍naayaam, di̠shi] 15
ndi̠shi maasaa̎h pi̠taro̍ maarjayantaa-mpra̠teechyaa̎-ndi̠shi gri̠haah pa̠shavo̍ maarjayantaa̠mudee̎chyaa-ndi̠shyaapa̠ osha̍dhayo̠ vana̠spata̍yo maarjayantaamoo̠rdhvaayaa̎-ndi̠shi ya̠jna-ssa̍mvathsa̠ro ya̠jnapa̍ti-rmaarjayantaa̠m vishno̠h kramo̎-'syabhimaati̠haa gaa̍ya̠trena̠ chhanda̍saa prithi̠veemanu̠ vi kra̍me̠ nirbha̍kta̠-ssa ya-ndvi̠shmo vishno̠h kramo̎-'syabhishasti̠haa traishtu̍bhena̠ chhanda̍saa̠ 'ntari̍ksha̠manu̠ vi kra̍me̠ nirbha̍kta̠-ssa ya-ndvi̠shmo vishno̠h kramo̎-'syaraateeya̠to ha̠ntaa jaaga̍tena̠ chhanda̍saa̠ diva̠manu̠ vi kra̍me̠ nirbha̍kta̠-ssa ya-ndvi̠shmo vishno̠h kramo̍-'si shatrooya̠to ha̠ntaa-''nu̍shtubhena̠ chhanda̍saa̠ disho-'nu̠ vi kra̍me̠ nirbha̍kta̠-ssa ya-ndvi̠shmah ॥ 16 ॥ (dakshi̍naayaa - ma̠ntari̍ksha̠manu̠ vi kra̍me̠ nirbha̍kta̠-ssa ya-ndvi̠shmo vishno̠- rekaa̠nnatri̠gm̠shachcha̍) (a. 5)
aga̍nma̠ suva̠-ssuva̍raganma sa̠ndrisha̍ste̠ maa chhi̍thsi̠ yatte̠ tapa̠stasmai̍ te̠ maa-'' vri̍kshi su̠bhoora̍si̠ shreshtho̍ rashmee̠naamaa̍yu̠rdhaa a̠syaayu̍rme dhehi varcho̠dhaa a̍si̠ varcho̠ mayi̍ dhehee̠dama̠hama̠mu-mbhraatri̍vyamaa̠bhyo di̠gbhyo̎-'syai di̠vo̎-'smaada̠ntari̍kshaada̠syai pri̍thi̠vyaa a̠smaada̠nnaadyaa̠nnirbha̍jaami̠ nirbha̍kta̠-ssa ya-ndvi̠shmah ॥ 17 ॥
sa-njyoti̍shaa-'bhoovamai̠ndree-maa̠vrita̍-ma̠nvaava̍rte̠ sama̠ha-mpra̠jayaa̠ sa-mmayaa̎ pra̠jaa sama̠hagm raa̠yasposhe̍na̠ sa-mmayaa̍ raa̠yasposha̠-ssami̍ddho agne me deedihi same̠ddhaa te̍ agne deedyaasa̠m vasu̍maan. ya̠jno vasee̍yaa-nbhooyaasa̠magna̠ aayoogm̍shi pavasa̠ aa su̠vorja̠misha̍-ncha nah । aa̠re baa̍dhasva du̠chchhunaa̎m ॥ agne̠ pava̍sva̠ svapaa̍ a̠sme varcha̍-ssu̠veerya̎m ॥ 18 ॥
dadha̠tposhagm̍ ra̠yi-mmayi̍ । agne̍ grihapate sugrihapa̠tira̠ha-ntvayaa̍ gri̠hapa̍tinaa bhooyaasagm sugrihapa̠tirmayaa̠ tva-ngri̠hapa̍tinaa bhooyaa-shsha̠tagm himaa̠staamaa̠shisha̠maa shaa̍se̠ tanta̍ve̠ jyoti̍shmatee̠-ntaamaa̠shisha̠maa shaa̍se̠-'mushmai̠ jyoti̍shmatee̠-nkastvaa̍ yunakti̠ sa tvaa̠ vimu̍ncha̠tvagne̎ vratapate vra̠tama̍chaarisha̠-ntada̍shaka̠-ntanme̍-'raadhi ya̠jno ba̍bhoova̠ sa aa [sa aa, ba̠bhoo̠va̠ sa] 19
ba̍bhoova̠ sa praja̍jne̠ sa vaa̍vridhe । sa de̠vaanaa̠madhi̍pati-rbabhoova̠ so a̠smaagm adhi̍pateen karotu va̠yagg syaa̍ma̠ pata̍yo rayee̠naam ॥ gomaagm̍ a̠gne-'vi̍maagm a̠shvee ya̠jno nri̠vathsa̍khaa̠ sada̠mida̍pramri̠shyah ।idaa̍vaagm e̠sho a̍sura pra̠jaavaa̎-ndee̠rgho ra̠yih pri̍thubu̠ddhna-ssa̠bhaavaan̍ ॥ 20 ॥ (dvi̠shmah-su̠veerya̠gm̠-sa aa-pancha̍trigmshachcha) (a. 6)
yathaa̠ vai sa̍mritaso̠maa e̠vam vaa e̠te sa̍mritaya̠jnaa yadda̍rshapoornamaa̠sau kasya̠ vaa-'ha̍ de̠vaa ya̠jnamaa̠gachchha̍nti̠ kasya̍ vaa̠ na ba̍hoo̠naam yaja̍maanaanaa̠m yo vai de̠vataa̠h poorva̍h parigri̠hnaati̠ sa e̍naa̠-shshvo bhoo̠te ya̍jata e̠tadvai de̠vaanaa̍-maa̠yata̍na̠m yadaa̍hava̠neeyo̎-'nta̠raa-'gnee pa̍shoo̠naa-ngaarha̍patyo manu̠shyaa̍naa-manvaahaarya̠pacha̍nah pitri̠naama̠gni-ngri̍hnaati̠ sva e̠vaayata̍ne de̠vataa̠h pari̍ [de̠vataa̠h pari̍, gri̠hnaa̠ti̠ taa-shshvo] 21
grihnaati̠ taa-shshvo bhoo̠te ya̍jate vra̠tena̠ vai meddhyo̠ -'gni-rvra̠tapa̍ti-rbraahma̠no vra̍ta̠bhri-dvra̠ta-mu̍pai̠shya-nbroo̍yaa̠dagne̎ vratapate vra̠ta-ncha̍rishyaa̠meetya̠gni-rvai de̠vaanaa̎m vra̠tapa̍ti̠stasmaa̍ e̠va pra̍ti̠prochya̍ vra̠tamaa la̍bhate ba̠r̠hishaa̍ poo̠rnamaa̍se vra̠tamupai̍ti va̠thsaira̍maavaa̠syaa̍yaame̠taddhye̍tayo̍-raa̠yata̍namupa̠steerya̠h poorva̍shchaa̠gnirapa̍ra̠shchetyaa̍hu-rmanu̠shyaa̍ [-rmanu̠shyaa̎h, innvaa] 22
innvaa upa̍steerna-mi̠chchhanti̠ kimu̍ de̠vaa yeshaa̠-nnavaa̍vasaana̠-mupaa̎smi̠nchhvo ya̠kshyamaa̍ne de̠vataa̍ vasanti̠ ya e̠vam vi̠dvaana̠gni-mu̍pastri̠naati̠ yaja̍maanena graa̠myaashcha̍ pa̠shavo̍-'va̠ruddhyaa̍ aara̠nyaashchetyaa̍hu̠-rya-dgraa̠myaanu̍pa̠vasa̍ti̠ tena̍ graa̠myaanava̍ rundhe̠ yadaa̍ra̠nyasyaa̠-'shnaati̠ tenaa̍ra̠nyaan. yadanaa̎shvaa-nupa̠vase̎-tpitrideva̠tya̍-ssyaadaara̠nyasyaa̎-shnaateendri̠yam- [shnaateendri̠yam, vaa aa̍ra̠nyam-] 23
-mvaa aa̍ra̠nya-mi̍ndri̠ya-me̠vaa-''tma-ndha̍tte̠ yadanaa̎shvaa-nupa̠vase̠-tkshodhu̍ka-ssyaa̠dya-da̍shnee̠yaadru̠-dro̎-'sya pa̠shoona̠bhi ma̍nyetaa̠-'po̎-'shnaati̠ tannevaa̍shi̠ta-nnevaa-'na̍shita̠-nna kshodhu̍ko̠ bhava̍ti̠ naasya̍ ru̠drah pa̠shoona̠bhi ma̍nyate̠ vajro̠ vai ya̠jnah, kshu-tkhalu̠ vai ma̍nu̠shya̍sya̠ bhraatri̍vyo̠ yadanaa̎-'shvaanupa̠vasa̍ti̠ vajre̍nai̠va saa̠kshaa-tkshudha̠-mbhraatri̍vyagm hanti ॥ 24 ॥ (pari̍-manu̠shyaa̍-indri̠yagm-saa̠kshaat-treeni̍ cha) (a. 7)
yo vai shra̠ddhaamanaa̍rabhya ya̠jnena̠ yaja̍te̠ naasye̠shtaaya̠ shradda̍dhate̠-'pah pra na̍yati shra̠ddhaa vaa aapa̍-shshra̠ddhaame̠vaa-''rabhya̍ ya̠jnena̍ yajata u̠bhaye̎-'sya devamanu̠shyaa i̠shtaaya̠ shradda̍dhate̠ tadaa̍hu̠rati̠ vaa e̠taa vartra̍-nneda̠ntyati̠ vaacha̠-mmano̠ vaavaitaa naati̍ neda̠nteeti̠ mana̍saa̠ pra na̍yatee̠yam vai mano̠- [mana̍h, a̠nayai̠vainaa̠h] 25
-'nayai̠vainaa̠h pra na̍ya̠tya-ska̍nnahavi-rbhavati̠ ya e̠vam veda̍ yajnaayu̠dhaani̠ sa-mbha̍rati ya̠jno vai ya̍jnaayu̠dhaani̍ ya̠jname̠va tathsa-mbha̍rati̠ yadeka̍mekagm sa̠mbhare̎t-pitrideva̠tyaa̍ni syu̠rya-thsa̠ha sarvaa̍ni maanu̠shaani̠ dvedve̠ sambha̍rati yaajyaanuvaa̠kya̍yore̠va roo̠pa-nka̍ro̠tyatho̍ mithu̠name̠vayo vai dasha̍ yajnaayu̠dhaani̠ veda̍ mukha̠to̎-'sya ya̠jnah ka̍lpate̠ sphya- [ka̍lpate̠ sphyah, cha̠ ka̠paalaa̍ni] 26
-shcha̍ ka̠paalaa̍ni chaagnihotra̠hava̍nee cha̠ shoorpa̍-ncha krishnaaji̠na-ncha̠ shamyaa̍ cho̠lookha̍la-ncha̠ musa̍la-ncha dri̠shachchopa̍laa chai̠taani̠ vai dasha̍ yajnaayu̠dhaani̠ ya e̠vam veda̍ mukha̠to̎-'sya ya̠jnah ka̍lpate̠ yo vai de̠vebhya̍h prati̠prochya̍ ya̠jnena̠ yaja̍te ju̠shante̎-'sya de̠vaa ha̠vyagm ha̠vi-rni̍ru̠pyamaa̍nama̠bhi ma̍ntrayetaa̠-'gnigm hotaa̍rami̠ha tagm hu̍va̠ iti̍ [ ] 27
de̠vebhya̍ e̠va pra̍ti̠prochya̍ ya̠jnena̍ yajate ju̠shante̎-'sya de̠vaa ha̠vyame̠sha vai ya̠jnasya̠ graho̍ grihee̠tvaiva ya̠jnena̍ yajate̠ tadu̍di̠tvaa vaacha̍m yachchhati ya̠jnasya̠ dhrityaa̠ atho̠ mana̍saa̠ vai pra̠jaapa̍ti-rya̠jnama̍tanuta̠ mana̍sai̠va ta-dya̠jna-nta̍nute̠ raksha̍saa̠-mana̍nvavachaaraaya̠ yo vai ya̠jnam yoga̠ aaga̍te yu̠nakti̍ yu̠nkte yu̍njaa̠neshu̠ kastvaa̍ yunakti̠ sa tvaa̍ yuna̠ktvi-( ) -tyaa̍ha pra̠jaapa̍ti̠-rvai kah pra̠jaapa̍tinai̠vaina̍m yunakti yu̠nkte yu̍njaa̠neshu̍ ॥ 28 ॥ (vaima̠nah-sphya-iti̍-yuna̠ktve-kaa̍dasha cha) (a. 8)
pra̠jaapa̍ti-rya̠jnaana̍srijataa-gniho̠tra-nchaa̎gnishto̠ma-ncha̍ paurnamaa̠see-ncho̠kthya̍-nchaamaavaa̠syaa̎-nchaatiraa̠tra-ncha̠ taanuda̍mimeeta̠ yaava̍dagniho̠tra-maasee̠-ttaavaa̍nagnishto̠mo yaava̍tee paurnamaa̠see taavaa̍nu̠kthyo̍ yaava̍tyamaavaa̠syaa̍ taavaa̍natiraa̠tro ya e̠vam vi̠dvaana̍gniho̠tra-nju̠hoti̠ yaava̍dagnishto̠meno̍ paa̠pnoti̠ taava̠dupaa̎-''pnoti̠ ya e̠vam vi̠dvaa-npau̎rnamaa̠seem yaja̍te̠ yaava̍du̠kthye̍nopaa̠pnoti̠ [yaava̍du̠kthye̍nopaa̠pnoti̍, taava̠dupaa̎-''pnoti̠] 29
taava̠dupaa̎-''pnoti̠ ya e̠vam vi̠dvaana̍maavaa̠syaa̎m yaja̍te̠ yaava̍datiraa̠treno̍paa̠pnoti̠ taava̠dupaa̎-''pnoti parame̠shthino̠ vaa e̠sha ya̠jno-'gra̍ aasee̠-ttena̠ sa pa̍ra̠maa-nkaashthaa̍magachchha̠-ttena̍ pra̠jaapa̍ti-nni̠ravaa̍saayaya̠-ttena̍ pra̠jaapa̍tih para̠maa-nkaashthaa̍magachchha̠-ttenendra̍-nni̠ravaa̍saayaya̠-ttenendra̍h para̠maa-nkaashthaa̍magachchha̠-ttenaa̠-'gneeshomau̍ ni̠ravaa̍saayaya̠-ttenaa̠gneeshomau̍ pa̠ramaa-nkaashthaa̍magachchhataa̠m ya [kaashthaa̍magachchhataa̠m yah, e̠vam vi̠dvaa-nda̍rshapoornamaa̠sau] 30
e̠vam vi̠dvaa-nda̍rshapoornamaa̠sau yaja̍te para̠maame̠va kaashthaa̎-ngachchhati̠ yo vai prajaa̍tena ya̠jnena̠ yaja̍te̠ pra pra̠jayaa̍ pa̠shubhi̍-rmithu̠nai-rjaa̍yate̠ dvaada̍sha̠ maasaa̎-ssamvathsa̠ro dvaada̍sha dva̠ndvaani̍ darshapoornamaa̠sayo̠staani̍ sa̠mpaadyaa̠neetyaa̍hu-rva̠thsa-ncho̍paavasri̠jatyu̠khaa-nchaadhi̍ shraya̠tyava̍ cha̠ hanti̍ dri̠shadau̍ cha sa̠maaha̠ntyadhi̍ cha̠ vapa̍te ka̠paalaa̍ni̠ chopa̍ dadhaati puro̠daasha̍-nchaa- [puro̠daasha̍-ncha, a̠dhi̠shraya̠tyaajya̍-ncha] 31
-'dhi̠shraya̠tyaajya̍-ncha stambaya̠jushcha̠ hara̍tya̠bhi cha̍ grihnaati̠ vedi̍-ncha pari gri̠hnaati̠ patnee̎-ncha̠ sanna̍hyati̠ proksha̍neeshchaa ''saa̠daya̠tyaajya̍-nchai̠taani̠ vai dvaada̍sha dva̠ndvaani̍ darshapoornamaa̠sayo̠staani̠ ya e̠vagm sa̠mpaadya̠ yaja̍te̠ prajaa̍tenai̠va ya̠jnena̍ yajate̠ pra pra̠jayaa̍ pa̠shubhi̍-rmithu̠nai-rjaa̍yate ॥ 32 ॥ (u̠kthye̍nopaa̠pnotya̍-gachchhataa̠m yah - pu̍ro̠daasha̍m-chatvaari̠gm̠shachcha̍) (a. 9)
dhru̠vo̍-'si dhru̠vo̍-'hagm sa̍jaa̠teshu̍ bhooyaasa̠mityaa̍ha dhru̠vaane̠vainaa̎n kuruta u̠gro̎-'syu̠gro̍-'hagm sa̍jaa̠teshu̍ bhooyaasa̠-mityaa̠haapra̍tivaadina e̠vainaa̎n kurute-'bhi̠bhoora̍syabhi̠bhoora̠hagm sa̍jaa̠teshu̍ bhooyaasa̠mityaa̍ha̠ ya e̠vaina̍-mpratyu̠tpipee̍te̠ tamupaa̎syate yu̠najmi̍ tvaa̠ brahma̍naa̠ daivye̠netyaa̍hai̠sha vaaa̠gneryoga̠stenai̠ - [vaaa̠gneryoga̠stena̍, e̠vaina̍m yunakti] 33
vaina̍m yunakti ya̠jnasya̠ vai samri̍ddhena de̠vaa-ssu̍va̠rgam lo̠kamaa̍yan. ya̠jnasya̠ vyri̍ddhe̠naasu̍raa̠-nparaa̍bhaavaya̠n. yanme̍ agne a̠sya ya̠jnasya̠ rishyaa̠dityaa̍ha ya̠jnasyai̠va tathsamri̍ddhena̠ yaja̍maana-ssuva̠rgam lo̠kame̍ti ya̠jnasya̠ vyri̍ddhena̠ bhraatri̍vyaa̠-nparaa̍ bhaavayatyagniho̠tra-me̠taabhi̠-rvyaahri̍teebhi̠rupa̍ saadayedyajnamu̠kham vaa a̍gniho̠tra-mbrahmai̠taa vyaahri̍tayo yajnamu̠kha e̠va brahma̍ - [brahma̍, ku̠ru̠te̠ sa̠mva̠thsa̠re] 34
kurute samvathsa̠re pa̠ryaaga̍ta e̠taabhi̍re̠vopa̍ saadaye̠-dbrahma̍nai̠vobha̠yata̍-ssamvathsa̠ra-mpari̍ grihnaati darshapoornamaa̠sau chaa̍turmaa̠syaanyaa̠labha̍maana e̠taabhi̠-rvyaahri̍teebhir-ha̠veegshyaasaa̍daye-dyajnamu̠kham vai da̍rshapoornamaa̠sau chaa̍turmaa̠syaani̠ brahmai̠taa vyaahri̍tayo yajnamu̠kha e̠va brahma̍ kurute samvathsa̠re pa̠ryaaga̍ta e̠taabhi̍re̠vaasaa̍daye̠-dbrahma̍nai̠vobha̠yata̍-ssamvathsa̠ra-mpari̍grihnaati̠ yadvai ya̠jnasya̠ saamnaa̎ kri̠yate̍ raa̠shtram- [raa̠shtram, ya̠jnasyaa̠-sheerga̍chchhati̠] 35
-mya̠jnasyaa̠-sheerga̍chchhati̠ yadri̠chaa visha̍m ya̠jnasyaa̠- sheerga̍chchha̠tyatha̍ braahma̠no̍-'naa̠sheerke̍na ya̠jnena̍ yajate saamidhe̠nee-ra̍nuva̠kshyanne̠taa vyaahri̍teeh pu̠rastaa̎ddaddhyaa̠-dbrahmai̠va pra̍ti̠pada̍-nkurute̠ tathaa̎ braahma̠na-ssaashee̎rkena ya̠jnena̍ yajate̠ ya-nkaa̠maye̍ta̠ yaja̍maana̠-mbhraatri̍vyamasya ya̠jnasyaa̠sheerga̍chchhe̠diti̠ tasyai̠taa vyaahri̍teeh puronuvaa̠kyaa̍yaa-ndaddhyaa-dbhraatrivyadeva̠tyaa̍ vai pu̍ronuvaa̠kyaa̎ bhraatri̍vyame̠vaasya̍ ya̠jnasyaa̠-[ya̠jnasyaa̍, aa̠sheerga̍chchhati̠] 36
-''sheerga̍chchhati̠ yaan kaa̠maye̍ta̠ yaja̍maanaan-thsa̠maava̍tyenaan ya̠jnasyaa̠ ''sheerga̍chchhe̠diti̠ teshaa̍me̠taa vyaahri̍teeh puronuvaa̠kyaa̍yaa ardha̠rcha ekaa̎-ndaddhyaa-dyaa̠jyaa̍yai pu̠rastaa̠dekaa̎m yaa̠jyaa̍yaa ardha̠rcha ekaa̠-ntathai̍naan-thsa̠maava̍tee ya̠jnasyaa̠ ''sheerga̍chchhati̠ yathaa̠ vai pa̠rjanya̠-ssuvri̍shta̠m varsha̍tye̠vam ya̠jno yaja̍maanaaya varshati̠ sthala̍yoda̠ka-mpa̍rigri̠hnantyaa̠shishaa̍ ya̠jnam yaja̍maana̠h pari̍ grihnaati̠ mano̍-'si praajaapa̠tyam- [praajaapa̠tyam, mana̍saa] 37
-mana̍saa maa bhoo̠tenaa-''vi̠shetyaa̍ha̠ mano̠ vai praa̍jaapa̠tya-mpraa̍jaapa̠tyo ya̠jno mana̍ e̠va ya̠jnamaa̠tma-ndha̍tte̠ vaaga̍syai̠ndree sa̍patna̠kshaya̍nee vaa̠chaa me̎mdri̠yenaa-''vi̠shetyaa̍hai̠ndree vai vaagvaacha̍-me̠vaindree- maa̠tma-ndha̍tte ॥ 38 ॥ (tenai̠-va brahma̍- raa̠shtrame̠-vaasya̍ ya̠jnasya̍-praajaapa̠tyagm-shattrigm̍shachcha) (a. 10)
yo vai sa̍ptada̠sha-mpra̠jaapa̍tim ya̠jnama̠nvaaya̍tta̠m veda̠ prati̍ ya̠jnena̍ tishthati̠ na ya̠jnaa-dbhragm̍shata̠ aa shraa̍va̠yeti̠ chatu̍rakshara̠mastu̠ shrausha̠diti̠ chatu̍rakshara̠m yajeti̠ dvya̍kshara̠m ye yajaa̍maha̠ iti̠ panchaa̎kshara-ndvyaksha̠ro va̍shatkaa̠ra e̠sha vai sa̍ptada̠shah pra̠jaapa̍ti-rya̠jnama̠nvaaya̍tto̠ ya e̠vam veda̠ prati̍ ya̠jnena̍ tishthati̠ na ya̠jnaad- bhragm̍shate̠ yo vai ya̠jnasya̠ praaya̍na-mprati̠shthaa- [prati̠shthaam, u̠daya̍na̠m veda̠] 39
mu̠daya̍na̠m veda̠ prati̍shthite̠naari̍shtena ya̠jnena̍ sa̠gg̠sthaa-nga̍chchha̠tyaashraa̍va̠yaastu̠ shrausha̠dyaja̠ ye yajaa̍mahe vashatkaa̠ra e̠tadvai ya̠jnasya̠ praaya̍name̠shaa pra̍ti̠shthaitadu̠daya̍na̠m ya e̠vam veda̠ prati̍shthite̠naa-'ri̍shtena ya̠jnena̍ sa̠gg̠sthaa-nga̍chchhati̠ yo vai soo̠nritaa̍yai̠ doha̠m veda̍ du̠ha e̠vainaa̎m ya̠jno vai soo̠nritaa '' shraa̍va̠yetyaivainaa̍-mahva̠dastu̠ [-mahva̠dastu̍, shrausha̠dityu̠paavaa̎sraa̠-] 40
shrausha̠dityu̠paavaa̎sraa̠-gyajetyuda̍naishee̠dye yajaa̍maha̠ ityupaa̍-'sada-dvashatkaa̠rena̍ dogddhye̠sha vai soo̠nritaa̍yai̠ doho̠ ya e̠vam veda̍ du̠ha e̠vainaa̎-nde̠vaa vai sa̠tramaa̍sata̠ teshaa̠-ndisho̍-'dasya̠nta e̠taamaa̠rdraa-mpa̠nktima̍pashya̠nnaa shraa̍va̠yeti̍ purovaa̠ta-ma̍janaya̠nnastu̠ shrausha̠ditya̠bhragm sama̍plaavaya̠n̠. yajeti̍ vi̠dyuta̍- [vi̠dyuta̍m, a̠ja̠na̠ya̠n̠ ye] 41
majanaya̠n̠ ye yajaa̍maha̠ iti̠ praava̍rshayanna̠bhya̍stanayan vashatkaa̠rena̠ tato̠ vai tebhyo̠ disha̠h praapyaa̍yanta̠ ya e̠vam veda̠ praasmai̠ disha̍h pyaayante pra̠jaapa̍ti-ntvo̠veda̍ pra̠jaapa̍ti stvamveda̠ ya-mpra̠jaapa̍ti̠-rveda̠ sa punyo̍ bhavatye̠sha vai chha̍nda̠sya̍h pra̠jaapa̍ti̠raa shraa̍va̠yaa-'stu̠ shrausha̠dyaja̠ ye yajaa̍mahe vashatkaa̠ro ya e̠vam veda̠ punyo̍ bhavati vasa̠nta- [vasa̠ntam, ri̠too̠naam] 42
-mri̍too̠naa-mpree̍naa̠meetyaa̍ha̠rtavo̠ vai pra̍yaa̠jaa ri̠toone̠va pree̍naati̠ te̎-'smai pree̠taa ya̍thaapoo̠rva-nka̍lpante̠ kalpa̍nte-'smaa ri̠tavo̠ ya e̠vam vedaa̠gneeshoma̍yora̠ha-nde̍vaya̠jyayaa̠ chakshu̍shmaa-nbhooyaasa̠mityaa̍-haa̠gneeshomaa̎bhyaa̠m vai ya̠jnashchakshu̍shmaa̠-ntaabhyaa̍me̠va chakshu̍raa̠tma-ndha̍tte̠ 'gnera̠ha-nde̍vaya̠jyayaa̎-'nnaa̠do bhoo̍yaasa̠mityaa̍haa̠gnirvai de̠vaanaa̍-mannaa̠daste nai̠vaa- [mannaa̠daste nai̠vaa, a̠nnaadya̍maa̠tman] 43
-'nnaadya̍maa̠tma-ndha̍tte̠ dabdhi̍ra̠syada̍bdho bhooyaasama̠mu-nda̍bheya̠mityaa̍hai̠tayaa̠ vai dabddhyaa̍ de̠vaa asu̍raanadabhnuva̠ntayai̠va bhraatri̍vya-ndabhnotya̠gneeshoma̍yora̠ha-nde̍vaya̠jyayaa̍ vritra̠haa bhoo̍yaasa̠mityaa̍haa̠-'gneeshomaa̎bhyaa̠m vaa indro̍ vri̠trama̍ha̠ntaabhyaa̍me̠va bhraatri̍vyagg strinuta indraagni̠yora̠ha-nde̍vaya̠jyaye̎mdriyaa̠vya̍nnaa̠do bhoo̍yaasa̠mityaa̍hendriyaa̠vye̍vaannaa̠do bha̍va̠teendra̍syaa̠- [bha̍va̠teendra̍sya, a̠ha-nde̍vaya̠jyaye̎mdriyaa̠vee] 44
-'ha-nde̍vaya̠jyaye̎mdriyaa̠vee bhoo̍yaasa̠mityaa̍hendriyaa̠vye̍va bha̍vati mahe̠ndrasyaa̠-'ha-nde̍vaya̠jyayaa̍ je̠maana̍-mmahi̠maana̍-ngameya̠mityaa̍ha je̠maana̍me̠va ma̍hi̠maana̍-ngachchhatya̠gne-ssvi̍shta̠krito̠-'ha-nde̍vaya̠jyayaa ''yu̍shmaan. ya̠jnena̍ prati̠shthaa-nga̍meya̠mityaa̠-haayu̍re̠vaatma-ndha̍tte̠ prati̍ ya̠jnena̍ -tishthati ॥ 45 ॥ ( pra̠ti̠shthaa-ma̍hva̠dastu̍-vi̠dyuta̍mvasa̠ntan-tenai̠ve-ndra̍syaa̠-'shtaatrigm̍shachcha) (a. 11)
indra̍m vo vi̠shvata̠spari̠ havaa̍mahe̠ jane̎bhyah । a̠smaaka̍mastu̠ keva̍lah ॥ indra̠-nnaro̍ ne̠madhi̍taa havante̠ yatpaaryaa̍ yu̠naja̍te̠ dhiya̠staah । shooro̠ nrishaa̍taa̠ shava̍sashchakaa̠na aa goma̍ti vra̠je bha̍jaa̠ tvannah̍ ॥ i̠ndri̠yaani̍ shatakrato̠ yaa te̠ jane̍shu pa̠nchasu̍ ॥ indra̠ taani̍ ta̠ aa vri̍ne ॥ anu̍ te daayi ma̠ha i̍ndri̠yaaya̍ sa̠traa te̠ vishva̠manu̍ vritra̠hatye̎ । anu̍ [ ] 46
ksha̠tramanu̠ saho̍ yaja̠trendra̍ de̠vebhi̠ranu̍ te nri̠shahye̎ ॥ aayasmi̎m-thsa̠ptavaa̍sa̠vaa stishtha̍nti svaa̠ruho̍ yathaa । rishi̍rha deergha̠shrutta̍ma̠ indra̍sya gha̠rmo ati̍thih ॥ aa̠maasu̍ pa̠kvamaira̍ya̠ aa sooryagm̍ rohayo di̠vi । gha̠rma-nna saama̍-ntapataa suvri̠ktibhi̠-rjushta̠-ngirva̍nase̠ gira̍h ॥ indra̠mi-dgaa̠thino̍ bri̠hadindra̍-ma̠rkebhi̍-ra̠rkina̍h । indra̠m vaanee̍ranooshata ॥ gaaya̍nti tvaa gaaya̠trino- [gaaya̠trina̍h, archa̍ntya̠rka-ma̠rkina̍h ।] 47
-'rcha̍ntya̠rka-ma̠rkina̍h । bra̠hmaana̍stvaa shatakrata̠vu-dva̠gm̠sha-mi̍va yemire ॥ a̠gm̠ho̠muche̠ pra bha̍remaa manee̠shaamo̍shishtha̠daav.nne̍ suma̠ti-ngri̍naa̠naah । i̠dami̍ndra̠ prati̍ ha̠vya-ngri̍bhaaya sa̠tyaa-ssa̍ntu̠ yaja̍maanasya̠ kaamaa̎h ॥ vi̠vesha̠ yanmaa̍ dhi̠shanaa̍ ja̠jaana̠ stavai̍ pu̠raa paaryaa̠dindra̠-mahna̍h । agmha̍so̠ yatra̍ pee̠para̠dyathaa̍ no naa̠veva̠ yaanta̍ mu̠bhaye̍ havante ॥ pra sa̠mraaja̍-mpratha̠ma-ma̍ddhva̠raanaa̍- [ma̍ddhva̠raanaa̎m, a̠gm̠ho̠mucha̍m] 48
-magmho̠mucha̍m vrisha̠bham ya̠jniyaa̍naam । a̠paa-nnapaa̍tamashvinaa̠ haya̍nta-ma̠sminna̍ra indri̠ya-ndha̍tta̠moja̍h ॥ vi na̍ indra̠ mridho̍ jahi nee̠chaa ya̍chchha pritanya̠tah । a̠dha̠spa̠da-ntamee̎-nkridhi̠ yo a̠smaagm a̍bhi̠daasa̍ti ॥ indra̍ ksha̠trama̠bhi vaa̠mamojo 'jaa̍yathaa vrishabha charshanee̠naam । apaa̍nudo̠ jana̍-mamitra̠yanta̍-mu̠ru-nde̠vebhyo̍ akrino-ru lo̠kam ॥ mri̠go na bhee̠mah ku̍cha̠ro gi̍ri̠shthaah pa̍raa̠vata [pa̍raa̠vata̍h, aa ja̍gaamaa̠ para̍syaah ।] 49
aa ja̍gaamaa̠ para̍syaah । sri̠kagm sa̠gm̠shaaya̍ pa̠vimi̍ndra ti̠gmam vi shatroo̎-ntaadhi̠ vimridho̍ nudasva ॥ vi shatroo̠n̠. vi mridho̍ nuda̠ vivri̠trasya̠ hanoo̍ ruja । vi ma̠nyumi̍ndra bhaami̠to̍-'mitra̍syaa-'bhi̠daasa̍tah ॥ traa̠taara̠-mindra̍-mavi̠taara̠-mindra̠gm̠ have̍have su̠hava̠gm̠ shoora̠mindra̎m । hu̠ve nu sha̠kra-mpu̍ruhoo̠tamindragg̍ sva̠sti no̍ ma̠ghavaa̍ dhaa̠tvindra̍h ॥ maa te̍ a̠syaagm [a̠syaagm, sa̠ha̠saa̠va̠-npari̍shtaava̠ghaaya̍] 50
sa̍hasaava̠-npari̍shtaava̠ghaaya̍ bhooma harivah paraa̠dai । traaya̍sva no 'vri̠kebhi̠-rvaroo̍thai̠-stava̍ pri̠yaasa̍-ssoo̠rishu̍ syaama ॥ ana̍vaste̠ ratha̠mashvaa̍ya taksha̠-ntvashtaa̠ vajra̍-mpuruhoota dyu̠manta̎m । bra̠hmaana̠ indra̍-mma̠haya̍nto a̠rkairava̍rdhaya̠nnaha̍ye̠ hanta̠vaa u̍ ॥ vrishne̠ ya-tte̠ vrisha̍no a̠rkamarchaa̠nindra̠ graavaa̍no̠ adi̍ti-ssa̠joshaa̎h । a̠na̠shvaaso̠ ye pa̠vayo̍-'ra̠thaa indre̍shitaa a̠bhyava̍rta nta̠ dasyoon̍ ॥ 51 ॥ (vri̠tra̠hatye-'nu̍-gaaya̠trino̎-'ddha̠raanaa̎m-paraa̠vato̠-'syaa-ma̠shtaacha̍tvaarigmshachcha) (a. 12)
(santvaa̍ sinchaami-dhru̠vo̎-'sya̠gnirmaa̍-ba̠r̠hisho̠-'ha-maa pyaa̍yataa̠-maga̍nma̠-yathaa̠ vai-yo vai shra̠ddhaam- pra̠jaapa̍ti̠-ryajnaan-dhru̠vo̍-'seetyaa̍ha̠-yo vai sa̍ptada̠sha-mindra̍m vo̠-dvaada̍sha । )
(santvaa̍-ba̠r̠hisho̠-'hamyathaa̠ vaa-e̠vam vi̠dvaa-nchhrausha̍t-thsaahasaava̠-nneka̍panchaa̠shat ।)
(santvaa̍, sinchaami̠ dasyoon̍)
॥ hari̍h om ॥
॥ krishna yajurvedeeya taittireeya samhitaayaa-mprathamakaande shashthah prashna-ssamaaptah ॥
1.6 - ಸನ್ತ್ವಾ ಸಿಞ್ಚಾಮಿ ಯಜುಷಾ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ ಬಗ್ಗೆ
ಇದು ಕೃಷ್ಣಯಜುರ್ವೇದ ತೈತ್ತಿರೀಯ ಸಂಹಿತೆಯ ಮೊದಲ ಕಾಂಡದ ಆರನೇ ಪ್ರಶ್ನ, ಯಾಜಮಾನಕಾಂಡ; ದರ್ಶಪೂರ್ಣಮಾಸ ಯಜ್ಞಗಳಲ್ಲಿ ಯಜಮಾನ ಸ್ವತಃ ಹೇಳುವ ಮಂತ್ರಗಳನ್ನು ನೀಡುತ್ತದೆ. ಆರಂಭ: "ಯಜುಸ್ಸಿನಿಂದ ನಿನ್ನನ್ನು ಸಿಂಚಿಸುತ್ತೇನೆ, ಪ್ರಜೆ, ಆಯುಸ್ಸು, ಧನಕ್ಕಾಗಿ; ಬೃಹಸ್ಪತಿ ಪ್ರೇರಿತ ಯಜಮಾನ ಇಲ್ಲಿ ಹಾನಿಗೊಳಗಾಗದಿರಲಿ; ನೀನು ಆಜ್ಯ, ನೀನು ಸತ್ಯ." ಮುಂದಿನ ಭಾಗಗಳು ಆಹುತಿ ನೀಡುವಾಗ ಮತ್ತು ಕರ್ಮ ಮುಗಿಯುವಾಗ ಯಜಮಾನನ ಪ್ರಾರ್ಥನೆಗಳನ್ನು ನೀಡುತ್ತವೆ.
ಮೂಲ: ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೧.೬
ಯಾವಾಗ ಪಠಿಸಬೇಕು: ವೇದಪಠಣದಲ್ಲಿ ಮತ್ತು ತೈತ್ತಿರೀಯ ಸಂಹಿತೆಯ ಸಾಂಪ್ರದಾಯಿಕ ಅಧ್ಯಯನದಲ್ಲಿ.
ನಿಮಗೆ ಗೊತ್ತೇ?
- ವೈದಿಕ ಯಜ್ಞದಲ್ಲಿ ಹೆಚ್ಚಿನ ಮಂತ್ರಗಳನ್ನು ಋತ್ವಿಜರು ಪಠಿಸುತ್ತಾರೆ, ಆದರೆ ಕೆಲವು ಮಂತ್ರಗಳು ಕರ್ಮದ ಯಜಮಾನನಿಗೆ ಸೇರಿವೆ.
- ಈ ಪ್ರಶ್ನ ತೈತ್ತಿರೀಯ ಸಂಹಿತೆಯ ಮೊದಲ ಕಾಂಡವನ್ನು ಮುಗಿಸುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಯಾಜಮಾನಕಾಂಡ ಎಂದರೇನು?
ಯಜಮಾನ ಸ್ವತಃ ಹೇಳುವ ಮಂತ್ರಗಳು.
ಇದು ಹೇಗೆ ಆರಂಭವಾಗುತ್ತದೆ?
"ಸಂ ತ್ವಾ ಸಿಂಚಾಮಿ ಯಜುಷಾ".
ಇದು ಯಾವ ವೇದದಿಂದ?
ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೧.೬.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು