1.7 - ಪಾಕಯಜ್ಞಂ ವಾ ಅನ್ವಾಹಿತಾಗ್ನೇ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ
Kanda 1 - Krishna Yajurveda Taittiriya Samhita · ಸಾಂಪ್ರದಾಯಿಕ ಭಕ್ತಿ ಪಠ್ಯ
krishna yajurvedeeya taittireeya samhitaayaa-mprathamakaande saptamah prashnah - yaajamaana braahmanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
paa̠ka̠ya̠jnam vaa anvaahi̍taagneh pa̠shava̠ upa̍ tishthanta̠ idaa̠ khalu̠ vai paa̍kaya̠jna-ssaishaa-'nta̠raa pra̍yaajaanooyaa̠jaan. yaja̍maanasya lo̠ke-'va̍hitaa̠ taamaa̎hri̠yamaa̍naama̠bhi ma̍ntrayeta̠ suroo̍pavarshavarna̠ eheeti̍ pa̠shavo̠ vaa idaa̍ pa̠shoone̠vopa̍ hvayate ya̠jnam vai de̠vaa adu̍hran. ya̠jno-'su̍raagm aduha̠-tte-'su̍raa ̠jnadu̍gdhaa̠h paraa̍-'bhava̠n̠. yo vai ya̠jnasya̠ doha̍m vi̠dvaan [ ] 1
yaja̠te-'pya̠nyam yaja̍maana-nduhe̠ saa me̍ sa̠tyaa-''sheera̠sya ya̠jnasya̍ bhooyaa̠dityaa̍hai̠sha vai ya̠jnasya̠ doha̠stenai̠vaina̍-nduhe̠ prattaa̠ vai gaurdu̍he̠ prattedaa̠ yaja̍maanaaya duha e̠te vaa idaa̍yai̠ stanaa̠ idopa̍hoo̠teti̍ vaa̠yurva̠thso yarhi̠ hotedaa̍mupa̠hvaye̍ta̠ tarhi̠ yaja̍maano̠ hotaa̍ra̠meeksha̍maano vaa̠yu-mmana̍saa dhyaaye- [dhyaayet, maa̠tre] 2
-nmaa̠tre va̠thsa-mu̠paava̍srijati̠ sarve̍na̠ vai ya̠jnena̍ de̠vaa-ssu̍va̠rgam lo̠kamaa̍ya-npaakaya̠jnena̠ manu̍rashraamya̠thsedaa̠ manu̍mu̠paava̍rtata̠ taa-nde̍vaasu̠raa vya̍hvayanta pra̠teechee̎-nde̠vaah paraa̍chee̠masu̍raa̠-ssaa de̠vaanu̠paava̍rtata pa̠shavo̠ vai ta-dde̠vaana̍vrinata pa̠shavo-'su̍raanajahu̠rya-nkaa̠maye̍taapa̠shu-ssyaa̠diti̠ paraa̍chee̠-ntasyedaa̠mupa̍ hvayetaapa̠shure̠va bha̍vati̠ yam- [bha̍vati̠ yam, kaa̠maye̍ta] 3
-kaa̠maye̍ta pashu̠maan-thsyaa̠diti̍ pra̠teechee̠-ntasyedaa̠-mupa̍ hvayeta pashu̠maane̠va bha̍vati brahmavaa̠dino̍ vadanti̠ sa tvaa idaa̠mupa̍ hvayeta̠ ya idaa̍- mupa̠hooyaa̠tmaana̠-midaa̍yaa-mupa̠hvaye̠teti̠ saa na̍h pri̠yaa su̠pratoo̎rti-rma̠ghoneetyaa̠hedaa̍-me̠vopa̠hooyaa̠-''tmaana̠ -midaa̍yaa̠mupa̍ hvayate̠ vya̍stamiva̠ vaa e̠ta-dya̠jnasya̠ yadidaa̍ saa̠mi praa̠shnanti̍ [ ] 4
saa̠mi maa̎rjayanta e̠ta-tprati̠ vaa asu̍raanaam ya̠jno vya̍chchhidyata̠ brahma̍naa de̠vaa-ssama̍dadhu̠-rbriha̠spati̍ -stanutaami̠ma-nna̠ ityaa̍ha̠ brahma̠ vai de̠vaanaa̠-mbriha̠spati̠-rbrahma̍nai̠va ya̠jnagm sa-nda̍dhaati̠ vichchhi̍nnam ya̠jnagm sami̠ma-nda̍dhaa̠tvityaa̍ha̠ santa̍tyai̠ vishve̍ de̠vaa i̠ha maa̍dayantaa̠mityaa̍ha sa̠ntatyai̠va ya̠jna-nde̠vebhyo-'nu̍ dishati̠ yaam vai [ ] 5
ya̠jne dakshi̍naa̠-ndadaa̍ti̠ taama̍sya pa̠shavo-'nu̠ sa-nkraa̍manti̠ sa e̠sha ee̍jaa̠no̍-'pa̠shu-rbhaavu̍ko̠ yaja̍maanena̠ khalu̠ vai tatkaa̠rya̍-mityaa̍hu̠-ryathaa̍ deva̠traa da̠tta-nku̍rvee̠taatma-npa̠shoo-nra̠maye̠teti̠ braddhna̠ pinva̠svetyaa̍ha ya̠jno vai bra̠ddhno ya̠jname̠va tanma̍haya̠tyatho̍ deva̠traiva da̠tta-nku̍ruta aa̠tma-npa̠shoo-nra̍mayate̠ dada̍to me̠ maa kshaa̠yeetyaa̠haakshi̍ti-me̠vopai̍ti kurva̠to me̠ mopa̍ dasa̠dityaa̍ha bhoo̠maana̍me̠vopai̍ti ॥ 6 ॥ (vi̠dvaan-dhyaa̍ye-dbhavati̠ yam-praa̠shnanti̠-yaam vai-ma̠-ekaa̠nnavigm̍sha̠tishcha̍ ) (a. 1)
saggshra̍vaa ha sauvarchana̠sah tumi̍nja̠maupo̍diti-muvaacha̠ yathsa̠trinaa̠gm̠ hotaa-'bhoo̠h kaamidaa̠mupaa̎hvathaa̠ iti̠ taamupaa̎hva̠ iti̍ hovaacha̠ yaa praa̠nena̍ de̠vaa-ndaa̠dhaara̍ vyaa̠nena̍ manu̠shyaa̍napaa̠nena̍ pi̠triniti̍ chhi̠natti̠ saa na chhi̍na̠ttee(3) iti̍ chhi̠natteeti̍ hovaacha̠ sharee̍ra̠m vaa a̍syai̠ tadupaa̎hvathaa̠ iti̍ hovaacha̠ gaurvaa [gaurvai, a̠syai̠ sharee̍ra̠m] 7
a̍syai̠ sharee̍ra̠-ngaam vaava tau ta-tparya̍vadataa̠m yaa ya̠jne dee̠yate̠ saa praa̠nena̍ de̠vaa-ndaa̍dhaara̠ yayaa̍ manu̠shyaa̍ jeeva̍nti̠ saa vyaa̠nena̍ manu̠shyaan̍ yaa-mpi̠tribhyo̠ ghnanti̠ saa-'paa̠nena̍ pi̠treen. ya e̠vam mveda̍ pashu̠maa-nbha̍va̠tyatha̠ vai taamupaa̎hva̠ iti̍ hovaacha̠ yaa pra̠jaah pra̠bhava̍ntee̠h pratyaa̠bhava̠teetyanna̠m mvaa a̍syai̠ ta- [a̍syai̠ tat, upaa̎hvathaa̠ iti̍] 8
-dupaa̎hvathaa̠ iti̍ hovaa̠chausha̍dhayo̠ vaa a̍syaa̠ anna̠mosha̍dhayo̠ vai pra̠jaah pra̠bhava̍ntee̠h pratyaa bha̍vanti̠ ya e̠vam vedaa̎nnaa̠do bha̍va̠tyatha̠ vai taamupaa̎hva̠ iti̍ hovaacha̠ yaa pra̠jaah pa̍raa̠bhava̍ntee-ranugri̠hnaati̠ pratyaa̠bhava̍ntee-rgri̠hnaateeti̍ prati̠shthaam vaa a̍syai̠ tadupaa̎hvathaa̠ iti̍ hovaache̠yam vaa a̍syai prati̠shthe [prati̠shthaa, i̠yam vai] 9
yam vai pra̠jaah pa̍raa̠bhava̍ntee̠ranu̍ grihnaati̠ pratyaa̠bhava̍ntee-rgrihnaati̠ ya e̠vam veda̠ pratye̠va ti̍shtha̠tyatha̠ vai taamupaa̎hva̠ iti̍ hovaacha̠ yasyai̍ ni̠krama̍ne ghri̠ta-mpra̠jaa-ssa̠njeeva̍ntee̠h piba̠nteeti̍ chhi̠natti̠ saa na chhi̍na̠ttee (3) iti̠ na chhi̍na̠tteeti̍ hovaacha̠ pra tu ja̍naya̠teetye̠sha vaa idaa̠mupaa̎hvathaa̠ iti̍ hovaacha̠ vrishti̠r̠vaa idaa̠ vrishtyai̠ vai ni̠krama̍ne ghri̠ta-mpra̠jaa-ssa̠njeeva̍nteeh pibanti̠ ya e̠vam veda̠ praiva jaa̍yate-'nnaa̠do bha̍vati ॥ 10 ॥ (gaurvaa-a̍syai̠ tat-pra̍ti̠shthaa-'hva̍thaa̠ iti̍-vigmsha̠tishcha̍) (a. 2)
pa̠roksha̠m vaa a̠nye de̠vaa i̠jyante̎ pra̠tyaksha̍ma̠nye ya-dyaja̍te̠ ya e̠va de̠vaah pa̠roksha̍mi̠jyante̠ taane̠va ta-dya̍jati̠ yada̍nvaahaa̠rya̍-maa̠hara̍tye̠te vai de̠vaah pra̠tyaksha̠m ya-dbraa̎hma̠naastaane̠va tena̍ preenaa̠tyatho̠ dakshi̍nai̠vaasyai̠shaa-'tho̍ ya̠jnasyai̠va chhi̠dramapi̍ dadhaati̠ yadvai ya̠jnasya̍ kroo̠ram yadvili̍shta̠-ntada̍nvaahaa̠rye̍naa̠- [tada̍nvaahaa̠rye̍na, a̠nvaaha̍rati̠] 11
-'nvaaha̍rati̠ tada̍nvaahaa̠rya̍syaa-nvaahaarya̠tva-nde̍vadoo̠taa vaa e̠te yad-ri̠tvijo̠ yada̍nvaahaa̠rya̍-maa̠hara̍ti devadoo̠taane̠va pree̍naati pra̠jaapa̍ti-rde̠vebhyo̍ ya̠jnaan vyaadi̍sha̠-thsa ri̍richaa̠no̍-'manyata̠ sa e̠tama̍nvaahaa̠rya̍-mabha̍kta-mapashya̠-ttamaa̠tmanna̍dhatta̠sa vaa e̠sha praa̍jaapa̠tyo yada̍nvaahaa̠ryo̍ yasyai̠vam vi̠dusho̎-'nvaahaa̠rya̍ aahri̠yate̍ saa̠kshaade̠va pra̠jaapa̍ti-mriddhno̠tyapa̍rimitoni̠rupyo-'pa̍rimitah pra̠jaapa̍tih pra̠jaapa̍te̠- [pra̠jaapa̍teh, aaptyai̍] 12
-raaptyai̍ de̠vaa vai ya-dya̠jne-'ku̍rvata̠ tadasu̍raa akurvata̠ te de̠vaa e̠ta-mpraa̍jaapa̠tya-ma̍nvaahaa̠rya̍-mapashya̠-ntama̠nvaaha̍ranta̠ tato̍ de̠vaa abha̍va̠-nparaasu̍raa̠ yasyai̠vam vi̠dusho̎-'nvaahaa̠rya̍ aahri̠yate̠ bhava̍tyaa̠tmanaa̠ paraa̎sya̠ bhraatri̍vyo bhavati ya̠jnena̠ vaa i̠shtee pa̠kvena̍ poo̠rtee yasyai̠vam vi̠dusho̎-'nvaahaa̠rya̍ aahri̠yate̠ sa tve̍veshtaa̍poo̠rtee pra̠jaapa̍terbhaa̠go̍-'see- [pra̠jaapa̍terbhaa̠go̍-'see, ityaa̍ha] 13
-tyaa̍ha pra̠jaapa̍time̠va bhaa̍ga̠dheye̍na̠ sama̍rdhaya̠tyoorja̍svaa̠-npaya̍svaa̠nityaa̠horja̍-me̠vaasmi̠-npayo̍ dadhaati praanaapaa̠nau me̍ paahi samaanavyaa̠nau me̍ paa̠heetyaa̍haa̠-''shisha̍me̠vaitaamaa shaa̠ste 'kshi̍to̠ 'syakshi̍tyai tvaa̠ maa me̎ ksheshthaa a̠mutraa̠mushmi̍n mlo̠ka ityaa̍ha̠ ksheeya̍te̠ vaa a̠mushmi̍n mlo̠ke-'nna̍-mi̠tahpra̍daana̠gg̠ hya̍mushmin mlo̠ke pra̠jaa u̍pa̠jeeva̍nti̠ yade̠va-ma̍bhimri̠shatyakshi̍ti-me̠vaina̍-dgamayati̠ naasyaa̠mushmi̍n mlo̠ke-'nna̍-nksheeyate ॥ 14 ॥ (a̠nvaa̠haa̠rye̍na-pra̠jaapa̍te-rasi̠-hya̍mushmi̍n mlo̠ke-pancha̍dasha cha ) (a. 3)
ba̠r̠hisho̠-'ha-nde̍vaya̠jyayaa̎ pra̠jaavaa̎-nbhooyaasa̠mityaa̍ha ba̠r̠hishaa̠ vai pra̠jaapa̍tih pra̠jaa a̍srijata̠ tenai̠va pra̠jaa-ssri̍jate̠ naraa̠shagmsa̍syaa̠ha-nde̍vaya̠jyayaa̍ pashu̠maa-nbhoo̍yaasa̠mityaa̍ha̠ naraa̠shagmse̍na̠ vai pra̠jaapa̍tih pa̠shoona̍srijata̠ tenai̠va pa̠shoon-thsri̍jate̠-'gne-ssvi̍shta̠krito̠-'ha-nde̍vaya̠jyayaa-''yu̍shmaan. ya̠jnena̍ prati̠shthaa-nga̍meya̠mityaa̠haa-''yu̍re̠vaatma-ndha̍tte̠ prati̍ ya̠jnena̍ tishthati darshapoornamaa̠sayo̠- [darshapoornamaa̠sayo̎h, vai de̠vaa] 15
-rvai de̠vaa ujji̍ti̠-manooda̍jaya-ndarshapoornamaa̠saabhyaa̠- masu̍raa̠napaa̍-nudantaa̠gne-ra̠hamujji̍ti̠-manoojje̍sha̠-mityaa̍ha darshapoornamaa̠sayo̍re̠va de̠vataa̍naa̠m yaja̍maana̠ ujji̍ti̠manoojja̍yati darshapoornamaa̠saabhyaa̠-mbhraatri̍vyaa̠napa̍ nudate̠ vaaja̍vateebhyaa̠m vyoo̍ha̠tyanna̠m vai vaajo-'nna̍me̠vaava̍ rundhe̠ dvaabhyaa̠-mprati̍shthityai̠ yo vai ya̠jnasya̠ dvau dohau̍ vi̠dvaan yaja̍ta ubha̠yata̍ [ubha̠yata̍h, e̠va ya̠jnam] 16
e̠va ya̠jna-ndu̍he pu̠rastaa̎chcho̠pari̍shtaachchai̠sha vaa a̠nyo ya̠jnasya̠ doha̠ idaa̍yaama̠nyo yarhi̠ hotaa̠ yaja̍maanasya̠ naama̍ grihnee̠yaa-ttarhi̍ brooyaa̠demaa a̍gmannaa̠shisho̠ doha̍kaamaa̠ iti̠ saggstu̍taa e̠va de̠vataa̍ du̠he-'tho̍ ubha̠yata̍ e̠va ya̠jna-ndu̍he pu̠rastaa̎chcho̠pari̍shtaachcha̠ rohi̍tena tvaa̠-'gnirde̠vataa̎-ngamaya̠tvityaa̍hai̠te vai de̍vaa̠shvaa [vai de̍vaa̠shvaah, yaja̍maanah prasta̠ro] 17
yaja̍maanah prasta̠ro yade̠taih pra̍sta̠ra-mpra̠hara̍ti devaa̠shvaire̠va yaja̍maanagm suva̠rgam lo̠ka-nga̍mayati̠ vi te̍ munchaami rasha̠naa vi ra̠shmeenityaa̍hai̠sha vaa a̠gnervi̍mo̠kaste-nai̠vaina̠m vimu̍nchati ̠vishno̎-shsha̠myora̠ha-nde̍vaya̠jyayaa̍ ya̠jnena̍ prati̠shthaa-nga̍meya̠mityaa̍ha ya̠jno vai vishnu̍-rya̠jna e̠vaanta̠tah prati̍ tishthati̠ soma̍syaa̠ha-nde̍vaya̠jyayaa̍ su̠retaa̠ [su̠retaa̎h, reto̍] 18
reto̍ dhishee̠yetyaa̍ha̠ somo̠ vai re̍to̠dhaastenai̠va reta̍ aa̠tma-ndha̍tte̠ tvashtu̍ra̠ha-nde̍vaya̠jyayaa̍ pashoo̠naagm roo̠pa-mpu̍sheya̠mityaa̍ha̠ tvashtaa̠ vai pa̍shoo̠naa-mmi̍thu̠naanaagm̍ roopa̠krittenai̠va pa̍shoo̠naagm roo̠pamaa̠tma-ndha̍tte de̠vaanaa̠-mpatnee̍ra̠gni-rgri̠hapa̍ti-rya̠jnasya̍ mithu̠na-ntayo̍ra̠ha-nde̍vaya̠jyayaa̍ mithu̠nena̠ prabhoo̍yaasa̠-mityaa̍hai̠tasmaa̠-dvai mi̍thu̠naa-tpra̠jaapa̍ti-rmithu̠nena̠ [rmithu̠nena̍, praa-'jaa̍yata̠] 19
praa-'jaa̍yata̠ tasmaa̍de̠va yaja̍maano mithu̠nena̠ prajaa̍yate ve̠do̍-'si̠ vitti̍rasi vi̠deyetyaa̍ha ve̠dena̠ vai de̠vaa asu̍raanaam vi̠ttam vedya̍mavindanta̠ ta-dve̠dasya̍ veda̠tvam yadya̠-dbhraatri̍vyasyaabhi̠ddhyaaye̠-ttasya̠ naama̍ grihneeyaa̠-ttade̠vaasya̠ sarva̍m vrinkte ghri̠tava̍nta-nkulaa̠yinagm̍ raa̠yasposhagm̍ saha̠srina̍m ve̠do da̍daatu vaa̠jina̠mityaa̍ha̠ prasa̠hasra̍-mpa̠shoonaa̎pno̠tyaa sya̍ pra̠jaayaa̎m vaa̠jee jaa̍yate̠ ya e̠vam veda̍ ॥ 20 ॥ (da̠r̠sha̠poo̠rna̠maasayo̍-rubha̠yato̍-devaa̠shvaah-su̠retaa̎h-pra̠jaapa̍ti-rmithu̠nenaa̎-pnotya̠-shtau cha̍) (a. 4)
dhru̠vaam vai richya̍maanaam ya̠jno-'nu̍ richyate ya̠jnam yaja̍maano̠ yaja̍maana-mpra̠jaa dhru̠vaamaa̠pyaaya̍maanaam ya̠jno-'nvaa pyaa̍yate ya̠jnam yaja̍maano̠ yaja̍maana-mpra̠jaa aa pyaa̍yataa-ndhru̠vaa ghri̠tenetyaa̍ha dhru̠vaame̠vaa '' pyaa̍yayati̠ taamaa̠pyaaya̍maanaam ya̠jno-'nvaa pyaa̍yate ya̠jnam yaja̍maano̠ yaja̍maana-mpra̠jaah pra̠jaapa̍te-rvi̠bhaannaama̍ lo̠kastasmigg̍stvaa dadhaami sa̠ha yaja̍maane̠ne- [yaja̍maane̠neti, aa̠haa̠-'yam vai] 21
-tyaa̍haa̠-'yam vai pra̠jaapa̍te-rvi̠bhaannaama̍ lo̠kastasmi̍-nne̠vaina̍-ndadhaati sa̠ha yaja̍maanena̠ richya̍ta iva̠ vaa e̠ta-dya-dyaja̍te̠ ya-dya̍jamaanabhaa̠ga-mpraa̠shnaatyaa̠tmaana̍me̠va pree̍naatye̠taavaa̠n̠. vai ya̠jno yaavaan̍. yajamaanabhaa̠go ya̠jno yaja̍maano̠ ya-dya̍jamaanabhaa̠ga-mpraa̠shnaati̍ ya̠jna e̠va ya̠jna-mprati̍ shthaapayatye̠tadvai soo̠yava̍sa̠gm̠ soda̍ka̠m yadba̠r̠hishchaa-''pa̍shchai̠ta- [-''pa̍shchai̠tat, yaja̍maanasyaa̠-] 22
-dyaja̍maanasyaa̠-''yata̍na̠m yadvedi̠rya-tpoo̎rnapaa̠tra-ma̍ntarve̠di ni̠naya̍ti̠ sva e̠vaa-''ya̍tane soo̠yava̍sa̠gm̠ soda̍ka-nkurute̠ sada̍si̠ sanme̍ bhooyaa̠ ityaa̠haa-''po̠ vai ya̠jna aapo̠-'mrita̍m ya̠jname̠vaamrita̍-maa̠tma-ndha̍tte̠ sarvaa̍ni̠ vai bhoo̠taani̍ vra̠ta-mu̍pa̠yanta̠ -manoopa̍ yanti̠ praachyaa̎-ndi̠shi de̠vaa ri̠tvijo̍ maarjayantaa̠-mityaa̍hai̠sha vai da̍rshapoornamaa̠sayo̍-ravabhri̠tho [-ravabhri̠thah, yaanye̠vaina̍-mbhoo̠taani̍] 23
yaanye̠vaina̍-mbhoo̠taani̍ vra̠tamu̍pa̠yanta̍-manoopa̠yanti̠ taire̠va sa̠haava̍bhri̠thamavai̍ti̠ vishnu̍mukhaa̠ vai de̠vaa shchhando̍bhiri̠maan mlo̠kaa-na̍napaja̠yyama̠bhya̍jaya̠n̠. ya-dvi̍shnukra̠maan krama̍te̠ vishnu̍re̠va bhoo̠tvaa yaja̍maana̠shchhando̍bhiri̠maan mlo̠kaa-na̍napaja̠yyama̠bhi ja̍yati̠ vishno̠h kramo̎-'syabhimaati̠hetyaa̍ha gaaya̠tree vai pri̍thi̠vee traishtu̍bhama̠ntari̍ksha̠-njaaga̍tee̠ dyauraanu̍shtubhee̠-rdisha̠ shchhando̍bhire̠vemaan mlo̠kaan. ya̍thaapoo̠rvama̠bhi ja̍yati ॥ 24 ॥ (yaja̍maane̠neti̍-chai̠ tada̍-vabhri̠tho-disha̍h-sa̠pta cha̍) (a. 5)
aga̍nma̠ suva̠-ssuva̍raga̠nmetyaa̍ha suva̠rgame̠va lo̠kame̍ti sa̠ndrisha̍ste̠ maa chhi̍thsi̠ yatte̠ tapa̠stasmai̍ te̠ maa '' vri̠ksheetyaa̍ha yathaaya̠ju-re̠vaita-thsu̠bhoora̍si̠ shreshtho̍ rashmee̠naamaa̍yu̠rdhaa a̠syaayu̍rme dhe̠heetyaa̍haa̠-''shisha̍me̠vaitaamaa shaa̎ste̠ pra vaa e̠sho̎-'smaan mlo̠kaachchya̍vate̠ yo [yah, vi̠shnu̠kra̠maan krama̍te] 25
vi̍shnukra̠maan krama̍te suva̠rgaaya̠ hi lo̠kaaya̍ vishnukra̠maah kra̠myante̎ brahmavaa̠dino̍ vadanti̠ sa tvai vi̍shnukra̠maan kra̍meta̠ ya i̠maan mlo̠kaa-nbhraatri̍vyasya sa̠mvidya̠ puna̍ri̠mam lo̠ka-mpra̍tyava̠rohe̠ditye̠sha vaa a̠sya lo̠kasya̍ pratyavaro̠ho yadaahe̠dama̠hama̠mu-mbhraatri̍vyamaa̠bhyo di̠gbhyo̎-'syai di̠va itee̠maane̠va lo̠kaa-nbhraatri̍vyasya sa̠mvidya̠ puna̍ri̠mam lo̠ka-mpra̠tyava̍rohati̠ sam- [sam, jyoti̍shaa-'bhoova̠mityaa̍haa̠sminne̠va] 26
-jyoti̍shaa-'bhoova̠mityaa̍haa̠sminne̠va lo̠ke prati̍ tishthatyai̠ndree-maa̠vrita̍-ma̠nvaava̍rta̠ ityaa̍haa̠sau vaa aa̍di̠tya indra̠stasyai̠vaa-''vrita̠manu̍ pa̠ryaava̍rtate dakshi̠naa pa̠ryaava̍rtate̠ svame̠va vee̠rya̍manu̍ pa̠ryaava̍rtate̠ tasmaa̠-ddakshi̠no-'rdha̍ aa̠tmano̍ vee̠ryaa̍vatta̠ro-'tho̍ aadi̠tyasyai̠vaa-''vrita̠manu̍ pa̠ryaava̍rtate̠ sama̠ha-mpra̠jayaa̠ sa-mmayaa̎ pra̠jetyaa̍haa̠-''shisha̍- [pra̠jetyaa̍haa̠-''shisha̎m, e̠vaitaamaa] 27
-me̠vaitaamaa shaa̎ste̠ sami̍ddho agne me deedihi same̠ddhaa te̍ agne deedyaasa̠mityaa̍ha yathaaya̠ju-re̠vaitadvasu̍maan. ya̠jno vasee̍yaa-nbhooyaasa̠-mityaa̍haa̠-''shisha̍me̠vetaamaa shaa̎ste ba̠hu vai gaarha̍patya̠syaante̍ mi̠shrami̍va charyata aagnipaavamaa̠neebhyaa̠-ngaarha̍patya̠mupa̍ tishthate pu̠naatye̠vaagni-mpu̍nee̠ta aa̠tmaana̠-ndvaabhyaa̠-mprati̍shthityaa̠ agne̍ grihapata̠ ityaa̍ha [ityaa̍ha, ya̠thaa̠ya̠jure̠vaitachchha̠tagm] 28
yathaaya̠jure̠vaitachchha̠tagm himaa̠ ityaa̍ha sha̠ta-ntvaa̍ hema̠ntaani̍ndhishee̠yeti̠ vaavaitadaa̍ha pu̠trasya̠ naama̍ grihnaatyannaa̠dame̠vaina̍-nkaroti̠ taamaa̠shisha̠maa shaa̍se̠ tanta̍ve̠ jyoti̍shmatee̠miti̍ brooyaa̠-dyasya̍ pu̠tro-'jaa̍ta̠-ssyaa-tte̍ja̠svye̍vaasya̍ brahmavarcha̠see pu̠tro jaa̍yate̠ taamaa̠shisha̠maa shaa̍se̠-'mushmai̠ jyoti̍shmatee̠miti̍ brooyaa̠-dyasya̍ pu̠tro [pu̠trah, jaa̠ta-ssyaatteja̍] 29
jaa̠ta-ssyaatteja̍ e̠vaasmi̍-nbrahmavarcha̠sa-nda̍dhaati̠ yo vai ya̠jna-mpra̠yujya̠ na vi̍mu̠nchatya̍pratishthaa̠no vai sa bha̍vati̠ kastvaa̍ yunakti̠ sa tvaa̠ vi mu̍ncha̠tvityaa̍ha pra̠jaapa̍ti̠-rvai kah pra̠jaapa̍tinai̠vaina̍m yu̠nakti̍ pra̠jaapa̍tinaa̠ vi mu̍nchati̠ prati̍shthityaa eeshva̠ram vai vra̠tamavi̍srishta-mpra̠daho-'gne̎ vratapate vra̠tama̍chaarisha̠mityaa̍ha vra̠tame̠va [ ] 30
vi sri̍jate̠ shaantyaa̠ apra̍daahaaya̠ paraa̠na̠. vaava ya̠jna e̍ti̠ na ni va̍rtate̠ puna̠ryo vai ya̠jnasya̍ punaraala̠mbham vi̠dvaan. yaja̍te̠ tama̠bhi ni va̍rtate ya̠jno ba̍bhoova̠ sa aa ba̍bhoo̠vetyaa̍hai̠sha vai ya̠jnasya̍ punaraala̠mbha-stenai̠vaina̠-mpuna̠raa la̍bha̠te-'na̍varuddhaa̠ vaa e̠tasya̍ vi̠raad ya aahi̍taagni̠-ssanna̍sa̠bhah pa̠shava̠h khalu̠ vai braa̎hma̠nasya̍ sa̠bheshtvaa praanu̠tkramya̍ brooyaa̠-dgomaagm̍ a̠gne-'vi̍maagm a̠shvee ya̠jna ityava̍ sa̠bhaagm ru̠ndhe pra sa̠hasra̍-mpa̠shoonaa̎pno̠tyaa-'sya̍ pra̠jaayaa̎m vaa̠jee jaa̍yate ॥ 31 ॥ (yah-sa-maa̠sisha̍m-grihapata̠-ityaa̍haa̠-mushmai̠ jyoti̍shmatee̠miti̍ brooyaa̠-dyasya̍pu̠tro-vra̠tame̠va-khalu̠ vai- chatu̍rvigmshatishcha) (a. 6)
deva̍ savita̠h pra su̍va ya̠jna-mpra su̍va ya̠jnapa̍ti̠-mbhagaa̍ya di̠vyo ga̍ndha̠rvah । ke̠ta̠pooh keta̍-nnah punaatu vaa̠chaspati̠-rvaacha̍ma̠dya sva̍daati nah ॥ indra̍sya̠ vajro̍-'si̠ vaartra̍ghna̠stvayaa̠-'yam vri̠tram va̍ddhyaat ॥ vaaja̍sya̠ nu pra̍sa̠ve maa̠tara̍-mma̠heemadi̍ti̠-nnaama̠ vacha̍saa karaamahe । yasyaa̍mi̠dam vishva̠-mbhuva̍na-maavi̠vesha̠ tasyaa̎-nno de̠va-ssa̍vi̠taa dharma̍ saavishat ॥ a̠- [a̠phsu, a̠ntara̠mrita̍ma̠phsu] 32
phsva̍ntara̠mrita̍ma̠phsu bhe̍sha̠jama̠paamu̠ta prasha̍sti̠shvashvaa̍ bhavatha vaajinah ॥ vaa̠yu-rvaa̎ tvaa̠ manu̍-rvaa tvaa gandha̠rvaa-ssa̠ptavigm̍shatih । te agre̠ ashva̍maayunja̠nte a̍sminja̠vamaa-'da̍dhuh ॥ apaa̎-nnapaadaashuhema̠n̠. ya oo̠rmih ka̠kudmaa̠-npratoo̎rti-rvaaja̠saata̍ma̠stenaa̠yam vaajagm̍ set ॥ vishno̠h kramo̍-'si̠ vishno̎h kraa̠ntama̍si̠ vishno̠-rvikraa̎mtamasya̠nkau nya̠nkaa va̠bhito̠ ratha̠m yau dhvaa̠ntam vaa̍taa̠gramanu̍ sa̠nchara̍ntau doo̠rehe̍ti-rindri̠yaavaa̎-npata̠tree te no̠-'gnaya̠h papra̍yah paarayantu ॥ 33 ॥ (a̠phsu-nya̠nkau-pancha̍dasha cha) (a. 7)
de̠vasyaa̠hagm sa̍vi̠tuh pra̍sa̠ve briha̠spati̍naa vaaja̠jitaa̠ vaaja̍-njesha-nde̠vasyaa̠hagm sa̍vi̠tuh pra̍sa̠ve briha̠spati̍naa vaaja̠jitaa̠ varshi̍shtha̠-nnaakagm̍ ruheya̠mindraa̍ya̠ vaacha̍m vada̠tendra̠m vaaja̍-njaapaya̠tendro̠ vaaja̍majayit ॥ ashvaa̍jani vaajini̠ vaaje̍shu vaajineeva̠tyashvaa̎m-thsa̠mathsu̍ vaajaya ॥ arvaa̍-'si̠ sapti̍rasi vaa̠jya̍si̠ vaaji̍no̠ vaaja̍-ndhaavata ma̠rutaa̎-mprasa̠ve ja̍yata̠ vi yoja̍naa mimeeddhva̠maddhva̍na-sskabhneeta̠ [skabhneeta, kaashthaa̎-ngachchhata̠] 34
kaashthaa̎-ngachchhata̠ vaaje̍vaaje-'vata vaajino no̠ dhane̍shu vipraa amritaa ritajnaah ॥ a̠sya maddhva̍h pibata maa̠daya̍ddhva-ntri̠ptaa yaa̍ta pa̠thibhi̍-rdeva̠yaanai̎h ॥ te no̠ arva̍nto havana̠shruto̠ hava̠m vishve̍ shrinvantu vaa̠jina̍h ॥ mi̠tadra̍va-ssahasra̠saa me̠dhasaa̍taa sani̠shyava̍h । ma̠ho ye ratnagm̍ sami̠theshu̍ jabhri̠re shanno̍ bhavantu vaa̠jino̠ have̍shu ॥de̠vataa̍taa mi̠tadra̍va-ssva̠rkaah । ja̠mbhaya̠nto-'hi̠m vrika̠gm̠ rakshaagm̍si̠ sane̎mya̠smadyu̍yava̠- [sane̎mya̠smadyu̍yavann, amee̍vaah ।] 35
-nnamee̍vaah ॥ e̠sha sya vaa̠jee kshi̍pa̠ni-ntu̍ranyati gree̠vaayaa̎-mba̠ddho a̍pika̠ksha aa̠sani̍ । kratu̍-ndadhi̠kraa anu̍ sa̠ntavee̎tva-tpa̠thaamankaa̠g̠syanvaa̠panee̍phanat ॥u̠ta smaa̎sya̠ drava̍ta-sturanya̠tah pa̠rna-nna ve-ranu̍ vaati praga̠rdhina̍h । shye̠nasye̍va̠ dhraja̍to anka̠sa-mpari̍ dadhi̠kraav.nna̍-ssa̠horjaa tari̍tratah ॥ aa maa̠ vaaja̍sya prasa̠vo ja̍gamyaa̠daa dyaavaa̍prithi̠vee vi̠shvasha̍mbhoo । aa maa̍ gantaa-mpi̠taraa̍ [gantaa-mpi̠taraa̎, maa̠taraa̠] 36
maa̠taraa̠ chaa-'' maa̠ somo̍ amrita̠tvaaya̍ gamyaat ॥ vaaji̍no vaajajito̠ vaajagm̍ sari̠shyanto̠ vaaja̍-nje̠shyanto̠ briha̠spate̎-rbhaa̠gamava̍ jighrata̠ vaaji̍no vaajajito̠ vaajagm̍ sasri̠vaagmso̠ vaaja̍-njigi̠vaagmso̠ briha̠spate̎-rbhaa̠ge ni mri̍dhvami̠yam va̠-ssaa sa̠tyaa sa̠ndhaa-'bhoo̠dyaamindre̍na sa̠madha̍ddhva̠-majee̍jipata vanaspataya̠ indra̠m vaaja̠m vi mu̍chyaddhvam ॥ 37 ॥ (ska̠bhnee̠ta̠-yu̠ya̠va̠n-pi̠taraa̠-dvicha̍tvaarigmshachcha) (a. 8)
ksha̠trasyolagg̍masi ksha̠trasya̠ yoni̍rasi̠ jaaya̠ ehi̠ suvo̠ rohaa̍va̠ rohaa̍va̠ hi suva̍ra̠ha-nnaa̍vu̠bhayo̠-ssuvo̍ rokshyaami̠ vaaja̍shcha prasa̠vashchaa̍pi̠jashcha̠ kratu̍shcha̠ suva̍shcha moo̠rdhaa cha̠ vyashnni̍yashchaa-''ntyaaya̠na shchaantya̍shcha bhauva̠nashcha̠ bhuva̍na̠shchaadhi̍patishcha । aayu̍-rya̠jnena̍ kalpataa-mpraa̠no ya̠jnena̍ kalpataamapaa̠no [kalpataamapaa̠nah, ya̠jnena̍ kalpataam] 38
ya̠jnena̍ kalpataam vyaa̠no ya̠jnena̍ kalpataa̠-nchakshu̍-rya̠jnena̍ kalpataa̠g̠ shrotra̍m ya̠jnena̍ kalpataa̠-mmano̍ ya̠jnena̍ kalpataa̠m vaag ya̠jnena̍ kalpataa-maa̠tmaa ya̠jnena̍ kalpataam ya̠jno ya̠jnena̍ kalpataa̠gm̠ suva̍-rde̠vaagm a̍ganmaa̠mritaa̍ abhooma pra̠jaapa̍teh pra̠jaa a̍bhooma̠ sama̠ha-mpra̠jayaa̠ sa-mmayaa̎ pra̠jaa sama̠hagm raa̠yasposhe̍na̠ sa-mmayaa̍ raa̠yasposho-'nnaa̍ya tvaa̠-'nnaadyaa̍ya tvaa̠ vaajaa̍ya tvaa vaajaji̠tyaayai̎ tvaa̠ 'mrita̍masi̠ pushti̍rasi pra̠jana̍namasi ॥ 39 ॥ (a̠paa̠no-vaajaa̍ya̠-nava̍ cha) (a. 9)
vaaja̍sye̠ma-mpra̍sa̠va-ssu̍shuve̠ agre̠ soma̠gm̠ raajaa̍na̠mosha̍dheeshva̠phsu । taa a̠smabhya̠-mmadhu̍matee-rbhavantu va̠yagm raa̠shtre jaa̎griyaama pu̠rohi̍taah । vaaja̍sye̠da-mpra̍sa̠va aa ba̍bhoove̠maa cha̠ vishvaa̠ bhuva̍naani sa̠rvata̍h । sa vi̠raaja̠-mparye̍ti prajaa̠na-npra̠jaa-mpushti̍m va̠rdhaya̍maano a̠sme । vaaja̍sye̠maa-mpra̍sa̠va-shshi̍shriye̠ diva̍mi̠maa cha̠ vishvaa̠ bhuva̍naani sa̠mraat । adi̍thsanta-ndaapayatu prajaa̠na-nra̠yim- [prajaa̠na-nra̠yim, cha̠ na̠-ssarva̍veeraa̠m] 40
-cha̍ na̠-ssarva̍veeraa̠-nni ya̍chchhatu ॥ agne̠ achchhaa̍ vade̠ha na̠h prati̍ na-ssu̠manaa̍ bhava । pra no̍ yachchha bhuvaspate dhana̠daa a̍si na̠stvam ॥ pra no̍ yachchhatvarya̠maa pra bhaga̠h pra briha̠spati̍h । pra de̠vaah prota soo̠nritaa̠ pra vaag de̠vee da̍daatu nah ॥ a̠rya̠mana̠-mbriha̠spati̠mindra̠-ndaanaa̍ya chodaya । vaacha̠m vishnu̠gm̠ sara̍svateegm savi̠taara̍m- [sara̍svateegm savi̠taara̎m, cha vaa̠jina̎m ।] 41
-cha vaa̠jina̎m ॥ soma̠gm̠ raajaa̍na̠m varu̍nama̠gni-ma̠nvaara̍bhaamahe । aa̠di̠tyaan vishnu̠gm̠ soorya̍-mbra̠hmaana̍-ncha̠ briha̠spati̎m ॥ de̠vasya̍ tvaa savi̠tuh pra̍sa̠ve̎-'shvino̎-rbaa̠hubhyaa̎-mpoo̠shno hastaa̎bhyaa̠gm̠ sara̍svatyai vaa̠cho ya̠ntu-rya̠ntrenaa̠gnestvaa̠ aamraa̎jyenaa̠bhishi̍nchaa̠meendra̍sya̠ briha̠spate̎stvaa̠ saamraa̎jyenaa̠bhishi̍nchaami ॥ 42 ॥ (ra̠yigm-sa̍vi̠taara̠gm̠-shattrigm̍shachcha) (a. 10)
a̠gnirekaa̎ksharena̠ vaacha̠muda̍jayada̠shvinau̠ dvya̍ksharena praanaapaa̠naavuda̍jayataa̠m vishnu̠styra̍ksharena̠ treen mlo̠kaanuda̍jaya̠-thsoma̠shchatu̍raksharena̠ chatu̍shpadah pa̠shoonuda̍jaya-tpoo̠shaa panchaa̎ksharena pa̠nktimuda̍jaya-ddhaa̠taa shada̍ksharena̠ shad-ri̠toonuda̍jaya-nma̠ruta̍-ssa̠ptaaksha̍rena sa̠ptapa̍daa̠gm̠ shakva̍ree̠muda̍jaya̠-nbriha̠spati̍-ra̠shtaaksha̍rena gaaya̠treemuda̍jaya-nmi̠tro navaa̎ksharena tri̠vrita̠gg̠ stoma̠muda̍jaya̠- [stoma̠muda̍jayat, varu̍no̠ dashaa̎ksharena] 43
-dvaru̍no̠ dashaa̎ksharena vi̠raaja̠-muda̍jaya̠dindra̠ ekaa̍dashaaksharena tri̠shtubha̠-muda̍jaya̠-dvishve̍ de̠vaa dvaada̍shaaksharena̠ jaga̍tee̠muda̍jaya̠n vasa̍va̠strayo̍ dashaaksharena trayoda̠shagg stoma̠muda̍jaya-nru̠draashchatu̍rdashaaksharena chaturda̠shagg stoma̠muda̍jayannaadi̠tyaah pancha̍dashaaksharena panchada̠shagg stoma̠muda̍jaya̠nnadi̍ti̠-shshoda̍shaaksharena shoda̠shagg stoma̠muda̍jaya-tpra̠jaapa̍ti-ssa̠ptada̍shaaksharena saptada̠shagg stoma̠muda̍jayat ॥ 44 ॥ (tri̠vrita̠gg̠ stoma̠muda̍jaya̠-thshatcha̍tvaarigmshachcha) (a. 11)
u̠pa̠yaa̠magri̍heeto-'si nri̠shada̍-ntvaa dru̠shada̍-mbhuvana̠sada̠mindraa̍ya̠ jushta̍-ngrihnaamye̠sha te̠ yoni̠rindraa̍ya tvopayaa̠magri̍heeto-'syaphsu̠shada̍-ntvaa ghrita̠sada̍m vyoma̠sada̠mindraa̍ya̠ jushta̍-ngrihnaamye̠sha te̠ yoni̠rindraa̍ya tvopayaa̠magri̍heeto-'si prithivi̠shada̍-ntvaa-'ntariksha̠sada̍-nnaaka̠sada̠mindraa̍ya̠ jushta̍-ngrihnaamye̠sha te̠ yoni̠rindraa̍ya tvaa ॥ ye grahaa̎h panchaja̠neenaa̠ yeshaa̎-nti̠srah pa̍rama̠jaah । daivya̠h kosha̠- [daivya̠h kosha̍h, samu̍bjitah ।] 45
-ssamu̍bjitah । teshaa̠m vishi̍priyaanaa̠-misha̠moorja̠gm̠ sama̍grabhee-me̠sha te̠ yoni̠rindraa̍ya tvaa ॥ a̠paagm rasa̠mudva̍yasa̠gm̠ soorya̍rashmigm sa̠maabhri̍tam । a̠paagm rasa̍sya̠ yo rasa̠stam vo̍ grihnaamyutta̠mame̠sha te̠ yoni̠rindraa̍ya tvaa ॥ a̠yaa vi̠shthaa ja̠naya̠n karva̍raani̠ sa hi ghrini̍ru̠ru-rvaraa̍ya gaa̠tuh । sa pratyudai̎-ddha̠runo maddhvo̠ agra̠gg̠ svaayaa̠m ya-tta̠nuvaa̎-nta̠noomaira̍yata । u̠pa̠yaa̠magri̍heeto-'si pra̠jaapa̍taye tvaa̠ jushta̍-ngrihnaamye̠sha te̠ yoni̍h pra̠jaapa̍taye tvaa ॥ 46 ॥ (kosha̍-sta̠nuvaa̠n-trayo̍dasha cha) (a. 12)
anvaha̠ maasaa̠ anvidvanaa̠nyanvosha̍dhee̠ranu̠ parva̍taasah । anvindra̠gm̠ roda̍see vaavashaa̠ne anvaapo̍ ajihata̠ jaaya̍maanam ॥ anu̍ te daayi ma̠ha i̍ndri̠yaaya̍ sa̠traa te̠ vishva̠manu̍ vritra̠hatye̎ । anu̍ ksha̠tramanu̠ saho̍ yaja̠trendra̍ de̠vebhi̠ranu̍ te nri̠shahye̎ ॥ i̠ndraa̠neemaa̠su naari̍shu su̠patnee̍-ma̠hama̍shravam । na hya̍syaa apa̠ra-ncha̠na ja̠rasaa̠ [ja̠rasaa̎, mara̍te̠ pati̍h ।] 47
mara̍te̠ pati̍h ॥ naahami̍ndraani raarana̠ sakhyu̍-rvri̠shaaka̍per-ri̠te । yasye̠damapyagm̍ ha̠vih pri̠ya-nde̠veshu̠ gachchha̍ti ॥yo jaa̠ta e̠va pra̍tha̠mo mana̍svaa-nde̠vo de̠vaan kratu̍naa pa̠ryabhoo̍shat । yasya̠ shushmaa̠droda̍see̠ abhya̍setaa-nnri̠nnasya̍ ma̠hnaa sa ja̍naasa̠ indra̍h ॥ aa te̍ ma̠ha i̍ndro̠tyu̍gra̠ sama̍nyavo̠ ya-thsa̠mara̍nta̠ senaa̎h । pataa̍ti di̠dyunnarya̍sya baahu̠vo-rmaa te̠ [baahu̠vo-rmaa te̎, mano̍] 48
mano̍ vishva̠driya̠g vi chaa̍reet ॥ maa no̍ mardhee̠raa bha̍raa da̠ddhi tanna̠h pra daa̠shushe̠ daata̍ve̠ bhoori̠ ya-tte̎ । navye̍ de̠shne sha̠ste a̠smi-nta̍ u̠kthe pra bra̍vaama va̠yami̍ndra stu̠vanta̍h ॥ aa too bha̍ra̠ maaki̍re̠ta-tpari̍ shthaa-dvi̠dmaa hi tvaa̠ vasu̍pati̠m vasoo̍naam । indra̠ ya-tte̠ maahi̍na̠-ndatra̠-mastya̠smabhya̠-ntaddha̍ryashva̠ [taddha̍ryashva, pra ya̍ndhi ।] 49
pra ya̍ndhi ॥ pra̠daa̠taaragm̍ havaamaha̠ indra̠maa ha̠vishaa̍ va̠yam । u̠bhaa hi hastaa̠ vasu̍naa pri̠nasvaa '' pra ya̍chchha̠ dakshi̍naa̠dota sa̠vyaat ॥ pra̠daa̠taa va̠jree vri̍sha̠bhastu̍raa̠shaatchhu̠shmee raajaa̍ vritra̠haa so̍ma̠paavaa̎ । a̠smin. ya̠jne ba̠r̠hishyaa ni̠shadyaathaa̍ bhava̠ yaja̍maanaaya̠ sham yoh ॥ indra̍-ssu̠traamaa̠ svavaa̠gm̠ avo̍bhi-ssumridee̠ko bha̍vatu vi̠shvave̍daah । baadha̍taa̠-ndvesho̠ abha̍ya-nkrinotu su̠veerya̍sya̠ [su̠veerya̍sya, pata̍ya-ssyaama ।] 50
pata̍ya-ssyaama ॥ tasya̍ va̠yagm su̍ma̠tau ya̠jniya̠syaapi̍ bha̠dre sau̍mana̠se syaa̍ma । sa su̠traamaa̠ svavaa̠gm̠ indro̍ a̠sme aa̠raachchi̠-ddvesha̍-ssanu̠ta-ryu̍yotu ॥ re̠vatee̎-rna-ssadha̠maada̠ indre̍ santu tu̠vivaa̍jaah । kshu̠manto̠ yaabhi̠-rmade̍ma ॥ proshva̍smai purora̠thamindraa̍ya shoo̠shama̍rchata । a̠bheeke̍ chidu loka̠kri-thsa̠nge sa̠mathsu̍ vritra̠haa । a̠smaaka̍-mbodhi chodi̠taa nabha̍ntaa-manya̠keshaa̎m । jyaa̠kaa adhi̠ dhanva̍su ॥ 51 ॥ (ja̠rasaa̠-maa te̍-haryashva-su̠veerya̠syaa-ddhye-ka̍-ncha ) (a. 13)
(paa̠ka̠ya̠jnagm-saggshra̍vaah-pa̠roksha̍m-ba̠r̠hisho̠-'ham -dhru̠vaa-maga̠nmetyaa̍ha̠ -deva̍ savita-rde̠vasyaa̠ham-ksha̠trasyolagg̠mvaaja̍sye̠ma-ma̠gnirekaa̎kshareno -payaa̠magri̍heeto̠-'-syanvaha̠ maasaa̠-strayo̍dasha ।)
(paa̠ka̠ya̠jnam-pa̠roksha̍m-dhru̠vaamvi sri̍jate-cha na̠-ssarva̍veeraa̠m - pata̍ya-ssyo̠-maika̍panchaa̠shat । )
(paa̠ka̠ya̠jnam, dhanva̍su)
॥ hari̍ om ॥
॥ krishna yajurvedeeya taittireeya samhitaayaa-mprathamakaande saptamah prashna-ssamaaptah ॥
1.7 - ಪಾಕಯಜ್ಞಂ ವಾ ಅನ್ವಾಹಿತಾಗ್ನೇ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ ಬಗ್ಗೆ
ಇದು ಕೃಷ್ಣಯಜುರ್ವೇದ ತೈತ್ತಿರೀಯ ಸಂಹಿತೆಯ ಮೊದಲ ಕಾಂಡದ ಏಳನೇ ಪ್ರಶ್ನ, ಯಾಜಮಾನ ಬ್ರಾಹ್ಮಣ; ಕರ್ಮಗಳಲ್ಲಿ ಯಜಮಾನನ ಪಾತ್ರವನ್ನು ವಿವರಿಸುತ್ತದೆ. ಪವಿತ್ರಾಗ್ನಿ ಸ್ಥಾಪಿಸಿದವನ ಸರಳ ಗೃಹ್ಯ ಆಹುತಿಗಳ (ಪಾಕಯಜ್ಞ) ಕುರಿತ ಹೇಳಿಕೆಯಿಂದ ಆರಂಭವಾಗಿ, ಯಜಮಾನನ ಮಂತ್ರ ಕರ್ಮಗಳ ಅರ್ಥವನ್ನು ವಿವರಿಸಿ ಯಾಜಮಾನಕಾಂಡದ ಬೋಧನೆಯನ್ನು ಪೂರ್ಣಗೊಳಿಸುತ್ತದೆ.
ಮೂಲ: ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೧.೭
ಯಾವಾಗ ಪಠಿಸಬೇಕು: ವೇದಪಠಣದಲ್ಲಿ ಮತ್ತು ತೈತ್ತಿರೀಯ ಸಂಹಿತೆಯ ಸಾಂಪ್ರದಾಯಿಕ ಅಧ್ಯಯನದಲ್ಲಿ.
ನಿಮಗೆ ಗೊತ್ತೇ?
- "ಪಾಕಯಜ್ಞ" ಮಹಾ ಶ್ರೌತಯಜ್ಞಗಳಿಗಿಂತ ಭಿನ್ನವಾಗಿ ಗೃಹ್ಯಾಗ್ನಿಯಲ್ಲಿ ಮಾಡುವ ಸರಳ ಬೇಯಿಸಿದ ಆಹುತಿ.
- ಯಾಜಮಾನ ಬ್ರಾಹ್ಮಣ ೧.೬ನೇ ಪ್ರಶ್ನದಲ್ಲಿ ಯಜಮಾನನಿಗೆ ನೀಡಿದ ಮಂತ್ರಗಳನ್ನು ವಿವರಿಸುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಪಾಕಯಜ್ಞ ಎಂದರೇನು?
ಗೃಹ್ಯಾಗ್ನಿಯಲ್ಲಿ ಸರಳ ಬೇಯಿಸಿದ ಆಹುತಿ.
ಈ ಪ್ರಶ್ನ ಏನನ್ನು ವಿವರಿಸುತ್ತದೆ?
ಕರ್ಮಗಳಲ್ಲಿ ಯಜಮಾನನ ಪಾತ್ರ.
ಇದು ಯಾವ ವೇದದಿಂದ?
ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೧.೭.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು